Stone House Restaurant (Closed)

服務：落單阿叔好晦氣，好唔耐煩，反而姐姐態度正路啲環境：人少，但依然留住汗食，因為孤寒唔捨得開冷氣食物：6點鐘食晚飯，已經嗌咩無咩；點咗牛柳，6、7成熟依然又乾又鞋，好難頂…Read More

疫情第三波，只需上午上班。Honey來大角咀找我午飯。之前我已幫襯過石頭屋，食物幾好。所以重來。疫情關係，有限聚限制。幸好石頭屋夠大，隔住坐，也相當濶落。午餐價錢不算貴……但之後一上菜……嘩！好大份！所以説，非常抵食！疫情下，只有一位侍應。這位瘦瘦削的女士，可以「一個打十個」。點餐、上菜、收錢、岀外賣……全只有她一人。難得的是，她能一一應付，而且非常有禮！實在難得！未點餐，就先上餐湯和蒜蓉多士。是南瓜湯，挺濃稠，不錯。蒜蓉多士也夠脆！Honey點：超量級豬扒蛋飯 $62真是超量級！大男人手掌般大！非常厚！但重點是，熟透之餘，肉質不過「鞋」，肉質鬆化，真好！而且，豬扒的「外邊」，煎得焦脆，惹味。餐牌上寫「蒜蓉」，但實際是葱油，更好！飯又多，好大碟。我和Honey二人吃完了這碟飯，已差不多飽。連凍檸茶都好大杯，茶多濃。我點：卡邦尼煙肉意粉 $58同樣，好大碟！煙肉、雜菇、洋葱都不少。卡邦尼汁也濃……濃得有點膩。可能是之前的豬扒飯太大碟，我們已飽。…Read More

大角咀大全街有好多唔同類型既餐廳，激爭非常激烈，但吸引到我既係呢間偏新式的餐廳門口寫住大胃王巨人雜扒飯，我同行果位好肚餓朋友就決定要入去試下因為當時係3點幾 所以有下午茶下午茶餐牌非常多選擇，我揀左好耐，算係幸福既煩惱佢有輕量既漢堡包,多士 都有好多飯,意粉既選擇因為我未食飯，最後揀左厚切豬扒蛋包飯見到既時候俾到驚喜我，因為我以為茶餐廳既水準最多都係將d炒蛋放係飯上面就叫蛋包飯點知係做到標準既蛋包飯，可見廚師有一定既水平味道更證明呢一點炒蛋熟度剛好，內裡的蛋汁和飯混合了飯充滿濃郁既蛋香，好好味豬扒都香口，火侯剛好同蛋包飯互相配合，我眨下眼就食哂而朋友既大胃王巨人雜扒飯就相對普通不過份量真係好多每塊扒都係完整一塊既份量味道都偏好，大件夾抵食我對佢既蛋包飯念念不忘，我同朋友以後會叫佢蛋包屋 haha…Read More

瞓到安樂醒，下午4點幾拖女去大角咀食我們既早餐，睇到兩個家姐剛食飽離開石頭屋，咁就唔駛諗，就去石頭屋吧！諗食乜係最煩惱既事。其實，我都嚟過幾次，但、有陣子懶打食評，試過叫卡邦尼意粉及焗飯(印象唔得)，反而試漢堡包及扒，當時都ok。今次坐低，諗起二家姐推介過呢度既海南雞飯，反正餓了，食得落飯，就試試吧！(雞肉冇骨，好嫩滑，油飯都唔錯，配埋蒜蓉及醬汁食，正!!)，亞女叫了牛肉漢堡包配水果，我食了大半，亞女個漢堡包都未上檯，正想追單之際，侍應姐姐行過嚟問:係咪有嘢未上?我話係。她便拿了個放著漢堡包的膠盒過嚟，話整錯了，落咗盒(估計係誤會是外賣的吧？)，近門口收銀果位哥哥(可能係老闆)說:轉番上碟喇。我即叫停女侍應，不用轉，這樣便可以(轉嚟轉去，除了整包果位外，又要多經一個人既手，我真係唔想)，對我或我女兒嚟講，都不介意用盒還是用碟，最緊要好唔好食。 但、另一問題來了，亞女攞起個包食時，告訴我:個包凍既! (等咗咁耐，唔凍就難🤦‍♀️，我問女兒，要否叫人幫您翻熱一下?她說:已咬咗一啖了，算吧！) 今次都算是一個意外，但以"這餐"來評分的話，海南雞飯真係得既，個凍既漢堡包就....完全唔掂。加上坐低後，因膠屏風遮擋的關係，舉手，舉餐牌很久都冇人落單，要企起身大叫唔該才有人落單🤦‍♀️，這方面較遜色。…Read More

之前見fb 有推介,所以專程同fd 黎食。晚市時間味見滿座,但我地都照入,叫左個牛肩肉扒 同 肉眼扒，加10蚊配湯, 蒜茸包同飲品。兩塊扒上個陣配熱石板,可以自己根據喜好而調節熟度,都可以叫幾有特色。但好可惜兩塊扒可能我地烤得耐,幾乎全熟咁,而且好多筋,好似食緊橡筋咁,我地要咬得相當用力,最後都求其吞左落去算。總結唔需要專程幫襯, 係一個正常做街坊生意既餐廳。…Read More