Magic Lantern Grill (Closed)

呢間放題餐廳地點係旺角，非常方便，一入到去就有自助吧，好多嘢食可以任夾，令人食慾大增佢有幾個餐選擇，我哋揀咗level 3有得食安格斯牛先點一大碟刺身，份量十足，亦都冇俾漏，都算肥大肉厚點咗安格斯牛嘅唔同部位，牛肉味濃郁，肉質厚實，平均煎30秒左右就食啦，不錯呢餐放題比較欣賞係炸物，明太子雞翼幾好食，有少少辣， 大大隻，皮脆肉滑，encore咗幾次另外就係炸榴槤波波，啲榴槤餡真係好香好滑，外皮都非常鬆脆，忍唔住食咗好多粒值得一讚嘅係佢嘅飲品，真係好多款式，連紅豆冰都有，我就點咗一杯鹹檸七，唔係間間餐廳有得飲…Read More

旺角彌敦道沿路，食肆大廈，係大廈真係好多好多， 尖沙咀一路到油尖旺，好多好多幢，不過今次就去到，彌敦道旺角區同油麻地 區交界，竟然見到可以喺地牢下面食，仲可以和牛任食放題，兩個人落去揀咗個level 3，二百幾種，食品任叫任食，汽水十多廿款任飲，啤酒都有幾款供應，當然啦食就唔係食得好多㗎喇，和牛一嚟都三款，三款都各有各的特色，個燒烤爐加張魚牛油紙 ，隔油吸煙，都算係好有特色，同埋而家大多會風氣，好多都用張牛油紙，清潔又方便最主要食得開心，起碼唔使咁多燒焦嘅食品食落肚，除咗和牛好正，合規格味道燒，燒烤到真係唔錯，另外一款搵個杯仔嚟到燒啲 菌類，放上去，唔使理佢，加啲牛油醬汁，原來又係另有一番風味嘅，仲有啲牛脷呀 牛心片呀， A4和牛真係冇得彈㗎啦，仲有西班牙黑毛豬五花腩肉，呢個值得嘗試，餐後仲有雪糕，雪糕差唔多係必食嘅甜品，這裏用嘅係牛奶公司嘅雪糕，都好耐冇見牛記嘅雪糕啦，我哋由細個食到大嘅，廿幾年前雀巢收購咗，名氣一落千丈。價錢同埋食品性價比都唔錯，下次有機會都會再回來食多次，淨係飲啤酒都值返票價。…Read More

地下basement轉兩層就到啦，地方好有阿拉丁神燈feel光猛又闊落，坐位幾乎全部都係卡位式，冷氣仲超涼，燒嘢食真是一流，侍應生好有禮貌介紹用QRcode點餸落單。嘩嘩，有五個level選擇超多啊！我哋選擇Level 3 黃金時段(二人)$776都有166款食物，真係多到不得了。呢頭落單呢頭就送到食物來，服務真係好快呀，而且沒有漏單添。讚👍除了用QRcode點菜之外，仲有自助區，沙律吧/壽司/前菜/湯飯/小小熟食和火鍋配料等等。真係好多。刺身~有三文魚/吞拿魚/北芪貝/去頭甜蝦/八爪魚/蟹柳/玉子等等。重有壽司和親子丼非常豐富。👍食個頭盤先，各款都好鮮味，仲可以無限次點添。👏👏安格斯牛~有美國安格斯牛頸肩/封門柳/一口牛粒/牛板腱。非常豐富。全部牛位置我都鍾意食，又不油膩又香口又juicy ，燒烤爐上面放了一塊牛油紙，燒時又唔會燶，good呀～啱啱好。👍黑毛豬~西班牙黑毛豬五花肉/西班牙保濕黑毛豬鞍扒，每人每樣一客。黑毛豬午花肉好香口又不油膩，無黑毛豬鞍扒好味呀又 juicy好香肉味。👍水產~蒜蓉芝士青口/芝士燒生蠔/蒜蓉燒生蠔。仲有特色小食，蒜蓉牛油燒金菇/黑松露金菇。好鍾意燒呢一個水產，好特色，侍應生好細心，給了我哋幾個細細個石紙杯仔，將啲生蠔呀青口呀放上去燒，會快熟啲㗎。黑松露金菇好香呀，入口熱辣辣，我哋點了兩次👍😋小食~吉列炸大蝦/炸生蠔/榴槤炸彈。嘩，呢個不得了呀！特別炸彈榴槤，熱辣辣 榴槤仲好新鮮添，鍾意食榴槤一定選呀！我哋都唔客氣再來多一次。👍👍生果~西瓜/菠蘿/蜜瓜等。仲有雪糕雪條甜品㖭。飲品都好多款啊！我就鍾意飲紅豆冰有椰香味。仲將啲紅豆放落杯雲呢拿雪糕度添，配搭唔錯，好好味呀。😁😋食完好多肉和刺身，真係要食返啲水果，清清甜甜好滿足。😄😄多謝阿拉丁神燈🔥😍😍…Read More

旺角放題種類琳琳立立，要選擇的好並不容易，這間神燈燒，同時有日式放題及韓式燒烤，能夠讓選擇困難症的人放心落決定放題的餐有多種選擇，由簡單的菜肉類，到日式刺身，以致頂級的和牛餐能選擇，形形色色，適合不同預算的顧客小弟選擇了一個中價位的餐，有日式刺身以及基本的和牛款式，日式刺身質素對得住價錢，和牛味道香濃，如脂肪能更多便完美了。餐廳外邊亦有自助吧，提供更加多嘅選擇，如老火湯，雪糕雪條，以及其他咋嘛。總結而言，選擇非常多，適合四面八方的朋友來試食。…Read More

📍神燈燒神燈燒提供總共五個level既任飲任食套餐，今次揀左level 5套餐，一共200款食物任你食！小食：小食有螺肉、海藻、泰式鳳爪等前菜，鳳爪酸酸甜甜等令人愈食愈開胃，口感仲好爽口而且去埋骨添！刺身：刺身類非常新鮮，款式種類又多，食落完全無腥臭味。三文魚厚度足，帶少少魚香味。帆立貝好大隻好有口感，食落好鮮甜。另外餐廳更加海膽刺身，兩者一齊食味道幾flesh。炸物：有魷魚圈、帶子、雞軟骨、榴連炸彈等等⋯⋯每款口感同樣香脆，感覺吾會太過油膩啊！個人推介雞軟骨，口感吾會過硬，而且帶少少肉食。燒肉：巨多款式既燒肉，差吾多食盡牛每個部位甘濟！每款燒肉顔色鮮艷，牛脂分佈平均。燒肉燒後油脂分佈幾多，吾會太過乾，再配合餐廳提供既燒汁食，味道岩岩好啊！串燒：依度仲有串燒燒添，雞腎串燒燒後幾爽口。而雞肉軟骨串口感有啲似魚蛋甘。甜品：除左任食雪糕雪條，迷你泡芙亦系我幾中意既甜品。入面帶有忌廉吉士，食落甜甜地又吾會太漏。飲品：提供汽水、啤酒、茶之外，仲有特飲可以order 包括紅豆冰、菠蘿冰、黑牛冰、珍多冰等等⋯紅豆冰既紅豆夠甜仲好多，口感吾硬，值得推介。…Read More

💛💙🧡神燈燒有啲唔好🧞‍♂️就係冇神燈幫我燒🥹咁多嘢食，弱小嘅Hatty真係燒到手軟🫠前排屋企人好開心咁帶咗我去燒肉肉🥩雖然唔知點解佢咁high🤣不過既然佢請，就嗌個最豪嘅餐 Level 5啦！❣️Level 5❣️ $588 + $38/ppl早鳥時段係$588/位，星期五六日 公眾假期及前夕每位+$38💕依個套餐可以嗌晒成個menu 嘅嘢食🤪仲會有頂級刺身同埋和牛寶盒添！🧡頂級刺身🧡 每人每樣一客有原粒珍寶帶子、日本牡丹蝦、海膽、日本拖羅，海膽味道濃郁入口即化🤤日本牡丹蝦又鮮又甜，嫩滑度足夠🦐唔沾醬汁食更佳！❤️和牛寶盒❤️ 任食除咗日本和牛，仲order咗其他牛肉🥩用寶盒呈現出來，視覺效果好澎湃！肉肉入面有鹿兒島A4和牛肉眼蓋、鹿兒島A4和牛三國腩、近江牛、澳洲M9和牛西冷、澳洲M9和牛肉眼、澳洲M9和牛牛肋肉🤩Hatty最愛和牛三國腩😍（佢係位於和牛前腳對上嘅腩位，位於第1至第6條肋骨切出嚟嘅三角形位）油花分佈特別平均仲好完美，咬落去有牛油香同濃濃肉味，🥩每一啖都係享受！🤍串燒🤍 任食用竹籤將啲嘢食串起一齊燒，唔知點解咁樣會更加好味😂今次encore得最多就係煙肉車厘茄串同埋雞肉軟骨串！前者有煙肉鹹香又有車厘茄清甜🥓，後者口感爽脆好過癮！🍢💙水產💙 任食咁多選擇，緊係每樣都嗌啲啦！擺盤好靚，令人食慾大增！蒜蓉燒生蠔同埋芝士燒生蠔新鮮又飽滿🦪，如果唔夠芝士都可以額外再向店員拎呀！🧀蒲燒鰻魚同埋黑松露燒帆立貝都好好味！估唔到蒲燒鰻魚咁大份，啖啖肉好滿足！🔥黑松露燒帆立貝鮮甜又滑嫩，再加埋黑松露點綴，又有另一番風味！🤪🤎小食🤎 任食用木盤裝住真係好靚，又係時候打卡了！😂小食即叫即炸，咬落酥脆又好食！忌廉芝士無骨雞翼真係必食，咬落去有嫩滑嘅雞肉🐥芝味濃濃😛🖤飲品🖤 任飲呢度真係傻傻哋😂每個飲品都咁大杯，店員話驚我哋唔夠飲喎🤣第一次嗌嗰杯已經成個頭咁大杯，第二次就同店員講話要細杯啲嘅(不過都有啲大杯)，第三次就話要normal size😝因為想飲多幾款飲品嘛！乜乜冰方面味道係ok嘅，唔會太甜，配料都好足！其實佢除咗依啲飲品仲有罐裝飲品、支裝飲品同埋啤酒、清酒、紅酒、燒酒等等😏💜自助區💜 任食除咗可以手機落單之外，自助區嘅嘢食都可以任食😎豬扒、雞扒、雞翼嘅口味選擇都幾多！仲有一款啱心水嘅！旁邊仲有小菜、小食、雪糕等等，真係太多選擇啦😝依度嘅環境好大😆雖然係Lower Ground Floor，但佢抽風系統做得幾好，油煙味唔大🔥坐又坐得舒服，食又食得開心！(係爭在擦極神燈都冇精靈岀嚟幫我哋燒啫🥹) BTW記得save post，方便向店員查詢有關套餐啦❣️📍神燈燒📍旺角彌敦道565-567號銀座廣場LG樓…Read More

入嚟已經比嗰個藍色嘅阿拉丁吸引住，真係符合呢間餐廳嘅主題。入到餐廳，好涼爽，冇油煙味，位置好空曠，侍應亦都好有禮貌介紹點樣用QR code落單，非常方便。安格斯牛有好多唔同款式，有牛頸肩，封門樓，一口牛柳粒，自己最鍾意就係食牛柳粒。一啖一粒，好好味。仲有唔同嘅刺身，三文魚，吞拿魚，甜蝦，自己最鍾意就係食甜蝦，好新鮮！三文魚沙律，都有驚喜。估唔到佢個黑毛豬五花籃都好好食，真係令我流晒口水。水產方便，有我最鍾意嘅燒生蠔，連生蠔都可以入嗌，今次真係超級抵食！生蠔好新鮮。連埋蒜蓉，超級好食。小食方面，有雞翼，炸雞軟骨，炸雞塊，全部嘢都好好食。未講完，出邊仲有得自己拎嘢食，有關東煮，咖喱牛腩飯，中式湯，中華小食，例如八爪魚，仲有其他可以自己夾嘅東西，例如雞扒，牛丸，椒鹽雞翼，總之一定有樣嘢啱你食！甜品方便，佢竟然有特色嘢飲，例如珍多冰，涼粉冰，黑牛，其他餐廳都唔會有呢一個選擇。…Read More

突然間想食放題，即刻search下旺角邊度有好嘢食。搵到呢間神燈燒。決定來試一試。入到嚟見過裝修好有異國風情嘅感覺。一坐低即刻嗌一系列嘅刺身，有三文魚，吞拿魚，北寄貝，去頭甜蝦等等非常肥美新鮮，媲美出面啲omakase。 然後就今晚嘅主食 牛!肉! 我哋嗌咗個level 3套餐包安格斯牛頸肩，封門柳，一口牛粒，牛板腱。建議大家一要encore佢嘅封門柳。 肉味濃之餘仲要非常軟熟。另外佢仲送咗一碟黑毛豬， 半肥瘦，好好味可惜冇得再嗌另外我哋嗌咗蒜蓉燒蠔芝士粟米三文魚沙律翠玉瓜南瓜雞軟骨 全部都好有水準。最後不得不提佢哋嘅甜品有涼粉雪糕，飲品方面仲有好耐冇飲過嘅黑牛。下次想食放題一定再嚟返呢間…Read More

係旺角睇完戲好肚餓,朋友介紹呢間燒肉放題, 裝修以神燈為主題, 隨處可見阿拉丁和茉莉公主等角色,燒肉放題分了不同Level, 可以任飲任食肉類、刺身、熱食等食品和飲品，我和朋友選擇了Level 4的套餐, 共186款美食。呢度除了Level 1之外, 其他都係用QRcode落單，自助區有沙律吧、多款熟食、飲品和雪糕選擇。刺身方面, 叫了最愛的帶子和三文魚, 師傅切得厚身，食落口感十足!牛肉方面，美國prime系列不錯，油脂分佈平均，食落牛味重，推介牛小排!海鮮方面, 生蠔和燒帆立貝是必點, 帆立貝肉大大粒之餘調味仲好夠, 絕對是回本之選;另外鰻魚厚切肥美，鰻魚醬汁惹味添, 輕輕燒一燒已經可以食!…Read More

今日有食肉獸朋友生日，最化算梗係去燒肉放題！朋友話神燈燒抵食，所以就book咗佢啦~原來有分五個Level，越高級越多選擇，豐儉由人。今次我哋豪豪地揀咗level 4 (每位$468)，有186款食物任食任飲，正呀！首先有一set M9和牛西冷、肉眼、牛肋肉同五花肉，油香十足👍🏻唔使點任何調味料都好好味！每台都有一支黑椒同喜馬拉雅山鹽，亦有燒汁唔同其他醬料提供。落單掃QR code，幾分鐘後就有個機械人送餐，好方便！出面自助吧有齊所有想像到嘅肉類，亦都有壽司、沙律、炸物、刺身、燉湯同甜品，飲品都有十幾款，真係睇到眼花撩亂。食物質素中上，肉類同開邊蝦最為出色，order 咗好多轉都無甩單，依然係秒速送到👍🏻邊食邊傾，好快就飽到上心口，最後仲要補番個雪糕先走！…Read More

好耐無食過燒肉，去食放題唔洗就住就住，可以盡情咁order😂，叫咗level 4嘅套餐，有成186款美食🤩，由於太多選擇嘅關係，我都係精選牛肉同海鮮款式黎試～🥩牛肉方面，美國prime系列都好不錯，絕對係encore之選，牛味香濃，油花豐腴，厚薄適中，只需燒一燒到淡粉紅色就食得～除咗牛肉，仲有豚肉、雞肉同海鮮，燒帆立貝絕對係我嘅encore之選，帆立貝肉大大粒之餘調味仲好足夠😋；鰻魚厚切肥美，鰻魚醬汁仲好惹味添；如果想食得冇咁肥嘅話，仲可以選擇刺身，師傅全部刺身都切得厚厚的，食落好有口感又好有滿足感🥰，三文魚仲要係腩位添！大部分菜式都係用QRcode落單，亦有多款肉類喺出面自助的(不過食lv4唔需要出去拎其他🤫)，自助區亦有沙律吧、各款飲品 和 雪糕等甜品選擇。…Read More

今日星期五收工，約埋朋友落旺角食燒肉放題，朋友主動推介了這間位於地底的神燈燒。店中裝飾阿拉丁神燈故事作主題，有不少牆壁畫上了卡通版阿拉丁神燈的模樣，座位裝飾偏向故事神話的風格，有著錯覺，令人進入了童話故事當日我選的是Level 4的套餐，基本上上可食到大部分較高級的食材，例如美國Pame頂級肉眼、澳洲M9和牛西冷、黑松露、燒帆立貝等等數之不盡。餐廳中有不少飲品供選擇，除常見的汽水、 茶類飲品、韓國飲料外，連最近Anson Lo代言的OOHA三款味道的飲品也一並供應，可見餐廳下的成本也所費不菲。當中食過各款不同的食物後，尤以澳洲M9和牛肉眼作為牛肉類中的最愛，肉質呈鮮紅色，脂肪分布平均，雪花紋的外表，燒製後，肉味香濃，再上燒香後的油香，只需一點點的鹽便可帶出充份帶出牛肉的鮮味。然後店家更有提供蒜蓉生蠔供燒烤，蒜蓉的香味以烤製時不斷滲入於生蠔內，進食時應連同因烤製生蠔逼出的水份一齊進食，因為該水份能把蒜蓉香及生蠔嘅鮮味充份混和在一起，淡淡的海鮮味可一起湧入口中。…Read More

熟食區有好多野食，最吸引我估唔到係咖喱牛腩炆到好林！每一舊都勁香港式咖喱味！好食到我食左兩碗！肉方面都好多選擇，我就揀咗最貴個餐，有大量款式和肉同黑毛豬。唸唔到唔緊要，同店員講一講，佢就會安排一盤牛肉梯級比你先。有唔同部位同肥瘦。包你搵到岩自己口味既一款牛唔好食太肥，要燒到乾少少先無咁油。食翻瘦少少位例如牛小排，西冷，牛肋肉咁，重牛味又夠油香，點少少燒肉汁就食得。豬肉方面極力推介黑毛豬五花！我食最多係呢隻。另外記得叫滋補燉湯，非常高質，又香又濃特別推介，紅豆冰，必試…Read More

今日行山做運動，出完一身汗好想大吃大喝一餐！！朋友話不如去食燒肉放題，我梗係舉腳贊成啦😂今晚食好啲，我哋揀咗level 4 ，有186款食物任食任飲！！！未開始食已經興奮😂揀完餐已經有啲食物出現，係一set M9和牛西冷、肉眼、牛肋肉同五花肉，睇樣已經知係好高質嘅牛肉。頂級雪花牛小排係最正㗎！我哋encore咗幾次，燒完之後加少少喜馬拉雅山鹽已經好好味。呢度落單好方便，掃QR code就ok，機械人之後好快就送餐，效率好高。除咗牛肉，海鮮質素都好好，我哋最鍾意開邊蝦同埋帶子，樣樣都想食多幾件，完全係眼闊肚窄😂除咗落單，出面自助吧都好多嘢食，仲有壽司、沙律、刺身、甜品等等，飲品櫃都有好多選擇，選擇困難症嘅寶寶大鑊了～呢度食放題確係唔錯，下次有朋友聚會可以再嚟！…Read More

久唔久就鐘意食放題 自己一個唔洗約人又得 同朋友慶祝生日又得呢間有食落驚喜！ 就咁睇名同門名唔覺係任食buffet最平的Level 1就全部自助去囉 都有好多選擇！但對自己好D ~ 我就選左 Level 4 ~ 🤍刺身 和牛放題 🤍prime 頂級美牛天梯 每人一客 Australia. M9和牛 有西冷 肉眼 牛肋肉 油脂分布均勻又好香牛味 食完都飽飽地 又回味無窮 | (• ◡•)|唔夠喉就可以任加 USA Prime 頂級靚肉 都你high grading 的靚牛(☞ ͡° ͜ʖ ͡°)☞我更鍾意係刺身 實在太好食升級的有我鐘意的 scallop 鮮甜無比原隻赤貝, 油甘魚 都好鮮甜無限加單食到大滿足為止 哈哈哈！仲有燒生蠔🦪 都有3隻味道扇貝 青口 多春魚 等 仲有唔同海鮮好多選擇用QR code落單 座係度等就有得食 雪糕🍦就可以自己取 或者放出面嘅level1嘢食好多選擇的BBQ food, 熱食都係自取黃金時段 $468+10% = $515 呢個價錢又食靚牛刺身海鮮 又好食又乾淨 要encore …Read More