Tao Heung Training Restaurant (Closed)

多次中午來飲茶，一定要入會才可以，之前唔收茶錢，比較抵食，最近開始收茶錢十蚊一位， 茶葉質素都比較好，食物質素一般都唔錯，新鮮熱辣的，泊車的話位比較少， 魚香茄子炆油D…Read More

是日中秋飯局, 一行13人前往。order了一圍菜與數個小菜。說真的,散叫小菜真的不錯:例如杏汁豬肺湯,美極牛柳粒,冰鎮咕嚕肉,這些是不推介,但服務實在有待改善。一個不需要烹調的菜式,班蘭榚甜品。。。我地竟然要等45mins.. 中間不同人催了起碼5-6次。。。過時過節,絕對不宜來此用餐,因為套餐既質素實在好一般,而且說實在不算便宜,興慶有好85折買現金卷,可慳一點。highly not recommended…Read More

無論係4人的family day，定係造節的一大圍，我屋企人都會選擇黎呢度食。主要的一大原因係門口就有得泊車，好適合有老人家，有小朋友的朋友，好方便，唔洗行。而且環境都幾好，坐得好舒服，樓底夠高，唔會好噪，都可以傾到計每次最期待就係呢個冰鎮咕嚕肉！真係好特別嘅一個配搭，個啲冰令到本身咕嚕肉嗰啲皮特別脆，又有火龍果夾埋一齊，中和返少少冇咁熱氣。呢個蒜蓉炒菜好香，啲蒜蓉整得好正，我哋全部都食晒今次最有驚喜係呢一個炸牛奶，超好食！佢個面係面包黎，但一d都唔覺油，好爽脆！…Read More

同屋企人飲茶一定要去間好味啲嘅，坐得舒服食物又好味。而呢度一定可以滿足到呢兩個願望，稻苗係行會員制，一定要入左會先可以book位。但係即使佢要入會，每個星期日一樣爆哂場。餐廳嘅廚房係Open Kitchen，可以俾食客睇住入面嘅烹煮，幾有特色。而且每一樣點心都唔單止好味，賣相亦係滿分，打卡一流。我地點左腐皮卷、春卷、蝦餃同流沙包，每一樣都色香味俱全。佢嘅價錢係包埋加一後嘅價錢，唔會令各位食客失預算～…Read More

媽媽成日話我冇時間同佢食飯，所以今日帶佢地來火炭哩間酒樓，見係火車站有個宣傳順德菜，試下炸鮮奶，外面好似用面包包住來炸，趁熱食，唔錯，入面牛奶唔會太甜哩排唔食得魚，所以就冇叫其他兩款菜，都係魚，魚咀＋花椒魚，哩個感覺類似鮮菜魚。見佢$198八兩雞煲翅4人分食，滿滿的翅，加啲醋，well~湯味好濃a細佬用來撈飯食唔少得，招牌菜，內熱外凍，冇⻣，岩洒媽媽哩個波龍芝士伊面，上面一層芝士，要努力撈下先得好靚甜品芒果我鍾意食，透明果好似係杞子菊花味，比老人家媽媽鍾意食茄子煲，叫左個雞粒茄子煲試下，但冇影到相，顧住食…Read More

此稻香不同彼稻香，呢間係訓練酒樓👩🏻‍🍳👨🏻‍🍳好耐以前食過一次覺得麻麻，點知呢排再食佢質素好左好多📈當初為左有飯落肚先叫，點知食落有驚喜😚鮑魚就叫對得住價錢，普通平價既質素😂有驚喜係個飯，好足料之餘🥳仲要炒得乾身，但又充滿住臘味既油香😍•🦐生拆鮮蝦餃(8/10) 💰$11呢度既蝦餃大大粒，一粒一籠好矜貴😂蝦係爽口彈牙，但唔知係豬肉分量太少定調味唔同🤔同一直以黎食開味道唔同，但又幾好食既😂•呢間鋪星期一至六飲早茶，某d點心係有半價🤩雖然我次次都星期日食🙈同埋佢係行會員制，一開始要比入會費架😂…Read More

由於朋友有員工價惠價，及需要員工訂位，這晚特意相約位於火炭稻香訓練酒樓食晚飯。 原來有些菜式，出面門市酒樓都未有推出，所以我們可以品嚐到一些別的稻香嚐不到的菜式。距離火車站行大約8分鐘，酒樓比一般的稻香要大，我們點了：蜜汁义燒：朋友話係必點菜式，用了盆盛裝，一大條長長的义燒，還有火爐在烘熱，所以吃的時候還是熱熱騰騰，正！蜜汁甜度相當好，不會過甜，义燒肉亦好腍 好易咬開，一點都不軔。果然無介紹錯。第二精彩之作就係牛油龍蝦，推廣價價錢合理，龍蝦份量足，而且好多肉。見到我最愛吃龍蝦，已經心心眼。一嚐肉質令人食指大動，其肉鮮味，嫩而彈牙，做法也剛好恰到好處。愛海鮮的，乃係必點之選！杏汁豬肺湯：剛好朋友都喝這個湯，因為未必人人會飲。看到奶白色的湯代表真材實料，杏汁香濃帶少少甜，完全沒有半點腥味！ 喝完感覺好順喉，也不感到有味精，崇正滋補養顏岩哂我地。冰鎮咕嚕肉： 越見多用這個方法，炮製出外脆內軟的咕嚕肉，這個無例外，吃到外層脆漿很脆口，內裹肉質肥瘦適中，酸甜醬汁很開胃，不錯！多謝朋友帶我來，食到非一般有水準稻香菜式。…Read More

放假無所事事，就想到去一處有得食，有得玩嘅地方，就是位於火炭的稻香訓練酒樓了！有些菜式是稻香訓練酒樓才有，其他分店是沒有的。員工服務及食物質素是"學院派"，所以水準應該是甚有保證的。點心定價偏高，但勝在免茶免加一，打個和。法式醬薯蝦（$32)用薯絲包裹著大蝦來炸，賣相美美的。外層好像薯片般香脆可口，中間的大蝦夠爽口彈牙。炸到連蝦尾都可以吃下肚。蘸點沙律醬同吃更可口醒胃。金湯五糧花膠（$38)高湯有海鮮的鮮甜味道，味道有點像粟米魚肚羹。配料豐富，有紅腰豆，粟米，蓮子，杞子，准山等，好養生，口感又好。但花膠有點削，兩口已經可以吃完，但花膠還算爽口，味道鮮而不腥。原蝦燒賣皇（$10/ 件）燒賣上有大大隻蝦，好爽口。豬肉餡不算鮮甜，沒有肉汁，但亦算彈牙，香菇味十分濃郁。生拆鮮蝦餃（$11/件）蝦餃皮有點厚。但蝦的份量不少，爽口又鮮甜。另有豬肉及荀絲增加味道及口感。胭脂金網腸粉（$33)用紫米磨成米漿，製作成嫣紅色的腸粉皮。中間包裹米網春卷，非常香脆，簡直是升級版的炸兩。吞拿魚脆米（$28)脆米餅上盛載吞拿魚醬，脆米相當香脆，好似吃著童年懷舊零食～ 暴暴飯焦。吞拿魚醬則有點過鹹。食飽飽，可以上樓上展覽館參觀，認識一下本地中式餐飲文化，都是不錯的節目。…Read More

今天三代同堂慶祝母親節，阿姨提早在稻香訂了一圍菜另加兩隻長腳蟹。先來說說頭盤，挺特別的...冰鎮咕嚕肉配上火龍果，非常醒胃的，咕嚕肉的皮很鬆脆，甜酸度也因為冰鎮的緣故味道剛剛好。然後重頭戲當然是兩隻共重11斤的阿拉斯加長腳蟹，既新鮮又肥美，啖啖肉，吃到停不了手呢！接下來的傳統菜式，有別於其他稻香酒家分店，這裡都是即時煮成上菜的，所以水準一直保持很好，美中不足是樓面人手不夠，所以每碟菜相隔的上菜時間比較耐，可能也是因為母親節的關係吧！今天座無虛席！最後還有美味的千層糕和壽包作結，滿足！祝各位母親節快樂！…Read More

朋友 4 月尾退休返泰國，相信呢餐都係喺佢離開前同佢食嘅最後一餐，帶咗佢嚟飲茶。朋友第一時間話要食鳳爪同排骨，佢食鳳爪時話呢個係 best dim sum ever，因佢食到香料味，跟住食燒賣又樹起手指公，但個帶子角就差小小，要搓 ching chum 決定邊個食埋最後嗰件 😅😅呢度飲茶食飯環境無得輸，坐得舒服，飲完茶原本想行吓佢個博物館但未開，想走嗰時有位職員提早 15 分鐘開比我哋 👍👍原來佢哋會招待一些特殊小朋友，我見個小姐好有愛心咁慢慢同佢哋講解，又幫佢哋影相。後來見啲小朋友有張紙玩壓印，我哋問返嗰位小姐佢又比我哋，仲話我哋知一共有 7 部壓印機，咁就開開心心咁過咗一個早上 💖…Read More

今晚約左兩老友去打邊邊，後來因為就其中一個係大埔收工，臨時轉攻去火炭聚餐～第一個冰鎮咕嚕肉，招牌菜之一夠大份，三個人食都有剩，色香夠，味就偏濃，可能哩排食清淡野多雲南菜之一～田七汽鍋雞，真係應左句好味到驚喜十足 味道有啲似客家醉雞，但又好香唉！原本一人一份...可惜剩低1份，三人共享:(唔夠食...蟲草花百合蒸虎斑件，一上台就聞到蟲草花杞子陣味 魚肉好滑，啲汁味滲透入去另外仲有份蒜蓉炒蕃薯苗，唔記得影，顧住分果份汽鍋雞…Read More

久唔久總會想揸車黎呢度飲茶，今次都係全家總動員黎食，最鍾意呢度既胭脂金網腸粉，生拆鮮蝦餃，原蝦燒賣皇都唔錯，酥皮叉燒餐包都好味。今次重試埋乾炒牛河同濃湯海斑件泡米粉😋😋…Read More

收爐飯就緊係要食返餐好架啦, 比較過火炭幾間酒樓既菜單最後就決定左揀稻香, 需要早一日預訂, 我地揀左歡聚宴, 早一日訂可以減$200, 包哂加一茶芥, 同加左一隻長腳蟹, $300/斤, 明爐燒鵝皇$428我地12個人食, 呢隻蟹大概4斤左右, 長腳蟹理可以有唔同既煮法, 而我地問侍應可以點煮, 佢地就答清蒸, 一係就上湯煮, 但係佢就好落力sell我地清蒸話清蒸係最好食, 過左一陣侍應又埋黎問我地隻蟹想剪開定原隻上, 咁緊係剪埋方便大家食啦過左冇幾耐隻蟹就上菜, 但係我地都好好奇點解隻蟹落左單冇耐就可以上菜, 我地懷疑隻蟹一早已經蒸左, 因為上菜時隻蟹都唔熱, 微暖都冇隻蟹D肉都算多, 蟹肉都鮮甜, 但同想像中既鮮甜度爭少少, 蟹肉都新鮮既隻蟹食左大半就開始上其他菜式首先係乳豬拼盤, 同想像中好有出入呀我地大家都以為會係以燒味為主既併盤, 但原來係得乳豬同义燒其他既就係雲耳, 酸蘿蔔同烤麩, 食乳豬又點少得乳豬醬同砂糖, 但係完全冇提供要我地開聲問先有, 仲要好耐先拎黎, 拎到黎既時候都差唔多食哂所以野味道普普通通碧綠就係西芹, 加埋急凍象拔蚌同珊蝴蚌炒, 份量都幾多, 味道OK, 微暖, 唔熱既x2跟住就到呢個蝦, 賣相唔錯, 個汁都煮得幾好食, 蝦肉新鮮彈牙, 但係又係微暖, 唔熱既x3之後就到呢個燒鵝皇, 以前食過一次幾好味, 但今次食完全唔得之前果2個餸都話係微暖, 呢個直程係凍既, 唔熱既x4 , 燒鵝個皮一d都唔脆, 同上次食完全兩回事!!!!!最後食剩大半, 但我地都冇浪費, 都打包左返屋企再自己加工黎食呢個雞同個燒鵝一樣, 凍冰冰既, 唔熱既x5 , 本身隻雞煮得唔差, 但由係太凍, 冇人想食, 最後又係打包走唔好見到煲就以為佢係熱呀, 唔熱既x6, 花膠同鴨掌都炆得唔夠耐, 偏硬, 又係打包走蠔豉都算大隻, 味道好香, 配埋髮菜同埋豆苗, 味道幾好既, 又係微暖, 唔熱既x7海皇翅, 都好足料, 加埋少少醋吊味都好食既, 溫度叫做暖暖地條魚好大條, 食魚既蔥先係最好食, 但唔知點解今日既蔥竟然無人問津蒸魚既豉油係好重要架, 但呢個汁比起平時食果D就咸左少少, 冇乜甜味, 可惜可惜估唔到全餐飯最受歡迎既就係呢個腊味糯米飯, 重點佢係全餐飯最熱既一個餸菜個糯米飯又唔會太黏, 仲有芋頭添!!第一個清哂既餸菜竟然係佢其實全餐飯D食物質素係唔差既, 可惜就全部都唔熱…Read More

近排就過年，我們成班同事衝上上司屋企玩，拜個早年⋯ 上去之前，我們成班人先去附近的稻香酒樓食個Lunch先⋯ 唔講唔知，佢又係個博物館又係酒樓，要有會員卡先可以飲茶架⋯⋯大家可以預先Book定位先去，咁就唔洗等咁耐。呢到一般有的點心都會有，燒賣蝦餃牛肉都有齊。牛肉夠熱，同平時一般酒樓食到的味都差唔多，只係呢到一份有四件，比平時多少少。春卷係用蝦膠打成，炸得唔算太油膩，而且春卷皮夠脆，食得出係即炸，唔係放左好耐。哈，上司請我們食一人一份灌湯餃⋯ 灌湯餃平時都貴，呢份仲加埋黑松露係入面，食落有微微的松露味，味道剛剛好，唔會搶左整體的味。呢個留沙奶黃包一份得兩個，外形好得意。但咬落就有D失望，佢只係軟身的奶黃，應該煮耐左或者個配方差DD⋯⋯炒蘿蔔糕的份量唔算多，入面有D蝦仔炒埋一齊都幾惹味。好少地方有得食黑糖馬拉糕，所以我們都叫多份。個糕蒸得幾鬆軟，不過個黑糖味唔算好出。我們咁多條仔，叫多個飯食先夠。呢個鮑汁飯又幾好食，D飯粒吸滿鮑汁的香味，加埋隻鮑魚就無敵啦～…Read More

😉近排火炭真係開咗唔少新既食市，成班同事飲茶又想試下新野。甘就黎咗呢間火炭稻香訓練酒樓試下囉！一入去大堂真係幾鬼靚，望落去似酒店中菜部，一D都唔輸蝕。我地成班C9你一句、我一句，唔洗2-2分鐘已經完成點菜。由於我哋食晏冇太多時間，好彩佢哋上菜都算快。抵讚艇家蘿蔔糕蘿蔔糕煎得香口，配上櫻花蝦，灑上味粉，實在又有另一番風味！正！香蒜蝦春卷🦐春卷內以蝦膠做餡料，淡淡蒜香，炸得脆香，食到停唔到口。窩燒鮑魚糯米飯糯米飯做得火候適中，每一啖糯米飯都食到臘腸、臘肉等等配料，再加埋原隻鮑魚，嘩！正呀！滋潤花膠灌湯餃再嚟花膠灌湯餃，女人梗係要補一補啦！椰香甜薄撐特別推介呢個甜薄撐，甜度適中，人口滲出淡淡椰香，必吃！必吃！豉汁蒸鳳爪為豉汁鳳爪稍為遜色，煮得太耐，有點稔。古糖馬拉糕馬拉糕做得有點硬，如果可以做得鬆化啲就更Perfect。🦐原蝦燒賣王燒賣王蝦稍嫌太細，但味道尚算OK，合格！🍄真假冬菇包真假難分？！！究竟係真菇定假菇嚟？像張真度99.99%！重點打卡位，10個friend有10個都估唔到！必叫！韭黃鮮蝦腸🦐稍嫌蝦比較細隻，但尚算可以！整體滿意度： 85分…Read More