KOMETAKI (ifc mall)

我同朋友喺米炊度食咗一餐好正嘅午餐，呢間餐廳位於中環國際金融中心商場，環境好舒適，裝修風格都好有特色。不過，呢間餐廳需要排隊，人齊先入得，中午lunch 都幾多人，所以建議大家早啲去。首先，我叫咗一份手工牛肉漢堡，旋風炒，呢道菜嘅漢堡肉質好嫩滑，配埋啲蔬菜同醬汁，味道更加豐富。牛肉煎得剛剛好，外皮香脆，入面嘅肉質好嫩滑，配埋啲蔬菜，味道更加豐富。之後，中辛咖喱汁，呢款咖喱汁嘅味道好獨特，唔會太辣，好適合配飯食。配左16穀米飯，呢款飯粒好飽滿，配埋啲蔬菜同醬汁，味道更加鮮美。飲品方面，跟餐花茶，呢款花茶嘅味道好清新，飲落去好舒服。總括嚟講，米炊嘅食物同服務都好好，我會Highly recommend呢間餐廳畀大家。如果你哋想試下新嘅美食體驗，不妨去米炊試下啦！…Read More

今晚行過見到試下，未試過在IFC食野咁失望，首先座位並非舒適，服務員顧住自己傾計，叫他來落單沒有任何禮貌反應，要傾多兩句才慢慢走來，好似阻住佢傾計咁，服務態度連茶餐廳都不如，食物送上發現和牛及漢堡肉質非常差劣，磨菇汁完全無味，咖喱汁只有甜味，賣相又極之唔得，餐具亦低級，雜菜粗糙，全部都是西蘭花及白菜花，唔知係厨師問題或老闆問題，好像完全不會考慮食客的感受，沒有半點用心經營，在今時今日的營商環境，相信很難持久！…Read More

蘑菇白汁極難食 好似餐院餐咁 又淡又杰又唔夠禮貌詢問店員可唔可以俾多少少同埋個汁有啲痰想轉咖喱汁 佢好似好唔耐煩咁知道淨係食得一個鐘 食左50分鐘左右 行埋嚟話要收咗錢先OK冇問題 但係啲態度唔使咁惡劣 一嘢就劈張單喺枱面 唔講以為得罪佢 $160食個咁難食嘅 仲要受啲咁嘅態度 真係多謝晒你食埋我個份…Read More

米炊午市大概百零蚊位，喺IFC嘅餐廳當中屬於比較經濟嘅選擇，所以lunchtime 通常都會大排長龍。全靠朋友幫手排隊，先可以試下呢間蛋包飯🫶🏻今次叫咗烤特上M4和牛腰柳蛋包飯配中辛咖喱。蛋包採用日本蘭王蛋製作旋風炒蛋，賣相吸引，蛋香濃郁，口感滑溜。咖喱以雪梨、蘋果、洋蔥等蔬果熬煮，味道甘甜辛香，送飯一流。米飯選用北海道夢美人米，飯香十足。值得一提嘅係，戒carbs嘅朋友可以走飯轉野菜底。野菜包括西蘭花、椰菜花、蓮藕同蕃茄仔，份量俾得大方，點咖喱一樣好味。唯一可惜係牛腰柳烤過龍，已經冇咩肉汁，好難咬斷☹️…Read More

依間開係IFC嘅餐廳，一到lunch 就會多人排隊。今日11點幾，可以直入啊，所以唔使諗，即刻入去食。睇menu 既話，蛋包飯真係好靚。本來打算減下碳水，就咁叫主菜加野菜。但係最後抵受唔住引誘，都係叫咗蛋包飯😂午餐跟野飲既，有兩款選擇，黑咖啡不過不失。蛋包飯有得揀白飯或者16穀飯。我今次揀咗白飯，係高質素嘅日本米呀❗️ 加埋咖喱食，好好味。我揀咗牛舌，超級厚切，入邊仲係腍嘅，食到有幸福感 😋👍見到好多人話依間餐廳嘅服務唔好，可能我唔係peak hours 去，我覺得不過不失，可以接受嘅。食完大概12點幾，門口已經有長龍 👍…Read More