築地GINDACO (Closed)

一直想試下築地既章魚丸係咪真係咁好食, 今晚終於去左食玉子章魚丸, 發覺味道同旺角某小食店既章魚丸差不多ja, 唔係個個講得咁好, 不過唯一優點就係隔左差不多半個鐘頭先食都仲keep到入面係暖外面脆脆地, 而且眼見一班服務生好有心機為我地整章魚丸, 築地既章魚丸總算不過不失啦~~~

我本身都好鐘意食墨魚丸, 食過好多地方, 雖然lee間未必係全香港最好食ge墨魚丸, 因我未食勻全香港, 但就一定係我食過最好味最有水準ge一檔, 值得一推!!

雖然無位坐, 但d 原味八爪魚丸味道同係日本食差唔多, 而家仲多2種味道一種係玉子味, 另一種係吞拿魚味,而家仲買滿25蚊有3個印花。

放工後未食晚飯前，同老婆去呢度食D小食. 叫左6粒八爪魚丸($25) + $5一杯綠茶豆漿. 八爪魚丸- freshly made(都等左成10分鐘)，熱辣辣，八爪魚ok大粒，好味過西田.綠茶豆漿- 似豆漿加入綠茶粉，唔會太甜，但冇咩豆味. 食完之後原來都幾飽.

距離對上一次食已經係接近一年事--終於抵抗不住誘惑再食多次其實$25六粒真係幾貴,我買的時候都有擔心佢的水準會令我失望,不過當我接過六粒又大又熱辣辣八爪魚丸之後已經覺得我之前擔心係杞人憂天...然後我就急不及待咬落去,真係好好味--面層燒汁加上脆脆的外皮,當然唔少得大大粒的章魚,,令我一粒接過一粒,食完六粒竟然想添食--其實偶然讓自己放縱一次都不為過=)

而家好過之前,D丸本身夠脆夠香,$25 6粒,味道幾好,好過西田百貨果邊,醬汁有原味,吞拿魚味,蛋味,不過建議各位食番原味.不過食就要企係出面街邊食,飲品我就唔係好識.

話說星期天經過呢度，想起自己連早餐都未食決定試下﹗25蚊六粒，比起mk的十蚊有八粒真係貴好多，心想一分錢一分貨，加多三蚊要多杯凍綠茶。叫了原味，熱辣辣即叫即整，食落外脆內軟，中間的八爪魚肉好大粒咬落好有口感，好味道﹗唔洗五分鐘就食哂六粒喇﹗滿足不過都係嫌佢貴左少少﹗不過人一世物一世，試一次啦﹗

今日去開沙田, 過左下午茶時間, 又未食晚飯住喎...口痕想食d野, 見到黎間舖就試下囉...企左一陣, 見佢有3款味揀(八爪魚, 吞娜魚, 粟米)...話晒都係第一次幫襯, 梗係原味八爪魚丸啦...叫左個$39既餐, 10粒+2杯綠茶豆漿, 幾底食喎...佢係開放式比你睇住點整, 我地o米坐低邊食邊睇佢整囉...有個係日本人, 仲有d係中國人...見佢地好有心機續粒整, 又落足料喎...所以就心血來潮, 要入黎讚下佢地勒....味道真係唔錯架...只係舖仔一間無位坐囉...比起sogo平, 仲要足料d添...希望佢保持水準, 我下次會再去幫襯架

食過吉野家的quick dinner後,仍然覺得肚餓,又怕食得太多,就來試吓它的抺茶類飲品都有唔少選擇,最後揀咗抺茶豆漿走冰。店員立即提我走冰可能會有小小苦/澀,問我o唔ok。店員比杯飲品我時又問我要唔要糖水(唔知是否抺茶豆漿自動跟)。真喺唔加的話無甜味,加咗就好少少有適中的抺茶味(之後從吐出的胃氣中,亦feel到抺茶味),慢慢滲出豆漿味,當然唔甜啦,下次要問店員攞2包糖水才夠-如果跟燒八爪魚丸叫這個飲品,就有優惠價$5-下次要試下網友所說的抺茶牛奶

今天經過,曾看過網友的+ve食評,克服心理暗影來試吓(因once upon a time,忘記了在那裡食過大約2-3次八爪魚丸,好難食,成"舊"粉,sauce個味又濃又怪)問個店員邊隻sauce無咁濃,他說全部都濃,原味帶鹹,燒玉子嗰款就帶甜,吞拿魚嗰款就唔記得咗帶咩喇。燒玉子同吞拿魚就比原味多d料。最終試咗個6粒原味啦(small size)索性趁熱坐在舖前食,免得回家品嚐味道就會大打折扣。附上2包sauce,1黑(鼓油)1白(蛋黃沙律)。6粒八爪魚丸個樣正等如以下網友張相,圓"look look",好飽滿,面佈木魚絲,第1口咬落去好燙嘴,要攤吓先。其實做得好乾身同脆口,d粉唔厚。試過2種sauce,還是覺得鼓油味夾d,味道無以前食過嗰d咁怪,鹹甜度是濃,但balance得到,好唔錯,大大對燒八爪魚丸改觀食食吓之際,有對等外賣的couple,問我好唔好食,個sauce鹹唔鹹,我都一一告之。不過就算我話唔好,他們都已經order咗,無得回水嫁喎,hahaha其實那個太太都幾nice,同我講旺角(近家樂商場)有間食similar的小食,但個面就呈界十字形,都好好食,又平d,不過我無ide

最愛這裏的燒八爪魚丸..又多醬汁,又多木魚...八爪魚的餡料好豐富最而是這裏有好多不同的醬汁揀...同埋最愛這裏的抹茶牛奶..^^

繼續食,嗌左個細ge,$25/6,有4隻醬汁,費事諗,叫左原味。個staff d服務幾好,會講返有d醬汁,講下有大細size,佢比我個時重好有禮貌咁講左句:"要係等咁耐唔好意思",值得加分=)d朋友成日話好食,但我今次試左,都唔係真係好好。每1粒章魚燒真係比街邊大d,d粉冇咁厚同埋粒章魚真係大粒d,但味道同街邊食個d差唔多,所以我覺得唔值咁貴。不過我覺得個staff d服務幾好,所以比個笑面la=)

我第１次食築地係ｍｋ，ｍｋ分店好在有ｂａｒ檯俾妳到個地方妳食囉，但服務真係差到幾時諗起印象都咁深刻，就算幾好食都唔會讚，沙田岩岩開個陣好多人食但我見到佢地既表情一樣係笑住好有禮貌去服務妳，而且我覺得沙田比ｍｋ個間好食，不過唔知點解次次食親都係冇哂芥末（真係幾奇）我比較鐘意沙田個間，多一份開心、滿意同人情味～～築地同小丸子既燒八爪魚丸最大既分別在於前者表面係較乾身搞脆ｄ，後者係淋ｄ～兩者價錢都差一陪，只講食物我認為兩者各有不同，睇下食家喜歡邊種口感多ｄ而已～～

相比起旺角第一間店...八爪魚波波唔夠乾身同脆口.環境又冇高身bar 枱,即場食唔方便.但服務就好d. 可能呢到人流少d gar.