笑左衛門 (Closed)

平民價的日本餐廳，位置係土瓜灣一帶，近海逸酒店。門面餐牌真的要給大家一看，非常非常之抵！由於我是一個人去，食唔到太多，只叫了五串。第一款係煙肉鵪鶉蛋串，五星推薦，咁多串，最好味係呢一串，建議一啖一粒，非常好食！噴火豬腩肉串，是這間店舖的推薦。醬汁很新鮮，其他地方未試過，不過我不是非常喜歡，但是不難吃。豬腩肉有少少鞋，不夠肥。鹽燒雞翼串，不過不失。免治雞肉串，同樣也是不過不失，飽肚之選。雞軟骨串，第二好吃，可以encore！下次有機會再路過會試吓佢啲壽司。

當晚同朋友一齊去食，叫咗個豚肉三重奏烏冬，味道正常。可能係咁岩我個碗的問題，豬軟骨好鞋，其他肉都ok~份量都算大份！另外叫咗少量壽司同朋友share，正常味道，但紫菜有啲淋。

今次試咗笑左衛門個人真實感覺。。。啲壽司質素同價錢唔成正比三文魚腩仲話推介食。。。未食過咁唔好食嘅三文魚 而串燒就鹹得滯😅🤣🤣🤣🤣救命無下次，講真我真係寧願食爭先

小區的日式餐廳，本來不太期待，誰不知有驚喜二人行：1.咖喱雞扒飯2.地獄湯底豬軟骨烏冬3.餃子牛舌串燒2. 本以為是低級日式餐廳，用會自己中間斷開的烏冬，來到卻是想急凍彈性烏冬，加分。1. 另外咖喱雞扒飯味道不錯，雖然不是燒雞，應該是用氣炸鍋，所以雞皮都脆脆的。3.另外加了串燒，也不錯。當然不要以為是很高級的日本餐廳，刺身和壽司有沒有試過。

感覺上串燒及壽司價錢比較抵，飯及鍋物比較貴。但今日沒有串燒了，又不想食飯所以就叫了兩個牛肉鍋。一個是壽喜燒另一個是清湯牛肉鍋。待應說，兩個的材料是一樣的只是湯底不一樣。但壽喜燒還有雞蛋呢，比較上好啲。牛肉質素也不錯用上比較瘦的牛，不是普通肥牛一大堆肥肉。

今日同老公慶祝週年紀念諗住近近地係附近食下反快啲番屋企經過見到間日本野其實已經想食好內重以為佢新開原來開左一段時間入到去個職員好好人好細心我坐底職員見我係孕婦。就已經俾水唔係俾茶我啦叫左個蛋豬扒飯蟹子沙律加州卷同老公亂咁填嘅壽司啲壽司黎到 個樣已經勁新鮮有凡立貝壽司鰻魚壽司三文魚壽司三文魚腩壽司左口魚壽司蟹柳壽司老公都讚不絕口蟹子沙津又夠凍重好夠蟹子滑蛋豬扒飯都好好食不過我嫌佢冇乜汁

黎過幾次食野，貪呢到就腳，講真食物呢就普通架啦，唔係話特別出色，有比佢更好既日本野，但志在呢區冇咩太多日本野，所以佢都有市場既。。串燒呢就差啲啦，好似求其燒兩燒就拎比啲客咁樣，拉面都可以接受啦。但。。哇去親呢間野都受氣，個個呀姨店員啲服務態度奇差，呼呼喝喝咁，叫佢比張大小小既枱即刻黑哂面，仲好大聲咁“吱”我地啤住我地，咩態度？落單個時仲要搶張點餐紙，真係不予置評跟住仲要扮睇唔到我地叫佢賣單，過份!仲要比哂面色我地睇，如果去呢間野食預左受氣啦

今次嬲到爆，唔寫唔得！幫襯咗呢間嘢好多年，通常一家大細落去食，今晚兩個人落去，我自己攞位先，見佢不太多人，有張卡位。心諗反正我都會臨走叫多4碗外賣，價錢上仲食得多過4個人啦。所以諗住問一問可唔可以轉去卡位，就算唔得，都明白，但好老實，我會分開外賣單（因為以往佢哋都好醒，夾埋堂食果張，可以收加一，見慣不怪！）。點知問咗第一位姐姐，佢話問吓先，就去咗問果個平時態度都唔好嘅果位亞姐。點知問完無咗影，連單都唔同我落，去咗第二檯落單。另一位平時態度都唔好嘅亞姐望住我，我再問多佢一次，驚為天人嘅答案（態度語氣都唔駛我講）：「150蚊位囉！」多少少解釋都無，我問佢即係咩意思。佢再答：「即係你要食600蚊先有卡位坐囉！」ok，明哂！我配合唔到你間咁尊貴、睇唔起我嘅食肆。以後唔會再幫襯！好好答句：「唔好意思，夜晚客人……」唔得嘅！

食過一次以後唔會食呢間野！！！事情重要發生喺12月31日除夕夜晚上約8-9時當時有2個店員係樓面，我同另一個朋友一齊入去之後，由落單到埋單都極度不滿意其中一個店員既態度。落單個陣，我同正常一樣都係舉手示意，當時店員做緊另一樣野（隱約記得係執緊筷子），我一直舉住隻手但係佢冇任何表示。直到佢執完之後，佢隔離嗰台客叫佢幫手斟茶，佢走咗去幫佢哋斟。我覺得可以接受嘅，畢竟個日全場都好多客，但係之後做嘅嘢就簡直係不可理喻。佢幫枱客斟完之後再去隔離個枱問有冇人要加水，最離譜之後仲要企喺度同佢哋吹水。個下我同我朋友o哂咀😧最離譜既係我地野食嚟晒之後，冇晒水叫佢加水，佢行埋我地枱到然後叫我地等一等。但係等左10分鐘，直到有一台客食完野，佢都無過過嚟，仲要走左去執嗰台客既碗筷。我再舉手示意，另一個店員問佢咩事，佢先講我地要加水，然後先叫另一個店員黎幫我地加。佢咁既態度令我地覺得佢係到玩野，重要係正除夕夜晚，當中嘅過程我同我朋友算有禮貌，例如落完單同埋佢幫我地斟完水前後都有講唔該等等。事件令我感到好不滿同好嬲。你話客多要等耐啲我地可以理解，但係你咁明顯玩野就忍無可忍重要收加一服務費，但係就提供咁既服務

笑左一間位於土瓜灣的日本餐廳，店內賣壽司，鍋物料理，燒烤及刺身。算是多種類的日本餐廳，一店能食曬各種日本師傅手藝。可惜，這裡的師傅是香港人，哈哈。笑左衞門沙律，＄68，沙律有小粒刺身，可另叫一碗珍珠白米飯，＄20蚊。咁，就有飯，有菜，有刺身嘅飯啦，味道唔錯。鹽燒三文魚頭，SIZE好大，好大個魚頭，＄78，有小小貴。魚頭有好多骨膠原，好好味，最後太大，真係食唔曬。咖哩雞排飯，$66，鷄排是燒出來的，跟照燒雞排飯一樣，但可惜餐牌只有燒雞排烏冬＄75。職員教我，下次叫咖哩雞排飯走咖哩汁，咁就會變成照燒雞排飯了。哈哈，原來要咁叫！味道，咖哩汁一般，唔係好得。雞排就可以，幾好食。

學完跳舞之後係附近食好西，見到呢間好得意的餐廳名「笑左衛門」就行左入去。一行四人叫左兩碗拉麵及一大堆小食Share。「蟹籽沙律」每條青瓜絲、蟹柳絲都被沙律醬包圍，蟹籽脆口唔腥。「木魚絲茄子」係平時係餐廳少見的菜式。燒得香軟的茄子上面加左大量木魚絲。第一次食「象拔蚌刺身」，口感彈牙爽口，又幾好味喎。厚切的「三文魚刺身」，白色紋清楚，食落口好滿足！「呑拿魚腩刺身」係餐廳都係比較少有，呢塊刺身不得了啦，超級肥美！放左入口魚油好Rich好香！餐廳提供不同的壽司，當中包括軍艦及炙燒。餐廳的燒品都有好多可以選擇。「大葱牛柳串」及「雞軟骨串」燒得好香。「鹽燒極上牛舌串」燒得香而且唔乾！「豚肉三重奏烏冬」，豬肉的份量大，加埋有半隻温泉蛋，好滿足。「九洲辛辣牛肉烏冬」湯底香濃，加埋煮得剛好的牛肉都幾惹味。「桃味梳打」味道淡左少少。餐廳的呑拿魚真係幾好食，話唔定我會為左呢塊刺身再入過黎。

見到個名咁特別，就入去試下啦，反正自己想食日本嘢。坐低睇菜單，就發現都有好多嘢揀，我就叫咗個壽司烏冬食。雖然等待時間有啲耐，不過壽司好新鮮，烏冬好滑，湯底又香～係滿意既一餐

平時好小去土瓜灣，今日經過見到呢間餐廳名幾有趣，入面都幾多人，就決定入去試下。皆因我係蕃茄控同麵控，所以一見到 menu 諗都唔洗諗即刻嗌蕃茄豬軟骨烏冬。烏冬好滑同十分彈牙，豬軟骨夠淋夠入味，仲有半隻蛋，而蛋黃係半熟的，十分驚喜。不得不提佢個蕃茄湯底濃味，感覺上好似係真蕃茄湯，而我都忍唔住成個湯飲晒，飲完仲要無好口渴既感覺。然後追加咗一碟三文魚壽司，十分新鮮好好食！離開時仲見到好多人入緊嚟食嘢，估唔到生意咁好。

下午差不多2時入店，門口有一個客人，最入面有1枱4位客人，但入到去佢點左我去門口位客人隔離，哪是１張四人枱(併枱)，我坐了偏左哪張，那個女侍應不禮貌地說:你要坐這張呀！(手執起右面枱的歺牌的角)，我當時第一反應是心想，點解唔得，呆了望她。 之後她用更不耐煩的又再問，我點頭，她很侮氣的將右面枱歺牌扔在枱上，眼超超我走了，之後又啪一聲扔低杯茶走左去!!!咁既服務態度，我食野既心情冇哂!!可能這就是她的目的!!!

其實我都好小出來食午餐啦⋯⋯既然有新同事到訪，就帶佢出去威一威啦⋯⋯環境：坐得一般啦，但冇加一情況下都算係咁⋯⋯食物：好質素架⋯⋯稻庭烏冬來架⋯⋯正價格：講真都要60一個午餐架