17
3
6
Opening Hours
Today
09:00 - 15:30
18:00 - 23:00
Mon - Sun
09:00 - 15:30
18:00 - 23:00
Above information is for reference only. Please check details with the restaurant.
第一次寫食評，因為已經俾咗好多次機會佢，愈來愈過份，不得不說之而後快！呢間酒樓全無管理，對客服務態度惡劣。1）帶位及侍應只會對熟客有基本禮貌，生客就算輪到有位都要預咗受氣，除非你order 鮑魚參翅肚。2）門口排隊攞飛，帶位可以公然俾熟客插隊，有啲熟客又會直接入酒樓內等位，生客們只有無了期的等！3）想向佢哋管理層投訴？收銀員話唔知經理響邊度，侍應話帶位係店長！一班人公然扯貓尾！其實佢不如做私人會所，唔好做生客生意啦！總之一句：唔會再俾錢佢賺！
continue reading
嘢好唔好食係另一個問題，但靜係等位攞枱都已經一肚氣🤬開始搵位時已經知道前面有十張枱要等，本來就冇乜期望，不過因為啱啱見到一堆人埋單走人，即管就等下佢，突然前面派枱好快就剩兩張到我，當然開始有期待⋯⋯惡夢由此開始！哩差兩張枱到我哋就害我等咗一個鐘頭，之間不斷有熟客打尖（當然都係話有訂枱，但都唔應該咁樣處理掛）真係火都嚟埋🤬講到食物方面，價錢唔算便宜（亦唔算太貴）所以性價比唔高（可能係因為星期日，冇特價）真心咁講，我如果唔係差兩張枱到我我肯定唔會等一個鐘頭，哩間亦唔值得我等一個鐘頭😂我估計唔會有下次囉
continue reading
今日去飲下午茶。等咗一陣就入得有位坐。坐低後發現張枱較高，想換枱。當時見到附近有一張枱已經清理好，咁就同個女待應講話想轉枱。佢話前台嘅人已經安排好坐位，會有其他人坐。咁我只係同佢講左一句：「我哋轉枱你都可以free咗呢張枱俾其他人。」個女待應即刻話：「我唔想嗌交，你同前枱講」我真係黑人問號⋯⋯之後，我無再叫佢。留意吓佢哋班待應，全部對熟客就有講有笑，對住生客就木口木面。咁我又真係無俾利是佢哋。雖然食物都okay, 但咁嘅服務態度，我諗我唔會再去啦。費時食到成肚氣。同埋價錢都唔平，俾多少少起碼坐得舒服又唔會俾人duk.😡
continue reading
屋企人一直都想試糖心軒，因為平時都多人而具價錢較貴，所以係奧運打滾咗幾年都無食過。今日趁平日放假，佢又有特價下午茶大中小點$26，就同二老去試下。雖然佢點心既選擇都算多，又另外有張下午茶點心紙，但係屬於大中小點既就唔多，好多都係廚點同特點。咁知慳惜憸既我哋就盡量係有限既大中小點入面揀咗8樣，連埋3位茶加一埋單$284。整體黎講d點心都係有返咁上下質素既，我特別鐘意個小籠包，皮夠薄肉汁份量適中，因為一般酒樓做小籠包都麻麻，所以佢呢個都做得唔錯。唯一覺得差既就係牛柏葉，真係好韌，咬唔到。
continue reading
一向喜歡一盅兩件，尤其是下午茶時段有優惠，所以每星期都會去飲茶一兩次的。這間位於奧海城商場的中式餐廳，面積不是很大，但佈置簡潔，光線充足，感覺舒服。店是以魚翅鮑魚為主打，但點心也很出色。每次來都會要一壺人參烏龍茶，這款茶飲後有點回甘的口感，我非常喜愛的。我們點了-鮮蝦餃皇 皮薄,蝦肉爽口，大大隻-鮮蝦豆苗餃 滿滿的豆苗，加埋蝦肉，非常清爽-原隻灌湯餃 湯汁清甜，有蝦，花膠和瑤柱等-南翔小籠包 皮薄，餡多汁多-懷舊芝麻卷
continue reading