新翠商場新開了這間神石燒，多次經過都好多人要排隊。今日就喺OpenRice訂咗位同牛魔王大女過嚟試吓。職員都幾殷勤有禮。每張枱都有自助式醬汁及調味料。每個set都可以在外取自助沙律、洋蔥牛脷湯及白飯。洋蔥牛脷湯都幾足料，清清地幾好飲。沙律便只得三款，有粟米、椰菜絲、及青瓜粒。白飯是用日本珍珠米。上枱熱辣辣，出晒煙。我的prime級安格斯牛扒加厚切牛脷：食開牛嘅便知道，其實塊牛扒不是平時食開的肉眼或西冷，而係牛板腱，是相對平價的部位，中間有條筋膜連住。但出其意外的是又好嫩滑，一啲都唔靭，夠牛味。而厚切牛脷亦到好好食。大女叫的限時推介300g牛肩胛，仲抵食，份量好大。食牛最怕就係燒得過熟。佢呢度就啲牛肉上枱時只是兩至三成熟等你憑自己的喜好加熱。另外加了隻虎蝦，但係麻麻哋，係雪藏貨啲肉冇味唔彈牙。唔建議加。$3xx埋單。整體性價比幾高，用咁平嘅價錢食到唔錯嘅質素，阿女都大讚。題外話，隔咗兩日和太太又來撐枱腳，因為太太唔食牛點了幾款豬拼盤，但是好韌好硬，可以用難食形容。所以來呢度都係食牛好啦。…查看更多
