Tuk Tuk Boat Noodle (V Walk) (Closed)

肥牛船湯河船湯河可以選擇米粉跟金邊粉，但我總覺得配搭金邊粉是最好的，金邊粉完全吸收了濃郁的湯汁，湯頭香醇濃郁好惹味，夠晒正宗。除了肥牛外，還有豬紅、炸豬皮、豬肉丸等配菜。肥牛肉質鮮嫩彈牙，豬紅更添回甘醇厚，而炸豬皮則提供了酥脆的口感，帶來不同的口感和風味。.海南雞拼豬頸肉冬陰功金邊粉 $88食泰菜船面又點少得冬陰功湯底，酸辣的味道恰到好處，讓人食慾大開，湯底的辛辣感不會過於強烈，適合各種口味的人享用。.配料方面揀左海南雞拼豬頸肉，一次滿足兩個願望。柔嫩滑溜的泰式海南雞，雞肉鮮嫩多汁，雞皮更是金黃色誘人，帶有微微的啫喱膏貼附，入口即化的美味。而燒豬頸肉，內裏依然鮮嫩多汁，肉汁滿溢。.泰式魚餅 +$24加配小食泰式魚餅，任何一款主食中加購一道小食。魚餅不油膩，而且口感彈牙濃郁。.泰式奶茶 +$8食泰菜又點少得泰式奶茶，茶香濃郁、奶香滑順，不會過於甜膩，恰到好處。.😋整體食物質素：4 / 5💰性價比：4 / 5👍推薦指數：4 / 5…查看更多

睇戲之前喺呢間泰國菜食飯，啲嘢食又平又正✅泰式海南雞（半只）$118雞皮好薄同夠爽，雞肉口感嫩滑多汁，而且件件都啖啖肉，好滿足✅泰式豬肉丸金邊粉$55金邊粉條Q彈有嚼勁，搭配鮮嫩多汁的豬肉丸，豬肉丸口感彈牙，肉質鮮美，咬落去係食到肉汁的鮮甜。湯汁濃郁，加入了泰式特色的香料和調味料，令人幾開胃✅油菜$28油菜炒得恰到好處，保持了蔬菜的鮮嫩口感同食到到油菜的自然香甜，好岩出街食飯但又想食吓菜嘅人，好推介…查看更多

今日晚餐黎到食泰國菜。一直係vwalk都唔知有咩好食，又唔想食大企業。第一次見有pad thai 配海南雞😂😂 幾特別，金邊粉配達芽菜，同埋橋頭。海南雞份量算多，仲配醬汁。另外叫左個泰式肉碎煎蛋飯，夠辣，太陽蛋煎得唔錯。 有basil！加配左個春卷，同埋蝦餅。 出黎熱辣辣。另外叫左個凍泰奶。餐廳環境坐得舒服，服務都好， 會貼心提醒奶茶係少甜，想甜d可以提出。 見到隔離檯叫個火鍋set都幾大份，下次可以試下。…查看更多

平時去呢頭，好少入商場食嘢，啱啱出糧，都可以對自己好少少嘅。食完間裝修咁靚嘅舖頭，每個地方都色彩繽紛，原來一個人唔會過百，算係咁啦！睇餐牌食咩豬扒撈金邊粉 走辣 $68呢度出名船麵，不過見到撈金邊粉好吸引。顏色同一般炒金邊粉一樣，都係橙紅色，酸酸甜甜，最大嘅分別就係無左豆腐乾，同埋餸放一邊。原本想食豬頸肉，午市都好多人叫，豬頸肉原來要醃三個鐘，所以賣曬無咁快補到，所以我就改食豬扒啦！豬扒煎得幾香，點埋個泰式醬汁，酸酸甜甜，少少芫荽子，雖然口感唔同，但味道係平時食豬頸肉嘅味。香茅雞翼 +$22呢個賣相除左單骨之外，賣相都符合我地對香茅雞翼嘅期望，上面好多炸香嘅香茅。不過因為另外再加左炸蒜，又有魚露調味，味道比我地食開嘅濃味。外皮炸得乾身香口，都有保留少少肉汁，非常收貨。凍泰式奶茶 +$8非常足夠煉奶味，配紅茶好適合，唯一一樣遷就香港口味，就係甜度減低左，所以又無需要好似泰國咁多冰。合計 $98…查看更多

見到好多好評，平日lunch去食下，人唔多 order 完好快到，好似一分鐘就到真係太快左啲，所以野食都果然唔夠熱，野食最緊要夠熱先係架嘛，豬手仲要好多毛，見到呆左，失望。。應該冇下次了，野食味道都普通冇咩特別，唔明點解咁多好評🥲…查看更多

首先是跟餐的青木瓜沙律，青木瓜不是爽脆的，沙律酸味淡得近乎零，辣味也欠奉，不知是否要自行咬碎在碟邊的辣椒再自行調味。海蝦撈金邊粉，對伴碟的海蝦數量及質素也沒有什麼期望，作為主角的金邊粉感覺是放落滾水滾到幾乎變麵糊撈起再用茄汁上色，什麼味道都沒有，常見的撈金邊粉會有的花生碎都不見。原意是想食冬陰功豬頸肉湯粉，但落單才聽到店員跟隔離枱講轉了香茅豬扒，因為豬頸肉剛剛才到，要幾個鐘溶雪。落咗單的我詢問時店員表示「一樣啫～」…查看更多

已經好耐冇嚟過VWalk，估唔到人流咁暢旺好好奇呢間店舖都好多人一於試下😍海南雞船麵😋原來船麵係咁多配料😆食落十分足料😍芽菜、豬紅、香蔥、白蘿蔔湯底食落唔錯，只有少少偏咸叫咗份海南雞送船麵，水準唔錯，雞肉無骨淋身，係俾咗雞翼尖我🙈就有得失色另外朋友叫咗呢個豬頸肉冬陰功湯河😍開胃好食，冬陰功嚟講算微辣，食得辣嘅朋友就會鍾意豬頸肉淋身☺️ 份量夠😍篤篤船面喺商場入邊都算多人食，就你鍾意佢簡單就嚟又好食平凡嘅米線食出唔同嘅味道😍…查看更多

第二次嚟呢間好有泰式風味嘅餐廳～牆身有泰式風情嘅設計圖畫:)叫咗泰式豬頸肉撈金邊粉下午茶配一支支裝水～加咗個泰式小食～炭燒豬頸肉有5薄片～炭燒味濃好入味～之前個汁重魚露味～依家唔同咗～撈金邊粉深橙色份量少～睇落有D嚇人～食落個酸甜度過咗～唔係幾好食酸辣鳳爪沙律～有：一大片生菜、生洋蔥絲、蔥絲、蘿蔔絲～3舊酸辣鳳爪～汁幾香青檸味～不過份量實在太少味道keep唔到～比起上次份量仲要少咗咁多～下午茶呢個價錢嚟講偏貴～唔會再食…查看更多

作為一個重度船面愛好者有時食泰國嘢啲餐廳唔一定有船麵因為船麵嘅湯底好複雜 有啲餐廳選擇唔做見呢一間專做船麵簡直一定要一試啦去到空間都好闊落冷氣好足 有時香港地夏天食泰國嘢真係好熱 呢度夠晒涼爽我就當然嗌咗一個燒豬頸肉船麵 豬頸肉燒得好香脆 唔會過肥過瘦啱啱好 湯底亦都好濃郁 食得出有齊泰國嘅香料味 幾正宗朋友就嗌咗炒金邊粉 第一眼有啲似紅蘿蔔絲好得意配菜叫咗冬陰功 你敢唔敢相信一碗冬陰功只係$18？！ 香港地呢個物價真係令人好感動！！好良心 仲要又平又好味 冇得頂呀…查看更多

餐廳位置在南昌站V Walk，裝潢同氣氛都充滿泰國風情。餐牌提供多款泰國美食，包括頭盤沙律、船麵、金邊粉、泰式咖喱、海南雞和泰式小食。泰式魚餅：啖啖魚香，彈牙有咬口，滋味在心頭。酸辣鳳爪沙律：無骨鳳爪好爽口，配酸酸辣辣既醬汁、生洋蔥和紅蘿蔔絲，味道刺激。豬扒撈金邊粉：香茅豬扒肉質軟嫩，煎到金黃色，金邊粉撈左秘製醬汁炒，酸酸甜甜，非常開胃。泰式黃咖喱牛肉飯：泰式黃咖喱味道濃郁，牛肉煮得嫩滑，薯仔和洋蔥都炆得很入味，口感豐富。凍泰式奶茶：泰式奶茶一般比較甜，但呢度沖既甜度剛剛好，而且茶底好香醇。Mekoo椰子水：100%純椰青水，可比美真椰青。總結，食物帶泰國風味，即叫即做，新鮮味道好，店員態度親切，價錢合理，地道泰國菜又多個選擇。…查看更多

今日，夏日炎炎，唔想在正午的太陽下暴曬，衹想找個地方可以有冷氣，好好休息下。船麵是可以說是船粿條，和馬來西亞星加坡的粿條是兩回事的。這間的船麵摻摻是蛋麵加入少量米粉，所以有小小qq的感覺。個人喜好，我會想食油麵多d。Anyway，而這間豬頸肉的質素一定比上次在另一間食的高。［如果想知是那一間，要看回上次的食評才知道了］可能這是泰式，叻沙湯底有少許辣。不太適合小朋友食了。而且是小小太鹹的。今次彩蛋是v-walk 後面的海景。行去地鐵B 出口，不用5分鐘，便行到海邊，看看對面個綠色島，好summerBTW 到現在都無食市找我去寫食評。如果有的，一定要找我。…查看更多

同朋友去vwalk食下午茶，食物還好但樓面侍應態度實在非常非常趕客。招手叫樓面過來下單，樓面站在門口語氣非常不耐煩問我［你咩事？！］，態度語氣惡劣到令我們非常愕然。在等食物時有侍應過來sale會員以及預先充值，此時體驗感已經非常差。到上菜，侍應全程黑面大力放下食物。結帳時收銀亦都非常不耐煩，呼喝我們叫［等陣啦！］。我們去時餐廳內只有我們這一枱加旁邊謬謬可數的幾丁客人，所以應該不存在太忙、做唔切、冧檔等理由。只可以是純粹樓面非常趕客。真的不了，不會有下一次，非常受氣的一餐。…查看更多

weekend行過V walk 見到呢間唔算好貴，就入去試吓 Weekend得午市 冇下午茶餐而且餐廳都唔算多人叫咗個蝦仁炒金邊粉 同埋海南雞飯兩樣都係大約$70到 唔使加一首先講個蝦仁炒金邊粉 隻色好橙😅識落都比較酸 好似食緊茄汁咁 蝦仁就冇蝦味 但係面嘅份量就好多 都會食到好飽 但係都未去到難食嘅個海南雞飯啲雞比較似滑d既白切雞 不過個辣汁都算好食 飯就係普通白飯唔係雞油飯或者黃薑飯 總括嚟講，我覺得呢間餐廳食物質素普通 都未算難食 份量就好多嘅會食得飽…查看更多

之前係新蒲崗既小店食過海南雞配湯麵一直都念念不忘呢個配搭估唔到呢間餐廳意外見到呢樣野 $70 海南雞船湯河海南雞係另上, 份量有成7大舊, 起曬骨, 可以啖啖肉,質地好淋好香, 而雞皮就爽, 醬汁出色, 雞皮下面明顯有層啫喱因為好奇, 返去搵下雞皮下面層啫喱係乜嚟,  原來係膠原蛋白呀!將隻雞浸熱後, 馬上浸冰水先可以做到呢個效果, 雞皮下面會有層啫喱狀的物體，大多在海南雞身上找到！上網睇片個過程都唔容易, 即時加分, 欣賞呢間餐廳!船湯河份量亦好多, 係蘿蔔硬左少少, 未浸夠淋,下次黎要試下海南雞加豬頸肉飯先…查看更多

路過見餐牌OK，選擇算多，價錢都可以，就點個外賣，見外賣自取有85折，翻屋企一食，哇～好唔掂，難食，超市啲熟食海南雞同豬手都好食過佢，收銀態度又唔好，相比呢個價錢原來係貴既。…查看更多