章記香港仔魚蛋王 (Moved) New Location

將近 13:45 分，lunch 差不多完喇，無咩食客，唔洗迫迫夾夾，坐得舒服又通爽，依間食物質數好、環境又舒服乾淨，行遠啲都值既。四寶麵走蔥，試一試個潮州四寶先，香港仔好抵食，有八寶咁多架 ﹗魚片、紐紋魚片、魚皮餃、魚蛋、豬肉丸、貢丸、紮肉、墨魚丸，但我貴精不貴多、重質不重量呢，唔好食比多多我都無用。今日師父失手喎，啲麵烚到腍劈劈，無晒蛋香無晒味道。湯底又淡，四寶又平平無奇，唔合格 ﹗牛腩伊麵走蔥，湯底真材實料又味道清甜，飲多幾啖都完全唔會頸渴。牛腩軟棉又入味，伊麵爽口嚥靭，好味道。民裕街間香港仔無得比，佢地既湯底、味道、衛生、環道、服務都強差人意，佢已打入我既黑名單 ﹗牛腩墨魚卷麵走蔥，好奇心下 order 墨魚卷試吓先，完全想像唔到係咩黎。賣相似一片墨魚囉，口感非常爽口彈牙帶鮮味，推介 ﹗牛腩依舊入味又鬆化，Good ﹗麵質彈牙、湯底香甜，贏晒 ﹗腐乳通菜，神推鬼擁咁叫左菜食，明明唔多肚餓架麻。腐乳味道夠濃郁，加上清甜多汁既通菜非常配合。質地超爽，索索聲，正喎 ﹗

日日 lunch 都人山人海，唔憂做啦 ﹗記得要保持水準呀 ﹗暫時仍然好食過民裕街百倍呢 ﹗牛什伊走蔥，上次食過翻尋味，今日 lunch 尊誠行到老遠試吓其他野。滷水牛什不太好，牛腸、牛膀、金錢肚都口感較靭，不爽不滑不棉 ﹗有點失望，牛什比裕民街香港仔魚蛋差、牛腩就好味過佢地好多。今日個湯底較淡口，但食完後非常頸湯喎 ﹗同上一次差得遠囉。伊麵嚥靭爽口，好滿意。我會記住黎依間唔食得牛什，只可以牛腩。 牛丸牛腩伊麵走蔥，牛腩依舊好好味，鬆化入味，好好味呀 ﹗牛丸就一般啦，滿意。湯底清甜，味精不多，忍唔住飲多幾口。伊麵都嚥靭滑溜，雖然知道伊麵最肥，但我太鍾意食喇。腐乳通菜，鮮爽多汁，好味道 ﹗

第一次幫襯馬頭圍道既章記香港仔魚蛋王 ﹗依間舖位闊落，枱櫈密度底，空氣流通又乾淨，坐得舒服 ﹗讚 ﹗蠔油菜芯，少油非常好喎，表層大部份都鮮嫩多汁爽口，但到下層就有點草青味又有渣喎。魚蛋牛腩麵走蔥，睇個賣相、湯底既顏色、牛腩既質地、魚蛋既顏色形狀，已經跟民裕街既香港仔高低立見喇 ﹗湯底清徹香甜，不膩不渴。靚牛腩層次分明，炆得軟棉棉又入味，好食。魚蛋白淨圓碌碌大大粒，食落非常爽口，魚味香濃 ﹗大勝 ﹗

今日自己一個人食晏,無乜胃口就去食碗粉,雖然晏就多人,不過一個人並唔難搵位,餐廳環境比較淺窄,坐位比較迫,不過呢個亦係平價粉麵舖頭既特式我叫咗碗牛孖筋河,都係20蚊,今日早午兩餐都係用咗40大元,真經濟!!牛孖筋河>>牛孖筋好淋,夠味,好香河粉滑口,唔會一堆堆,都幾好味,湯都算濃,唔會太油!

成日都落去食,叫左肥腩河$18,魚蛋河$18,+$6炸魚皮,+$6通菜~肥腩河唔洗另外加錢,超正~夠哂肥~個湯底都好好味~~魚蛋有5粒+3片魚片,好爽好彈牙~~~

見到香港仔魚蛋王，一直都無試過任何一間的魚蛋。今日終於想試下。要了三寶米線 魚蛋、墨丸、魚角(唔要魚皮餃) $22。蒜蔥花會另上幾好。魚角不錯，夠彈牙同皮夠香。墨丸好難食，完全無墨魚味。魚蛋勁淋，好水，完全唔配魚蛋王呢個名。湯底又係無味。加埋油菜 $6呢餐咁既價錢，我不如食美心茶餐好過！

跟媽媽到紅磡拜觀音娘娘 本想到時新吃漢堡的但同行的媽媽和姊姊都是戒牛人士 只好作罷結果 就選擇了章記香港仔魚蛋王媽媽說她上班時常吃 水準還不錯的這間食店只售粉麵 想吃飯的則不要內進我點了瑤柱牛肚麵$18 在我記憶中 我好像真是第一次吃牛肚這裡的牛肚淋滑 夠入味 麵身爽滑彈牙 味道還不俗我加$6要了個炸魚皮一碟有四五片 脆卜卜 真的很好吃媽媽和姊姊分別要了爽滑魚蛋米線$18及爽滑魚蛋河粉$18魚蛋味道真的不賴 難怪媽媽常常買回家煮麵姊姊加$6要了凍奶茶媽媽加$6要了豆漿 與我分飲 不太甜 味道可以整體來說 水準真是不俗 價錢也可接受 有下次呢~

紅磡食肆冇乜選擇，呢間雖然有外賣但要2:30後先會送堂食過數十次，最深印象係d待應阿姐講野好大聲！好似嗌交咁講是非隔離舖都聽到....= =感覺麻麻地喇佢d湯底！hard sell用好多海鮮去煲，都幾清！而家仲有蠔仔粥，用D湯底黎煲！幾鮮味！

五香牛根河粉 $18 ~ 第一次係呢頭搵地方食午餐 , 完全唔知道有咩特別好食 , 所以就入左呢間平平無奇既粉麵店 , 結果連碗五香牛根河粉都係一樣咁平凡 , 唔入味之餘又唔夠腍 , 而且得幾舊牛根咁少 , 反面d河粉就比較多 , 我落左好多醋先勉強食到半碗份量咋。

冇睇價錢地叫左個魚旦魚麪原來要$30本身都以為幾好食點知黎到d芽菜都占成三分之一碗食落覺得唔係幾好 有少少腥=﹏=不過魚旦同魚片都ok媽媽叫左牛腩河$18d河粉幾滑幾好食@v@早知我都叫河粉 咁就唔洗晒左$12姐姐就叫左牛腩魚片頭河$24見佢食晒都應該ok呀 haha加左魚皮!$6 同芥蘭$6魚皮我都覺得佢炸得太耐了仲好薄添..芥蘭就正正常常咁得幾條overall如果都係河粉最好 價錢又平

周街的魚蛋河都叫香港仔X記是否都係同一個批發商取貨的呢呢間, 環境只係一般, 人多地方細都預左仲有蚊滋仔飛來飛去, 食個河粉十幾分鐘都覺得唔舒服魚皮餃, 水準只係一般, 食完之後唔會特別想返來再試炸魚皮, 炸得太過火, 油菜, 雖云特價 $6一碟, 但得個幾條, 咪係一樣, 減價時減量而且, 最大的問題係好多味幣, 食完之後成個下午都好口渴唔掂

周街都見到香港仔魚蛋, 間間都話自己最正宗, 都未試過一間好好食既, 包括呢間, 但佢地既牛腩就好味啦, 所以次次嚟都只係食牛腩河, 麵都係唔得, 太淋, 唔夠彈牙, 油菜一般, 菜心太淋, 生菜太油, 芥蘭太 韌, 所以次次都係食通菜, 衰極有普

行完街又係食飯時間，就隨隨便便入左去呢到食魚蛋麵，也是我喜歡的食品之一。由於第一次食香港仔魚蛋王，所以要諗食咩好。不過一坐低，就不斷俾個姐姐問我同女朋友要食咩．．．我都係坐左幾分鐘者，當時又冇咩生意，唔需要咁急嘛．．．最後，女朋友要了個剩魚麵(因為有料的那些偏貴)，我就要了個魚蛋河。食物還算不錯，我的魚蛋比我預期中好，因為之前到寧記火煱叫的香港仔魚蛋時偏腥的，所以叫魚蛋河時都是抱著一試的心態。口感和味道也過得去，我亦不帶甚麼期望。女朋友的魚麵來說，我覺得還好，但女朋友就認為麵太硬。但甚麼是正宗，就不清楚了。總括來說，不過不失。

坊間有很多以香港仔為名,但唔係謝記的"魚蛋檔".彷似香港仔魚蛋粉大逃亡.一間一間,偏佈市區每一個角落.佢地係咪真係來自鴨巴甸就唔知,亦唔否定有些只係魚目混珠貨色.單在紅墈馬頭圍道上,已有兩間.今次要講的,就是"章記".典型潮式粉麵店格局,有一大窩牛什在開放式廚房.亦有魚麵,四寶等等.先試其魚蛋連魚片河.魚蛋質感滑得彈破.沒有粗糙的感覺,魚味極濃.不錯.魚片亦有水準,不過如果有片頭就最好.鹵水牛肚唔夠爽,鹵水歷史唔夠,所以唔夠香甜.魚麵自家製,每一條粗中帶滑,魚味濃郁.值得一吃.水準不俗的"魚蛋檔",理得佢係咪鴨巴甸貨色.香港仔魚蛋這個道貌岸然稱呼,並不一定是信心保証吧.擁有自己的鮮明風格,不是更好的嗎?無論做人又好,做咩都好,最怕就係受到一些人和事影響,而被人牽住個鼻走,搞到自己迷失到姓乜都唔知.沒有個性的食店/人,實在乏味兼可惜.