Kanzan Menya (Hopewell Centre Phase 2)

神山麵屋係合和商場2期6樓，係麵屋武藏分支品牌。餐具都會印左麵屋武藏嘅名，店舖面積細，台同台間距離肥少少都會碰到人。入座坐底後，職員連水都唔記得咗拎俾我地。嗌左白豚角拉麵同白叉燒拉麵，跟餐免費有汽水/冷泡焙茶。豚角就有3舊，叉燒兩大片，配一隻蛋同荀，麵同餸嘅份量唔多，男士食完都未必夠飽。拉麵來到時夠熱嘅，白湯夠咸，但味道沒咩特別。拉面軟硬剛好，豚角肥瘦分明，但第一啖食落時有一陣腥味，沒豬味。叉燒食落有d似火腿片咁，蛋都係普通熟蛋，荀食落都爽口。計埋加一都差唔多200。店員送左張coupon話係隔離間東京食堂買咖啡飲用。以食物質素及環境黎講，性價比一般。…Read More

點了一客豚肉生薑燒丼，足足等咗30分鐘，追咗兩次，味道正常，服務一般，但要加一。返工午飯時間只有一小時，所以不建議來食午飯，要匆匆忙忙食，根本無時間去感受味道，如果沒有足夠時間，並不建議到此。…Read More

星期五去灣仔剪頭髮，剪完去新商場行吓，順便食個飯，做一個孤獨的美食家。神山拉麵係一間連鎖的拉麵店，好耐之前我都有幫襯過另一間位於觀塘APM的分店。感覺上無以前咁出色。………………………………………………神山豚角沾汁麵 ⭐️⭐️⭐️⭐️麵質係偏粗個種，正啱我口味。沾麵汁都唔錯，但係感覺上無以前咁濃郁，溫度都可以熱一點。而豚角煮有兩件，一件就比較肥美，肉質好軟林好入味，用火槍燒一燒有燶邊效果，好味。不過另一件肉質就比較柴，可能係部分問題啦。配菜有荀、蔥同溏心蛋，正常發揮。$90 拉麵嚟講都算性價比高！神山手造餃子 ⭐️⭐️⭐️即叫即做，送到嘅時候熱辣辣，餡料同餃子汁都唔錯，可惜餃子煎得有點燶，但係又唔脆，所以口感麻麻。………………………………………………拉麵店的地方唔算好大，不過商場人流唔算多，所以星期五晚上都唔難搵位。店員有禮貌，同一般日式拉麵店唔同，神山麵屋有收加一服務費。…Read More

合和嘅神山麵館，我不久就會光顧，食物質數頗佳，大概都試過五六款麵食，水準不錯，主要係煮麵師傅嘅湯底熱辣辣的送出，食完碗麵啲湯仲有微熱溫度，所以係一間值得再次光顧的麵館。最近請來兩位新服務員，午飯時間人流算頻密，但係只見佢兩個有一個絕對專業，以客為先嘅服務態度，有禮貌之餘，還不時面帶笑容，雖然見到佢哋走來走去，尤其係客人離開後清潔枱面都好仔細，一點都不馬虎，同事前嘅服務員比較實在有天淵之別，完全係睇到佢哋敬業嘅精神👍🏼所以今次一定要讚一讚兩位新嘅服務員做得非常稱職，希望老闆聽到我嘅心聲作出嘉許🎖️謝謝！一定會再來的！…Read More

滿心歡喜試呢間拉麵, 同朋友一齊試。點知, 太失望喇。朋友叫個平日lunch的白湯雞拉麵, 同相不乎, 仲要有兩塊肉疊o係碗麵上面, 有半塊出左黎, 外觀唔討好...已經唔係好想食。我個沾麵黎啦...嘩, 個蘑菇汁, 勁似o係屋企用金寶湯加水加油咁整出黎...仲要個樣勁核突,  又係同相不乎, 一 pat pat咁...我地連相都無心機影, 唔打卡啦!好唔開心, 用左$1xx食左D咁ge野, 無下次。…Read More