粵菜館

Open Now

Now Closed

下半晝放假，跟住同兩老去飲下午茶。之前試過兩次晚餐都幾有水準。老爸飲茶鍾意食煎炸嘢，今次等佢盡興吓喪叫炸物。椒鹽鴨脷，份量相當多又夠味，外脆內亂超Juicy。由於都好怕佢呢啲望落去好似好厚粉嘅炸花，但係呢個食落去，個炸粉就好似一層衣咁薄，估佢唔到裏便啲魷魚中保持得嫩口。炸雲吞都相當足料，裏便有兩三嚿大蝦肉。韭菜餃都好食，但係就係過火咗少少。另外初乳牛肉雖然合拾炒，但係啲河粉唔會疊埋一齊。另外嗰個奶黃留心紫薯球，估佢唔到好似甜嘅鹹水角咁相當煙靭超流心，覺得最好食係呢個。其他Ching店都表現不錯，尤其試過糯米雞裏便唔係剩係得啲醬，真係有肉有蝦米有蛋黃又瑤柱。唯一係枱與枱之間比較逼夾，其他還好的！

換完雪櫃懶得行，夜晚同兩老食飯。估唔到20:00有好多嘢都售罄咗，唔知係咪屋村酒樓預啲料唔多。不過都算叫到幾個餸食。先是去個欖角骨，唔係淨係得粉真係有肉食。另外比較突出係個紫薯，好似浸過檸檬汁有少少檸檬嘅酸味，食落去就可以中和到d肉㗎油膩感。啲乳鴿賣晒，咁就索性叫咗半隻走地沙薑雞食，估唔到啲醬料係真沙薑，同埋隻雞唔會死喊，真係食到有雞味。扇貝都好大粒又鮮甜，個價錢自己可以搞掂埋都未必整到，比較失望少少就係粉絲趕得滯，如果濕番少少就更加完美。

屋企人終於可以出院，返屋企之前簡單食個晚飯，知道附近開咗間中菜館，就食埋先返屋企。屋企人唔係好開胃，但係都隨便叫幾個餸，食唔晒留返大飯都可以。煎牛餅，唔會肥淋淋，裡面有蓮藕粒同埋都幾厚身。個粉試吓煲都幾好味，留咗啲第日帶飯食，更加入味。另外啲蝦有大有細，冇陰功成家一鑊熟。乳鴿BB夾，望落去好似過火咗少少，但係食落又OK都幾嫩又有汁，只係因為BB鴿冇乜肉，不過都可以接受。另外個小炒王都幾有誠意，誠意在於啲腰果有爆過唔係淋嘅，同埋啲蝦乾亦都好惹味。最後個桂花糕都好清甜唔會落得太多糖死甜嗰隻，水準嚟講比起啲大酒樓好得多，都可以encore。