Kamitora Tonkotsu

《神虎麺商店》神虎拉麵🍜📍大角咀埃華街74號大同新邨大成樓地舖唔少拉麵迷，都會趁店家推出期間限定版拉麵時撲去試試。我都有類似心態，不過都要睇睇👀啱唔啱食同價錢如何。《神虎麺商店》嘅期間限定拉麵普通價格都頗進取，可能因為每次都係用貴料。店家近來推出和牛拉麵，我睇到個價錢真係有d欲步，所以決定食返招牌拉麵算了。《神虎拉麵🍜》香味 (4/5)豚骨，白胡椒，山椒嘅香味都有，豚骨味為主軸，好香。湯 (4/5)都係豚骨味道為主軸，香濃，鮮，鹹甜度剛好。見湯上麵有浮住睇落似背脂嘅白色野，我相信係店家為左提升個湯嘅香濃度而加，而且更順滑，好味嘅，又唔會話好油膩。麵條 (3.5/5)中細麵，直身，形狀偏圓。口感同味道同車仔麵食到嘅油麵接近，我就覺得還好，唔係太有個性。配料 (4.5/5)豬叉燒就近乎完美。用嘅部份係豬肩肉，肉質鮮嫩，肉味濃，好好食。肉丸呢，淡淡嘅山椒味，正常，幾好食。溏心蛋係我鍾意嘅調味，調料偏輕手，所以蛋本身嘅味更容易品嚐到。生熟程度完美。最後當然完食冇難度。整體 - 值得推薦 👍👍👍👍…查看更多

喜歡濃味、背脂、重蒜，絕對要吃重量級的二郎系拉麵 🍜 ！灣仔三虎拉麵首選一定係神虎，今次為了吃分店限定，每日限量供應20碗 (午市10碗｜晚市10碗)的《二郎系拉麵》，專程來到大角咀神虎麵商店分店，早去的肥肥就有麵吃。《二郎系拉麵》湯底濃郁豚香，但入口不會油膩，配搭少許的辛辣的韮菜中和了不少油膩感。去神虎必吃的西班牙肥叉燒(伊比利亞豚肉)，口感肥美嫩滑，肉味濃。而麵條換了新款，更為有韌勁，美中不足掛汁力不足。海老虎拉麵 🍜 湯底濃郁蝦香味，西班牙叉燒(伊比利亞豚肉)口感OK。可以加$6試下秘製辣醬，加些少更為惹味。今次試完《二郎系拉麵》，再次對神虎刷新高評價。大角咀分店期間限定 🌟 每日限量供應20碗，吃一碗少一碗，絕對唔可以錯過！🍜 神虎麵商店大角咀埃華街74號大同新邨大成樓地舖…查看更多

琴晚好想食拉麵，突然諗起大角咀有間神虎未試過，就決定去試吓。個廚師係日本人，我見到佢係咁用日文同另外一個Staff溝通。服務其實都幾OK。我哋兩個人一個叫咗赤虎（辣味）一個叫咗黑虎（黑蒜），兩件炸雞同埋一份餃子。真心我都認同佢啲拉麵有少少鹹，不過其實我重口味所以我接受到。但係要讚嘅係佢嘅炸雞同埋佢個餃子汁。個炸雞勁大件同埋非常Juicy，攞上台嗰陣仲要熱辣辣，都真係算係日式拉麵店食過其中一間最好食嘅炸雞。絕對值得推介。跟住餃子，餃子本身就尚算可以，但係佢個餃子汁係胡椒沾醬，味道中和返餃子嘅油膩，我覺得好加分！呢個又係好值得大家嘗試！然之後佢哋送咗個辣芽菜俾我哋，都真係幾辣，但係我覺得醃得幾好，如果食得辣嘅人可以試吓。加加埋埋計埋支$100.300毫升嘅清酒，平均每人$190。我覺得可以接受。同埋佢嘅味道都真係好食，只係個湯底可以稍為唔好咁鹹。👏👏希望佢都keep到啦，都唔想有一間食肆頂唔順執笠😐😐…查看更多

神虎麵商店主打豚骨湯麵並由日本師傅駐守把控品質，大角咀及灣仔店每月都有限定拉麵讓花心的港人保持新鮮感，亦因此是不少拉麵迷固定的食堂。—————————————————————✨好味醬油✨$96大角咀平日限定口味，海報上呈現清澈的湯底吸引了炎夏當前希望來一碗清爽的拉麵的我。拉麵即叫即製，出餐比想像中長，但溫熱的碗和熱燙的湯底保證每一口也同樣鮮美。湯底入口帶豬油香，醬油適度的鹹鮮尾調帶蔥/蔬菜的焦香。麵質少許勁道帶小麥香並吸收了湯底，叉燒肉質偏瘦但不會乾柴，在口腔咀嚼時肉香越見突出。蔥絲未見有特別加成，如果使用生紫洋蔥絲或會更有層次，菠菜則是不錯的搭配，獨有的甘苦襯托出湯底的鮮味。味玉略嫌過熟，大概是烹調十五秒內的差距。✨炸雞塊✨$35結實多汁的雞髀肉塊頭十足，醃製入味並沾上太白粉保持滑嫩，唯獨外皮不夠酥脆，如稍作調整油炸時間和溫度會更出色。—————————————————————餐廳對拉麵的每一環明顯有設計不同的巧思，以扎實技巧展示不同派系，當中以背脂為中心發揮了關鍵作用，整體執行穩定，是安心可靠的味道。餐廳為品控考慮並無外賣服務，在寸金尺土、錙銖必較的營商環境下是相當罕見的堅持。…查看更多

第一次寫食評，因為食到真係嬲，要分享一下。當晚叫左一碗沾麵，沾麵既湯，第一啖就覺得有魚味，但真係好咸，試真啲試多一啖，搞唔掂…覺得咸到食唔到落去，同店員反映，佢一副懶理，愛理不理既態度：「咁你想點？」，後面再有位員工廚房出黎，佢話：「沾麵就係咁咸架啦。」之後同佢再三講咗幾次，佢仲話唔咸掛唔到麵，就唔係沾麵。最後先比咗湯加落去，但即使係加湯，咸度都不減。口味既野各人不一，唔介意你間野主打口味重或者偏濃味，但唔洗一副教訓個客既態度，先承認你既湯底會偏咸，再提出解決方法，簡單的處理都做唔到，講「沾麵唔咸就唔係沾麵」「沾麵係咁架啦」，就咁當人完全無食過沾麵咁，係唔會解決到顧客既不滿，真心無下次。…查看更多

《神虎麺商店》神虎沾麵🍜📍大角咀埃華街74號大同新邨大成樓地舖香味 (3/5)個沾汁非常夠熱，不過聞落又唔係特別香，都係醬油同魚介香味為主。沾汁 (4.5/5)沾汁夠晒濃稠，鹹度以沾汁來講算剛好。味道主軸係醬油，魚介同豬骨。個汁個口感仲有少少沙沙地，不過食唔出係乜令到佢咁，可能係磨到粉狀嘅魚乾。麵條 (4/5)中太麵，直身，麵方面本身都好夠麥味。不過因為個沾汁十分濃稠，沾6-7成左右似乎最接近平衡點。配料 (4/5)豬叉燒係幾好食，豬肩肉，不過稍稍偏乾左少少。反而，浸住响個沾汁入面嘅叉燒燒粒就相當的軟滑。溏心蛋中上水平。調味唔濃，不過對到我口味，我就係鍾意淡淡地，蛋本身嘅味先凸出d。最後，加湯，加埋食剩嘅麵同料落去，享受埋拉麵狀態下嘅美味，完食！整體 - 值得推薦 👍👍👍👍…查看更多

《神虎麺商店》好味醬油拉麵🍜 (期間限定)📍大角咀埃華街74號大同新邨大成樓地舖叫得《好味醬油拉麵🍜》，店家肯定對個醬油湯充滿信心，見佢係期間限定，就試試啦！香味 (4/5)一陣非常甘香嘅醬油味撲鼻而來，非常好聞。湯 (5/5)相當香醇，主軸當然係醬油嘅鹹香，隨之係蔬菜嘅甜，感覺似加左瓜類去煲。鹹道剛好，偏濃厚，好有力道又唔會過鹹。色澤好靚，亦非常好飲。麵條 (5/5)中細麵，偏高加水，爽滑而有韌性，好夾個湯，好食。配料 (4/5)豬叉燒有兩款。一款薄切，似豬肩肉，肉味非常甘香又嫩。另一款似係豬里肌，偏韌，有少少難咬，少扣分，不過肉味都係好足夠。筍要讚吓，用新鮮筍唔係一般食到嘅筍乾。香甜爽脆可口。蔬菜方面有菠菜同白蔥，水準之內，溏口蛋亦正正常常。整體 - 值得推薦 👍👍👍👍…查看更多

《神虎麺商店》海魚🐟拉麵🍜 (期間限定)📍大角咀埃華街74號大同新邨大成樓地舖經拉麵關注組睇返來，知道神虎有做一款魚拉麵，而食評都唔錯，期間限定，每日限量 30 碗，一於試試！香味 (2.5/5)聞落唔算特別香，主要都係煎香左，淡淡然嘅魚香味。湯 (3/5)個湯清澈，滑順，鹹度甜度剛好，夠熱，基本面做得好好，不過唔太食得出個基底用咩去煲。只能夠講味道係討好的。麵條 (4/5)中細麵與中太麵之間，直身，偏白色。非常滑溜，應該係高加水麵。都算爽滑彈牙，好食。配料 (5/5)做得海魚拉麵，主角當然以塊魚肉為主角。魚類係黃立䱽，有兩塊，一塊背肉，一塊腩肉，非常大塊，煎得夠香，夠晒滿足！魚夠鮮，調味唔重，淡淡地，主要靠魚本身嘅鮮味為主。我認為非常滿足。豬叉燒方面，應該係豬肩肉。口感比較扎實，甘香，肉味濃。另外，蔬菜方面佢用嘅係皇帝菜，少見嘅，不過呢吓我覺得佢都幾博，因為皇帝菜同茼蒿菜味道接近，我個人來講係鍾意，但點都會有班人會唔接受呢隻味。整體 - 值得推薦 👍👍👍我認為如果佢個香味同湯底可以再突顯多d魚味，例如好似煮干湯咁做，用多d魚乾去煲，可能效果會更好。不過因為佢個魚肉大塊又好食，以而家個狀態已經足夠令人滿足。…查看更多

太埋無寫，以為按每幅圖寫完就係，原來呢到都要80，餃子係高分之作，表crispy肉juicy, 面就唔會以前，味濃係堅豚骨，有骨膠原感，黑虎無左以前既garlic味，杯水無左檸檬既refreshing…查看更多

食物方面：海老虎⭐️⭐️⭐️⭐️蝦湯濃郁，但層次單一。最主要第一啖食到蝦味，之後就鹹味為主，香氣不足。黑虎⭐️⭐️⭐️⭐️⭐️同伴友人叫左黑蒜油拉麵，黑蒜油香氣撲鼻而來😍 試左一啖好濃郁既黑蒜油同醬油味，亦都非常掛湯❤️ 推介!炸雞⭐️⭐️⭐️⭐️炸雞外脆內嫩，炸粉薄👍🏻 不過唔算好印象深刻，合格以上👍🏻服務方面：雖然係假日中午，但係去到都唔需要排隊。枱面已經擺左一塊濕紙巾，方便客人使用👍🏻…查看更多

🐥炸雞塊見好多食評都推薦炸雞，果然名不虛傳！欣賞神虎嘅炸雞冇雞皮，炸粉唔厚，能保持外脆內軟，雞肉非常Juicy 。配上檸檬汁可減少油膩感（本身舊雞都冇乜油膩感覺），食起嚟幾清新。由於係即叫即炸，熱辣辣好正😌👅🍜海老虎配料甚為豐富，麵底亦好大，就算冇叫精選都覺得好飽。可惜湯底略鹹，一路食要一路飲水。叉燒亦比較韌和鞋。🍜黑虎精選 @Jason 配料比普通版多咗糖心蛋同伊比利亞豬腩肉，湯底係黑蒜豬骨湯，黑蒜味濃稠，糖心蛋流心正常發揮，豬腩肉肥瘦適中，表面火炙過，較香，比叉燒好味，肉丸較鬆散，麵同配菜份量十足，但一碗成$147，性價比略嫌不足。🥤綠茶可樂日本原樽進口，味道怪怪地，可一不可再。下次飲返正常可樂。店舖好多位，夠寬敞，拉麵店來說算坐得舒服。我哋唔係坐吧枱位（但係都近廚房），食完都有陣油煙味。怕油煙味嘅朋友，不妨坐近門口少少。…查看更多

神虎麵商店每個月都會有期間限定嘅拉麵，而四月就有咖喱Soba，同埋大角咀店限定嘅好味醬油拉麵～ 今次兩款睇落都幾正，所以同朋友一人叫咗一碗😛•🥢 カレーSOBA （咖喱SOBA） $138 雖然佢個名係Soba，但係麵條好似同醬油拉麵嗰碗一樣，都係幼身微曲嘅拉麵～ 咖喱湯底係偏向濃厚同竭身，咖喱嘅香料味都幾濃郁，帶微辣，並非日式咖喱嗰重溫和同偏甜嘅，仲配咗番茄蓉同芝士碎，可以平衡到咖喱嘅香濃，令咖喱味道更有層次😛 吉列豬扒的炸皮厚薄適中，雖然浸腍咗，但吸滿咖喱湯都一樣好好食😛•🥢 好味醬油ラーメン （醬油拉麵） $96 醬油湯底睇落好清，但飲落幾鮮，唔會死鹹，仲有少少蒜油香，食落味道幾有層次😋 不過個拉麵係幼身微曲嗰種，口感較腍，同醬油湯好似唔算好夾🥲 叉燒有兩大片，唔會好肥，但係幾軟嫩～•🥢 炸雞塊 $58/4件每次嚟到都會忍唔住叫一份😛最近好似加咗少少價🤏🏼但好似仲多咗2件/4件嘅選擇～ 炸衣又薄又脆，而且唔係脆到𠝹口嗰種，真係外脆內嫩，少少油，但係好juicy！配埋蛋黄醬同檸檬汁都唔會太膩～…查看更多

灣仔同大角咀嘅其中一個共通點就係都有「神虎麵商店」🍜 而兩間鋪頭我都有去過，水準都平均～ 早兩個星期我同朋友就再去咗大角咀分店，見到有個十月期間限定嘅雞白湯，就一人叫咗一碗試吓😛 同埋原來兩間鋪頭嘅當月限定拉麵都有唔同架，而今次大角咀店嘅期間限定嘅白湯拉麵，睇返IG先知原來係之前喺灣仔店有出過，仲要反應幾好㖭～•🥢 熟成醬油白湯SOBA 岩手南部鳥 $148湯嘅表面有一層綿密嘅雞白湯泡沬，飲落口感順滑Creamy，雞味濃郁而且有層次，細味之下仲會滲出醬油味，兩者配搭得幾好，有啲驚喜🤩 我同朋友都忍唔住飲咗好多湯～🤤拉麵係用咗中等粗度嘅曲麵，掛湯力幾好，每一啖都沾到啲湯👍🏻配料方面除咗有入味嘅溏心蛋🥚同叉燒，仲有慢煮雞髀肉！ 叉燒係薄切好大塊嗰種，食有肉香而且都易咬；慢煮雞髀肉非常之嫩滑，雞皮仲有燒到燶燶哋，食落帶點點焦香，但就唔係燒雞皮嗰種燒到脆口～•🥢 炸雞塊 $55真係差不多次次嚟到都會叫一份😛一份有4大件，炸衣又薄又脆，而且唔係脆到𠝹口/非常熱仔嗰種，真係外脆內嫩，超juicy！配埋蛋黄醬同檸檬汁，唔會太膩～不過今次食就比之前油啲啲🤏🏼…查看更多

❀┈┈┈┈┈┈┈┈┈┈┈┈┈┈期間限定的熟成醬油雞白湯拉麵✨終於試到拉麵關注組經常出現的神虎拉麵🍜颱風小犬離開本港後的晚上到訪位於大角咀埃華街的神虎麵商店 7點左右到達等10分鐘左右便有位了 目測8點後唔洗等可以直入除了固定餐單外 每月都會有精選限定口味係我至愛既雞白湯😻！┈┈┈┈┈┈┈┈┈┈┈┈┈┈𐂐 ⠜熟成醬油雞白湯拉麵 (8/10)等左快20分鐘既拉麵🍜表面保留少許雞白湯泡沫 湯頭第一口順滑creamy 鹹香雞湯中滲透出醬油香氣😳味道比較有層次感 同其他雞白湯味道唔同 幾特別的！拉麵用了幼身直麵 掛湯程度合格 不過口感就有啲軟腍😢如果係粗麵應該會更加索湯雞肉經過火炙入口有油香味 肉質則中規中矩而豚肉夠大塊 吸滿湯汁味道唔錯另外超級推薦加入七味粉！！湯底完全昇華了🤩先是鹹香雞油其後甘甜醬油最後有濃烈的辛辣味毫無違和感 湯底最有驚喜啊不過都有人推薦配飯 當日太飽留待下次再試𐂐 ⠜神虎精選 $135 (8/10)精選款肉類有腩肉 豚肉片 豚肉丸好適合選擇困難症人士男友鐘情豬骨湯底 純白色的湯底味道溫和不太油膩😳豬骨味夠濃烈 本身以為會好重口味腩肉好有份量 不過食曬成碗會好飽比較適合男生其次豚肉丸口感非彈牙 介乎手打肉丸的質感 不過我就一般般🙈𐂐 ⠜炸雞 好多人推薦既炸雞都點左一份每塊都超級大舊趁熱咬開外層好脆身😍好薄一啲都唔厚粉 雞肉都好嫩滑多汁加少量檸檬汁味蕾更加平衡當日差唔多枱枱都有點炸物～真心出色整體最欣賞係湯底2款都好味又夠濃厚雖然麵質有啲失望 另外炸雞都好值得一試🫰🏻┈┈┈┈┈┈┈┈┈┈┈┈┈┈Ig @cheri_foodiary…查看更多

📍  神虎麺商店🗓️ 23 August 2023今日去到大角咀嘅拉麵店，門面好有日本風，裝修亦都好靚，呢間鋪頭喺灣仔都有分店。🍴 炸雞塊 $55炸雞塊非常出色，外脆內嫩，亦好juicy多汁。一碟有四舊雞而每舊都大大件。🍴 神虎餃子 $45一碟有五件嘅餃子有少少脆同埋會爆汁，沾上酸酸地哋醬汁就啱啱好。🍴神虎沾麵 $122朋友食嘅沾麵，旁邊有一支醋比佢加落去，而湯亦都係可以任添。🍴 神虎精選 $135由於第一次食，朋友建議選擇精選，因為有多啲配料。好難得見到一隻糖心蛋咁上，仲有好少見嘅豬肉丸兩粒。最有特色相信係伊比利亞豬腩肉，炆得非常之好，食完亦唔會覺得太肥膩。不過湯非常濃，適合重口味人士。…查看更多