MI ZHEN XIAN

平日Lunchtime黎到，因為佢舖位比較細，都要等差不多15分鐘先可以入座一坐低就feel到涼浸浸嘅冷氣，炎夏嚟講係舒服嘅👍🏼叫咗酸辣金湯小窩米線，Lunchtime可以加$10配小食(雲耳)同埋罐裝飲品上菜都算快，而且可能鐵鍋配籐籃嘅方式，溫度係keep到好熱嘅👍🏼湯底就酸味為主，欠缺左啲層次感亦完全唔辣比較欣賞佢米線煮得好煙韌、好有口感👍🏼但佢整體份量唔算多，配菜都係每款2塊咁食完成碗大概得8成飽🤌🏼可能下次有機會再食話就要考慮加米線了 (米線可免費添加)…查看更多

進入店舖有浸臭味，不過因為是朋友點名想試的餐廳，不好意思叫離開。叫了自選麻辣米線，手機落單，留意唔到可選擇辣度，想食好辣但無提供辣度選擇。 米線很快上枱，湯底有陣怪味，落了牛油做底？定係羊嘅羶味？ 另外米線不好吃，比較靭，個人不推薦。上枱份量唔多，但米線是可以提出追加的， 不過當日一路聞住店舖味道，都沒有食慾了。留意到好多好評，坊間都好多平台推薦，真實到店試了，感覺評價失實，不談論個人喜好，也絕對講唔上超好食。…查看更多

今日去食米線，坐低個下，諗住拉一拉張櫈，點知張櫈個面可以揭起，唔知係咪for擺嘢啦，但一拉起個下再坐低就夾爆咗隻手指，爆埋血，即時同個女侍應反映，同佢講張櫈好危險，我夾爆咗隻手指，然之後佢淨係講咗句：幫你收一收餐牌先，一句唔好意思都冇，咁嘅服務態度都係第一次見！…查看更多

店鋪彌漫著一股難以形容既氣味，進入果一刻已經聞到，有D似污水渠接駁左去中央冷氣既feel唔洗思考都知呢閒係好野午市12點左右入座，運氣好唔洗等直接就入得建議大家開門果陣小心D慢DD，因爲度門係向右打橫開，而店員係會放隻手係度門隔離稍一不慎，就會夾親店員既手，整親人地就唔好坐低掃QR code點餐，平均大約30分鐘先上餐等上菜期間，同埋食緊野甚至直到我離開之前，周圍D食客都係度不斷催單店員唯有不斷同厨房講咩野優先，上邊樣野先到上菜果下，就知又出事碗野勁細，我極度懷疑我睇錯，碗野要揾米線同埋D餸，你係要反轉個底先見到少少個分量少到好似係兒童餐米線可以免費追加，呢個我唔特別評價個份量，但係D餸個份量真係好離譜我叫既係鷄湯米線，要滑鷄絲+墨魚嘴+溏心蛋鷄絲分量，應該有3條左右，幼過手指尾墨魚嘴，有3粒，其中2粒入面有好大舊殼溏心蛋最正常，有1隻鷄湯睇落去勁濃但係食唔到有味米線比較堅韌，唔係爽口類，食果陣要用力撕咬另外就係店鋪安排座位方面，有3個一齊既食客入座，店員主動幫人地分2張枱果3個食客直頭O曬嘴，你唔夠位其實可以叫人地等下，相信人地唔介意等下，而唔係幫手分開人地整體黎講，我送大家六個字不可一不可再…查看更多

入店後，叫咗金湯酸菜米線淨米線本身$33+ 唐生菜$7+ 炸魚蛋$8 + 韭菜餃$12= 總數埋單$60湯底微辣微酸，但係都幾濃郁配料都幾豐富，米線軟硬彈口程度都正常炸魚蛋$8 = 兩小粒韭菜餃$12 = 兩粒但唐生菜$7只有合共三條手指粗幼度/長度的菜絲，呆左另外問題係入邊嘅豆皮全部都幾硬身，咬唔開唔好食🥲見隔籬枱老人家堂食問可否俾一杯水，都被拒絕，職員要求佢order一支樽裝水點解$7唐生菜會只有菜絲…我諗都唔使開口問趕時間，極速離開下不為例好了。…查看更多

廈門街有唔少食肆，見到呢間幾多人排隊，叫咗一碗牛魔王米線$64。見到枱面寫住可以免費追加米線。米線嚟到賣相都幾靚仔，用鐵鍋裝住，配料唔少，牛肉牛丸牛舌份量都足，牛舌幾厚幾好食，但係肥牛就真係太肥。叫咗蕃茄茄湯都唔錯好食，新疆雞翼炸得好脆口，但就冇乜味有啲乾。另外佢哋有自己整嘅醃蘿蔔，個人覺得好辣…查看更多

我點的是豬八戒米線，份量小得驚人，最離譜係豬軟骨只係一舊好似排骨份量，係得一舊。（如圖）湯底味精很重。呢碗麵要$6x蚊，真係唔明點解食評有咁多人推介。總括嚟講唔會再幫襯，呢間舖頭食水大深。…查看更多

經過見到灣仔利東街對出有間新開嘅米線，我呢個米線控見到即刻試一試！呢度湯底主打雞骨湯，如果想食辣嘅話可以選擇level 1 酸辣金湯，level 2 藤椒湯或者level 3 最辣嘅麻辣湯，佢地仲可以免費追加湯底、追加米線、同埋自家醃製蘿蔔免費！😂好有心！湯底比一般嘅米線湯底濃厚😋有啲似拉麵杰身嘅感覺，湯底夠厚掛住米線，第一次食米線有呢個體驗😇而米線質地亦都十分煙靭，我同朋友分別揀咗一個酸辣湯底同一個藤椒湯底，湯底嘅辣味唔會蓋過咗雞骨湯，滕椒湯底麻辣味較重，啱晒鍾意食麻辣嘅朋友！米線除左自由配唔同嘅餸菜之外，有幾個比較特別嘅招牌配搭，分別係雞雜小窩米線, 豬八戒(豬什)小窩米線、牛魔王（牛什)米線，呢個都比較特別，因為出邊好少會見到米線可以配到內臟既餸菜🤓至於小食方面，價錢算好公道！新疆雞翼$24/3隻雞翼炸至脆身，面頭鋪滿咗麻辣粉，食落麻麻辣辣嘅感覺，如果覺得唔夠辣可以自己再添加孜然粉或者藤椒粉韭菜鴨血 $15/半份呢度嘅小食可以叫半份，可以試多啲唔同嘅選擇，鴨血入味，辣到適中！尖椒滑嘟嘟皮蛋 $22/全份茄子切碎放底，皮蛋配上尖椒同秘製辣汁，配埋茄子一齊食口感豐富…查看更多

叫咗碗牛魔王蕃茄湯米線，上菜非常之熱辣辣，份量都唔少牛魔王包括有牛丸牛舌牛腩等材料。蕃茄湯亦都好順口唔會太鹹或太甜，呢度嘅米線係可以免費追加，應該適合唔少男士。米線就口感一般般，腍咗啲。但60幾蚊嚟講性價比相當唔錯，幾足料而且味道唔差，算係灣仔返工唔錯嘅選擇。另外叫咗份新疆雞翼，炸到非常之香脆，熱辣辣真係啱啱炸起，仲食到生痱滋。但雞翼本身冇好入味，只係有啲辣粉喺面。…查看更多

收工肚餓就喺附近搵食先番屋企之前同事介紹過廈門街有間食米線嘅幾出色今次一於嚟見識吓首先想講 就係呢度勁貼心 有埋一次性圍裙 著淺色衫都唔使驚‼️米線可以免費續麵湯底都有得encore添呀‼️每碗米線都一鍋鍋上 保證食到尾碗米線仲係熱嘅🥚尖椒滑嘟嘟皮蛋呢個唔係一般嘅皮蛋佢用埋茄子同椒blend埋一齊好特別 皮蛋亦夠彈牙👂麻辣豬耳沙律(全份)麻辣汁惹味豬耳食落爽口 再配埋洋蔥一齊嗦嗦聲惹味脆卜卜(全份)即係炸豆卜 但佢炸到好似食緊薯片咁上面再有菜甫 蔥 芫荽 芝麻粒食起上黎好脆口 新疆雞翼 (3隻)我的最愛炸雞翼 炸得脆卜卜 雞肉嫩滑雜錦小鍋米線配酸辣金湯另加滷水豬大腸呢個啱晒有選擇困難症嘅朋友乜都有啲 但我仲要加我嘅最愛 - 豬大腸湯底好開胃 我就飲咗幾啖湯先開始食米線😉豬八戒小鍋米線 配藤椒湯另加手工藤椒雞肉丸重點介紹手工藤椒雞肉丸 完全自家製師傅每朝開舖就打打打食落口感彈牙 辣得過癮無糖豆漿下次要試埋佢哋嘅餃子 全部都係人手包㗎…查看更多

晏晝食lunch行過叫開左新野，幾個同事一齊入去試下，唔講其他人，我叫左個雞骨湯小鍋米線加幾個餸首先個雞骨湯感覺已經唔討好，湯外觀睇係偏濃，不過飲落完全無味，連少少雞嘅鮮味都無，去到呢度我都覺得係自己要求高滷水豬頸肉同滷肉飯嘅肉丁咁無分別，不過都係無味嘅，面且份量極少，12蚊叫真係唔抵滑雞絲就係煲湯雞咁，又嚡又乾蘿蔔冇揀過，太多渣，又唔淋，個湯唔得所以連帶個蘿蔔都唔好食，而且蘿蔔有少少酸味同事個豬皮又酸又有陣膠味全餐唯一正常（係正常唔係好食）係個炸墨魚丸，但係墨魚都係供貨嚟嘅如果都唔好食就真係地獄級難食彈到以為自己係食神史提芬周，不過真係近期少有食到嬲嘅一餐，搞到要去隔離街老麥食個脆香雞翼餐平伏下…查看更多

近排新開嘅米真鮮，本身已經好大碗，米線仲可免費追加，好有gimmick，男士們食得多嘅絕對要嚟🥢招牌牛魔王小鍋米線有牛筋丸、麻辣牛舌尖、鹵水牛舌筋、美國肥牛🥢招牌雜錦小鍋米線有魚蛋、貢丸、牛筋丸、墨魚丸、蟹柳、紅腸、豬皮、肥牛、滷水豬頭肉米線用鐵鍋上，能保持熱度，入面嘅材料都好多好豐富，米線又多，餸又多，真係多到食唔晒，自己仲加咗腐皮春卷，都幾有咀嚼感幾好食湯底揀咗招牌雞骨湯、蕃茄湯，另有酸辣金湯、麻辣湯及藤椒湯，試咗原味湯底，唔夠味仲可以用店舖提供嘅調味架去調味🥢尖椒滑嘟嘟皮蛋半粒嘅份量，少少辣但好惹味🥢新疆雞翼不一樣的辣，雞翼炸得乾身，不太油膩🚩米真鮮 (灣仔) 📍灣仔廈門街27號地舖…查看更多

成碗米線無味既，蕃茄湯底個色望落好濃，好紅咁，點知一食落口完全無味，又唔鹹，滷水豬頸肉好似用清水白灼咁，又係無味既，好似烚左勁耐果種淋曬無曬味既肉咁，豬軟骨d骨係硬既，唔係果種燜到啫喱狀既，但係d肉係鞋既，又係無味既⋯唔知可以點做到成碗嘢都淡眸眸無味，d米線又硬又膠咁，完全唔軟滑，未食過咁難食既米線，不知所謂，都唔知自己食緊d乜，成碗米線無一樣嘢係好食既，甚至乎連普通都稱唔上，真係非常失望，早知食譚仔好過。…查看更多

灣仔開咗間米線好好味嘅餐廳，今日專誠同朋友去食吓。小窩米線揀咗雞湯底，自家每天熬製，味道鮮甜！而且用咗鐵鍋，完全能保持溫度。米線有口感，夠Q彈性為主，吸附了雞湯的精華。基本配料有枝竹、海帶、木耳絲、芽菜等。而且湯底同米線仲可以無限添加。😍😍😍手工藤椒雞肉丸手打果然特別好食，雞肉丸口感彈牙，藤椒帶點微辣，好出色。鹵水牛舌筋鹵水牛舌筋肉質柔韌且富有嚼勁，每一口都充滿了鹵水的香料味道。芫茜餃自家製嘅芫茜餃的餃皮薄而有彈性，內餡新鮮，芫茜控絕不能錯過！雜錦小鍋米線唔想諗要咩餸就叫個雜錦小鍋米線，因為有齊好多款唔同嘅丸類，另外肥牛、鹵水豬頸肉都好夠味。惹味脆卜卜炸豆卜外脆內嫩，咬下去的瞬間，香氣四溢。韭菜鴨血鴨血滑嫩，搭配的調味汁讓這道小吃更加美味。炸墨魚丸外皮金黃酥脆，辣辣地好開胃。…查看更多

🥳最近食咗間好特別嘅米線🍜裝修走日本風已經夠曬特別😋而且呢度仲有圍裙供應❤️食嘅時候唔怕整污糟件衫😍好細心呢🥳🔥呢度嘅湯底都好有特色✅佢有唔同嘅辣度可以揀😍酸辣金湯🌶️麻辣湯🌶️藤椒湯🌶️唔食辣嘅都可以有選擇雞骨湯或者蕃茄湯都唔錯呀❤️枱面仲有啲唔同辣度嘅辣油🥳鍾意嘅話可以加啲試吓吖😋湯底全部都係每日新鮮熬製💯唔夠仲可以添加👍🐮牛魔王小鍋米線：我哋喜歡食牛😍呢個牛魔王就啱曬我地喇🥳 每碗米線已經配有枝竹，木耳絲、海帶、芽菜，酸菜，韭菜、蔥、芫茜同埋蕃茄片✅入面仲有爽囗嘅牛筋丸👍麻辣牛脷尖味道好過癮👅最特別係第一次食牛舌筋❤️有驚喜💯仲有肥美嘅肥牛添✅🍜雜錦小鍋米線：咩到想試吓嘅hubby就揀咗呢碗咩都有嘅雜錦小鍋米線✅有魚蛋、貢丸、牛筋丸、墨魚丸、蟹柳、紅腸、豬皮、肥牛同埋鹵水豬頸肉😋樣樣都唔錯👍🐙炸墨魚丸：上面嗰粉好惹味😋呢個炸墨魚都唔錯✅🍗新疆雞翼：雞翼真係無法抗拒👍呢個新疆雞翼好有特色喔💯🥛原味豆漿：食辣嘢飲豆漿🥳我自己覺得就好夾啦😋…查看更多