Food Simple (Moved)

大家，我嗌咗價值$120嘅鰻魚定食，再加$18轉蕎麥麵。我咁大個人，未試過食一個蕎麥面咁淋，林到完全唔使咬，成Pat爛屎咁，店員仲要同我講話啲客話好食，從來冇人投訴過，但個麵好似浸咗一日咁，發晒水漲晒，我阿婆都唔想食。嚿鰻魚又凍又乾，完全唔值呢個價錢，簡直係劣食之罪，恕我真係食唔到啲咁難食嘅嘢，難食到我要開account上嚟警世。咁簡單嘅嘢都可以整到咁難食，仲要同我講無問題，仲要話有日本人特登嚟食，仲話好食，擘大眼講大話，我唔信有日本人特登嚟食過煮到咁林嘅面，食落凍嘅鰻魚仲話條鰻魚係新鮮即燒，真係笑話，邊個信。身型肥啲都唔好入嚟食，你唔會有位坐得舒服。啲嘢難食到咁，店員仲要同我拗叫我俾半價，自己入廚房試下食啖麵先，唔使講咁多。連咁簡單煮個麵都煮唔好，唔怪之得佢叫簡單主義。…Read More

簡單主意有提供4款素食定食，每款定食都會包主食、沙律、白飯同麵豉湯。落單係用QR code，揀完定食後仲可以選擇口味，例如走蛋、走洋蔥、走西椒等。一般店舖嘅麵豉湯都含有魚嘅成分，但呢到嘅麵豉湯冇魚、肉嘅成分，所以素食者都可以享用。素之午市定食野菜天婦羅定食 ($76)天婦羅有茄子、紫薯、南瓜、冬菇、翠玉瓜等，我未食過翠玉瓜天婦羅，口感幾得意。天婦羅外表香脆，完全唔油膩。整體味道唔錯，唯一不足係天婦羅定食需時製作，我哋去嘅時候咁啱撞正lunch time，同埋廚房好似得1位廚師，所以我都等咗大約20分鐘先有得食。如果趕時間，炒嘅主食會比較快。…Read More

13:50叫外賣，15:30先到。中間個幾鐘WhatsApp 問外賣到未，完全無人覆。打電話無人聽😡😡😡到15:05終於有店員用好差嘅態度錄音話準備緊送過嚟，叫個外賣都感受到個服務質素有幾差。…Read More

12點lunch時間，店入面無其他客人，不過就好多人外賣自取！👉🏻生薑豚肉燒定食 $63有細碗沙律、麵豉湯，豚肉都幾多，配菜有洋蔥同蘑菇，味道正常發揮，無咩特別👉🏻黑椒燒牛脷定食$90一口牛脷，係爽脆彈牙嘅，但只有6小塊，洋蔥就佔左半隻碟，如果唔中意食洋蔥嘅朋友就慘了😅 洋蔥如果有d調味都仲好d，可惜無咩味，所以$90太唔值了。。。👉🏻蜂蜜綠茶 (+$12)唔會太甜，飲落口都幾清香！👉🏻芝士抺茶 (+$12)抺茶味唔算好岀，偏淡，芝士還好。見到好多人外賣都飲呢個！…Read More

係尖沙咀正愁緊食啲咩好 突然係openrice收藏入面搵到依間餐廳 咁岩自己又係正附近 就去試下位置上係K11（舊） 對面 簡約既木系風格都幾突出 。 中午時間加上疫情 人流唔算多 外賣既人比較多但堂食就冇乜 係用餐期間都睇到職員好忙咁準備外賣order 。 Menu主要以台日茶為主。 食品偏向日本菜，以飲品偏向台式，定向都幾特別🤔 午餐設有lunch set menu，價錢都相當平民化 ，除左主菜多 都包沙律同埋麵豉湯。 飲品就加錢可享有 大概加$8-$20不等。 客人可以QR code落單 唔識都可以搵職員落既叫左吉列豬扒定食（$66）， 食物都好快上。 幾有日本感覺 （思鄉病發😏） 。 豬扒炸得好脆又香口 啖啖肉 加埋沙律醬係絕配麵豉湯味道則比較清淡。 其實對佢好多食物都有興趣， 價錢又合理又唔洗加一 。下次可以再試其他定食…Read More

餐廳價格同食物質素相且，但店員對落單程序同餐廳運作都好似唔太了解。先係落單，原來係用QR code下單，我地舉手叫落單，有一位男店員仲叫我地等陣，之後叫個女職員尼同我地講係用電話落，原來店員都唔知點運作。之後嘢飲都係漏咗單，要再追先上。最後係餐廳嘅優惠，入尼坐喺嗰時問咗其中一位女店員，網上外賣平台堂食75折可以用，先入尼食。結帳時另一個店員才告知只有某類餐店可用優優，所以我地成張單不獲折扣。亦反問我地唔睇清楚條款，其實係因為我地信咗第一位同樣唔清楚嘅店員。如果一早問清問楚就唔會入尼食。…Read More

今晚隔離嗰位收工無收得咁夜，去咗尖咀搵食，本來想食韓國菜，誤打誤撞無睇到OpenRice，係對面街見到個招牌簡單主意，我哋就話有幾簡單呢，過去睇吓先。見到原來係食定食為主，見啱心水我哋就入咗去食啦。我哋揀咗一陣，叫咗一個黑椒蒜汁牛舌定食。定食包括有前菜、沙津、麵鼓湯、白飯同甜品。牛舌真係有驚喜，係牛舌芯，是牛舌中最軟腍最軟滑的位置伴碟係洋蔥，但係偏生食落有啲辣，如果煮熟少少好再好食啲，前菜係少少辣嘅蓮藕，麵鼓湯夠熱唔會太咸，甜品係蕨餅。隔離嗰個叫咗安格斯牛小排定食，有啲肥同有根，如果生小小會好食啲，個汁係豬扒汁，好似唔係好夾加咗碟和風炒野菜，主要係以椰菜，紅蘿蔔絲，鮮冬菇片為主，唔會食落好油好味精，其實都幾大碟。加咗兩杯台式飲品名$15，熱芝士紅茶同熱抹茶珍珠奶綠。芝士奶蓋同紅茶底好夾，抹茶珍奶味好出珍珠又好食難得係夜晚禁堂食嘅前夕食到餐滿意滿足嘅晚飯無浪費到我哋個quota ，回頭率極高！我哋仲同老闆講你哋啲嘢好食喎嘢飲又好飲，老闆謙虛咁話，係師傅整得好食。btw嘢飲係老闆整嘅簡單主意Simple一啲都唔Simple，而且好味坐得又舒服，靜靜哋播嘅歌係日本pop song，而且仲要係YOASOBI，大きな愛…Read More

第1次食 lunch時間短 想食個手卷加珍奶當一餐一入去 男侍應好有禮貌 自助QR code點餐 手卷賣哂轉食大卷 賣相普通 似屋企整咁樣價錢平$35無乜好要求 有4舊散散地都幾好味用餐20分鐘左右 整個期間2個男侍應一直照顧食客需要好細心 有水 有紙巾 遞飲管 講野溫柔 抵讚食完返到去忍唔住想留個好評 …Read More

主打台灣珍珠奶茶手沖飲品，芝士奶蓋綠茶係我最愛，非常之唔錯，今次無叫便當，即管試吓佢地即叫即燒串燒，各款口感味道都好好，推薦叫各種蔬菜及牛舌串燒，最後叫兩塊安格斯西冷牛扒，肉汁豐富，燒得非常出色！…Read More

俾個名吸引咗，衝入去價錢又唔係好貴普普通通簡簡單單一餐係可以嘅有啲要求的話就唔好去呢度點餐係要用二維碼我覺得有啲麻煩職員都算有禮貌不過有啲甩留叫咗杯奶茶同埋一個定食奶茶中規中矩飲得落肚雖然叫咗少甜但係仍然偏甜生薑炒豬肉有少少失望肥膏比例太重麻麻哋個湯有啲濃偏鹹太重味精南瓜可以，朱古力蛋糕仔太甜一個人食快餐的話係OK嘅我建議試吓第二啲嘢例如吉列豬扒飯，應該會好食好多溫泉蛋，同埋手卷類型嘅嘢建議唔好叫，有些少失色…Read More

醬油七味燒雞扒便當（走汁） $56 一個便當已經包含前菜，玉子燒，酸蘿蔔，甜番薯，粟米蔬菜，煎雞扒，白飯。$56抵到爛。雞扒Juicy，皮薄香脆，一D都唔肥，粗略估計有200g ，夠晒蛋白質。想增肌減脂既，可以走汁，都一樣好味😋配菜豐富（前菜，玉子燒，酸蘿蔔，甜番薯）絕不馬虎。米飯粒粒分明。一個簡單嘅飯盒，做到咁好食，絕對唔簡單。簡單主意已經成為我飯堂…Read More

1️⃣在「簡單」內找到的快樂標題中的「簡簡單單」，是指尖沙咀加拿芬道的小店 Food simple 簡單主意 。版主路過這小店時，👀看見它們的餐單寫着「素の定食」這4個會令素友很快樂的字，頓時心花怒放😍，忍不住來品嚐一下了。 2️⃣在「簡單」內找到的寫意 店方的「素の定食」包括了主食、沙律、白飯、小食、面鼓湯、甜品，十分豐富，如果在平日上班只有不足1小時用餐時間的情況下來光顧，可能會吃得很匆忙🙈，不能慢慢享受。 因此，版主是在星期六、日中午，以及下班後的時間，分了4次來品嚐全部款式的「素の定食」。在不用趕時間的情況下，看着店內雅致裝潢，聽着音樂🎶來品嚐美食，感覺是頗寫意的。 3️⃣ 點餐的方式及貼心💕的貼餐設計 請大家預備好智能手機喔📱。入座後，店員會給大家一張有QR Code的紙張，掃描QR code，便可以進入點餐版面。 在點餐版面中，大家可以因應個人需要加上額外要求。例如食量大的可以選擇「多飯」➕🍚，不吃五辛可選擇「走洋蔥」❌🧅，此外還有「走汁／多汁」、「少咸」、「少油」等多個選項，應該能夠切合不同客人需要。 4️⃣ 素の定食簡介 🍱野菜天婦羅定食 款式多元化，包括秋葵、冬菇、茄子…、南瓜、蕃薯天婦羅，熱氣騰騰，很大件，入口酥脆。有一個有趣之處，天婦羅汁份量有如一碗湯這麽多，相信應該很少顧客可以把天婦羅汁用光。 🍱糖醋猴頭菇定食 猴頭菇🐵🍄軟身中帶微脆，口感不錯。 猴頭菇的味道微甜，不太嚐到酸味，所以其實不太「糖醋」。這味道也挺合版主胃口，所以這定食是不錯的。 🍱野菌豆腐咖喱定食 不吃五辛朋友注意⚠️：由於洋蔥已混入在咖喱汁內，所以這款定食不能走洋蔥。 薯仔🥔和胡蘿蔔🥕挺大件的，薯仔稍為炸過，有少許脆口；胡蘿蔔頗有嚼勁。咖喱汁是甜咖喱，適合不吃辣的朋友。如果咖喱味道濃一些，會更吸引。 🍱金平牛蒡扒野菜定食 牛蒡扒彈牙，煙靭。牛蒡扒內混入了其他食材（請店員問過廚師，這食物是外購的，但忘了牛蒡是混和了甚麼食材），增加了味道上的層次感。 5️⃣ 素得放心的用餐體驗 定食的配菜，有時會是雲耳，有時會是泡菜。當看到泡菜時，版主問了店員，會否加入了魚露🐟❓。店員和廚房確認了泡菜沒有加入魚露，也說他們在素食定食中，不會添加任何有肉類成分的材料👍。所以大家可以放心享用。 FB 專頁:眾裏尋素千百道 Instagram: veggie.everywhere / Veggie_Keith 歡迎大家follow fb專頁和IG，多多支持 #眾裏尋素千百道 #veggieEverywhere #veggie #gogreen ＃尖沙咀素食 #九龍素食 #葷店有素 #FoodSimple #簡單主意…Read More