Congee and Noodle Shop by Lubuds

無人斟茶，要自己走到櫃枱自助斟茶，浪費時間又欠缺服務質素。收銀位置的男職員拒絕幫忙追查漏單，只說「遲啲再幫你」，結果根本無回應到訴求，無人跟進。點餐系統經常當機，今天等了足足十五分鐘才終於下到單，效率極差。叉燒飯更是冷冰冰，而且肉質乾硬，味道一般，根本唔值嗰價錢。等餐時間超過三十分鐘，餐點送過來後品質低劣，令人失望透頂。多次反映問題，店員也只是敷衍應付，服務態度冷漠無禮。強烈建議管理層檢討營運流程，提升點餐設備穩定性，加強員工培訓，尊重顧客時間與感受，否則很難吸引回頭客。…Read More

服務勁差侍應態度勁差食物質表大不如前 唔會再黎入門口無人理我哋漏單無人理加水加茶就咁遞個水壺仲要唔閂蓋蒸雞飯水準大不如前雞色飯唔好食但價錢又貴左全程都要追感覺十分差唔會再幫襯…Read More

🍴鯇魚片鯪魚球粥 $68加$6有雙拼，魚片幾滑，冇乜骨，鯪魚球有4粒都算札實，唔鹹，個粥比較淡，正常的！🍴蜜汁豚肉叉燒包 $48叉燒包睇落好靚，一夾起就散，個包好鬆軟，但太腍夾唔起！叉燒有咬口，甜甜哋，味道ok但個包太腍係咪事？推薦指數: 6/10正常粥麵，唔明點解米芝連推薦？😂…Read More

粥麵館主打粥麵，連續多年榮獲米芝蓮為推薦食肆😍，証明食物品質有保證🥰。之所以多年來保持水準，係因為一直選用優質食材，令出品呈現出原味道，先做到樣樣佳品👍。餐廳不僅提供招牌靚粥及粉麵，更有多款美食選擇，如燒味、煲仔飯、點心和小食等。脆皮燒腩仔飯 $88可以自由選擇斬大件或者細件，讚👍。燒腩仔皮十分鬆脆，肉質軟腍多汁，肉味鮮香，配搭熱辣辣🔥又軟熟的泰國香米，再加上自家製醬油汁，原汁原味，簡單又好食😋。鮮蝦雲吞撈麵 $68 蝦籽 +$16鮮蝦雲吞一口粒，蝦肉🦐緊緻彈牙，蝦味鮮甜，湯底味道鮮香帶陣陣大地魚香氣🥰。幼身竹昇麵🍜口感爽滑彈牙，蝦籽份量勁多，撈混一齊食，口感豐富，味道香濃鮮味，食完勁滿足🤤。蜜汁豚肉叉燒包 $48包皮非常軟熟，叉燒餡料7️⃣分瘦3️⃣分肥，加上香甜微鹹嘅蜜汁，令豬肉香味較突出，又係另一番滋味😋。古法馬拉糕 $48馬拉糕十分鬆軟，味道清甜帶陣陣黑糖香味，好值得一試😍。…Read More

之前試過都唔錯，但今日 encore 剛剛食完，叫了淨雲吞同埋一碗牛肉丸粥，牛肉丸是好吃的，但粥底好重味精或盬，食完之後快快要在一間連鎖店飲杯㗎啡解咸。不過淨雲吞是中上水準，沒有失望，想食粥的話，要戒盬或高血壓的朋友就要提防一點了…Read More

呢間餐廳嚟過兩次，喺因為第一次食唔到，但係見到隔離枱食，終於第二次再嚟，為咗要食到佢，最重要第一，佢夠熱，第二睇住隻蛋熟嘅過程都幾特別，第三份量夠多食得完都唔使再加其他點心，講到份量同區大型商場入面冰場旁邊一個 food court 有間點心又係巨型嘅，蝦餃拳頭咁大，講返呢間連鎖店式點心餐廳，雖然我今次只有一款食物，不過總算係我一個人出去食飯嘅真實體驗和推介，至於位置鰂魚涌站有點距離，至於其他服務等方面中規中矩。…Read More

今天叫了豬雜米和水餃牛丸粗麵, 豬雜非常爽冧滑完全冇騷味, 無論係豬心、豬腰、豬肚、豬潤和粉腸, 湯底清香非常好食！水餃好大隻新鮮爽口, 牛丸肉質香濃爽滑！黑魚子豚肉北菇燒賣即叫即蒸, 好新鮮, 肉質和蝦都好爽滑好味不會好油不過咸沒有肥豬肉好好味, 一人食兩粒都唔夠服務非常好！一定會再來！…Read More

今日豪點，開開眼界，食了個$98牛腩撈+$8雙拼，結賬再加一的午餐。結論好不好食？答案是好的！麵不錯，撈麵麵質爽口，無重鹼水味，這是放夠時間才有的結果。平時食撈麵，我愛一部份純撈麵，一部份放湯中做湯麵。麵放落湯後就會淋身少少，這又是一番滋味。牛腩似是新鮮牛，沒有死實。味道夠，牛腩也夠淋身。看顔色同味道，可以看出廚師在選用醬料及處理手法上是用了心機，他真的有想過點做才是好。這樣一碟牛腩撈，食得到背後的用心，這$98我覺得值得俾的。雙拼$8要了水餃，水餃不大，只有2粒。雲吞皮是偏厚實，水餃食落去是實在，不花巧，感覺不錯，感覺太少，但我只加了$8，我還想點？只是人窮志短，這樣的午餐不發常常食這處還有「真」窩蛋牛肉煲仔飯，看餐紙上牛肉飯是打生雞蛋！這個我下次試…Read More

「粥麵館」，一間隱藏在港島東的老字號，多年來不斷獲得米芝蓮必比登推介的餐廳。當中的靈魂人物「一代粥王」景叔，出身上環傳奇粥店何生記，煮粥接近五十年，今年曾傳出打算退休結業的消息，當時更引起了媒體關注。．聞說粥麵館月初原址重新開業，為食的本貓自然要來再探究竟。餐廳在重開後煥然一新，牆上掛著書法毛筆與畫作，沾上一股文藝氣息。優雅恬靜的氛圍中，播放著廣東懷舊老歌，讓人懷念起舊香港時光。至於餐點選擇更是豐富多樣，除了招牌粥品，還有港式點心、燒味和小食甜品等。味道仍保持穩定水準，主因當然是景叔仍繼續掌廚，守住粥麵館的地道風味。．❇︎ 鯇魚腩粥 | $𝟔𝟖鯇魚腩粥粥底綿密鮮甜，魚肉新鮮且厚身足料；特別喜歡蘸點特製的薑蔥醬油，讓鮮味更上一層樓。．❇︎ 炸油條 | $𝟏𝟓吃粥必不可少的香脆油炸鬼，是簡單又地道的港式風味；可選擇原條或切件上桌，頗貼心。．❇︎ 淨上湯鮮蝦雲吞牛筋（雙併） | $𝟏𝟎𝟔份量十足，五隻拖尾雲吞內是滿滿的蝦肉，爽口鮮美。牛筋炆得非常軟腍，入口即化，漿口的骨膠原感覺充斥口腔，太美味了！湯頭帶著大地魚及南乳香氣，也不錯呢。．❇︎ 蜆蚧鯪魚餅 | $𝟕𝟖餐廳的招牌之一，香口彈牙，相當有魚味，蘸上鹹鮮的蜆蚧，正宗。．❇︎茶位 | $𝟖多款茶可選，鐵觀音頗為清香。在舒適空間中嘆一口熱茶，嚐一口熱粥，著實是簡單的快樂。…Read More

見到價錢比起舊舖已經貴咗好多，而且已經無咗米芝蓮，入到去先發現要比每位$8茶錢，仲要加一！叫一個炸醬麵已經要$69，又食唔飽。雖然佢唔係難食，但真係對唔住佢價錢！…Read More