Takeya

19年1月8日，食完嬲到開帳戶黎鬧呢間鋪我住黃埔新邨住左5年，未食過餐飯係咁嬲1. 野食異常地貴，味道平平兩個人251蚊埋單，你以為好抵？其實係見佢餐牌太貴叫唔落淨係叫左一串雞皮，一串雞肉一份厚燒玉子同兩個飯團醬油雞肉串燒一串34蚊，寫明係一串收得34蚊點都有d期望，一上台果時已經嚇親你攤開你手板，試下含住隻食指咁樣已經食左三分之二串，味道完全稱唔上好食燒飯團我食完之後睇左呢度其他食評係啊佢無講錯，你真係可以拎個飯團黎掉死人咬開後望個飯團，外皮差唔多成1cm係超硬既裡面亦稱唔上軟熟表面既醬汁太濃，唔好食玉子同雞皮味道係正常既但絕不值75蚊既玉子同成30蚊一串燒雞皮我唔明其他人點解會話佢串燒好食同樣既錢去隔黎間日本野食既話食到抱住個肚腩走都得2. 帳單鬼鼠閃縮食完曬上面講既野已經好想快d埋單走埋單時佢拎黎果張單係細細張紙印曬佢全店既食物字體仲細過信用卡條款d信 （估計font size 6)正常店鋪埋單都會印張電腦單連埋信用卡果張過底單比你出到門口先發覺佢係唔比張電腦單你架!我想計番條數都無得計!係，我知我應該簽卡前要睇左先但當時真係好想快d走，無做到3. 收貴左？我番到屋企，點計都計唔到點解係251蚊玉子78+雞肉34+雞皮33+兩個燒飯團50=195加完一都唔到220我估係佢一坐低就遞左兩份前菜其實係要收錢咁你唔講左先遞上黎？等餐時我望左好耐店面淨係有貼開瓶費500同切蛋糕唔記得500定300仲有好多日本明星既poster完全見唔到你寫前菜幾錢總結如果你係去呢間野飲酒既，可能呢篇唔適合你因為我地無係度飲酒佢Orion生啤大杯58唔算太貴但如果你去食串燒既，千祈唔好去，附近好多選擇如果你想話去試下日本廚師手勢對唔住，日本求其一間鳥貴族分店都好食過佢…Read More

一家大細黎食野，坐落去已經好迫，每次打電話都無人聽，咁岩今日再打竟然會聽，就去左食啦，去到book左四人台，無位要我地去bar台咁都算啦，迫迫地快快翠食完走，點知比碟前菜我地，bb食到台上都有，個侍應就叫我地抺乾淨張台，我話一陣我會抺，因為佢點食都會周圍都係，點知佢就講啦，小朋友食到周圍都係我地呢到係食市，你整到周圍都係我地唔係好鐘意，食市最緊要乾淨，搞到我以為book到枱好開心變到燥燥地，我黎食野，你一尾叫我抹台，我都唔知黎清潔定黎食野！食物到啦，係幾熱，但味道就唔係話好味，但個侍應一尾就睇住我地有冇跌野食，到最後我都頂唔順同👶🏻走左出去等，雖然價錢唔係貴，但明白到咩叫貼錢買難受！重有，大家小心啲，千萬唔好要水飲，我地冇要求過佢俾水，佢私自放落張枱俾我地，到簽卡睇數個時見到每杯收廿蚊！…Read More

這家店每次walk in 都沒位置 happy Friday 就提前book了位環境幾迫下 還要坐在門口 服務還不錯 笑容可嘉 可是每次看到了空碟不到一秒就收了 好像趕我們走似的 應該是太多booking的原因吧食物主要叫了串燒 牛舌 招牌 很好食 外脆內軟 不過硬雞皮 幾特別的菜 燒到剛好豬頸肉 店員推介wasabi味 很配年糕 好食 煙韌好咬口飯團 外面太硬很難咬最失望是雞腎 臭 不新鮮最後結賬$600 但坐都不太舒服 性價比有點低 但能嘗日本廚師的功架 也是ok的…Read More

呢間隱世小舖通常唔book位就好難食到，因為好full而且地方細好少位。好好彩今晚冇book位，6:40pm到攞到最後一張枱，都要八點前交枱。鋪面好細好難發覺，而且仲起巷仔入邊，因為朋友介紹先至認識😆好地道嘅一間日式居酒屋，我見好多客人都係熟客甚至有啲係外國特登嚟食！老闆娘好友善，服務好！餐牌食物款式唔多但足夠，今次主要都係食串燒。因為所有野都係即叫即做，串燒都要等比較耐，所以我哋都一定要起7:25pm 嗌唒野食。1. 牛舌2. 豚肉3. 豚頸肉4. 雞腎5. 雞軟骨所有都係鹽燒除咗豬頸肉係山葵。無論係鹽燒定山葵，都好好食。好香，肉汁keep到，唔會過熟。最推介係雞腎😆芥辣八爪魚八爪魚好鮮。不過唔算話太特別。年糕估唔到燒年糕係咁嘅樣，好特別！外脆裏面好煙”un”。有少少似米嘅味道，配上醬汁，又幾好食喎。厚燒玉子大推！我覺得全店最好食係呢個！呢度用嘅蛋好特別係好香好有蛋味，而且佢裏面仲係好滑身，又唔係完全熟晒咁樣，好好食！…Read More

在香港, 要找尋正宗的日本串燒, 除了之前的南亭外, 首推竹家.座落在紅磡黃埔花園橫街, 一點都不起眼, 充滿隱世串燒感覺!每次到來, 都總有3,4檯日本客, 老板娘流利日語對答, 再細心觀賞小店裝潢, 喝著小店自家浸泡的梅酒, 曚曨間, 真的以為自己身處日本某某串燒小店MENU種類不多, 但樣樣都嚴選食材, 保持品質, 保留原味. 煮大腸, 太入味太諗, 微微辛辣, 做小吃一流!!燒雞皮, 脆得像吃薯片一樣, 越趙越甘香!! 一點都不覺油膩, ENCORE 再 ENCORE!! 燒牛舌, 極度JUICY, 那回甘味濃濃的在口腔徘徊不散, 食兩三串是必需的!!!燒雞亦, 雞皮脆, 雞肉又滑又多汁, 無何挑剔!燒年糕, 外層燒得像脆米一樣, 內層卻又煙煙UN UN, 配上燒汁, 美味可口!!只有一位日本師父主理, 跟東京小店一樣, 店子小卻安排得頭頭是道, 當我掛念日本的正宗串燒, 腦海想到的就只有竹家!! …Read More

呢間居酒屋位於紅磡巷仔內唔係咁起眼，但我已經嚟過無數次，每次都總係會吸引我返轉頭。佢係由真。日本人開嘅，所以好有日本風，入到嚟真係有置身日本嘅感覺～但居酒屋裡面嘅坐位唔多，若你想試嘅話緊記要先訂咗，walk-in 通常都無位嘅，我已經撞過好多次板啦。。。Menu上嘅差唔多到試過晒，牛脷係我每次必點嘅項目，燒嘅時間啱啱好，保持到嫩滑（其他餐廳通常做到好靭）。第二吸引我嘅係年糕，係串燒入面少有嘅甜食，唔會太甜而且外脆內軟。淨食串燒好難食得飽，所以我通常會搭飯團或者烏冬，普通嘅食物都依舊做得好味道。雖然出菜比較慢，但係全都是即叫即做，送上枱果下包保熱辣辣，好正架！…Read More

極速收碟，keep住話俾wall in啲客知無枱好full house亦好迫好迫好似好日本講晒日文Book 左位先去仲唸住真係好好食。。。這個不錯，夠飽肚正常雞軟骨串燒飯團咬左兩啖都咬唔開嗰下心唸係硬到可以擲死人地個仔。。。。。。最好先用筷子撬開，是好吃的如果愛吃飯焦最期待。。。玉子燒但擺入口甜到飛街。。。咖哩烏冬。。。$78自行到759買盒日本咖哩同烏冬煮沒分別吧另外叫了幾樣有soba是最有heart 了多春魚一條23元。。。慘公豬總括燒物不錯價錢也不錯未試過可以一試…Read More

同媽媽去紅館concert前，當然要醫飽個肚啦！近近地就喺黃埔搵食。得兩位女士都唔會食得多；串燒容易控制份量又可以試多幾款！難得6點未夠就到黃埔，可以試試一啲容易full嘅舖仔。竹家係巷仔入面，門口燈又未開，有啲難搵。6點半開門，好彩無訂滿，仲有位！坐定定，周圍望，成間舖得20個位左右，媽媽話肥少少都唔可以係到做侍應！我把握時間，係媽媽到之前叫定野食！佢黎到就食得，時間啱啱好！＊串燒類＊我地全部都係叫鹽燒，佢地有啲有醬汁、麵豉、等等 雞腎－一粒粒，彈牙，好肥美。唔似出面好多都係用腎片。燒得好。牛舌－燒得好香，好味！豚肉－較肥，燒過嘅肥肉特別好食。大蔥－媽媽大愛！雞心－食材唔錯，good!＊其他＊厚燒玉子－全晚最愛！每層都好薄，中間仲係震騰騰，又唔太甜！超好味！蕃茄乳酪燒－芝士好滑，一定要同蕃茄一齊食，唔係就太咸啦。芋頭煮－應該係用日本芋頭，芋頭味唔濃，好黏口。牛舌刺身－唔好諗住係血淋淋嗰啲XD 夾埋啲蔥再加山葵醬油，正！側邊碟秋葵係前菜，都幾好食。＊總結＊好好味，一定會再黎，下次要飲埋酒！…Read More

One of my favorite Japanese restaurants in Hong Kong. Great atmosphere, very reminiscent of an old-style yakitoriya in Japan. Staff all speak Japanese and are super friendly.Overall excellent food - yakitori is delicious (especially chicken skin, pork belly, nankotsu and tomato with bacon). Chicken is all imported from Japan and is excellent quality. There are lots of other interesting things on the menu like shuto with cheese which was surprisingly tasty (especially with beer).Only downside is the restaurant is quite small, so you need to make reservations otherwise it's very difficult to get in.…Read More

今晚同家人去食飯，三丁友唔知食乜好，所以就去左食串燒啦！紅磡既串燒舖都係舖位細細，所以無論食邊間都好啦都最好book 位今次能夠入黎食到飯都係因為好彩，有last 一張檯俾到我地咋！恕小妹孤漏寡聞，因為我唔係一位會拎住米芝蓮黎揾食既人，所以我都係黎到門口先知道原來竹家係米芝蓮既推介食府！今晚真係一個幸運既晚上！呢度係一間家庭式打理既舖頭，師傅係日本人黎。環境比較狹窄，裝修都普通，唔花巧。只係掛左好多lisa ono 既相片同埋一d 小朋友畫既畫。不過就係因為咁先有一種日本小店既感覺。雖然未能見到店主既真身，但係望住店主喜愛既歌手既poster，同佢既感覺好似拉近了一點。因為應承左八點要交檯，同埋燒烤需時，所以快快手落柯打。首先上檯既雞軟骨，一串係鹽燒，一串係梅岩岩燒好熱辣辣，好香好正！梅粉嗰個感覺好似同雞軟骨唔太襯，因為雞軟骨唔係一個味道好濃既食物，脂肪又唔係高，所以都唔需要有d 酸味去配搭。所以我就鐘意鹽燒！呢個正好多，吊到雞軟骨既味道，同埋燒烤獨有既香氣～跟住上檯既係山葵豬頸肉呢個串燒真係highly recommend，我地之後都encore 多串！豬頸肉口感好爽，脂肪分佈平均呢就係人人皆知，但係呢度既豬頸肉比平時食開既更爽！原因係因為切丁！所以更加chewy更有咬口燒既時間又來得岩岩好，唔會流失太多既脂肪，又唔會食到成口油仲有係豬頸肉上面既山葵，份量俾得少少但就烚恰到好處因為豬頸肉係有少少油既，而個山葵係可以抵消豬既油同埋豐富左個味道然後又係豬！不過因為有豬頸肉在前，呢個豬就顯得遜色了首先呢串有豬有既豬燥味，一食落口就有了，淨係咁已經扣曬分然後豬既香味又唔出，連燒烤既香氣都可以com 過佢，呢串不叫也罷呢串係我期待既大蔥雞串！因為食串燒呢我好愛食菜，菜燒完外脆內軟又juicy 既味道真係好正架！但因為家人覺得要串蔥又好似好dry ，所以就叫左呢個又有菜又有肉既串燒啦大蔥好食！第一層皮因為直接接觸爐火，所以難免係乾d，不過呢因為有醬汁淋係面，濕濕地都好食雞就好好，唔會烤到乾，又香雞味又來菜～係我點既青椒！呢個青椒唔係普通就咁燒完上碟，仲有放左木魚碎係面但係我覺得兩個味唔夾，個人認為青椒就咁食好味d :)一上檯就覺得佢有d 醜，呢個係蕃茄乳酪燒其實我地一行三人都以為佢係乾既，點知上到檯先知係用錫紙包住上檯不過包住有包住既好，d 蕃茄汁唔會流失老實講呢個賣相就有d 唔討好，但係就好有屋企餸既感覺:)乳酪即係芝士啦，我就食唔出呢個係乜野芝士，但係呢個芝士都偏咸，所以配埋酸酸既蕃茄食就好好味來到尾聲～其實食串燒真係好難食得飽，連我家係雞仔胃都食唔飽，所以要叫返兩個飯團飯團係無餡既，碟上面係d 青瓜片來，咁可以一路食個飯團一路夾d 餸黎食因為我唔鐘意食青瓜所以唔講啦個食團係燒過啦，外面燒到好似d 飯焦咁，好香又有咬口入面 d飯就濕濕地咁，其實都幾好食既，但係我就覺得呢舊飯唔太岩我口味啦係一個周六既晚上，悠閒咁食住串燒同家人聊下天，真係好似過左日本咁…Read More

The restaurant offers an extremely bad service attitude to its costumers.I'm allergic to some of the food and I was pregnant,I asked the owner whether there are less oily and light food for mehowever, they were unwilling to serve me as they told me to piss offI believe that the waiter and owner should be more consideratetowards costumers with difficulties.…Read More

店子躲在橫街小巷裡，門牌簡潔低調，若不是朋友介紹，一般人應該不會留意到這間小店 記得那晚正下著大雨，我跟惡人在數段橫巷來回走了幾轉也找不到店子，致電店主求助下，千辛萬苦終於找到這間「竹家」！上網找了些背景資料，店子於2009年9月4日開業，主打串燒，由來自日本熊本的原田充及原田享兩位兄弟主理。負責樓面的是哥哥原田充先生的太太，聽到她那濃濃口音的廣東話，以為也是日本人，原來是位上海姑娘 店子很小，約300呎，僅能容納16至20人，大部份是日本食客，經常滿座，所以必須提前預約 十多款串燒，另有沙律、小菜、熟食等 不喝酒或汽水的話，可以麻煩老闆娘給兩杯熱茶 前菜是【秋葵漬物】，但惡人不吃秋葵，所以轉了【薯仔沙律】，味道不錯啊～(每位HK$20) 【梅酒】酸甜適中，清新開胃(HK$58)，【燒雞腎】外層燒得香脆，內裡卻十分Juicy，讚！(HK$28)，【燒豬大腸】油而不膩，沒半點膻味，配上麵豉醬汁更添滋味(HK$26) 【鹽燒雞皮】油香滿瀉，略嫌不夠脆(HK$26) 【燒雞腿肉-醬汁】皮脆肉嫩，但份量偏少(HK$33) 【燒豬頸肉-梅】肉質爽脆，梅醬酸甜開胃(HK$28) 【燒多春魚】賣相普通，咬一口卻發現貴得有理，外層燒得酥脆，裡面的魚子鹹香惹味，口感層次豐富，正！(HK$23/條) 【燒大蔥】清甜爽脆，微微焦香(HK$22) 【燒牛舌】牛味濃，彈牙有嚼勁(HK$38) 【鹽燒雞中翼】外脆內超嫩，雞肉滑不溜口，必試！(HK$26) 【白魚蛋芝士】是這晚的亮點，原以為是燒物，端上來時才知是蒸煮，心感不妙，魚蛋腥加芝士臭再加洋蔥的澀味，那能入口？！誰知我跟惡人竟一口接一口，欲罷不能！魚蛋彈牙，芝士香濃，洋蔥清甜，讓我想起電視廣告中那句：『Perfect Match！』(HK$68) 原本想試試山葵醬燒豬頸肉，可惜已售罄，只好再來一串【燒豬頸肉-梅】 Encore兩串【燒雞腎】，感覺沒第一串入味(HK$28/串) 【燒雞心】是另一驚喜發現，微脆煙韌帶肉汁(HK$38) 【蕃茄煙肉】煙肉燒得焦香撲鼻，包著酸酸甜甜的小蕃茄，很好吃！(HK$25) 【Highball】是由威士忌與梳打水調成，味道有點澀(HK$48)，【燒豬手】燒得稍乾，味道亦較淡(HK$88) 【厚燒玉子】濕潤軟熟，蛋味濃郁香滑(HK$58) 【年糕】煙煙韌韌，味道很淡，所以沾醬汁一起吃(HK$32) 加一串清甜【燒大蔥】 再加一串【鹽燒雞中翼】，這次燒得略乾 第二串【燒牛舌】依舊美味 最後以【燒飯團】作結，外層焦香，但不太習慣那硬實的質感(HK$26) 連加一服務費，埋單HK$1,013 …Read More

媽不喝酒，今夜沒酒伴，所以第一次在居酒屋喝滾水。吃燒物沒酒喝確是有點不是味兒，但竹家是米芝蓮慧眼之選，食物沒酒伴也決不失色。冷盤白魚蛋片賣相標緻，淡白色的半月頂上綴一點山葵，中看卻不特別好吃，其他冷盤應更好吃。薯仔沙律綿綿細滑，啖啖有青瓜和烟肉，味悠長，不捨得吃光。蕃茄煙肉卷是必吃的，蕃茄汁燙熱四濺，惟醬油太甜，略失色。我的塩燒雞翼是雞中翼連尖，燒得皮脆，但雞翼稍瘦，肉不夠嫩，未有雞汁四濺。反而媽的雞柳每口都有肉汁。豬頸肉外表沒脂肪，一咬卻油花四濺，牛舌豬腸也是，要細細嚼細細回味那肉鮮和油香。最後來的味噌豚肉飯是必吃之作，豚肉是鹿兒島來的五花腩，烤得焦香，肉下面是鋪滿切得細細的椰菜，味噌是老闆自家製，帶甜甜的酒香，味噌豬油椰菜絲拌着熱辣辣的飯吃，我可吃三大碗。…Read More

與友人商量後，還是選了我倆最愛的串燒！由於揼骨地點在紅磡，輾轉於Openrice選擇了這家小店。坦白，當時是被他人上載的「酒牆」吸引了😍不熟悉紅磡的我們，有點難找，因為位置在小巷，而門面亦沒有明顯的廣告牌😅 店裡位置不多（應該說是很有限😅）但那幅「酒牆」真的有點震撼，我和友人也第一時間被吸引了😜因為到達時已近十點，而last order則在15分鐘後，所以我們都點了很多東西，務求可以試多一點！大部份東西的味道都很好，店長太太推介的大吟釀雖然蠻貴的，但也很好喝！感覺是很地道的日式居酒屋，後來才知道店長是正宗日本人。燒雞皮 - 推介！好乾身但又唔會乾爭爭！😋燒雞軟骨 - 同上！正！😋燒牛舌 - 推介！Juicy又夠味！😋燒飯團 - 只有一款，沒有別家的梅子味... 但好香口，配埋木魚好味！讚！😋芥末八爪魚 - 入口比別家「弓」鼻，相信店家用生磨wasabi~ Good!甜蛋 - 另一推介！上菜仲好暖，味道適中，好味！😋在店長收爐後，見到他也和店員一起淺嚐一杯，談笑間聽到輪桌分享到租約續了五年... 我和友人也暗暗開心，因為這也是值得我們再臨的小店🤗…Read More

小小的居酒屋內飾很有心思，還獲得了2014年的米其林餐廳推薦。店內大部分都是熟客，進門時聽到一桌日本客人有說有笑。串燒推薦牛舌，豚頸肉（配wasabi特別贊，wasabi的辣味中和了豬頸肉的油膩感）。飯糰也很讚，外表煎得厚脆像鍋底飯焦，還帶著甜醬油的香鹹，配著鹹菜吃也不錯。…Read More