竹園重慶雞煲

Open Now

Now Closed

上星期同朋友食飯，朋友話想食雞煲😆我哋就去左竹園雞煲😍今次係我第二次食!!!今次再食，水準依然keep到🤤我哋叫左半隻大腸雞煲，小辣食落去真係好香，好有鑊氣大腸份量都多，d 雞好入味tim😍越食越惹味😋太正啦第二樣我哋叫左酸菜魚酸菜魚又係好好味入面有芽菜，豆卜，仲有好好食既酸菜佢哋隻酸菜唔會酸～魚肉又好滑食哂d野仲可以叫d打邊爐野食仲有樣必點，雞軟骨😋超級有鑊氣😍😍 唔係講笑，係香港食過最好食雞煲

啱啱去咗間食堂嘅麻辣煲呀，攞筷子一夾，首先係胡椒豬肚，唔得了！個味夠晒香，豬肚爽口得嚟咬落去又有咬勁，真係完美融合咗鹹香同辣味。再講下麻辣（少辣）嗰個，啖啖肉嘅雞肉，就算係少辣都足夠刺激哂個舌頭，鮮美得嚟唔辣過火。試過嘅中辣版本，辣得啱啱好，又幾夠kick，適合想挑戰啲辣度嘅朋友。邊食邊又搞咗啲小吃來加加分，炸嘅鈴鐺真係太正喇🔔，外皮金黃香脆，入面嘅魚腩嘟嘟噜噜，鮮甜又爽滑，可以一試！另外，個手打墨魚滑韌度正，彈牙彈牙嘅手切肥牛更加豐富咗整個食味體驗🤤。講到小食部分，夫妻肺片同麻辣蓮藕都淋咗厚厚嘅醬汁，香辣惹味，脆口嘅皮蛋豆腐混合曼妙口感，吃貨我嘅心都飛咗起，食指大動！真係慶祝感覺，港式美食，辣得嚟又唔會辣得飛起，人人都啱食！💯🥢🔥

每次到北角，都必定會想到渣華道街市吃這個胡椒豬肚雞鍋 。 湯底味道濃鬱， 胡椒味很出，雞也充滿胡椒味，非常惹味。其他打邊爐配料也很好。 特別推介魚滑蝦滑及一口牛。 打邊爐時配他們用碗裝的asaka啤酒別有一番味道

突然想食竹園雞煲🤤打電話去book位先知道因市政裝修，暫時搬咗去柴灣漁灣邨街市，去到樓面冇變味道冇變一樣咁好味😋，最鐘意佢嘅麻辣霸王惹味雞煲➕大腸（唔會太鹹辣度啱啱好）、椰子雞煲(個湯好清甜建議食到一半之後飲湯😋），仲有其他小菜值得推介椒鹽雞軟骨、尖椒皮蛋、麻辣魚皮…….好好味👍，原來柴灣果邊仲有其他名菜，有澳門冬陰功乳豬煲、台灣菜，另外柴灣街市嗰間仲有港式小菜同泰國菜，下次一定要去試吓😋

今日同朋友食雞煲，叫子椰子湯底，湯底好甜，成個椰青水整成雞煲湯底，配上配料，十分野味，加上椰子肉，格外鮮甜，湯底仲有其他選擇，下次好想試下冬陰功同胡椒豬肚湯底，都好似好好食咁🤤

朋友極力推介這間竹園重慶雞煲，今日終於約齊三五知己來嚐嚐味道。朋友預先訂枱，6:30pm準時入座，員店亦都很有禮貌地招待我們枱號及位置，非常感謝🙏貼身的服務先點了兩件小食:尖椒皮蛋、麻辣鴨血、冰鎮八爪魚🐙BB八爪魚呀，爽口大大隻主角出場點了一隻重慶雞煲，還有一碗雞汁另上。雞肉嫩滑，可惜略嫌細件，但味道十分之野味，食完一口再一口，總括來說味道質數令我回味無論，一定會再來吃。

昨天吃了一餐不理常晚餐！當時去到只有三至四檯客！（當時只有一檯客未有食物，其他已有食物）叫一個雞煲和配料，但入去坐半小時仍冇雞煲和配料，問對方追就話要炒所以耐！但當時比我遲來已有雞煲和配料，服務人員還問他們有沒有問題！另外比我遲來的一檯客又遲追單的，也比我們快有雞煲和配料，足足15分鐘再問！對方答睇睇先已追，另外隔離一個職員同個話我嘈喧巴閉，我都覺得你未清楚就講！我同他講已由頭到尾足足等一小時雞煲未到！十分鐘左右才拿雞煲來，但配料欠奉！直到雞煲差不多吃完再追配料，才出一碟，再等配料煮熟吃！才來多兩個配料，跟住食了7成配料後才來另一個完全冰封有冰配料！之後就冇再有其他由一開始配料！明顯服務員再照顧其他熟客！優先處理其食物！其他生客是攪事者，不用即時處理！不介意等食物久和服務質數仍可以幫襯！

一個字：亂訂位唔見左order, 落單又唔見單, 追幾次至話賣晒, 落單上菜要成廿至三十分鐘，仲要係追幾次至有。總結：可以唔去，唔去一啲損友都無，如果真係要去，記得打左底先，如果唔係等到血糖低暈左都未有得食。

太好味喇😆😆😆多謝朋友帶路食到咁好味既雞煲❤❤出左北角A1出口左手邊斜對面就係。街市大排檔咁設計好有人情味👍兩個人點左半隻雞煲、麻辣魚皮、燒菠蘿、炸蕃薯、炸脘魚腩，每一份都好新鮮好惹味！兩個人都係食左四百幾蚊，好實惠！值得放工之後聚埋一齊傾計熱鬧下既好地方～

我好鍾意食雞 所以雞煲都係我最愛之一 🤣 呢間雞煲都係我哋嘅私藏之一 成日都去食🐔🐔.雞煲有幾款 我地食開四川麻辣雞煲系列 - 麻辣霸王惹味雞煲聽個名都知唔小野 可以揀大/中/小辣 佢個調味真係超級豐富 麻而不辣 唔同嘅香料撈埋一齊勁惹味！！唔同其他食店食完雞煲就加清湯/水 呢度會比一大碗雞煲湯底你 一邊打邊爐 一邊繼續食雞 個湯都好正架.配料好多款 推薦水魷魚鬚 麻辣台灣鴨血.仲有啲冷盤/熟食 最近我食試左尖椒皮蛋 鍾意食辣一定要點 尖椒嘅辣會辣到上頭頂 食完一定會上癮🔥

食咗十次以上嘅雞煲不過水準唔係次次都得~ D雞煲味道真係一半好得一半差D (5夠味)以前吃牛筋煲,但試過三次煲得5冧之後就5敢再試好味起上黎係好正,因為索哂味有時D雞斬得太大塊,5太入味就再慢慢熬下等佢入味再吃~本人不太吃豬大腸, 但因為E個煲D味會蓋左D豬味, 所以覺得好味, 索哂D汁先係精華即制嚮玲真係好好味一放入嗰鍋,芝芝揸揸聲~真係新鮮制自制韮菜餃都好味試過胡椒豬肚雞煲, 不過D味就好虛...5多啱口味夜晚禁堂食之後, 都試過外賣肚煲番屋企食....實在因為有時太掛住佢喇~

一向都知北角市政大廈多嘢食，雞煲更加係出晒名，以前有遊客嘅時候，間間起碼排半個鐘先至搵到位，早排見人少少😄，即刻同老公去試吓先！先黎店家推介食兩款冰涼小食，❤️皮蛋豆腐❤️泰國冰鎮秋葵～整得夠凍😍新鮮，明顯係即叫即整，用呢兩款做前菜，然後先至食雞煲，令人胃口大開✨❤️檳城喇沙香濃鮮蝦雞煲～性價比非常高，約二百蚊就有大大煲，一煲有六隻大蝦，啖啖蝦肉，😍成隻雞，喇沙湯底，椰汁和香茅味襯托底下，雞件嫩滑，配料豐富，有秀珍菇、洋蔥、芫荽、豆卜，好新鮮✨淨係個鍋底，二人食都飽飽地😄❤️手打墨魚滑～用料充足，啖啖都食到墨魚粒，口感十足，必食推介✨❤️香辣川味鴨下巴～見到個名就覺得好特別，😂喺出邊都未見過，真係鴨下巴嘅部份，原來呢個位啲肉好滑，基本上食落冇筋，先將肉炸熟，再加上麻辣調味去炒，乾身香口✨

點解咁好食......因為夠霸氣😍😛———————————————-呢到既雞煲真係出曬名正👍👍👍👍👍有多款雞煲，全部真材實料，今日同朋友收工之後係健身室做完運動，就係附近呢到出哂名既竹園雞煲醫肚仔🤣🤣——————————我今日就食呢個麻辣霸王大腸雞煲：🔷麻辣霸王大腸雞煲——-超正，雞煲食得多，用埋大腸一齊做既雞煲你又有無試過？通常大腸都離不開車仔面，但今次呢個霸王大腸雞煲真係認真夠曬霸氣，秘制醬汁超惹味，大腸入味夠腍之餘但又有咬口，做到入味而又不會過腍，又可以吃落有口感而吃得真正大腸的質感，而且雞又做得出色，吃到嫩滑的雞肉，味道的出色又入面，而又不會影響雞肉的肉質，配料洋蔥🧅、芫茜、香芹、及其他秘制配料.......等等，濃郁有霸氣的味道確實是大腸和雞都是這個煲的主角👍👍👍👍👍👍👍👍👍———————————🔶孜然豬仔骨——-完全係可以食到一番風味的孜然昧道，做法亦不影響肉的質感，再加上洋蔥🧅芫茜的芬芳，更是令人不能抗拒食的誘惑⋯⋯😋😋😋😋😋——————————-🔷炸蕃薯——甘香又甜又嫩的蕃薯🍠金黃色的香甜，就像吃著童年的街頭小吃炸蕃薯🍠，吃出童年的回憶⋯⋯👍👍👍👍👍——————————

想在北角區吃個港式雞煲加打邊爐，於是去了渣華道街市找到了這間叫竹園既雞煲。我們2人點了到個香辣豬大腸拼雞煲，一碟美國肥牛，一個豆腐，一個菜心，一個雞髀菇，一共$520落樓。人均$260。其實算貴，這樣的環境，這種食物。一路食，旁邊既人一路嘈，可能街市熟食市場關係人流複雜，飲醉既又有，大聲叫囂，小朋友哭泣聲又有，人地既媽媽又不理，食到噪。味道方面過辣，花招八角太多，最後吃到肚子痛，拉了幾次。可能地方污糟，垃圾多，老鼠甴曱應常出沒。

今日同爸爸去食雞煲，爸爸話好耐冇去過呢啲大排檔，所以就同爸爸一齊去咗食啦！佢哋嘅啤酒係用碗裝嘅，而且個碗係雪過黎，好貼心！之後我哋嗌左兩個前菜，因為爸爸好鍾意食秋葵，所以特登嗌左個冰鎮秋葵俾佢食！個秋葵特登俾咗豉油同Wasabi去食，個味道都幾match！呢個喇沙椰汁鮮蝦雞煲真係第一次食！就算唔食得辣嘅人呢種辣，都可以接受，而且個味道好濃郁！唔好以為入邊啲料好少點知原來啲大頭蝦都成六七隻咁多，每一隻仲要好大隻！入邊啲雞都好嫩滑，食極都食唔完！呢個響鈴真係要值得講吓，因為佢上菜嘅時候係熱辣辣嘅，係新鮮即炸！配埋個湯真係超級好味！最後我哋仲嗌多咗兩串雞軟骨，價錢好合理，而且個味道唔會好鹹！