糖百府 (Closed)

靚太兵團中有一成員很喜歡吃甜, 所以每次吃完飯也會去吃甜品~今次就試試這間糖百府~應該是因為時間尚早, 所以店內並沒什麼人我們點了杏仁糊+豆腐花和糖不甩~杏仁豆花有很香的杏仁味, 豆腐花也頗滑, 不算太甜, 味道ok~糖不甩上的芝麻蓉很香很好吃:)不過或許就是沒有什麼客人, 所以沒有什麼冷氣....加上我們吃熱食, 全都吃到出汗了...…Read More

經常去葵芳，入晚了想買個外賣回家，落單時已經心知不妙，CANCEL又好似唔多好，最後真係貼錢買難受。中式糖水，10樣寫9樣無，咁好心你地就咪扮MENU多款啦，最後其實得幾款。外賣杯唔係大，20幾蚊中式糖水，重要係得個7成滿..... 品道一般最離譜就係點解可以有人一邊做野一邊食炸雞串燒? D員工係咁傾計玩~ 你玩可以將工作當是娛樂，但唔好將工作當作兒戲囉! 我消費者黎到比錢份量少、無服務、味道普通、收費高、地方DIRTY~ 唔使錢我都唔會再黎! …Read More

一心諗住食糖水，見到糖百府，以為爛船都有三斤釘啦，點知就中伏！一口氣叫左紅黑同黑白，五分鐘唔駛紅黑就到。一見個好稀嘅紅荳沙個心都沉一截，食埋落口，嗰種有一半凍一半熱嘅核突感覺，應該黎自慶返熱嘅雪櫃貨。黑白黎埋，終於令我的起心肝申請個open rice acc, 等大家唔好中伏。芝麻糊唔甜，個豆花直情食到奇怪味道。其實店員都有問返咩事，話左比店員知道有奇怪味道後，佢都肯換返齋芝麻糊，服務不錯。只係要小心中式糖水，因為真係唔算拿手貨。同埋我見人食冰都食得幾滋味，可能只係某部甜品唔好食吧！…Read More

在下趁得閒到葵芳行一陣，去完電器舖就突然想起去食個下午茶，原本想去A-1吃，但是它正在清潔，加上在下又不是真肚餓，於是行行吓便到糖百府吃個糖水和甜品。糖百府聽就聽得多，行經無數次，但始終沒有進入吃過，今次便順道入來試試。在下原本想試吓它的秋香，但是卻要試吓它的基本功如何，就先來一個中式糖水綠豆沙。原本在下對於這個糖水有點期望，可是當來到面前，卻一盤冷水倒落在在下頭上，這糖水看起來卻很稀:(，不是在下想像中的結稠稠，而當中的海帶也切得幼幼的，幾乎吃不到，而且在下食紅豆沙和綠豆沙，是吃到滿口是沙，才算是紅豆沙和綠豆沙，但是這裡吃不到。雖然話這是熱食糖水，但是在下覺得這是微暖的，不可以說是熱。:(吃過綠豆沙，在下心有不甘，縱使糖水達不到在下的要求和口中杯茶，依然想它的甜品也許未必那麼差，於是決定多吃一個朱古力秋香，看看這裡的甜品如何。當秋香一到，就發覺它的賣相便不吸引，好像就嚟塌下來似的。而在下看著餐牌上的照片，滿以為是雪糕加上香蕉，可是當這甜品放入口中，原來才知道是冰製的甜品，而且感到很鬆散。在這甜品的底部，有些是疑似蒟蒻的食物。這個甜品初時吃起來還有點酸酸的，也許因為在下吃到一些藍莓或紅莓之類的生果，才有這味道，但是之後卻沒有這種酸味。…Read More

25-5-2012(Fri)晚,同女友人LT ,WK食晚時時,男友打電話畀我,話今晚會o黎我屋企,我答佢我o衣o家o係街食o緊飯,叫佢自己買o野上去食,但我會買甜品畀佢.食完後,我就去搵甜品,WK陪我買,佢一開口就話去糖百府,係喎,呢個商場o既甜品多數都係西餅o個類,好耐冇食中式啦.行到去睇睇餐牌,好似冇咩o野好食,由於要拎走,冇可能食冰啦,揭揭吓,見到有$24.00o既合桃糊豆腐花,o岩要補腦o既我,就要一碗,然後為男友揀同樣$24.00o既杏仁糊豆腐花,就行去落單畀錢.但合桃糊賣晒,唯有改芝麻糊豆腐花,收銀收我$50.00,即係外賣碗又要收$1.00.等o左幾幾吓,兩碗熱豆腐花終於’整’好畀我,我同WK都分手各自返屋企去.返到屋企打開影相先,其實個碗已經唔深,佢重要係唔滿,份量都幾少.男友o黎到喇,佢食佢o既晚餐,我就先食杏仁糊豆腐花,杏仁味唔太出,豆腐花份量唔多亦唔太滑,亦食唔到豆味.食o左一半留畀男友,然後食芝麻糊豆腐花,芝麻味就濃啲,但呢碗o既豆腐花就更加少,太離譜喇!同樣食o左一半就畀埋男友食.…Read More

一黎真係好激氣同好嬲!!!!本來同個fd開開心心諗住食個靚糖水點知呢間野完全唔掂!!!!我叫左個芒果黑珍珠我fd叫左個芝麻糊豆腐花我碗芒果黑珍珠同出面d但有截然不同o既感覺佢d黑珍珠唔係"林"o既而係索索聲o既然後有d瓜子味無錯係瓜子未我叫我個fd試過佢都係咁話然後佢d芒果又勁酸成碗野完全無芒果黑珍珠o既味!!!!真係激死我同埋d店員好hae招呼唔周到...真係需要改善!!!!!最後呢間野係想點個樣無個樣o既本身諗住食糖不甩同焦糖燉蛋點知無曬個時先5點幾試問佢要點樣先可以捱到夜晚呢？我覺得你招牌o既甜品就應該keep住有得出有得sell否則只會幫自己趕生意本來開開心心食糖水但最後搞到谷鬼氣咁走…Read More

唔係第一次食糖百府.. 但呢一間真係好差...1. 服務差 and 混亂 - waiter/waitress 們唔知係咪冇mark table no 落單, 每拎一種糖品出o黎都要續張搵- 坐低佐好耐都唔拎menu 同未台, 再尾係我地自己去人地度拎menu - 我地order 芒果豆腐花, waitress 好託異, 當時我地睇緊果一頁係楊枝金露, 佢話冇芒果豆腐花, 我話有, 你地menu 上面的, 揭俾佢睇, 之後仲串返我地" 哦, 香芒豆腐花呀!" 2. 食物差- 鄰座一o黎已經complain 芝麻糊唔熱- 我地食的豆腐花比百福更差- 芒果是醱的- 楊枝金露唔甜的... (糖水唔應該係甜的嗎)…Read More

新都會間滿記竟然執左, 換黎的是新開的【糖百府】糖百府是以雪花冰出名而起家的, 所以它的雪花冰味道有很多款呢..佢既【石榴秋香雪花冰】真係幾好味..唔會太甜, 仲有D魔豆珠珠食落好過癮~~見媽咪鍾意食石榴, 所以帶佢黎試下..夏天食真係透心涼 而我就叫左【心太軟配雲呢拿雪糕】~~因為即整的關係, 需要等約15分鐘~~雖然唔知呢間既心太軟好唔好味, 但望住佢地就覺得個畫面好靚~~忍唔住影多幾張相~~而味道方面, 我就覺得朱古力槳唔夠澎湃, 食落甜左少少, 不過都唔錯,再加上外皮熱+脆脆的~!!!真的是一種享受, 不過要食晒一個心太軟真的挺困難..幸好有雲呢拿雪糕中和一下, 不過最終都係要買返枝綠茶幫助消化一下 P.S. 最近再去新都會間糖百府食糖水, 唔知點解D水準差左好多, 入面D後生仔唔似返工咁, 客人得2~3枱都頻頻落錯單...叫左個芒果西米露, D西米竟然可以一舊舊咁, 咁都比得客人食..仲要收成$25,都唔知有冇搞錯..應該冇下次了****個笑面係比新開將時的糖百府的****…Read More

耐冇去食甜品~尤其掛念心太軟的味道~剛巧行街見到有糖水店~唔洗等位~就行左入去食喇!我地叫左一個牛奶秋香~一個心太軟~個樣真係幾令~不過一睇就知點COOK~以為會好好味~好期待~點知....冇咩牛奶味....也不多甜~呢度個心太軟就幾好味喇!!!不過....D雪糕就太甜....正常係應該用冇咁甜的雪糕配架嘛....搞到有D"LOU".....吃不下別的東西...…Read More

食完個頗難食既下午茶後,就去食糖水,未食過呢間,於是入去試下啦餐廳環境麻麻,座椅比較亂,服務員服務亦有待改進,而且比較嘈雜二人叫咗個熱杏仁糊,熱芝麻糊熱杏仁糊>>來到時聞到好香,好杰,但食落酸口,唔好食!!!!熱芝麻糊>>味道ok,都算香芝麻味,同樣都係好杰,這個還可以…Read More

今天在新都會廣場吃晚餐後，我記得我曾在Openrice知道有一間"糖百府"，在旺角那分店，常擠滿人，令我未能試吃...今次一定要試試吃!!!這間分店是以開放式作為賣點，有點奇怪，通常甜品店都有門的，但它是沒有算吧，我只是想試它的甜點，所以對於它的門面也不多理會晚上約7時30分，客人不多，所以不用等位但是，那座位不太好，又細又沒有承托力:(先看看餐牌...6分鐘後...西瓜水晶牛奶冰 - 首先:(賣相已經遜色，白色的牛奶冰，表面有一些不像西汁醬汁的西瓜醬汁。那時我想，那些水晶珠在哪裡???我傻呆呆地問一名員工，她便說，它們都係碗底上，那些西瓜粒也是..我真想不到...為何不放在綿綿冰上，外觀也會較美，貨不對辦。味道方面，牛奶冰有濃郁的牛奶味，但我覺得這只是牛奶雪糕:(因為它是沒有冰的感覺。西瓜醬汁，顏色較深:(淡而無味。水晶珠，已經煮得很久，令它們都變得很腍，沒有POP一聲的感覺:(也沒有口感。西瓜粒沒有甜味，只有水份...:(2分鐘後... …Read More

外賣冰糖燉蛋畫蛇添足加半粒士多啤梨响面仲要係爛嘅唔當外賣係客?!燉蛋都算幾滑幾creamy雪耳燉鴨梨鴨梨味道一般, 雪耳爽口,糖水味道稍微甜左啲桌椅擺位有啲亂我會俾多一次機會佢, 再唔得就係咁先…Read More

早年的夏天,人們甘願在悶熱的天氣底下在各分店門外大排長龍為求吃一份刨冰.當然各甜品店也踴躍跟風開至成行成市,現在街頭巷尾已被乳酪店取代了.芒果秋香----沒有了其它分店般像吃車仔麵般的剔格仔有多款配料選擇,這樣的改動是進步還是退化?芒果的味道像比之前所吃過的淡了,不太喜歡士多啤梨糖槳的超甜藥水味道.冰花刨得接近粉狀,是其它店鋪模仿不來的.香港人不會像台灣般對單一的食品著迷(台北的冰館開業多年依然晚晚爆滿).吃過多款刨冰以外的其它甜品,老實說質素只屬一般.要留住客人看來要多想想辦法.…Read More

前陣還在裝修，這天路過已開業。喜見有法式焦糖燉蛋(creme brule)。下層的燉蛋極之香、滑，蛋香奶香，兩者皆濃。上面一層焦糖全面均勻覆蓋，相比之下，在其他地方吃到的總如地球暖化下的極地浮冰，不完整的這邊一小塊那邊一小塊。焦糖再做得薄一些會更好，現在的略嫌厚、硬。最表面的糖霜及半粒士多啤梨，錦上添花。…Read More

同男友睇完戲想食甜品，發覺以前滿記變左糖百府，於是入去試吓。嗰度都幾多人等位，不過都唔算太誇，等左10分鐘度坐低。我哋點左個心太軟，一個芒果牛奶冰兩份食。自己比較少食凍甜品，大部份冰都係男友食，不過D芒果幾新鮮同好香，同D冰都好夾，整體上夠滑，我都幾欣賞。個心太軟自己就覺得好好食，濃郁嘅朱古力味但又唔太甜，比好多甜品屋都做得出色。但係呢個可能要焗，等左十幾分鐘先得，不過絕對值得。…Read More