Akita Cafe

星期二晚上10點零鐘入座，自助點餐落咗個枝竹豆腐魚腩煲，嚟嘅時候魚腩變咗魚塊，跟住問個員工，個員工先話冇魚腩變咗斑腩，如果係咁一早唔應該繼續賣呢個餐，或者同我講聲轉咗問吓我仲要唔要。但因為發現嘅時候已經過咗晚上10:30已經截咗單，所以冇得取消重新嗌其他嘢食。雖然員工話可以取消張單，但因為冇其他嘢食，所以我都照俾咗錢，最後員工俾咗個九折。我欣賞員工處理問題嘅方法嘅，但我覺得餐廳應該本身要避免發生呢啲問題先，因為已經唔係第一次覺得啲食物有問題。之前叫燒味飯又係晚上9，10點左右呢啲時間，叫咗燒鵝油雞結果上嚟嚿舊都係骨，之後同個男經理講，佢話係可以換過成個餐俾我，但最後我叫佢加多幾舊肉俾我就息事寧人。我覺得經理嘅解決方法係令我舒服嘅，但我認為本身燒味部唔係淨係斬啲骨俾個客人食就唔會出現呢個問題。呢間餐廳基本上我每個星期都食兩三四次，但最近覺得出現問題嘅情況越來越多，然後通常出現喺晚上九點後。希望之後會有改善。…Read More

秋田冰室:早上去到大排長龍,  還好店員安排得好, 讓我們很快便可入座, 實在很棒。點了忌廉粟米吉列豬扒法蘭克福腸加薯菜, 挺好吃的, 豬扒炸得很香口, 雖然薄, 但肉是嫩口的, 有肉汁, 炸得很好, 早餐吃也不覺得油膩, 因為炸得好, 不會炸出來吃到一口也是油。豬扒是出色的, 因為用的豬扒肉質好, 所以很好吃。那條香腸則沒甚麼特別。焗薯我是喜歡的, 薯仔粉, 而且不油膩, 是薯條以外的另一個不錯的選擇, 因為已經有炸物豬扒了, 所以配焗薯吃起來便很搭。…Read More

依間餐廳真係好有問題🤬🤬🤬以後我唔會再幫襯依間垃圾餐廳喺Keeta落咗單外賣自取肉醬意粉嗰app一開始話17:58拎得外賣18:00到咗餐廳 見未拎得餐 睇返嗰app更新咗話要18:04先得餐好啦見都喺等多4分鐘就再等下等到18:04 嗰app彈咗通知話拎得餐 點知都喺未拎得 好啦我再等等等到18:10 見未拎得餐 就問嗰女收銀 點知嗰女收銀冇理我 好啦 我又試下耐心等多陣等到18:15 都喺未有得拎 揾咗疑似老闆娘嘅人去追下單 老闆娘就揾咗嗰男經理追單18:17 嗰男經理先嗰刻打電話畀我 我冇接聽 因為我已經喺餐廳 就當面問佢嗰餐拎得未點知佢同我講 話冇哂肉醬意粉 所以畀嗰焗豬扒飯我我真喺嬲咗 我問佢點解冇哂肉醬意粉 唔係一早通知我 要喺要我出面等多咗1x分鐘都未拎到餐 追你單先同我講冇哂 我話我唔想要嗰豬扒飯佢話咁佢退返錢畀我我真心XYZ你 前後落單我等咗超過半嗰鐘 你冇哂肉醬意粉 唔一早通知我 而喺迫我揀要嗰豬扒飯／揀退返錢 真心超級嬲依間垃圾餐廳最後嗰老闆娘見我唔接受男經理嘅方案 就喺第二袋外賣拎返盒肉醬意粉畀我但老實講 已經對依間餐廳超級失望 一定唔會幫襯👿👿👿👿👿…Read More

樓下商場開新餐廳，當然要試吓。試咗個早餐之後，感覺麻麻，走個時已經諗唔會再去。就喺呢個時候，餐廳嘅人好友善甘走嚟問我哋意見，我哋就好坦白講哂啲問題俾佢聽。事隔兩三個月後，意外地食過一個燒味飯。又估佢唔到喎，完全對佢改觀，決定晚市比一次機會佢。燒味例牌雙拼，俾咗雞髀同鵝髀😍。炸魷魚鬚好好食，炸醬唔厚，炸得啱啱好👍🏼 魚香茄子煲都好足料，味道亦都唔錯😋 好欣賞佢哋接納意見，有改善有進步。依家我哋早、午、下午茶、晚餐，諗唔到食咩就會去佢度食。…Read More

焗肉醬意粉是一道經典的意大利料理，濃郁的肉醬與意粉的結合，讓人每一口都感受到豐富的層次。肉醬用新鮮的番茄、洋蔥和香草製作，味道鮮美，帶有些微的甜味，配上融化的芝士，表面微微金黃，散發出誘人的香氣。每一口都令人陶醉，簡直是心靈的慰藉。相較之下，雪菜肉絲通粉則是一道充滿家鄉味的佳餚。雪菜的鹹香與肉絲的鮮嫩相得益彰，通粉吸附了醬汁，口感滑順。這道菜不僅色香味俱全，更是營養豐富，適合各個年齡層的人享用。最後，熱阿華田與熱好立克是絕佳的飲品搭配。阿華田的巧克力香氣與奶香，讓人感到溫暖；而好立克的順滑口感則為餐後增添了一絲清新。整體而言，這些美食不僅滿足味蕾，更勾起了對家的美好回憶。…Read More

阿姐服務10分貼心，一入嚟搵位坐，就比阿姐安排去啲多人坐嘅中間位，或者叫你卡位搭枱，咁自己走咗去卡位度坐啦落單時見到‘’餐包‘’好不開心，點知嚟到係提子乾餐包😅 同阿姐講唔食提子乾，可唔可以轉返普通方包，咁佢話冇普通方包，得多士。咁問佢可唔可以走烘，佢話走烘要加兩蚊😲 喺香港地咁耐，真係第一次聽到走烘要加錢🫨 不得了即磨咖啡，送鮮製咖啡粉，都係香港首見誠意推介，非一般香港茶餐廳首選$43比起太興仲要貴，但服務一定唔值呢個價錢…Read More

諗住食個早餐， 成個場係大把位， 偏偏就安排啲人坐到迫迫， 繁忙時間午飯時間我就明啫， 明明隔離全部都係吉位，偏偏就安排啲陌生人坐你對面。 態度服務極差。杯檸茶好澀完全唔掂， 😓😓😓😓😓😓跟住嗰個牛扒， 牛扒早餐非常硬， 完全唔好食， 唯一正正常常嗰隻蛋:(真係勁建議強烈大家唔好去唔好中伏本身見到出邊好似有幾個人排隊以為唔會中伏， 仲有見到佢出邊嗰個麵包櫃好污糟……..仲有地下好肥肥林林好跣， 有客都爭啲跣親大家小心:(寧願自己煮好過…Read More

呢間喺調景嶺嘅秋田冰室，其實就係取代佢嘅上手金記冰室。仲記得佢嘅上一手其實做得幾差，成日漏單啲嘢又唔好食。依家轉咗手，會唔會好啲？呢度嘅餐牌非常多嘢揀，可以話諗得到嘅嘢食幾乎都可以叫。今晚我哋嚟食晚餐，叫咗兩個鐵板餐。一個係雜扒，一個係西冷牛扒。第一個亮點係餐包。餐包係另上嘅，已經有牛油，份量唔少。第二個亮點係餐湯，可以揀紅湯白湯同中湯。先講雜扒，非常多嘢食，牛扒豬扒煙肉香腸蛋一應俱全。雜菜亦多，加埋個飯飽到不得了。至於牛扒嘅亮點係牛扒本身，夠晒厚，質素唔錯，起碼唔係梳打粉牛扒。不過有個別嘅位置咬落去幾韌，好明顯係咬到筋。…Read More

總括最少二十次早餐經驗：👿 帶位態度差劣，座位擠迫。部份2人座位櫃桶只能拉開1/4，根本無法取出任何餐具。曾有食客不小心倒瀉飲料，完全未清理地上灘水，就安排食客再入座。🫗 欣賞自助斟水安排夠環保，但每隻水杯都係油淋淋，部份要沖一沖先敢斟水飲。🚨 平均等候食物時間（包括飲品）20-30分鐘，每次3-5枱吹單，甚至多枱食客一同大聲投訴。部份員工親切有禮，面對食客追問，表現耐心亦有作出相應處理；部份員工態度差劣，對食客追單要求，黑面藐嘴回應，甚至與食客爭拗。🍳 食物質素合格，麺包新鮮熱辣辣。但基於等候時間過長，早餐及飲品上枱時都已經一肚氣。熱飲杯底脹起，企不穩。💰 設有自助埋單，雖然只收八達通，但相當便利，爽快。人手埋單收銀員木無表情，毫無視線交流，無聽過佢把聲，建議多放部自助埋單機更為理想。…Read More

餐廳食物質素一般，價錢與類同餐廳接近。明白餐廳想maximize利潤，堂食外亦接外賣單，可惜餐廳未有足夠接待能力同時處理外賣訂單及堂食點餐，導致堂食候餐時間過長。個人經驗所得，早餐不時需要等候20-30分鐘。問單進度時，有部分員工態度欠佳或敷衍了事不跟進。用餐時，四周圍都係追單嘅顧客。另外，亦見過有隔離枱顧客倒瀉飲品，未有處理好，就安排其他顧客入座。總而言之，如果心急，趕時間，唔想受氣，剛巧當日心情欠佳的話，入舖幫襯前請三思。…Read More

燻蹄同叉燒都好好食，上次食雙拼，嗰個汁同今日唔一樣，今次呢個有芫荽㗎🥲 我都係鍾意之前嗰個汁多啲😅 河粉好滑，都好食，媽咪好鍾意；不過我都係瀨粉fans。*如果個app可以加走青，咁就好啦😅👍🏼爸爸都係唔會食厭牛扒，所以依然係牛扒，但係今日竟然食意粉唔食飯，真係估佢唔到。明明佢唔食意粉㗎嘛😅🤣…Read More

初初食冬蔭功個湯白色好似普通清湯底咁，早兩日膽粗粗再試一次。有驚喜！超好食！所以今次同媽咪一人一碗🤣🤣 癈事比佢飲晒我啲湯😅🤣 雖然啲肥牛無初初嗰陣咁多，不過個湯底變正常冬蔭功，咁已經好好，起碼又多樣選擇。爸爸如常都係牛扒愛好者，因為佢一定要食全熟，咁茶餐廳冰室牛扒就最啱佢。呢到塊牛扒都算大，所以佢好開心，不過佢今次竟然揀咗原型澱粉質來食，好健康😜。熱即磨咖啡好飲咗👍🏼😋咁我就唔一定要飲凍啡或熱奶茶啦～ …Read More

這間餐廳實在令人費解！非繁忙時段竟然還有空位卻不讓顧客入座，反而強迫顧客拼桌，這種行為完全不尊重消費者。而且，店員的態度極其惡劣，不僅沒有基本的服務熱誠，還讓人感到被冷落和冒犯。至於食物，實在只是普通水準，味道毫無驚喜，完全配不上那高昂的價格。不僅如此，這餐廳的經營模式簡直讓人難以忍受，既不懂如何吸引顧客，反而用一副趕人的姿態應對大家。如此令人沮喪和失望的用餐體驗，除了浪費時間和金錢外，實在毫無收穫。奉勸這間店家，若不作出徹底改善，早晚會被顧客和市場淘汰。實在無法推薦任何人光顧！…Read More

拜完山行落到調景嶺站，順便醫肚，見到秋田冰室有人排隊，就會一會佢！ 我最喜歡常餐，餐牌推介「叉燒意粉」同「豬扒通粉。結果豬扒望落真係靚仔，厚切兼煎到金黃色，點知一啖咬落... 柴過柴灣！好彩個湯底夠濃，通粉煮得啱啱好，叫做挽回多少分數。至於朋友嗌嘅叉燒意粉，睇相都知伏——又乾又瘦，叉燒靚極有限。 埋單前聽到廚房嗌「蛋撻出爐！」，即刻加單試埋蛋撻同雞批。呢兩樣先係戲肉！蛋撻皮脆餡滑，蛋香攻鼻；雞批外皮鬆化，餡料仲有微微肉汁，絕對係水準之作。…Read More

【西貢區】【秋田冰室】今次同美女朋友去食嘅茶記係調景嶺新開嘅呢間新派冰室，佢正正喺知專設計學院對面。開張初期，好多時都要排隊，麻煩晒美女朋友幫我排咗。佢就食 $63 嘅「全日早餐」，有吉列魚柳、英式腸、火腿扒、煙肉、炒蛋、茄汁豆、自家製出爐餐包，配餐飲。佢唔食炒蛋，改煎蛋，餐飲飲「熱奶茶」。上菜時見到魚柳勁大塊，味道上佢就話唔錯，份量亦都夠食，杯奶茶有好嘅茶記水準。而我就食特餐，本身想食 $55 嘅「招牌沙嗲牛肉公仔麵」，點知話賣晒，攪到我要轉個貴啲嘅，$58 嘅「鮮忌廉雞湯豬扒通心粉」。食落就好普通，特餐配嘅「嫩滑北海道牛乳炒蛋」同「自家製出爐多士」正正常常，餐飲我飲「即磨咖啡」，茶記嚟講算好飲。見蛋撻出爐就叫兩隻 $8 嘅「出爐靚蛋撻」，點知唔熱嘅，叫侍應換返新鮮嘅，又肯喎，感覺好好多。埋單 $137，冇乜特色嘅一餐。。。（地址：調景嶺景嶺路8號都會駅2樓R03&027號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am西貢區 #調景嶺 #秋田冰室 #全日早餐 #熱奶茶 #招牌沙嗲牛肉公仔麵 #鮮忌廉雞湯豬扒通心粉 #嫩滑北海道牛乳炒蛋 #自家製出爐多士 #即磨咖啡 #出爐靚蛋撻 #1am1694 #1ambackup…Read More