禮記 (Closed)

o係附近讀左7年書, 尋日考晒mock對埋卷真正既last day, 終於第一次飲禮記既椰子汁!! 其實讀小學都已經o係附近架啦不過冇飲食自主權唔算啦。有少少相逢恨晚添。好香好真呀d味!!! 真係用椰子整!! 同d罐頭差勁遠。希望遲d都有機會飲啦。d野依家愈黎愈貴佢冇加價好好lu。

雖然巳經食到好飽但行過始終忍唔住要飲番杯椰汁($5)。真材實料，椰子味香濃，唔會淨係得個甜字，好此道者，必然之選。以前周街都有鮮榨庶汁、椰汁賣，而家一間都難。呢D平凡舖仔，唔知可以維持幾耐。

主人與奴隸獸登陸土瓜灣，如果不去禮記飲杯鮮榨椰汁實在講不過去。主人要大杯（HK$5），奴隸獸當然要支裝啦！（HK$11）。兩人好像久旱逢甘露一樣，剎那間，冰凍的椰汁就被消滅了。好好味啊！P.S. 相中只是吉杯，無哂椰汁啦！

一個人, 見天氣不太熱, 就徒步到土瓜灣.雖說稍稍涼了, 多走幾步還是會出汗.剛好經過禮記, 於是要了杯大椰汁.椰汁不太凍, 但非常甜美, 就如少時吃的椰絲香濃, 有點難以置信.

is that vanilla? oh i got it twistedi don't eat coconut, but i love drinking it.the greatest delicacy in 土瓜灣!!!

近期皓熱警告多得迫在眉睫，每每在街上跑的都好像站在焗爐似的，以往幫襯這裡的結論是因椰子汁冰凍非常，喝完之後頭痛欲裂，而適逢這種皓熱警告的情況下，這種頭痛欲裂已經變成快感，好像在燒紅的鐵塊上澆上清水，還有滋滋作響。這裡的椰子汁仍是一貫的冰凍味美，五元一杯的價錢非常超值，再來一杯吧！

..平..好味

食完糖水,仲有點口渴。想找便利店買支汽水,並沒有想起椰汁。路過「兒時回憶之地」,才想起openrice食評,成個人呆左,原來就在對面。兒時並沒有留意到這間士多。買了一杯大椰汁,冇雪住都好夠凍,都充滿椰香,飲完能解渴,暑氣全消。飲到底會有少少渣,證明真材實料。後來問番阿媽,佢話廿幾年前這間士多已經有椰汁賣,當時係買支裝番去慢慢飲。

我住呢間野附近, 每次經過都會買支返屋企慢慢飲, 呢度d椰汁真係好香又好味, 自從細個飲過d咁好飲既椰汁之後, 而家除左呢度, 都好難搵第2間架喇~

天朗氣清，萬里無雲，心情好極，再"屈"係office入面實在係太對唔住自己嘞...忽然好想飲禮記嘅椰汁...出到去，條街好似半個火爐咁，熱到lei...一杯椰汁飲落喉，舒服晒...雖然不及上次飲嘅香濃，但就夠晒冰凉...什麽coke zero，行埋一邊la...

由細飲到大真材實料呢間係我飲過覺得最好飲既一間!!!究竟佢點整既呢.................隔壁的果汁店同樣值得推介我覺得總比旺角買緊十幾蚊一杯的要好

碩果緊存的正宗鮮打椰汁已經賣小見小，況且在冬天亦只以椰汁作主打，睇怕只有這裡吧。舖頭在向譚公道的那邊是主打生果買賣，向新山道的那邊才是主打椰汁的。椰汁味道是鮮甜的，配上出名香濃的黑白淡奶，椰奶香味不弱，而價錢亦是超值的。天寒地凍的情況下飲這杯半冰半椰汁的飲料都幾頭痛，因實在太冰凍了……。

此禮記當然不同梳打埠荷蘭園的禮記,此間在土瓜灣的禮記,只是一間尋常士多.不過其即搾果汁,同鮮椰汁,大受區內街坊歡迎.尤其鮮椰汁,細杯裝$4,大杯裝貴$1.用新鮮椰肉搾出.味道,同質感特別香濃.如果有機會路過,必定一試.還有,店內的守護神肥花貓,很可愛,也是店內另一受歡迎之"物".香港保育文化忽然鬧得哄哄,除卻一些有紀念價值的建築物外,其實這些舊式士多,也有其保留價值.這些回憶,人情味,在機械式便利店是找不到的.只是大多香港人,對一些舊物,毫不珍惜....

好香...自從N年前深水埗高登門口走鬼檔執晒之後，好耐冇飲過咁真材實料嘅椰汁...香、椰味濃，冇溝水...唯一要彈係細杯咗D..

其實禮記是一間生菓店, 要寫的原因是你可以在這兒喝到近乎絕跡的鮮榨椰子汁.其實椰子汁只是一樣很普通的飲品, 但是現在仿間所能買到和喝到的只是用椰漿所做的罷了, 並沒有真正椰子的清甜, 說到底椰漿只是一種有椰子味的糖漿吧!大家有時間的話不妨一試因大家必能拾回年幼時喝椰汁的回憶. 味道清甜可口, 喝罷暑氣全消, 亦只是五元.