Tao Heung (Avon Park)

琴晚特登過嚟試下呢到嘅晚餐，又話要用QR code，又話未開枱，最後要叫人落單，要叫好耐先有人發現我地😹落單又要寫漏單🫩我地叫左片皮鴨黎試下，🤮味道好蘇👎🏻，而且個份糧係平時酒樓嘅一半都冇。可能依家啲酒樓已經唔會再食客面前切片皮鴨，所以求其十片八片就算☹️。著黑色西裝嘅可能係經理，態度真係👎🏻唔掂。真心覺得呢間野晚飯係唔太得…Read More

上次見到新裝修想嚟試一試，今日終於嚟到6:15入來，已經七成滿門口仲有好多人等買燒臘。 $488.4人餐好抵。叉燒好味，湯清甜，雞一般。乳鴿都幾好味。招呼熱情，入到嚟一片喜氣洋洋嘅感覺😍希望可以保持同埋越做越好啦，等粉嶺人多個飯堂。飯後有糖水唔記得影相。門口有咖啡機，聽日飲茶可以飲埋咖啡$15一杯，我老公試飲咗幾好飲見到隔籬枱都好多叫散餐的可以下次試吓，門口應該新開的燒臘檔同兩餸飯非常多人排隊，食完都仲係見到好多人排隊，望落去係熱辣辣即炒的…Read More

早排去食佢個套餐御皇宴覺得唔錯，今日五一再去晚飯，唔知係咪客人多了，生意好轉，部分侍應態度認真一般，今晚選擇食小菜，侍應例牌強推海鮮長腳蟹，話唔食後態度更一般。公道講佢個燉湯唔錯幾好飲，蒸龍躉尚算新鮮味道可以，勁蔥豉油皇蝦都新鮮，但就無乜調味料味道。蜜桃京都骨比較咸尚算可以。甘薯牛柳粒，牛肉超細粒，薯仔就超級大件。風味鹵牛展係乾身嘅，味道夠入味，夠腍有彈性，味道係幾好。仲有叫咗個酥炸生蠔，一碟6隻，有兩三隻係臭嘅，有一隻仲未炸透，一堆濕粉包住隻蠔，同侍應講，話只會補炸翻兩隻，仲指我們臭即刻放低,我回應就係食到第三隻臭嘅，第六隻係生嘅，佢嘅態度更差，好大聲叫出櫃面：個客話啲蠔臭呀～取消佢啦～真心嬲論食物還可以有個🆗️，加埋侍應嘅服務質素，送你一個差評當之無愧！…Read More

啲點心真係好食，同埋早點平勁多，最鍾意食奶黃千層糕，覺得呢個點心非常之特別，奶黃千層糕勁濃郁嘅味道，同埋鮮蝦滑腸，啲腸完全唔使咬，係勁滑捋捋，仲要啲碟同碗好精美…Read More

同屋企人慶生想食返餐好，於是訂咗稻香嘅皇席宴～皇席宴 💰1,998 包括：1️⃣上湯焗澳洲龍蝦伊麵足三斤2️⃣翡翠花姿蚌仁3️⃣凱撒胡麻百花球4️⃣蠔皇鮑魚燴金錢5️⃣滋潤鮑魚海中寶6️⃣清蒸金花龍躉斑7️⃣稻香燒鵝皇半隻8️⃣濃湯杞子泡田園蔬9️⃣合時荷葉飯🔟嶺南美糕點1️⃣上湯焗澳洲龍蝦伊麵足三斤、3️⃣凱撒胡麻百花球、5️⃣滋潤鮑魚海中寶、9️⃣合時荷葉飯同🔟嶺南美糕點都好好食😋其他表現正正常常😐，6️⃣清蒸金花龍躉斑同7️⃣稻香燒鵝皇半隻令人有啲失望，以下集中講解好食同令我有啲失望嘅菜式🤔好食嘅👍：1️⃣上湯焗澳洲龍蝦伊麵足三斤伊麵完美吸收咗完美吸收上湯夠哂creamy，龍蝦大大隻、肉質鮮美，啖啖肉啖啖滿足😋3️⃣凱撒胡麻百花球百花球外層被杏仁包裹住，入面係蝦膠，肉質好彈牙，搭配甜酸醬，非常香口🤤雖然沙律只係簡簡單單生菜配麻醬，但都夠哂開胃😋可惜呢客菜式平日冇得單點，如果唔係我會狂嗌🤣5️⃣滋潤鮑魚海中寶湯料有鮑魚、雞腳、紅棗、瘦肉等等，個湯好鮮甜，瘦肉同雞腳燉得好軟嫩、鮑魚好彈牙。個湯好足料、好滋潤👍9️⃣ 合時荷葉飯糯米飯煙煙韌韌，配有香菇、蔥段、肉絲等，而且帶有淡淡嘅荷香（開頭見佢冇荷葉包住以為佢只係普通嘅糯米飯😂），味道有驚喜😍🔟嶺南美糕點即係奶黃馬拉卷～鬆軟嘅馬拉糕配上綿密嘅奶皇，唔會太甜😋唔好食嘅👎：6️⃣清蒸金花龍躉斑份量雖大，但實在係overcooked ，肉質超級乾同韌🥲，乾同韌嘅程度實在太過分🤧7️⃣稻香燒鵝皇半隻燒鵝肉質好輆、冇脂肪，作為好鐘意食燒鵝嘅人，估唔到有一日會食得一兩舊就收手🫣侍應好好服務，主動幫我哋影相，又唱生日歌🤣，又提議可以點樣安排令同行嘅小朋友坐得舒服啲同安全啲👍Overall 我哋同行九個人食呢個餐都非常滿足，$200幾就食到咁多嘢其實好抵，服務態度都唔錯，但個龍躉同燒鵝真係過唔到關😐，希望下次食會有改善啦🤧————————————#香港美食 #美食推薦 #美食日記 #稻香酒家 #香港好去處#香港美食推介#酒樓推介 #酒家推介 #美食推介#打卡#中餐 #飲茶文化 #喝菜 #廣東文化 #yumcha #cantoneserestaurant #hk #hongkong#hongkongfood#hongkongfoodie…Read More

第二次食稻香嘅晚飯，上一次去食澳洲龍蝦燒鵝鮑魚皇席宴，今次食4人套餐，可以自選兩個餸，我哋揀咗炒大蝦同埋咕嚕肉，另外再加咗兩個餸同埋三個白飯，結果埋單仲貴過上次食半席皇席宴🥲以後都係叫返皇席宴算今次套餐推介就係呢個足料嘅燉湯👍🏻…Read More

一年一度冬至飯，揀左去新裝修好嘅稻香好彩提早2日食，有呢個抵食menu我地5個人食左半席個個都捧住個肚仔走真係好味又大份特別推介凱撒胡麻百花球真係好好味問過經理呢個冇得散嗌想再加多碟都冇🥲…Read More

呢間之前午市來飲茶都麻麻，不過家人話來呢間，好耐冇食晚飯，就試吓，點知中伏！同家人慶祝生日，訂咗個全包宴，燒鵝見有個有火的熱盤盛住，但係d鵝都是不熱的，上湯龍蝦伊面肉霉，伊麵好鹹，西蘭花炒花枝片，西蘭花唔熱，花枝片好淋，冇味，食完成枱龍蝦殼，冇人換碟。𨍭盤上冇人收碟，自己來，全包宴寫是荷葉飯，𨍭左蛋白炒飯，冇人同我地講，同埋好細碟，邊夠12人食？仲要係暖，又唔熱。侍應在一旁傾計，冇過來收下碟，真係要再培訓一下！呢間我冇下次幫襯！…Read More

我最近去佐位於粉嶺的稻香試佢地個一年一度既$1雞優惠😋一蚊雞:雞肉好脆、好熱，但係鹹度有啲太重啦，唔太啱我口味🥲蟹肉扒西蘭花:味道算OK啦，西蘭花煮得啱啱好，蟹肉都算新鮮，但係冇啥特別嘅味道。蒜蓉粉絲開邊蝦:蝦肉有啲細隻，都偏鹹啲…Read More

今日去了粉嶺，又到了中午食飯時間，到附近的碧湖花園商場稻香酒樓吃，因為新正頭所以都有相當多的食客。今天只得一個人吃點了一個海皇燒汁烏冬，再加一個芙蓉棉花肚點心。可能仍是正月的關係等了很久烏冬才來到，看賣相雖不算吸引但仍可以，上面有帶子兩隻、蝦球兩隻、少量魷魚塊和很多腍口的蟹柳，伴以芽菜同炒。吃了一口覺得很乾且調味一般沒有什麼味道；烏冬不夠熱再加上煮得太過腍身，欠缺烏冬應有煙韌的口感。芙蓉棉花肚的賣相看上去就不討好，幾塊魚肚伴兩塊切片的冬菇，下面用多塊的豆卜墊底，吃落口同樣沒有什麼味道，是一個很寡味的點心。因此再另外叫了一個雪菜肉絲牛肉腸，牛腸是今餐比較像樣的食品，牛肉混和雪菜算有些味道，粉皮還算嫩滑又不太厚，是今餐較像樣的點心。今個午餐算是近來外面吃飯較差的一次經歷，希望下次來時各方面會有所改善。…Read More

一篤起粒燒賣 個底有隻曱甴叫店員黎 淨係取消籠燒賣就算 差d唔肯比我影相依家搞到以後食燒賣都有陰影...........大家唔好黎...........................................…Read More

20221118(星期五)--稻香 (碧湖花園) 地址位於:粉嶺一鳴路15號碧湖花園商場地下13號舖:)看到資訊，稻香又開始做$1羊腩煲推廣，Happy Friday就去排隊等下位。$1羊腩是八時三十分入座才有的優恵，八時開始取票，準時八時三十分才入座。今次不像$1雞般多客人，大約7時45分才開始見人龍排隊。先說說$1羊腩煲的優惠，其實是從安格斯肥牛($138)、鮮活鮑魚($88)，噴水象拔蚌($168)，三款中選一款，才可選配$1羊腩煲。自助煲水機，入座時給的茶葉包，鐵觀音點餐:選了($168)噴水象拔蚌下單後，不到五分鐘上桌，看看賣相，新鮮度一般，完全不敢刺身吃法象拔蚌有點腥味，份量也不多$1羊腩煲有約12件2/3隻麻雀大小的羊腩，也有8-9片炸魚片，冬菇、馬蹄，汁濃，羊腩炆得軟腍，份量算多加點了紅薯粉($28)量少，烚得很快軟身，吸收了羊腩汁，味道不錯水餃、雲吞雙拚($48)，每款各三粒有點點木耳做餡料，應該是水餃，餃皮不好吃，有點厚雲吞，又是厚皮，也沒有鮮蝦，只有些瓜和豬肉，水餃和雲吞也可以不點朝日啤($19.8)，夠凍有淡淡麥味埋單: $311.5生料八時半後六折象拔蚌質素很差，羊腩煲味道尚可整體味道麻麻，愈來愈不想去稻香…Read More

8點入座7折8點半入座5折我哋接受左8點入席7折既offer入到去手機點餐，枱又未開，order又落唔到到落到單都已經8:16分叫左一個鴛鴦鍋一碟滑牛肉一份生菜一份墨魚滑一份支竹一碟生蠔最遲既落單時間都係8:18分眼見現場都係4-5成滿坐到8:44分一樣野都未黎過終於忍唔住叫個店長埋黎 佢同我講落單落左半個鐘唔夠不得了最後比左半折既offer 但係態度極差 好似唔休做咁 非常好👍🏻 Keep住呢個態度 一流…Read More

今晚到好耐冇去的地方食飯，一坐低已點龍蝦，面單有寫，居然可以冇落單的，等了20分鐘再追先話冇落單。在落單時，又叫您食魚兩味，唔點又唔願走，1蚊雞冇落又寫在面單，都唔知佢食定我食。服務極差。…Read More

下午茶時間嚟到，點心均一價，大中小點全部$16一碟，真係好抵食，如果純粹想填飽個肚，不求高質食物，呢度係可以再嚟嘅。點了5款點心，蝦餃皇粒蝦好大粒，但個皮太厚，亦很粉。藥膳蒸鳳爪，唔夠入味，而且鳳爪偏細隻。南乳炆豬手，呢碟最ok，好大碟，味道都ok，特別之處係豬手嘅墊底配菜係豬皮，豬皮好入味，好爽口；而豬手都OK，同樣係爽口彈牙。香煎蝦米腸，竟然一粒蝦米都無，而且非常油膩，亦煎得唔夠香。頭抽鴛鴦椒，賣相ok，味道ok， 不過同樣都係好油膩，入口成口油。稻香最讚嘅都係佢個自助沖茶，係香港酒樓少有嘅，夠方便，水亦夠熱。…Read More