Tongpakfu (Closed)

一年之计在于春，一日之计在于晨。開工之前能嗜个好味醒神早餐，整天都會充满幹勁。香港科学園是香港科技創新中心，环境優美，應該深明此道，“三軍未動，粮草先行”。理應在挑选食肆需要達到一定水平，况且租金應有優惠。今晨開會前先来个早餐，在沒有太多選擇下只好点了个五香肉丁米粉+咖啡。一睇就吾開胃。完全沒有一點煮過嘅感覺。湯底冇味，淋上五香肉丁就交差，如果你系一个用心和有点良心厨師，你願意煮依啲食物给客人吃吗？开完會後中午到另一家在科学园的餐厅吃午饭，質量一様差劲！我建议科学园管理層需要正视这个问题。…Read More

早幾日一家大細去咗沙田踩單車， 經過科學園， 入左去食lunch。 由於食飽仲要踩單車入大埔 ，所以我哋casual地搵間food court食就算。科學園有幾間 food court。 睇晒餐牌 ，呢間最多嘢啱大家食， 我哋叫咗幾樣嘢share。炸豬扒蕃茄湯烏冬~ 炸豬扒都幾好食，扒面幾脆、幾香, 裡面都幾juicy。星洲炒米~ 幾香咖哩粉味，唔會炒得好肥膩，都幾好食。咖哩牛腩飯~ 咖哩汁一般啦，不過份量都幾多，牛腩唔靭。熱奶茶~ 香、濃、滑，唔錯。店員服務態度親切有禮。p.s.太肚餓，食到一半先記得影相分享…Read More

今日諗住黎食個下午茶，企係門口等落單，等左成5分鐘都無人，期間有職員行過都係同你講句「等下」。好不容易等到人同我落單，叫左個焗肉醬意粉，點知成個意粉都係水，好似湯粉甘。個意粉仲要唔熱，只係暖既，差到無論，無下次…Read More

琴日踩單車經過科學園，消耗咗咁多卡路里，三點三梗係要整番個下午茶補充番啲啦。見到糖百府有撈丁系列，畀佢吸引咗入去，原來下午茶仲有我至愛嘅薯條同洋蔥圈拼沙律作為炸物人嘅我諗都冇諗即刻落order！成碟炸物賣相ok喎，一啲都唔油，炸薯條好好味，感覺好似用新鮮薯仔炸洋蔥圈也是用新鮮洋蔥做，啲炸粉一啲都唔厚，正！再食一啖沙律，簡直忍唔住叫咗出嚟兒時的味道呀！真係好好味！唔洗十分鐘我已經食晒成碟炸物，再飲啖冰凍可樂，簡直light up咗我呢個星期日！可惜食完已經再食唔落原本想食嘅撈丁，唯有等下次啦！…Read More

連續兩個星期天又打風又落雨，難得終於遇上好天氣，一家大小決定起動到科學園走走，呼吸一下新鮮空氣已有一段日子沒有來過這裡，原來已開了頗多食肆。到著時剛好中午時份，便打算吃飽飽再和兩隻小豬踩單車。原來星期天都有頗多食店唔開，剛好看到糖百府，印象中好像數年前此店也是頗受歡迎的糖水鋪，原來已進駐科學園初時以為只賣甜品，但原來這間是提供正餐，於是便決定試試。兩大兩小叫咗咖哩飯、春卷檬粉、雞扒肉臊飯、瑞士雞翼，連飲品只係幾十蚊一個餐都幾抵食老公要的咖哩夠香而且辣到適中送飯剛好春卷也炸得香脆，最難得的是兩隻小魔怪居然將整碗肉臊飯KO了瑞士雞翼也做得很好，雞翼不是煮到爛爛的那種，肉質還非常結實結果大人細路搶食，要encore多一碟才可以平息抖紛離開時，聽到收銀姐姐跟別人説三時左右會提供下午茶，下次可以試試…Read More

第一次黎科學園搵食，好多網民都話依間好味，就一探究竟！雞扒肉燥飯超吸引，滿滿肉燥，煎香既雞扒都幾大塊，仲有椰菜、紅羅香，重點有半粒蛋，超開心，仲要只係五十幾蚊，超值價錢再加杯青檸梳打，簡直係超級透心涼，梳打分開上，飲品雖然要加錢但真係超抵豬頸肉薯餅撈檬：豬頸肉好爽口，薯餅要熱食，唔似平時麥記既，依個無咩味，但好多椰菜滿滿放係面，汁、青檸、辣椒出面bar台任拎熱檸水糖自己加，望住出面鳥語花香，這個下午真係嘆…Read More

難得週日有空閒，踩單車踩入科學園，踩到4點幾有少少餓，唸住入去食個TEA點知好多間都話，4點鐘已完下午茶時段，做晚市甚至有些已是關門了揀來揀去，就見到糖百府，看到餐牌有tea set，種類及價錢也不錯最重要係未收舖，可坐到5點幾添餐廳是快餐店形式經營，先買票後取餐由於我太肚餓的關係，想食一碗粉原打算點豬頸肉撈檬，怎料已沽清於是改點豬頸肉湯檬 配 越式春卷，加奶茶湯檬粉湯底味濃郁，所以配檬粉，豬頸肉不像平常食到的那種 原塊豬頸肉烤香後切面，是每塊放入炸爐炸熟/煎熟的感覺，入口頗油膩越式春卷也是，不脆身，應是炸好後放置在熱爐保溫，導致油份索回至春卷內部越式春卷餡料是木耳絲、檬粉、甘荀粒等本身打算蘸少少魚露+香葉+辣椒，平衡一下怎知，魚露極鹹如果有撈檬汁就好了~~我彷彿是食了一堆油朋友點了 雞翼拼薯角  及  春卷拼薯條雞翼看來炸得頗燶，不過味道不錯 薯角及薯條都已腍身了不過沒辦法，只能說科學園的下午茶時光特別短，差不多是收舖時間，不能要求更多…Read More

已在科學園工作一個月，從未幫襯此店。是日，剛巧經過，發現原來有不少越南菜式，便決定試一試。我叫了生牛肉河及柚子沙律大蝦，同事叫了燒雞扒飯。生牛肉河賣相不錯，便立即喝一口清湯，咦，有驚喜喎～ 試得出這個湯也下過功夫，再嚐一口河粉，也讚，本以為小店又不是正宗越南餐廳，必定用上一般河粉，但此店竟真的用上真正的越南河粉，我認為確是盛意之作。柚子沙律很清新，大蝦也很爽口的。至於同事的燒雞扒，吃了一件，不錯，雞扒仍保留著肉汁，很惹味，送飯一流。經此一試，決定將糖百府列入考慮名單，夏天到來，餐廳提供越式食品也著實是明智之舉，下次會試一試檬粉及咖哩。…Read More

本身諗任食第二間，點知冇開。咁岩見到呢間糖百府，諗住試新野，點知就奶野！叫左三個餐:1）蕃茄炆牛腩配白飯，啲飯散修修又少又凍又硬、牛腩得兩舊又靭又難咬、蕃茄汁又冇味，似罐頭羅宋湯咁，啲配菜仲有醶水味，差！2) 烤豬頸肉配蕃茄濃湯烏冬，烏冬又係硬既，豬頸肉都係咬唔到，係叫做有啲蕃茄味，差！3）特色薯餅撈檬，薯餅好粉，粉到痴脷架！啲檬粉一舊舊，好硬，差！重點之重，杯熱檸水，係我平生飲過最難飲架！！啲檸檬苦到hihi ，飲左一啖，苦到我唔再飲！我想講，永遠冇下一次！伏已中！…Read More