Y.J.K Food & Beverage (Moved)

去咗一間日韓料理店，簡直係食界既新星，料理水準出乎我啲預期！雖然唔係高級餐廳，但食物份量同味道都幾有驚喜。香煎松露帶子沙律夠香，松露味略重，好夾帶子呢種海鮮嘅鮮甜。韓式雞肉又脆又嫩，我嗌得夠晒啦！🍗 而魷魚酥真係即叫即炸，口感滿分，啖啖肉嘅感覺就係咁過癮！日式一人前嗰豆腐同味增湯真係做得好入味，每一啖都令人想再嚟一口。🍲 最正係佢哋嘅雪濃湯，湯底厚而唔膩，牛肉嘅份量又足，蘿蔔同洋蔥都吸滿咗湯汁，太正喇！幸好最後有杯蜂蜜柚子茶，清新果香，正好平衡咗成餐嘅滋味。🍯成餐落嚟，我真係覺得食得開心又滿足，特別係同三五知己一齊分享呢啲味道，真係令晚飯時間更加溫馨。下次會再嚟探索其他菜色，誠意推介比想搵抵食美味嘅食客！👌🏻…Read More

叫左個刺身飯 一黎已望到刺身麻麻 好似唔多新鮮 仲有根咁跟住一食勁硬 唔知咩魚 咬唔開咁三文魚一般比較起黎 蝦還好最重要既重點黎喇一食個飯 熱既？嘩 人生第一次食刺身飯 而個飯係熱既真心想講粗口之後都廢事投訴 一來換番都可能一樣佢比得熱飯 即佢無凍飯啦朋友讚伴飯好食但對我黎講 真心blacklist呢間野$98個刺身飯 唔新鮮之餘 飯仲要熱既食完勁失望唔肚痛都算偷笑:(我影得佢太靚 就咁望可能真係好好食但當你食到熱飯真係會想講粗口低級錯誤黎…Read More

本身見食評幾好，見係屋企附近就嚟試下，但等出餐真係太耐啦🥹嗌左石鍋飯同壽喜燒，味道係幾好食的，但希望可以改善下出餐時間。。。。😅😅😅😅😅😅😅😅…Read More

落雨天，唔知去邊到食好，行下行下見呢間餐廳嘅餐牌啲相好吸引，就決定試下🥢韓式烤五花腩 ($118+$15轉套餐)睇餐牌，見佢張相好吸引，就諗住當送咁食點知一黎就連埋飯黎，先至知原來係幫我地加左15蚊轉套餐都冇問過我地要唔要套餐，就自動幫我加錢轉套餐，感覺比人呃左BTW，講返味道偏咸，我覺得似用鹽醃左好耐嘅燒肉咁，所以要送好多飯食好多肥膏，所以搵菜包住食就可以中和返個油膩咁🥢日式一人前，送炸蝦 ($108)好普通，冇乜特別，唔算新鮮，呢個價錢唔值🥢韓式部隊鍋 ($72)諗住算平，就試下，佢同韓國部隊鍋一樣，有泡菜、豆腐、腸仔、午餐肉、豬肉片、魚糕、芝士片、韓式年糕、辛辣麵，幾得意，有兩片東菇，但好可惜，我未食過咁難食嘅午餐肉，即刻影響晒成個部隊鍋嘅質素🥢韓式泡菜煎餅 ($58)個泡菜煎餅，我就覺得太厚粉，同埋唔夠香口，佢可以整薄返啲，咁煎起上黎個邊都易脆啲，香口好多餐廳係家族式經營，放工時間去，見女女都會幫手落下單，送下餐，收下錢，媽媽就似負責廚房，出餐，落單，婆婆就似負責招呼客人，傳話等等，睇住佢地全部都係女仕做，都覺得佢地好勁，同埋個女好乖…Read More

今日約咗朋友食飯，當中有一個係長者，一個年輕人，於是嚟咗呢間餐廳，貪佢有壽司，又有熟食，滿足所有人嘅要求。我叫咗一份壽司定食，估唔到有咁多件壽司定食，有12件壽司之餘，仲有一個小烏冬，食到咁飽，竟然都$100有找👍🏻…Read More