Cantonese Love Spicy (Closed)

屯門站📍粵辣。粵愛-井財街原來都幾多野食，串燒、糖水、越南野、拉麵等等都有，今次試咗呢間粵菜。大盤筲箕魚（$288）筲箕魚一上枱已經嚇親，一黎份量多，二黎好豐富。面頭鋪滿蜆、蝦🦐，另外仲有豆豉鯇魚（好滑但有骨，唔岩懶人）、剁椒魚頭（剁椒勁惹味，魚頭都好滑）同埋生魚片（呢個就冇骨幾滑，同平時食酸菜魚片嘅質感差唔多）。鍾意食魚嘅人，真係行過路過唔好錯過😹三款魚當中，女朋友最鍾意食剁椒魚頭，佢話好多種層次既辣，而且好開胃👍🏻唔好以為淨係得肉，一層陳村粉薄薄鋪底，吸收晒魚嘅精華，好入味，而陳村粉底有一大塊荷葉，淡淡荷葉香。旁邊有菜心、粟米🌽，叫做有少少蔬菜balance返🤪四川涼粉（$48）叫返個開胃涼粉食下，香濃酸醋同爽滑口感既涼粉，夏天食岩晒😜風味臘腸（$78）呢個好有家鄉味！薄薄切片，有粉少煙燻味，肥瘦適中，送酒一流！最後當然唔少得叫返枝細青島（$15）嘆下🍺我要揸車就飲唔到了🥲環境方面，餐廳乾淨企理，有少少餐廳大排檔風味，同7-8個朋友黎叫小菜食係唔錯選擇！其實附近好多野食，不過真係泊車一位難求，而且都抄得密。…Read More

落左兩星期雨 尋日終於出太陽 把握好天氣和朋友由元朗踩單車去屯門，踩到屯門紅穚見肚餓，附近勁多食肆 突然好想食辣野，就入咗粤辣‧粤愛試下頭盤叫左爽口黃瓜幹 $38，黃瓜新鮮爽口，上面滿蒜蓉、乾辣椒用上辣油麻油調味，勁好味主菜分別叫左樂山辣子雞同水煮魚樂山辣子雞 $128雞粒用上新鮮雞切粒而成，炸得又香又酥化，加埋麻辣既調味，夾埋炸花生一齊食，配埋啤酒簡直無得頂水煮魚 $128魚片是用每日新鮮買來的鱸魚做成，食落要鮮魚味又有咬食，湯汁用上花椒、乾紅椒、亁辣椒碎和蒜蓉辣醬煮成，香辣得來又不會搶走魚片的味道，底部仲有豆芽、薯片同腐皮麵條，全部都勁入味！…Read More

今日試呢間川菜好啱香港人口味，唔會太辣，辣得黎又好惹味😋而且價錢都唔貴，鍾意食辣野既朋友好值得去試下👍🏻👍🏻辣味花生田雞 $108辣子田雞真係比較少見，個辣度好香好惹味，田雞肉好滑，份量都多老乾媽炒黃鱔片 $138呢個極度推薦！黃鱔片好爽好彈牙，青瓜爽口，老乾媽個醬汁入哂味😋好正臘味鹹魚煲仔飯 $58佢呢個飯係唔會黐底但係仍然做到有飯焦嗰個效果，好出色👍🏻臘肉都好好味。唯獨是係唔係好覺有鹹魚。…Read More

為左同老婆慶祝一齊辭職離開兆X苑 特登請假唔返工 同老婆去粵辣粵愛試試見到咁多好評，應該唔伏掛！晚上9點半黎到...見仲有幾枱食客！每張枱都有份餐單，唔洗左睇右睇食乜野:)落單叫菜時，問哥仔最抵飲係邊隻啤酒，叫佢拎兩支黎，佢就拎左生力清啤，25蚊支， 事後我就見到生力傳统啤酒44蚊2支..... 我覺得生力清啤應該冇乜人叫，所以佢就拎比我，呢點要扣分.... 事後問返佢，扮聽唔到本身飲完兩支想再叫....但都係放棄了，賣單後去ok便利店飲啤酒算....:)酸菜魚 128蚊 其實味道一般，唔夠酸同唔辣，魚太小，好似得15塊左右，湯底仲有薯粉補夠... 去到賣單時呢碗野好似冇乜點食過潮式蠔仔烙 118蚊成餐黎講，呢個餸係最好食，送啤酒一流，類似蠔餅煮法確實幾惹味118蚊咁大碟非常滿意蔥油口水雞 68蚊 :(呢個價錢我都知d雞唔會有雞味，不出我所料...真係得個辣字，雞肉好鞋.... 我同老婆食左一舊就冇郁過口味田雞 138蚊老婆屎忽痕襯我去廁所叫多碟...呢碟野黎到好似水煮牛肉，只不過牛肉就換上一細舊炸過既田雞，實不相瞞，同大海撈針冇分別！田雞已經冇乜肉，仲要斬到咁細舊，而且炸完仲要浸落湯度，個皮完全係淋！邊個發明呢碟餸...好有創意！辣椒太多，辣油太多既情況下，搵一粒粒好似蝦米既田雞肉第一，二舊係幾好玩，最後成碗擺底左！總數512蚊，食完感覺好空虛:(冇下次唔知呢類型既餐廳係咪大多數靠辣去掩蓋本身食物既味道呢，小弟真係唔太識欣賞同老婆快快食完個潮式蠔仔烙就走人，去隔離酒吧食野飲酒掟標算 …Read More

粤辣‧粤愛 (屯門)屯門青菱徑6號富麗大廈地下G號舖我自己很喜歡吃水煮魚等川菜，所以會四出找水煮魚嚐，原來屯門有一間不錯的川菜餐廳，未入到餐廳裏面已經聞到陣陣的麻辣香。內裏裝潢寬敞，冷氣十足，枱面也非常寬闊，坐得非常舒服。樂山辣子雞$128辣子雞是重慶歌樂山辣子的鼻祖，這道川菜是非常有特色的。這道菜的做法是把大量的雞肉切成丁粒之後，加入大量的辣椒、胡椒、麻椒等……雞粒的份量很多，切成粒狀之後，與其他香料混合起來吃更加入味。麻香四溢，麻而不太辣，非常適合香港人的口味。水煮魚$128水煮魚不一定冬天吃，夏天吃酸中帶辣，辣中帶辛，也別有一番風味。魚片份量很多，切得厚薄均勻，魚片完全吸收了辣湯湯汁，吃起來吃到淡淡的辣味和魚肉，裏面還有大量的香料，例如酸菜黃配菜，還有米線做底，當米線吸收了魚湯的精華，吃下更是滋味。這裏的菜式份量非常大，這兩個菜基本上一家三口完全夠食。…Read More

約咗朋友收工去屯門食飯，朋友建議試吓呢間「粵愛·粵辣」，主打粵式及香辣小菜，仲可以啤啤佢添。真係好耐冇出街食小炒飲啤酒，咁就一於去試下。好彩朋友早啲到攞定位，我收工去到大概7:30pm ，目測餐廳已經9成滿座。餐廳除了粵式小菜，亦有酸菜魚、水煮魚等麻辣美食。我哋先點咗碟「椒鹽魷魚鬚」（$98）同一支大啤先來個餐前小食。大大條肥美魷魚鬚炸得香脆可口，配上大量炸蒜及芫茜蔥花，嘆埋杯冰凍啤酒絕對一流。然後加多份「大盤筲箕魚」（$288），呢盤魚認真誇張，大大盤熱騰騰送上枱。重點係除了主角魚之外，仲有大量其他圍邊的配料：有粟米及鋪底的陳川粉、尚有鮮蝦、蜆及菜心，根本就係大盤海上鮮。魚肉方面，有3款不同魚部位和不同做法，1.豉汁魚腩，2.蟲草花魚片，3.刴椒魚頭；以清蒸做法確實冇得輸，魚鮮盡顯，魚肉嫩滑，各有特色。粟米保留原身的清甜香味，陳川半粉盡吸各種食材的精華，超級好味道，兩個人食完大飽非常滿足。…Read More

雖然不喜歡麻辣，但對酸菜魚這道菜有偏好。從 social media 看到有人寫這家餐廳的文章，今日經過紅橋便來嚐嚐。店內大部分是卡位，此外設2張圓枱。店員有禮。優惠午餐套餐種類可不少，有粵式也有川菜，其中一款是酸茶魚套餐，不用多加考慮。例湯倒也不錯，沒有味精。不想太刺激，酸菜魚米線選了小辣，份量適中，味道不錯。以$58 來說， 吃得過。…Read More

🤩朋友推介紅橋附近新開咗間食辣一流既餐廳，就一齊去搵食啦！一入餐廳發現好大間，環境清潔💫，而且店員十分熱情推介美食！🐟瘋狂大麻魚$188用了好多花椒🌶️舖了滿滿既一盆，麻香撲鼻，如果唔食得辣，可向店員自選辣度，可能選了小辣關係，後來自行加上枱面辣椒醬，辣度升級，能自行調味真係好😋生魚片嫩滑無骨，而且生魚片份量好多，湯底包含了薯粉，娃娃菜及芽菜🥬份量十足！🥣涼拌皮蛋$48皮蛋質素好好，見到有冰花圖形，味道酸酸辣辣，好開胃！🍲豉香田雞煲仔飯$58田雞新鮮大件，加上煲仔飯豉油香濃，形成飯焦香脆可口！🥢青椒土豆絲$76土豆絲口感爽脆，唔油膩，加上尖椒絲帶出清甜味道！🌟服務好👍🌟食物好👍🌟環境好👍…Read More

今日去左大西北朋友屋企玩夜晚就喺樓下睇下有咩食啦求其入左一間睇落幾四正嘅川菜 又幾好味喎四川涼粉同之前食過好爽嗰種有啲唔同 呢個比較軟滑個汁勁重蒜味辣辣地好惹味蔥油口水雞雞皮好彈雞肉好滑 比平時嘅口水雞多左陣蔥油香 好味小炒筍尖肉第一次食筍尖 朋友猛話好好食要點有打破我對筍嘅印象 成日以為佢係臭臭地原來冇臭味之餘仲幾好食 幾嫩個肉片有陣煙燻味 幾特別蝦仁粟米青瓜烙唔係我影得大 係佢真係超大 目測有成12寸兩邊煎到超香脆 入面係滿晒嘅蝦同粟米好足料呢個真係4個人share先好叫…Read More

天氣乍暖還寒，胃口爭啲，好想食辣野，見到紅橋呢邊新開左間川味，就試下啦！好，坐低睇下有咩好食先。首先叫左前菜開胃一下先，麻辣大豆芽，麻辣青瓜條，個麻辣度啱啱好，，唔會過辣，大豆芽同青瓜爽爽脆脆，食落好清新。酸菜魚，個魚非常滑，做得好好，湯底個酸味又唔會蓋過辣味，個底除左有粉絲，仲有百頁。樂山炸子雞，個味好麻香好辣，加上大量紅椒、辣椒、花椒、花生，提升成個辣香味，炸岀黎嘅雞，個種咸、香、辣真係好正！…Read More

呢間野第二次食了，平時打食評一般都因為餐廳唔好食先上嚟鬧，但呢間真係出色，性價比高，竟然係令我上嚟讚佢好食！上次食萵筍牛肉，今次食魚香肉絲，毛血旺，水煮牛肉，有以前大陸食粵菜川菜嘅水準。 午餐50-60蚊左右，野飲加5蚊，野食非常熱辣辣，應該係即叫即炒！我帶咗家人一齊食午餐，大家都食得好開心。因為見午餐時間呢間野人流唔多，特登上嚟推介畀大家，等佢做得住，唔好執笠，我又可以周不時再食！ 下次我會試酸菜魚！…Read More

發現新食肆！見到粵辣•粵愛這店名，就知道有辣辣的中菜，找來愛辣的朋友，陪我刺激一下味蕾麻辣醬骨架$98,是豬骨加上麻辣醬拌勻的一道特色小食，肉不多，但卻非常入味，有麻香，小辣，沒想過像煲湯的豬骨，也可以靠調味醬料，變成一道上佳的開胃小吃麻辣大豆芽$38, 涼菜來說味算濃的，有很香的花生碎和芝麻灑在大豆芽上面，記得要拌勻醋和麻辣醬，喜歡酸辣味平均，大豆芽爽口新鮮，很開胃。香辣魷魚鬚$138,有很香孜然味道，就像孜然羊肉般，但醬汁更濃更辣，可以黏著魷魚鬚，每口都吃到濃濃香辣汁，令魷魚鬚辣得過癮。黑豆芽水晶粉$78,份量算多，可以當一碟炒粉麵吃，味道比起前面的菜式相對淡一點，小辣而已。水晶粉炒得乾身又煙韌，加上有黑豆芽﹑雜菜絲一起炒增加爽口感覺，口感不錯！由於每道菜都是辣的，吃得我們血脈沸騰，味蕾刺激夠了，很滿足，果然沒改錯店名，越辣越愛的人要試試！…Read More

臘味雙拼煲仔飯$58臘腸臘肉大大塊，粒粒飯都有油香包住，煲邊既飯有飯焦，咬落有口感👍🏻煲仔用左易潔鍋既材質，令到啲飯可以容易不起，唔會浪費每粒飯🙈落埋是油又唔會鹹麻辣雞翼尖$18麻香味十足，麻同辣味道平均，唔會覺得太麻而食唔到辣味，而且味道醃得好入味😋👍🏻抵食推薦重慶青椒雞$96雞肉嫩滑,好似食緊雞煲咁，肉juicy、唔乾，份量適中，2個人share都夠食！配埋大量青椒，蒜頭、蔥、大蔥、指天椒🌶️等既配料，令味道更加香濃，就算有指天椒,但食落都唔會辣魚香肉絲飯$46醬汁開胃，味道酸甜，飯份量多，lunch黎講好足夠，$46勁飽肚，仲加埋配料紅蘿蔔絲🥕同青椒🫑最後2杯飲品作結，凍奶茶同凍檸茶 茶味夠，叫左少甜茶味更加突出👍🏻…Read More

粤辣‧粤愛 (屯門)屯門青菱徑6號富麗大廈地下G號舖日頭同前世情人撐枱腳，夜晚同老竇出去食飯，要有男人的浪漫，去咗粵辣粤愛叫啲小菜食。麻辣青瓜條 $15有新疆風味，配料係麻辣，醒神開胃風味臘腸$78分咗兩款肉類，一款就係煙肉，一碗就係臘腸，兩樣都切得薄，一口一啖，送飯最岩懷舊魚香肉絲$98肉絲肉質鮮嫩，入口細滑，都幾好食，味道陣陣有魚香，我食得最開胃，岩口味芥末白菜絲$58Wasabi味超攻鼻，識落又唔覺辣嘅，不過一定震撼你味蕾…Read More

這次去了虹橋覓食，在井財街附近逛逛，有家新開的中菜館，集合川菜及和粤菜於一身🤩。店舖裝修特別環境舒適涼快，燈光光猛座位舒適。午市時間以套餐為主，跟餐附送飲品。-💥水煮魚飯 HKD$58，午餐份量較經濟實惠，而且配料挺多的。賣相紅噹噹看似很辣，但其實味道是小辣，這個口味貼近港人口味。裡面還有粉條，吸份湯汁挺入味🤤。-💥毛血旺套餐 HKD$68，這個賣相也是紅噹噹的食物有豬紅、豬腸、牛柏葉及魷魚，另有其他配料及粉條。食材很入味😍，麻辣味香濃但不會感到咸，用來拌飯挺好的。-💥香菠咕嚕肉 HKD$98，這個色香味俱全的小菜，每一次到菜館也會點來吃。咕嚕肉外脆內軟，肉質嫰滑腍身。味道酸酸甜甜很開胃🤤，這也是個好拌飯的小菜。-💥麻辣豬手半隻 | 麻辣雞翼尖 HKD$22，小食點了兩款，價錢不貴😎。麻辣豬手有豐富的骨膠原，肉質很腍身入味。麻辣雞翼尖也很入味，兩款味道也是小辣的味道。-飲品選擇了凍飲，另加HKD$5，吃辣的配凍飲可以解辣。飲品凍鴛鴦和凍檸檬茶，凍鴛鴦味道香濃，凍檸檬茶茶底濃厚。-…Read More