Fuku Robatayaki & Kaki (Closed)

6-9-2008一個無癮的星期六, 下午「開工」前拉了朋友到高街搵 lunch 食. 俾對面間港式壽司店「三文魚壽司 $10 兩件喎」的「熱情」招徠嚇親, 呢度門口則似樣好多, 加上 lunch 價相宜, 0拿0拿聲入0黎「避一避」. 一人揀了一份 lunch, 再散叫兩客 (一客兩串0個 d) 燒物 share 食試試.「前菜」係南瓜(茸)湯, 夠晒「茸」又帶點渣, 味道十足糖水鋪賣的「南瓜露」, 幾香南瓜味又幾甜0下, 雖然無乜問題, 但感覺好似食完糖水先食正餐咁, 飲唔慣.混了紅蘿蔔粒的薯仔沙律情況亦差不多, 係甜版薯茸的味道, 甜得唔太慣.先0黎的朋友的 set lunch 咖喱吉列豬扒湯烏冬 (點解會0係爐端燒餐廳食吉列的...? )... 食了一塊賣相不錯的豬扒, 但原來係得個樣的, 雖然炸得脆口熱辣, 但肉好乾好0鞋又帶雪味, 要蘸 d 酸甜又帶點杰身的醋汁先食得入口; 再食了一條烏冬, 腍腍的,「成口粉」的口感, 差勁; 咖喱就係咖喱磚的味道, 不值一提. 不過一定要提, 朋友一見到碟豬扒即刻搶了我部相機影佢相, 因為有條頭髮0係面!我揀了串燒 set lunch, 跟白飯一碗及 4 串 (溫溫吞吞的) 0野:- 大蔥雞肉: 雞肉0鞋身, 幾乾, 又無喱味道; 大蔥算幾香口, 勉強及格.- 雞骨腸: 第一次食, 原來係用條腸包住一條雞骨... 甜腸味道十足台灣腸, 幾肥又好甜, 可幸夠晒脆皮, 味道可以.- 燒冬菇: 菇香一般, 乾乾的, 唔鍾意.- 醬油燒豆腐: 「皮」部分香口脆身, 但「肉」就水汪汪, 而且醬油太重手了, 好鹹.- 仲有碗白飯, 夠煙韌, 但無米香, 可惜.而散叫的兩串0野, 就出色好多:- 鹽燒牛舌: 香噴噴好吸引! 牛舌幾厚身, 油份十足, 味道鹹香, 豐潤又彈牙, 加埋少少胡椒香, 勁正, 值得試試!- 燒大蔥豬頸肉: 又係熱辣辣, 大蔥燒得好香口, 豬頸肉係卷埋咁燒, 燒完後 d 肥油留晒0係入面, 味道係幾甘香, 但實在勁油, 配白飯較好.小店環境骨緻, 可惜凳仔好矮, 坐0係 bar 檯都睇唔到師傅整0野食; 招呼就因為 interaction 實在太少, 唔講咁多.埋單每人約 $120, 西營盤0黎講唔平, 但爐端燒從來都唔平0架啦, $120 都合理的. 雖然呢日經歷一般, 但 a la carte 0個兩串0野實在好食, 相信要搵日夜晚0黎試真 d 先得了.…Read More

在友人的安排下，酒友加食友在這裡聚一聚，吃串燒之餘，各式酒類自是少不了，單數日本酒，已經是清酒、燒酌、泡盛，甚至梅酒也出齊，戰況注定激烈！遲到了，拿著燒酌趕上來時，一行十多人已經坐定定。在友人的安排下，食物已徐徐送上。前菜是沙律菜及炸雞粒，前者點上味噌醬，也算是吃串燒的基本食物。各式串燒，普遍有水準。燒雞皮香脆，很香口，是啤酒良伴；燒雞腎外表乾脆，內裡維持口感，有點水準；燒雞肝外邊燒得夠香，我的那串，內裡是過熟了，欠缺一點口感；燒牛舌幾厚身，口感豐腴，味美得很，值得一試；煙肉蘆筍卷也不錯，內裡的蘆筍爽甜味美，燒得香口的煙肉加強味道，不錯；大蔥串也很香口，不過如果鹹一點，會更好；最好吃要算是燒和牛羔，甘香無比，人間美味。雖然明知對身體沒有益處，但面對如斯美食，值得的；也燒了兩條大眼雞魚，燒的是不錯，但是鹽燒後的魚皮本不可錯過，但大眼雞魚的又是韌韌的，吃不進口，很可惜。但魚肉是燒得不錯的，僅熟又鮮甜。除了自携酒類，這裡也供應生啤，是朝日，冰涼順喉，很不錯。服務方面，有好的，亦有不少的黑面，也打個和吧。不過有時也覺得奇怪，難道開居酒屋的，不預計人客會大聲一點談話嗎？埋單二百三，食物有水準，名副其實的飲飽食醉，也物有所值。不過開在這裡的串燒舖頭，也幾難做的。…Read More

8號風球, 有一日休息, 再到此店光顧. 豚肉沙角卷: 沙角爽甜, 豚肉好薄. 銀雪魚骨: 餸酒佳品. 牛舌: 調味份量恰到好處, 牛舌好軟, 好好食.釀冬菇: 免治雞唔乾, 同冬菇一齊食幾夾味.生熟牛肉: 有5薄片, 每片大約有1.5吋x 半吋. 刀功一流, 切得薄. 牛肉好肥, 肉色好靚, 中間生, 外圍熟. 可能係凍食, 牛味唔係好突出, 有根位. 由於太薄, 感覺上都好想細嚼多兩下先吞. 但礙於啲根位太頑強, 父親所吃的全部吐渣. 燒飯團: 好香. 醬油的份量和味道都好好.油甘魚頭: 燒得夠甘香, 啲肉好滑.結後語: 好多謝師傅送上的一客燒青椒仔, 因他知道我所點的食物等得太久, (當時在想, 我可否不接受這客贈送的燒青椒仔, 而我的食物可以快啲上枱),現場所見, 有3張枱都是剛到, 我意會到有可能等得耐, 但真的等得太耐. 眼看到有訂坐的客比我遲入坐, 而又比我早結賬. 又看到有客人後加食物, 而又好快上枱. 好氣結. 個豚肉沙角卷由1開始落單到上枱等了1個小時50分鐘, 我叫埋單時才上枱, 已經唔記有叫過. 咁搞法, 幾好食又如何. 最最最令我反感的是客生熟牛肉. 份量小得可憐, 一客98元的, 完全不能接受… 下刪100字唔想再寫. …Read More

日式串燒愈開愈多，大勢所趨，最近算是吃過幾間不同風格的爐端燒。位置雖隔涉點，平日不常來，是日為「補飛」，拉了靚女食友來，感覺這裡用料不差，該滿足到她的要求吧。環境企理得似吃「fine food」，甫坐下就問師傅有甚麼好介紹，燒魚沒有了，可幸和牛膏亦售罄，燒牛舌、鵪鶉蛋、銀杏、雞皮、大蔥甚至鳳肝也有供應，食友照例叫了杯生啤佐酒。沒有明火爐，當然用電爐亦不代表差，鹽燒牛舌用的是芯位，烤得緊熟富幼嫩彈性，甚富油甘香，下了不少胡椒提味，食友投訴太濃了，自己卻喜歡這般的惹味，配可樂加冰其實都唔錯。雞皮用的是新鮮貨，燒得皮脆亦保留油甘，不錯。鵪鶉蛋下了些豉油，幼滑香濃，幾好；銀杏麻，非當造期，帶著苦澀味，幸好吃起來也帶著軟糯口感，此品成本高極有限，多少是吃師傅去殼的功夫。汁燒的鳳肝，質感軟糯香濃，火候是不錯亦吃得出是鮮貨，但吃時要小心醬汁四濺，吃過五味鳥就知汁燒的真粹。單尾燒飯糰，食友笑言只屬「朋友級數」，鬆散輕泡，要吃一口緊緻帶口感的手藝，本地做得好的著實不多，始終體會過、感受過的，才能做得好。與食友吃得很稱心，師傅認真亦落力處理，當吃串燒，食物質素是認真的，然，風格及粗豪尾兒卻不及五味鳥、純燒鳥。…Read More

上星期睇完明報話西環有間新開爐端燒~姑且一來試試~試後感非常好~即刻上來登記要讚下~當晚同女朋友來食~ book 左 8 點鐘~來到環境好似好浪漫咁~因此二人台近window~又有點蠟燭~個日食左好多野~雞腎~雞皮~生蠔~露荀~雞翼~和牛~冬茹~劍魚~烏冬等等~全部都好好味~唯獨串燒之物真係唔係幾包肚~所以再叫左個栗米食~望下個師傅原來都係好後生~不過灑調味料既手勢真係有返兩下色香味佳全~值得一提~個到原來有細支清酒買~女侍應殷勤招呼~sales既酒味道真係唔錯~食完既碟會主動幫你換~埋單仲記得客人姓氏及自我介紹~印象加分~雖然食物價錢比較貴~但品質係其他地方又未必食到~故此我會再來~…Read More

新開的, 支持下. 當晚點了和牛, 劍魚, 廣島蠔, 大葱黑豚串, 大葱雞串, 燒飯團, 免治雞串, 粟米, 雞泡魚乾等等(可能有漏). 梅酒, 雪碧. 看到一大嚿和牛放在廚房內, 肉同脂肪分部好靚, 即刻叫咗一客, 燒得好好, 和牛本身已經好高質素, 師傅只是灑些岩鹽吊吊味上面就已經好完美. 90元一客1串, 物超所值, 何解, 比較有質素的餐廳要一客和牛steak 大約要HKD500-700. 這裡叫5客和牛串已經有大約一塊steak 的份量. 所以, 這個和牛串值得推介.大葱黑豚串: 黑豚肉好鬆軟, 肉質比大葱雞串的雞肉還要好, 燒到外香內軟又唔乾. 真材實料. 正. 還點了兩次. 廣島蠔: 燒得啱啱熟, 上枱時蠔在碟內無瀉水, 食落仲好juicy, 考功夫之作.燒飯團: 侍應說有放梅的及普通的(普通的??), 正想問什麼是普通的燒飯團, 但朋友已經說要普通的. 完來是齋燒飯團, 無加任何材料, 蘸上醬汁, 嘩! 啲飯焦脆, 唔硬. 好好味. 心機之作, 無得急. 免治雞串: 侍應說是自家作品. 味道同質感都可以, 唯獨是內裏的肉汁唔夠, 乾咗啲. 劍魚: 可以吧. 個人意見就應該加些少酒去燒. 雞泡魚乾: 買現貨來燒, 過火咗少少. 粟米: 燒得恰到好處. 燒好的食物隨即上枱, 我想吃的牛舌同年糕都無, 不過唔無所謂, 反正我會再去. 新店新裝修, 環境唔錯. 又乾淨.服務: 勤快. 一坐落就有向客人推介. 侍應有生手也有熟手. 熟手的有問有答. 生手的就有禮貌地說要問問先再答. 另外, 朋友要熱水, 好醒目地給1人1杯. 到要求添加熱水時就只添1杯. ??有位靚女在餐廳內坐在一旁用電腦, 後來就在餐廳內行來行去(仲加對4吋高跟鞋添, 慘) , 無嘢做但又要留响度監場. 慘慘. 師傅其實可以直接問問客人對食物的意見, 坐在吧枱的客人同師傅距離這麼近, 但無交流, 可惜. …Read More