Q1

今次去油麻地第一郡，位於商業大廈1樓，靜靜地以為冇乜人，原來都好多食客，試咗幾款越式fusion小食，真係有驚喜！🦀🍅We dropped by District One in Yau Ma Tei for a Vietnamese-inspired feast that totally hit the spot.🥣 蟹膏番茄湯矇 Crab Roe Tomato Soup Vermicelli湯底濃郁得嚟唔膩，蟹膏香氣撲鼻，番茄酸甜平衡得啱啱好，矇粉滑溜吸湯力強，一啖接一啖！Rich, tangy broth with a punch of crab roe umami — the vermicelli soaked up all that goodness. Comfort in a bowl.🥖 越式軟包 Vietnamese Soft Bun外皮微脆，內裡鬆軟，夾住香料醃製肉同酸甜醬汁，好有層次感，食完仲想encore！Fluffy yet crisp bun stuffed with marinated meat and zesty sauce — a bite full of texture and flavor.🥑 牛油果冰沙 Avocado SmoothieCreamy到不得了，牛油果香滑得嚟唔會太heavy，飲完超滿足，仲有少少解膩效果！Smooth, velvety and refreshing — the avocado smoothie was the perfect chill finish to our meal.🏰第一郡📍 油麻地彌敦道483-485A號2樓——————————————————————— #tastyspell #foodiehk #hkfoodbloggers #globaleats #foodporn #foorlover #foodholic #foodiehk #hkfoodie #hongkongfoodie #hongkongfoodblogger #香港美食 #YauMaTeiEats #蟹膏控 #越南fusion #Foodie探店…Read More

❤️呢個係我暫時食過最好味既越南法包！🥖越式法包 👍🏻👍🏻👍🏻👍🏻👍🏻👑🌯 米紙蝦卷 👍🏻👍🏻👍🏻😋已經唔止一個朋友推薦呢間越南餐廳！佢哋都一致好評表示越式法包好好食！🥖法包有加熱過上枱嘅時候暖暖嘅，而且表皮香脆，材料好簡單有扎肉、肉鬆、酸蘿蔔同菜，我最鍾意係佢既酸蘿係蔔😍食完咁大個麵包都唔會覺得滯！ 🌯 米紙蝦卷本來我哋諗住當小食，但係發現上到台佢超級紮實！材料超多，除咗蝦之外，仲有豬肉同埋檬粉！食完超級飽！呢個價錢嚟講超級抵食😋…Read More

自Q1第一郡還在深水埗的時候已聽過她們的名字，還記得客人都說店舖細細門外排長龍；直至她們搬舖至油麻地一度時間後，我終於來一嚐她們的出品，久仰大名。週末未夠晚上七點時到達，餐廳已差不多滿座，幸好還有兩三張吉檯就順利入座了。用餐桌上沒有餐牌提供，有需要的可以拿一張宣傳單張細閱，或直接使用QR code落單。一般我們會點越式法包，見到她們有一款越式軟包($52)就點來試試；其實就是以比較軟的麵包取代較硬的法包。裡面的餡料種類多，例如有豬腩肉、扎肉、酸蘿蔔絲、生菜絲、肝醬等等，無論是味道或者口感也十分豐富，唯獨份量是細了一點；覺得法包太硬太難咬的朋友可以考慮轉點這款軟包。夏日炎炎吃烤豬肉撈檬($70)都幾消暑。未開動之前感覺奇怪為甚麼沒有提供撈檬的醬汁呢，詢問店員後說原來醬汁已加進撈檬裡面，也就是說這裡的撈檬本身已經有固定的底味。菜式的溫度是室溫，醬汁偏淡所以不算酸，配料有酸蘿蔔、生菜絲、香蔥、香葉等，配合著調味較濃的烤豬肉形成了不同層次的味道，清爽開胃。除了冷的麵食，我們也點了熱的順化牛腱河粉($85)。湯底牛味不算很濃，調味過甜，配菜有牛𦟌、牛筋和扎肉，牛類都燜得夠淋容易入口，是琳瑯滿目的一碗麵。越南香茅雞翼($38)是五隻BB雞翼，細得有點誇張，沒有甚麼香茅味，只能當作是普通炸雞翼吃。餐廳本身的裝潢簡單，大部份裝修、傢俬都使用上手餐廳留下的東西，再因應現在自己的需要加減傢俬，例如有些檯就如在社區會堂裡可以見到的置物檯，就是一個很簡潔的用餐環境，亦是光猛乾淨的。除了有人送餐，餐廳營運模式就如food court，在沒收取加一服務費下也是可理解的，不過感覺店員和餐廳的態度有點愛理不理；特別深刻的是有一台客人整頓飯的時間裡面均極度興奮，高談闊論、大笑、大叫，嘈得我們這檯對著坐也聽不到對方在說甚麼，在嚴重影響其他客人的情況下店員也從未出聲提醒，多次送餐到那檯也忽視問題，實在令人失望。食物來說個人認為可以一試，特別是法包、撈檬的味道幾深刻，價錢經濟，不過食完有一點口渴。如餐廳推出一些套餐，還有引入更多菜式選擇，相信客人來光顧的吸引力會更大…Read More

又托好友的提議，去左呢間不一樣的越菜餐廳，今次本來無諗過有咩驚喜，反而覺得佢嘅湯底同埋特飲都大大超出我想像。首先，我叫左烤豬肉河粉，而我朋友就叫法包，再叫多個雞翼開心share。而且，好友亦推薦左牛油果特飲，一試難忘！簡單而言，湯底好有越式風味，應該落左唔少洋蔥去煲，而豬肉有少少甜味，肉質一般，但味道係出面未試過的清新。而雞翼都好抵，簡單蜜糖燒雞翼，肉質幾好，唔似打針雞。最出色係牛油果特飲，佢真係有牛油果傢，都算濃郁。加埋兩位都係200多啲，覺得性價比幾好。…Read More

呢間鋪以前喺深水埗，我去開深水埗都會去幫襯佢，舊鋪好細印象中得6、7張枱，星期六日去都要喺門口等半個鐘😅而家佢搬咗去油麻地，地方大咗企理咗，水準仲係keep 得好好😆👍🏻👉🏻 蟹膏蕃茄湯檬🦀💰70一定一定一定要試！喺我每次去嘅必點item ！入面有豬紅，豆卜、扎肉、香菜、芽菜、生菜、蕃茄 ，配料豐富👍🏻當中最好食嘅就喺個塊蟹膏餅 ❤️ 入面有滿滿嘅蟹肉同蟹膏，質感好似百頁豆腐～索哂濃香嘅湯汁，咬落去好滿足😋而佢自家熬製嘅蕃茄湯酸酸甜甜，加埋香菜清新嘅味道，好開胃嘅呢～～👉🏻 越式法包💰60可以揀全個/開2/開4咁上，方便同朋友share ～個包外脆內軟，入面有扎肉、腩肉、青瓜、肉鬆同酸蘿蔔，餡料豐富，口感十足！佢嘅人氣食品仲有班蘭糕（以前每次幫襯都會買一件拎走番屋企食）同米紙蝦卷，可惜每日供應數量有限，我收工夜晚7點去已經賣哂🥲💔想食就要早啲去了～～～…Read More

本打算食泰國菜 到達才知原來轉咗越南舖 見咁多人即管試下， 入座睇餐牌其間 覺得好大冷氣，風口吹著 。想轉位 ，剛好望到有人走 ，店員行去執枱身邊路過 問她一下：我們想調位 ！ 她回話說 「唔得 ，留咗枱」，人家預留枱無辦法 繼續點菜啦 ，個店員安排好這桌客人後，走過來叫我們 如果想轉位 。未點菜就行出去再排隊 等位 ，當有位可以再安排給你們。 這個安排很特別 食物 可以 法包新鮮脆感 滿滿 。味道濃郁 食完覺得需要飲多些餐廳環境 可以，水、調味放在自助位置 店舖中央都方便取 限時60分鐘 食物重要 服務也重要…Read More

第一次去呢間餐廳，上樓的，本來無咩期望，點知呢間越南餐廳都有幾多選擇， 味道唔錯，都可以叫是 “平、靚、正”。另外，侍應招呼都幾好，我本來落錯單，佢哋都肯俾我改番。今次叫咗蟹糕湯檬，檬雞翼同埋慢煮牛肉拼法包。…Read More

呢間小店N年前幫襯過深水埗店，印象已經好模糊。新店搬咗去油麻地，雖然係彌敦道，但並不是地舖，而是從酒店旁的大廈入口搭𨋢上二樓。牛油果沙冰（$35）同我認知中嘅沙冰唔同，唔係有碎冰嗰款，呢杯十分creamy，勁滑身，偏向似奶昔嘅口感。淡淡嘅牛油果味，味道不錯。蟹膏蕃茄湯檬（$70）湯底帶酸，十分清爽開胃。配料有蟹膏餅、扎肉、豆卜、豬紅、蕃茄、香菜、芽菜、生菜，蟹膏餅好大件兼厚身，口感紮實，食落有蟹膏味；本人唔多好扎肉，但呢度嘅扎肉幾好食，彈牙，中間有啲爽脆軟骨，口感似雞軟骨腸；豆卜豆味濃；其他配料味道正常。檬粉份量足，算滑身，唔易夾斷。越式法包（$60）落單時可要求開二/三/四，細心。法包微暖，外層脆裡面軟熟有𡁻頭。配料十分豐富，有腩肉、札肉、肉鬆、酸菜、青瓜、芫茜、蔥、肝醬，各款嘅調味都唔錯，尤其酸菜唔會勁酸，芫茜好新鮮好香，肝醬咸咸香香。班蘭糕（$15）底面兩層十分黏身，中間夾住滑身嘅綠豆蓉，雙重口感，而且味道濃厚，不錯。PS：自助斟清水外，仲有班蘭水，聞落有香味但飲落同清水分別不大。…Read More

由於沒有訂位服務，想要吃晚飯只能現場排隊等候，週末晚七點前來到大約等了8-10分鐘有位坐，比預期快。餐牌只有一張底面見曬。正想點餐時聽到旁邊的一枱食客點河粉，店員告知河粉賣晒，吓😳但餐牌上除了飯和法包，麵類只有河粉和檬粉，選擇立即少咗好多。本來想試米紙蝦卷、蔬菜燉牛腩，可惜這兩樣都賣晒🤯。 最後點了- 蟹膏蕃茄湯檬，足料惹味😋; 沙甸魚法包，外脆內軟的法包跟餡料很相配👍🏻; 越南香茅雞翼，細隻和瘦身，很一般👎🏻想試的甜品班斕綠豆糕一早沽清….😖其實旺角區人流多，尤其是星期六和星期日，唔明點解餐廳準備的食材這麽貧乏有限，晚上7點未夠已經有一半菜式賣完，如果真係有心想來吃特色越南菜，奉獻大家先打電話來問清楚是否供應充足。…Read More

睇到食評話呢間嘅越南包好好食，尋晚就去試下，可能早到，有一半座位係空嘅坐低咗，職員比咗個code我哋點菜食物黎到喇，但個托盤無餐具，於是我就問職員（著住黑衫黑褲，頭髮中長，有啲立立地）拎筷子啦我（中文）：唔該可唔可以比兩雙筷子我呀？職員（英文）：（帶點不禮貌）Sorry, I don’t speak any Chinese我（英文）：Can I please have two pair of chopsticks?職員（英文）：Box? Box?我（英文）： Chopsticks please職員（英文）：Box? How many box?糾纏咗一輪，最後終於拎到筷子個越南包嘅包係脆嘅，不過肝醬比較少，同埋酸蘿蔔太多（純粹個人口味）呢間餐廳個menu同其他越南餐廳有啲分別，平時見到嘅菜式，呢度未必有奇就奇怪在，喺成個進食嘅過程，我地都聽到呢位職員用流利嘅中文同其他食客講嘢，到到我埋單果陣，仲聽到有其他食客問佢拎筷子，而佢係用流利嘅中文問人地要幾多對。食物其實唔算好驚喜，不過呢個奇怪嘅職員令我唔會再幫襯第二次囉🙅🏻‍♂️…Read More

由深水埗食到佢搬來油麻地呢間同土瓜灣嗰間都係我嘅至愛如果想食蟹膏湯檬自己覺得呢間暫時係食過最好食蟹膏蕃茄湯檬 $72有蟹餅一塊，兩粒豆卜，兩粒豬紅，兩塊扎肉，蕃茄半個同生菜蟹餅有蟹肉碎，少少蛋扎肉就正常湯底係精華之前睇訪問話老闆係自己熬製濃濃蕃茄味每次食完都唔會覺得口渴相信係真材實料，冇加味精佢嘅牛油果奶昔都係濃濃牛油果味值得一試🌸🌸🌸🌸🌸新場環境大左枱多左有自助吧，可以斟水或者斑斕水呢間水準穩定每次諗唔到食乜就會去…Read More

足料，夠香，但味精較多，食飽飽之後，有些口渴！不過整體，環境衛生舒服！用手機落單，之後碗麵上桌又快又熱、又大碗！好多雞絲！碗麵份量都算足，係多咗少少味精！食完之後就好想搵嘢飲！一入到去就已經當你係熟客一樣，夥計仔會走埋嚟指你去坐低，然後火速放低一張有QR code嘅手機落單紙，跟住你就自便啦！又唔可以話冇Service嘅，係隨便少少，自如少少啦！我坐窗口位，可以欣賞吓𥦬外油麻油街境，一個人靜靜享受咗一碗雞絲湯河，都算唔錯！睇餐牌，有多款甜品選擇，又有越式麵包，越式沙律，越式飲品，雖然唔算選擇好多，但係就款款都幾有特色。如果你喺旺角行街，行多兩步上嚟幫襯下，都算係一個好地方！…Read More

以前在深水埗食很好食，可是搬咗舖之後，第一次幫襯，但食畢後深感有食安問題，今日專程來到，叫了蟹膏番茄湯檬+凍啡；食到中段，咬到一口沙，吐出來，見到一些有絲沙布粒，細緻看，竟然我食到清潔用的百潔布碎🧽，有冇搞錯？！湯底番梘水味，帶酸；湯底很多沙和肉碎，懷疑是環保湯底？？扎肉有耳仔毛，明顯是很低劣的食材。然後跟侍應反映，他說換過一碗給我，我說不用了，反正都是同一批食材！我都食不下去了，直接付款離開，永不回來！…Read More

第一郡係油麻地嘅一間越南小店，真係好有驚喜！一入去就覺得好舒服，雖然地方唔大，但係好乾淨，仲有啲越南風情嘅裝飾，感覺好地道。我試咗佢哋嘅「扎肉法包」，真係好正！個包外脆內軟，扎肉鹹香得嚟唔會太膩，加埋新鮮蔬菜，食落好清爽，完全唔會覺得滯。再試咗「順化牛腱米線」，湯底好濃郁，帶少少辣，牛腱煮得好腍，米線滑溜溜，真係好似去咗越南咁！斑斕糕真係第一郡嘅一大亮點！個樣仲好靚，綠油油咁，睇落已經心動。咬落去，口感軟糯得嚟又唔會太黏牙，甜度剛剛好，唔會太膩，食完之後仲有種清新嘅回甘，真係令人一試難忘！佢哋嘅斑斕糕應該係自家製，食得出用咗心思，唔似出面啲現成貨咁死甜。每一啖都充滿斑斕葉嘅天然香氣，好食呀！…Read More

假日下午時間經過油麻地上網搵到呢間 第一郡幾高評價退即刻上樓試試佢👉🏻米紙蝦卷🍤個樣用咗葉包住入面應該有嘅材料都有齊（粉，蝦，豬肉，菜......）係隻蝦細咗啲但個醬汁先係重點🤌🏻花生味超濃 個醬入面仲有脆脆蘿蔔絲同炸蒜花生粒粒，加埋米紙卷一齊食，真係好夾😆😆👉🏻越式法包上台時仲暖暖哋，外脆內軟包住好多食材最出色係酸酸脆脆嘅紅蘿蔔令到個包口感多咗好多👉🏻蟹茄膏蕃茄湯檬個樣好似車仔麵😂可能因為有豬紅豆卜湯有半隻蕃茄，偏咸咗DD上面個蟹膏餅幾好食似係雞蛋豆腐混合物索晒啲汁😋👉🏻斑斕綠豆糕外表煙靭，好香斑斕味。中間綠豆蓉唔係特別甜，夾埋一齊口感唔錯👍🏻呢個一定要試…Read More