稻田壽司刺身 (Closed)

叫外賣返屋企食。都算貴囉其實。。。每件計！成7,8蚊一件！仲要幾細件！我覺得一點也不便宜！魚得細細舊。所有三文魚都有白色邊！！！卷物又細！又係成7,8蚊一粒！唯一係幾新鮮囉！叫左大約29粒（兩個係4件卷物），成220蚊！

裝修真係充滿日式.呢間店除左賣壽司.還有賣一些日本食物.飲品叫左6件壽司,三文魚腩偏瘦,吃不到個種甘香的味道,下次叫返三文魚好的.我估的味道分別不大.海膽壽司.不算新鮮.入口的感覺似吃榚.並且有黏性...帶子壽司...反而新鮮.入口有一貫海水味,並且鮮甜...10元相當抵食...甜蝦壽司.都係好新鮮.仲大大件有2隻....同樣都有海水味,而鮮甜.....超人汽水都好得意....比起普通汽水少左的汽,甜度低一點.......

日前行經元朗豐年路輕鐵站對開一條小路,見到一間剛開張嘅刺身壽司鋪,見間舖好似見一般嘅刺身舖有種...真係好日本feel咁,就行入去睇下!見到Ｄ三文魚刺身好新鮮,再睇下其他都好靚!又有好多清酒,日式汽水!仲有來自日本嘅包裝海產,食品種類都算好多....見間舖都好企理,我就問:乜嘢最抵食? 我諗係刺身師父答:三文魚同海膽啦!我哋日日都開魚!海膽都係日日番!我諗咗一陣...隨手就點咗幾樣!師父仲話:我哋Ｄ壽司飯係手握,唔係機做!同一般嘅有分別,你試吓啦!好食就多Ｄ幫襯啦!我哋仲有外買速遞!睇住師父一件一件咁做,又同好傾,我就揀咗幾樣壽司、一板海膽同一客三文魚刺身!都係$200有找!師父果然無點我!真係幾好味!!到咗第日...彿然諗起...又想食但又懶出去...諗起佢講過有送貨,咪又打去囉!今次要叫多幾樣先!!講真!而家日式做得好食,真係少之又少...好似之前食過一間叫做乜漁我都唔記得喇!(都喺元朗)Ｄ壽司好似喺Ｄ超市特價品果Ｄ咁,Ｄ料仲好少,飯又硬又無味....我唔可以話呢間好好,但一定好過大部份囉!真係可以一試再試!!正!!!!!!!