磨．坊

Open Now

Now Closed

不知是否已過了午飯時間，呢間店看起來有點冷清，一進入店舖內，店舖都挺寬敞，可謂麻雀雖小五臟俱全。餐牌食品種類不太多，藥膳肉骨茶的湯麵可轉飯，因此我們都轉了飯。肉骨茶的味道不錯，湯很重藥膳及胡椒的味道，很易入口，飯都很甘香。肋骨都很林，很入味。可惜，湯內只有兩舊肋骨，撈飯食真的很美味，但肉真的不足夠。油條是香脆的，浸落肉骨茶到，索哂啲湯真的好好味。如果把油條及肉骨點落黑豉油到食，可為油條及肉骨茶增加一些甜美的味道。#磨坊 #藥膳肉骨茶 #肉骨茶 #油條 #黑豉油 #藥膳

剛行完山，朋友推介吃飯。知道佢鍾意捐窿捐罅搵嘢食，想不到竟然推介西貢吃肉骨茶！已是下午茶時間，店舖內不多人。一坐下，已聞到濃濃的肉骨茶香味，食慾大增！地方光猛乾淨。得阿姐一個人一腳踢。據聞是非常有性格的老闆娘。餐牌非常簡單。但由於非常肚餓，叫咗肉骨茶面。另外，叻沙魚蛋。落單之後，發覺有豬肚豬大腸，好奇之下，一個叫一份，加餸。由於是即叫即整等了大約10分鐘。熱辣辣的湯，馬上飲了一啖。非常香濃。朋友對味精是很敏感的，他認為沒有加味精。大腸及豬肚，完全沒有異味。清得很乾淨，以去肥膏。完全沒有半點油膩的感覺。老闆娘也不孤寒，給我們大腸頭。豬肚吸收了濃濃的湯，也很有咬口。肉骨已熟透吸收了精華，條骨很容易便鬆脫了。另外本人要推介的，是叻沙魚蛋。起初吃上去，椰汁味濃。大約5秒之後才感覺到辣。非常過癮。魚蛋也是靚貨。實在太有驚喜。會再來的。

Ouiii。WeeeEat - 藥膳肉骨茶 - 磨。坊🌝Lunch新加坡同馬來西亞肉骨茶既口味都不同喔～ 前者嘅係胡椒味比較濃，後者嘅係藥材味比較重😳 各有各出色😚👱🏼‍♀️藥膳肉骨茶 （肋骨，黑豉油，油條，另加$18 豬肚）$83而今次係西貢食既係馬來西亞風味既肉骨茶，藥材味濃，肉質亦都好軟熟😊～ 不過稍嫌個湯唔夠熱同埋份量比較少🥺 不過食落係幾正宗！

疫情下休息走入西貢覓食🤪本來想行去食隔離中東卷，可惜店主太無禮，即刻出返嚟😂再行前兩間見到門口寫住「肉骨茶」即刻叮一聲，諗起好耐冇食，不如入去試一試佢！本身諗住入黎西貢周圍食，所以冇叫到個麵，只係叫咗個淨肉骨茶試下！等緊嗰時，已經聞到一陣好香嘅味道，我同老公仲話「聞到香啫，唔好咁大期望！😂」但又喂！嚟到飲又真係唔錯，甜甜地東南亞味道，完全唔係死咸亦唔係味精湯！每碗都有兩舊排骨，肉都好入味🥰送埋個油炸鬼，好食呀！湯飲哂冇味精湯感覺，唔駛灌水！我地會再返黎，希望佢經營得住！（p.s. 湯凍咗唔好食，所以求其影咗幾張相就開餐啦！）

放假黎到西貢行下食下，行過見到呢間食肉骨茶好似都幾吸引，就走入去啦！餐牌唔多選擇，得喇沙同肉骨茶，咁我地2個人都選擇左肉骨茶麵！問過板娘用咩麵，係用日本手打拉麵(其實唔係聽得太清楚）老板婆話好食就叫左肉骨茶麵同埋叫左肉骨茶滷豬腸！有2舊排骨加油條，賣相都唔錯！呢到既肉骨茶係馬來西亞既肉骨茶藥膳味，唔係新加坡有胡椒個種睇個麵就Feel到好食！開心！！麵食落滑同煙韌有口感，很好！飲埋個湯係肉骨茶既味道（癈話🤣）重點係唔會太濃！一碗靚既湯麵唔應該太咸，因為預你要飲埋D湯，如果太咸太濃就唔會飲得埋D湯，所呢碗食落係好舒服既！第一淡你可以覺得淡，慢慢食落先可以欣賞到個湯頭！事實上個湯做得唔錯！而且覺得冇味精！到滷大腸，我覺得呢間小店用既應該係新鮮肉，因為佢既大睇完全冇So臭味，因為急凍大腸係會有臭味就算處理過都會有種味道，但新鮮既就唔會，所以食呢個大腸我就認為係新鮮既🤗以一碗麵7-80蚊真係唔係平，但計反轉頭，呢D都係新鮮用料，唔係一般是是旦旦咁做一D劣食，而絕對是用心制作，小店生存唔易，大家鍾意食肉骨茶都黎支持啦！

位於西貢市中心海傍的「市場街」，現在屬於遊客經常都會到訪和消費的熱點之一，經常有大量遊客在「市場街」街上散步逛街，令「市場街」地下舖位，出現了不少不同風格的食店。其中「市場街」有一條窄巷，連接「市場街」和雲集海鮮檔攤的「西貢海傍街」，窄巷旁邊有一間小型的房屋，房屋門口旁邊牆壁，有一幅畫得頗為漂亮的壁畫，是食店「磨 · 坊」上手店主畫在牆壁上。「磨 · 坊」壁畫上的圖畫，內容是指上手「磨 · 坊」主打的馬來西亞菜，主打「喇沙」湯麵和「肉骨茶」。不過「磨 · 坊」上手的老闆，一直沒有在「開飯喇」裡面建立過任何相關專頁，直至店舖靜悄悄賣盤為止。後來「磨 · 坊」又關上入口閘門和裝修，直至最近為止，「磨 · 坊」才重新開門營業。平日住在西貢的我，恰巧路過看見「磨 · 坊」開門營業，「開飯喇」裡面又終於有了資料，於是光顧看看餐牌。原來現在的「磨 · 坊」已經賣盤，食店換上了新主人。現在「磨 · 坊」裡面的新店主，主打港式車仔麵食品，「磨 · 坊」的車仔麵裡面雖然沒有什麼獨一無二的新穎食材，但是卻有套餐車仔麵，跟自選車仔麵任君選擇。不過當時我其實在下午茶時間，晚餐時間又即將來臨，所以其實不是很想享