祥興記上海生煎包 (Closed)

話說同女朋友返元朗食飯, 發現開左檔新野, 就入去試下. 點左4個28蚊的生煎包, 估唔到真係好正皮脆多肉汁, 加埋佢店內的GIP汁(有點酒味)真係一流. 我的食法係咬開少少皮, 倒D GIP汁落去, D肉汁連GIP汁 加埋肉香食落去真係一流. 食完, 因為太好食, 仲叫多4件黎.

之前去過荃灣分店見到咁多人就冇去食, 見佢入左黎元朗開分店, 即管比次機會佢入到去冇乜人, 店面比荃灣店闊落, 可以舒舒服服咁食, 叫左生煎包同雙檔(粉絲湯), 生煎包4隻28蚊, 雙檔24蚊生煎包同香港一般食到既生煎包好唔同, 佢係個包頭向下煎, 確保到肉汁唔會流出黎, 食果時先咬一個小窿, 見到肉汁全部都起包入面, 好濃郁, 而且肉汁真係食到有豬肉味, 正!!, 但小心熱, 開頭我都見佢個廚房咁靜, 唔會係新鮮, 點知出到黎都係熱辣辣好好食!!雙檔分別係百頁同油豆腐, 釀左菜肉做餡料, 但食落比起生煎包遜色好多, 粉絲湯既味道比較淡, 冇乜特別, 湯底都好淡, 少少似雞粉水, 唔推薦

招牌生煎包好味，感覺好似食緊小蘢包，只係個皮不同，入面夠足料，又多肉汁，味道都同小蘢包差唔多，個底係脆，但要小心食，因為d汁會好易咇出黎，但絕對👍👍推介雲吞同粉絲就差少少，雲吞入面全是菜，香味欠奉 ，粉絲味道較淡。金桔汁都同平時既差不多，沒有特別，但可作餐飲。

經典生煎飽一定要試下有幾好味！ 首先仔細一睇，飽面有黑白芝麻和莞茜！飽底是金黃色和超脆！急不及耐就咬了一口。嘩！爆汁的！超多肉汁，起碼有一湯匙，好在我將個飽放在湯匙上，如果唔係就會攪到肉汁四淺! 肉質滑但欠肉的鮮味！皮薄像餃子皮般。所以我覺得好似食緊煎餃子。另外，點了一碗粉絲湯和菜肉雲吞。粉絲湯夠清甜，因有白蘿蔔在內，也有兩件豆腐卜, 頗豐富啊！菜肉雲吞就不太好味！其實只有菜在內，一點肉也找不到。還有，他們放了很多白胡椒在餡內，所以只有菜和胡椒的味道。我個人就不太喜歡了！價錢都算大衆化。 行行下街時覺得有點餓，不妨來這裏！

是日經過此地，已被門口招牌吸引，進入餐廳，小小的地方，光線足夠，乾淨！門口售票，買完，坐下便有人送上食物。點了招牌生煎包，蘿蔔湯。先說說食物温度，湯有點不夠熱，没有邊吃邊冒煙的情景，味道可以，清甜不油膩，略嫌粉絲過多，油豆腐和蘿蔔，和湯的比例也太少！生煎包是一絶！夠熱！皮薄，汁多，吃的時侯要小心，否則會一身都是！包子底更是脆不可擋！是脆，不是硬哦！然後，服務雖不是5星級，但友善親切！要再來！！！