粵萊軒

Open Now

Now Closed

今星期天早上，打算到深水埗逛街前飲下茶，走到醫局街附近，有這間平民價酒樓，9點已好多人等位，做街坊生意。:-) 10點前入單做緊特價茶點，心想平價點心的質素應該一般，但上菜品嘗後發覺沒有想像中差，本人覺有些淡味，但點心的味道很好，而且即叫即煮，點心熱騰騰的。店內送菜員招待友善快速，態度良好，環境亦坐得舒適，冷氣大，唯坐位有限，有時候多人需要等位，不過街坊會打電話預約，就不用等待。整體門面，設施，食物不差，值得一試幫襯呀！

睇左YOUTUBER介紹好似幾好，所以早幾日訂位，尋晚去試下呢間粵菜酒家，訂左7:30PM，七點零到，佢話未有枱要等陣，之後陸續有WALKIN客但佢話要等成個鐘，好多都冇等走人，我地等左15分鐘入得去，地方唔大，枱之間距離較近，我地叫左蝦仁炒蛋、咕嚕肉、上湯浸雞、小炒王、啫啫芥蘭同瑤柱蛋白炒飯。等左大約15分鐘黎咕嚕肉，肉細細粒、味道唔錯，碟頭算大，之後上既係蝦仁炒蛋，距離上咕嚕肉後15分鐘到、蝦仁爽口，蛋亦炒得滑。之後又等15分鐘到小炒王，幾夠鑊氣唔錯，再等10分鐘到芥蘭煲，之後佢話冇上湯雞改左炸子雞，又再等左20分鐘先上雞，雞皮脆肉嫩，唔錯，再之後又等左15分鐘黎埋炒飯。成餐飯就係等上菜，佢唔係成枱菜一次上，係枱枱上D咁，變左先黎既菜凍晒都未有新上菜，埋單時我同佢反影，佢無奈話廚房細，出菜會慢D，我話廚房能力有限就唔好開咁多枱，招呼太多客廚房做唔切D客都走啦，食物同招呼冇問題既，係上菜太慢要改善。全晚等到眼訓所以冇影相！

屋企附近新開左間餐廳，今日去試咗，餐廳裝修好靚，有酒店中菜廳裝修嘅感覺，深水埗比較少見，之前見到早茶好似好抵咁，但未試過。今次試咗個下午茶先，好好味！分量好大，個脆麵好脆好好味，椒鹽魷魚鬚有水準，好好味又有鑊氣又唔油，拍得住大排檔！值得推介！

有個住深水埗嘅朋友介紹我嚟，話舖頭係新開嘅，食粵菜。咁新年都想同屋企人提早食團飯，所以就食午市試下，因為6點冇得堂食。入到去啲員工都好親切咁招呼我哋，侍應會不斷幫我哋加茶水，環境乾淨，裝修都唔錯，可以嚟打下卡吖食物都唔係用味精食完都唔會話好頸渴 ，味道啱啱好。我覺得炒麵炒出嚟好香口，因為自己本身好鍾意食炒麵好值得試吓吖!!!!!!呢個價錢就食好好味嘅嘢下次就嚟試吓其他嘢