福門海鮮菜館 (Closed)

星期六晚 , 教友聚餐 , 為方便不良於行的老教友 , 我們相約在他屋企附近的酒家用膳 ~Menu ~燒鵝半隻 $ 228 : 皮脆 , 肉嫩多汁 , 燒鵝肉質鮮嫩肉味濃郁叫人再三回味 ~芝士焗波士頓龍蝦 (烏冬底) $ 248 : 烏冬的份量多 , 比較腍身卻沒有吸太多油；波士頓龍蝦的肉質爽彈 , 美道鮮美 ；芝士汁的稀杰適中 , 味道濃香 , 整體來說水準不俗 ~總括來說 , 食物的味道不俗 , 但員工的服務態度實在有需要改善 ~  本篇完 ~

已經係上年11月，是晚9點後先到，只有約6抬客，員工都好得閒。向一名男員工下單，分別點了『啫啫芥蘭煲』及『粉絲煲』。因太太不吃辣，所以要求啫啫煲少辣。該員工一聽面露不悅，話：『唔係好辣喳堝，無得走辣。』我話：『你幫我寫少辣啦。』佢開始負氣：『唔辣又點少辣呀？』我聽完都有喲慶：『你照寫啦。』佢轉身走開，留低一句：『是但，盡做啦』 菜上後，一食，不得了，好辣，再望清楚，成碟菜好多辣椒，即刻攞張單來睇，竟然寫住『加辣』． 叫部長來投訴，嗰位天才員工仲走過來問：『你唔係要加辣咩？』講完就走開。 雖然部長話幫我換，但驚第2次唔只加辣， 當然拒絕。該員工好玩唔玩，玩食物，浪費食物，其實好折墮。 講番嘢食，加辣後只有2個字，. 『難食』.

平時食海鮮都係去三聖或者流浮山，一來住得近，二來算係比較扺食同有質素，但坐得比較逼同限時。今次同九龍朋友食飯包左一圍12位，仲有得包埋房，坐得舒服，食物好味，又唔貴。我地之前訂左個餐：冰鎮鮑魚、長腳蟹兩味、蒸魚、豉油皇蝦、炒花甲、燒鵝、上湯西洋菜、啫啫芥蘭。全部餸都好味，食到飽晒，冰鎮鮑魚即係醉鮑魚，蟹蓋蒸蛋白超鮮甜。最正係免開瓶費，可以自己帶酒黎慢慢飲。但比起一般酒樓早關門（大概十點已經執晒枱）埋單$6580！

有日行開大角咀, 好耐未去過酒樓食小菜, 所以就去左呢間福門, 當日人流唔多, 好快就有位。點左個雞煲, 幾香, 辣度可以落單個陣揀, D料幾足! 同出面任食雞煲個D好唔同, 香好多。仲叫左個燒鵝, 老婆想食, haha, 睇落好油, 食落又唔係太油, 燒得幾靚架都。呢兩隻蟶子皇, 我就唔捨得叫黎食, 見到呢度唔係貴, $88/兩隻, 叫黎試下, 嘩無縮水WO, 同佢餐單張圖一模一樣, 食落好鮮, 一定係游水先有既味。呢個係蟹肉炒鮮奶, 麻麻地, 我就嫌佢炒得太實, 不過份量夠多, 味道係無問題的。我得兩個人但都食左4樣野, 飽到想死, 不過又發現到呢間酒樓D野又幾好食, 下次行開大角咀一定會再黎。

123突然間挑起條癮好想食雞煲，但又唔想要任食個種，所以行遠少少黎呢間福門。之前同屋企人食飯黎過一次，啲中式菜都唔錯，大大碟又幾好味，今次食埋個雞煲都好正，睇黎可以叫屋企人黎多次，老人家就食小菜，後生仔可以食雞煲。叫左小辣，不過呢間辣味唔勁，下次可以直接食大辣。個雞煲都幾香，上枱就聞到香味，啲汁黏度剛好可以包住雞肉，入口啖啖有汁有肉。雞肉唔係切得好大件，所以睇落有好多，食落幾嫩滑，就算煮，到最尾都唔會太硬，幾好。另外叫多隻燒鴨脾，真心覺得不得了！外皮燒到卜卜脆，肉質多汁夠鮮嫩，重點係唔會太肥膩，又唔會醃到無哂肉味，正呀！最後追加兩隻粉絲蒸蟶子皇，有手掌咁大隻，入口鮮甜爽脆，蒸得剛剛好，為今晚做完美Ending。

中菜平時同家人食得多~今次難得同朋友食，簡間遠d ge.. 福門！先黎。。蒜蓉粉絲蒸元貝！元貝和粉絲~2 樣都喜愛！一入口，蒜蓉味超香！因為清蒸，元貝保留了鮮味~粉絲吸收了所有精華，非常美味呢！之後。。秘製香辣鮮雞煲！一上檯，就香味撲鼻！先吃件雞。。唔嚡之餘仲滑滑地！醬汁是秘製的，香香辣辣好惹味！來清清喉嚨。。鮮蟹肉大良炒鮮奶！炒得白白的，真的是滑入口中呢~不過食落又完全沒有油膩感！和松子一起吃，一軟一硬的好過癮！再來。。避風塘茄子！茄子！我的最愛！用避風塘的炒法就更滋味了！茄子好淋，炸粉脆脆的；一入口就香味四溢~忍唔住食好多舊lol最後，濃湯花膠浸娃娃菜！想食點菜就不如濃湯上！食菜之餘又有湯飲~來啖花膠先！好濃好滑，膠質豐富~娃娃菜吸收了湯汁，好淋好juicy!最後飲啖濃湯，完美的結束這一餐！

突然好想食海鮮，朋友極力推介位於大角咀的福門海鮮菜館。旺角地鐵站一出行10分鐘就到 ，都算好方便 一去到叫左碟皮蛋海折。嘩個皮蛋好正。即刻再叫2隻咗乳鴿免切！之後就當主角出現：海鮮黃金邦加大聖子再來一碟桂花糕畫上完美既句號埋單時，仲送一張乳豬卷！好滿足嘅一餐啊！乳豬～～～我好快就係黎食你架啦

在豪華戲院看完戲後，有點餓，決定在附近搵食。平時很少來這邊，現在才發現附近的酒樓蠻多。我們決定不選連鎖的，來到福門海鮮菜館。酒樓位於向大角咀方向的街角，過條馬路便是。這𥚃没有華麗的裝潢，以平民價做街坊生意。午市燒嘋飯盒$30左右，晚市免茶，抵讚！ 先看餐牌，這是5大推介。 小炒、老火湯當然少不了。 還有套餐~ 適合扶老攜幼。 是晚特價。以人手寫的菜單，買少見少。 到酒樓吃飯，燒味是我的重點菜色。乳豬皮脆肉嫩，用來個餐前小食最適合不過。喜歡它的肉肥瘦適中，多吃2件也不覺油膩。 小妹有一個習慣，點菜時喜歡問店員有什麼好介紹。部長說今天的貴妃蚌不錯，就來個蒸蒜蓉粉絲吧~ 蒜蓉粉絲蒸得很入味，貴妃蚌肉嫩爽口。鮮味還可，如能在新鮮一點會更好。 是晚特價的蟶子仔鮮味較蚌突出，加上惹味的豉汁來炒，更加滋味。蟶子炒過後，肉質保持鮮嫩、juicy，但有點沙是個敗筆。 5大推介菜色，當然要試一試。小妹喜歡吃辣，這個雞煲當然逃不過我五指山 話就話半隻雞，但雞件也蠻多，2-3人剛剛好。 醬味辣中帶麻，非常惹味。建議一開始煲耐一點吃，那味道就更濃、更入味。 雞件蠻多肉，肉質亦夠嫩滑。晚飯點半隻雞

颱風妮妲今次襲港，令我開心既係多左半日上晝假，但同時下午又要匆忙趕番工。有咁耐風流，有咁耐 ......用半日時間做成日既野真係趕頭趕命。好在收工大部分餐廳都有營業，於是同同事揀左間食小菜既餐廳relax下。餐廳位於大角咀，由旺角地鐵站行過去其實都好快。呢度主打晚飯小菜，同時又有海鮮。冬瓜盅原個冬瓜盅賣相吸引，設計上亦有花心思。店員會主動分湯，服務唔錯。至於湯既用料都幾多，飲落清甜，係夏日飲湯水既一個好選擇。粉絲蒜蓉蒸黃金貝本身黃金貝大大隻，粉絲同埋蒜蓉又夠豐富，令到整體口感有所提升，食落蒜香味濃。秘製香辣鮮雞煲雞煲用料都幾豐富，見到整個煲材料十足。雞佔既比例都幾多，加埋有秘製既香辣味已經比雞充分吸收，食落又辣又惹味。沙律明蝦球先將蝦球炸好，再加上沙律醬。蝦球本身外皮脆，內裡爽口。而沙律醬既減輕左煎炸既感覺，又可以令蝦球食落更開胃。椒鹽鮮魷椒鹽鮮魷既份量都幾多，而且夠鑊氣。望住金黃色既椒鹽鮮魷同我揮手，真係忍唔住要食。椒鹽鮮魷炸粉唔厚，鮮魷新鮮，味道有d似避風塘炒既感覺。腐乳通菜好多時為左感覺健康少少，食小菜都會叫番一碟菜。腐乳通菜既腐乳味唔算好強烈，可以放心食，而且通菜唔老，都幾嫩口

以前同朋友食飯多數都係會揀日本餐廳、西餐多，到而家朋友之間又變返鍾意食中菜食果份熱鬧氣氛。餐牌有多款食物選擇鹵水併盤、湯品、小菜等等。鹵水併盤有鹵豬腳仔、牛展、鵝翼等等種類非常豐富，而牛展非常入味食落去軟淋重牛肉香，而豬腳仔啖啖肉，加上每一啖都有陣陣酒香加上，呢個就個人好鍾意。粉絲蒜蓉蒸黃金貝黃金貝份量十足，夠大隻食落去亦好爽口，加埋蒜蓉粉絲一齊食非常惹味。秘製香辣鮮雞煲內裡配有乾葱頭，洋蔥，芹菜等配料，而雞肉亦好滑溜，加上秘製香辣風味真係食唔停口。椒鹽鮮魷椒鹽鮮魷份量好多，而且食得出鮮魷好新鮮彈牙，送酒一流。啫啫豬頸肉芥蘭煲好有獲氣嘅菜式，上到枱熱辣辣，豬頸肉亦好爽口十分惹味。冬瓜盅用料豐富，有冬瓜、蝦肉、瑤柱、蓮子、火鴨等等，飲落去非常清甜，夏天用嚟消暑真係岩哂。

成班朋友經過旺角行陣街，忽然之間有個朋友話想食中餐！諗諗吓都好耐冇試過成班人去酒樓食飯。。唔係旺角嘅餐廳周圍都好多人等位，於是乎就去咗呢間，近於旺角交界但係唔係位於市中心嘅中菜館。朋友話之前食過覺得OK。冬瓜盅夏天熱辣辣，但係又想飲湯！最好不過就係要一個又有得食又有得飲嘅冬瓜盅。湯裏面嘅料好足夠。飲落清甜，之後都冇頸喝，應該係冇味精嘅。鹵水併盤你個拼盤如果有埋海蜇就真係好！牛展我係食得最多嘅，爽爽地，夏天食冷盤真係好好粉絲蒜蓉蒸黃金貝粉絲完全吸收晒蒜蓉同埋海鮮嘅清甜，大蜆嘅size適中！秘製香辣鮮雞煲雞煲好好味，有辣有唔辣嘅感覺！雞件份量算多，唔係打邊爐就咁樣食雞煲當係一個餸係第一次嘅嘗試。沙律明蝦球呢個有啲似係沙拉骨嘅蝦球版本，蝦肉爽脆！配埋沙律醬，開胃。如果係喺旺角，發現成班朋友想食中菜！呢度確係一個唔需要等位嘅好選擇。

週末最適合到訪平日少去的地方，大角咀便是其中之一。不近地鐵站的關係，往往也是令人卻步。但抱著食好西的我又點會錯過呢？途徑最舊式的豪華戲院，但價格已經有上調的幅度。不過暑假的關係，總是人山人海。再向前看便是今晚目的地，「福門海鮮菜館」時間尚早的關係不算太多人。中菜最適合一大班人共聚的好地方。炎夏決要點一些開胃菜式，顏色理應賞心奪目。冬瓜盅首先到來是清熱又解渴的冬瓜盅，每個盛載極具吸引力。冬瓜腍身並有元貝、瑤柱、蝦肉，用料十足完全是夏日必選之作。鹵水併盤中菜又點少得鹵水併盤，不過鹵水的味道不太出眾。無論鵝掌及鵝翼未能入味，稍微失色。豬腳則少了一份酒香，平平無奇有點失色。薄身的XX沒有太多肥肉配上少許白醋汁已入味。粉絲蒜蓉蒸黃金貝海鮮想吃鮮味莫過於到酒樓，每個的黃金貝上碟，蒜蓉量頗多頗在元貝上。輕輕拿去一刻，粉絲多到不行了，粉絲吸收了海鮮的鮮味，入味無比。元貝蒸出剛剛好，沒有半點過火。秘製香辣鮮雞煲雞煲往往是最惹味的選擇，香蔥、紫洋蔥、莞茜經過炒香後並秘製辣醬汁。雞肉切成雞件，嫩滑而且不會太多肥肉。雞煲往往是愈食愈辣，令人又愛又恨。沙律明蝦球蝦球大大粒配上沙律醬，完全是撈飯之選。旁邊更有少許

相聚福門有日和朋友在奧海城行完街之後，朋友話想吃粵菜，平時吃太多西餐想轉下口味，上網揾餐廳時見到有人推介福門，我和朋友決定來，我和朋友去到餐廳門口有不少人等位,我和朋友只有2個人,只是叫了三個餸，分別蒜蓉聖子/淸蒸勝瓜/半隻乳鴨,環境的確好大,座位亦坐得舒適，店員的服務都OK,食品味道亦幾好,我好耐冇在夜晚去中菜館,福門給我幾好印象味道清蒸勝瓜，最近吃得太油膩，要吃下清淡,勝瓜咁清蒸又幾好味 ，蒜容不會太咸 ，味道剛剛好粉絲聖子,粉絲味道不是太咸,聖子十分新鮮，聖子肉質鲜味乳鴨，這個稍為麻麻,肉質味道尚可服務我覺得都OK環境地方夠大,有2層,座位亦都坐得舒服價錢平均150元一個，尚算合理

又到左幾個月一次嘅家庭聚會，今晚表哥話有重要事情宣佈，所以一家大細去咗旺角食飯，餐廳當然揀返中菜，適合大人細路食。福門據我所知已經歷史悠久，曾幾何時都嚟食過，都是一般酒樓嘅格局，門口有個大魚缸，養咗好多海鮮。Menu圖文並茂，選擇甚多，其中冬瓜盅、海鮮、燒鵝及雞煲等，都係呢度推介嘅，揀咗幾款之後就叫左啲小菜吃。冬瓜盅大熱天時最適合食返個冬瓜盅，又消暑又解渴，冬瓜盅份量都幾大，放上枱上俾大家相機食先之後，店員就會為我地分每人一碗。冬瓜湯清甜，冬瓜亦爽口新鮮，仲有鮮蝦肉係入邊，感覺冇乜味精，應該幾健康。鹵水併盤較為失望的一個餸，因為鹵水不夠入味，而掌翼還可見到一條條的黑毛，應該是事前處理功夫做得不足所致。粉絲蒜蓉蒸黃金貝黃金貝好大隻，都幾新鮮，勁多蒜蓉同粉絲，撈埋d汁食好有蒜味，令人食慾大增。秘製香辣鮮雞煲惹味嘅雞煲亦都係我嘅至愛，雞煲已經預先煮熟，只需開慢火就可以立即吃，雞煲內有各式各樣配料，如花椒、八角、芫茜等等，味道香口而且雞肉滑，有少少麻辣幾刺激，又唔會辣到食唔到，幾個人好快就清哂成煲。沙律明蝦球沙律醬好惹味，酸酸甜甜最適合夏天食，炸粉不多，咬開蝦球內見到鮮蝦肉，好適合配飯的小菜。

總覺得中菜是晚餐的不二之選，尤其是大伙兒，或是4伙子，大家圍著大圓枱，慢慢轉動中央的食物，方便傾計之餘，亦不用擔心打破寧靜的環境，盡情嘻哈大笑，舒適自在。是夜，與幾個友人相約到大角咀一間海鮮菜館共聚，聽說這裡除了海鮮外，屬招牌菜的燒鵝不俗，於是決定慕名而來。餐廳賣點為海鮮，店內當然設有大魚缸，擺放生猛海鮮，另一旁亦放有蟶子、花甲、黃金蚌等。而相比一般酒樓，這裡晚餐是免茶，雖茶錢稱不上貴，不過幾個人已可省卻幾十元了。是次目的之一就是這碟福門燒鵝皇(例)$128，賣相看起來不錯，燒鵝光澤，並沒有過多可怕的油份。鵝皮薄，油潤分布尚算平均，仍然皮脆有肉汁，而且沒有過韌，味道不錯，不過就縑有點瘦，如果脂肪多一點會更好。豉汁炒蟶子仔$60，喜歡這個豉汁，濃郁惹味，令蟶子非常入味，不過肉就是太過細了，沒有咬感，不過不失。蒜蓉粉絲蒸黃金蚌$112，基本上每隻黃金蚌大大隻及新鮮，口感彈牙有嚼勁，加上鋪滿粉絲，而粉絲吸收調味的豉油，非常美味。秘製香辣鮮雞煲$208/隻，由於用上香茜、辣椒之類，令內裡雞入味，嫩滑程度不過不失，食落微辣帶少許麻。油鹽水翡翠螺$168不單是殼大隻，內裡的肉不會太痴殼，輕易地以竹