真‧章魚無雙

Open Now

Now Closed

未食過咁難食嘅章魚燒🙃入面完全冇味食咁多次呢次最難食睇得出好求其店員又唔耐煩咁樣不嬲食開蜜糖芥末味呢間完全同我之前食嗰幾間 旺角 葵廣差好遠連好食都稱不上 救命我下次都唔會再係天水圍店食

今日一去到話要蟹籽小丸子6粒，職員覆我芝士6粒，我話唔係，係蟹籽6粒，之後比單我，我都冇望收到之後打開，見到冇蟹籽，以為漏咗，我過去問，想問係咪漏咗落蟹籽？佢好愕然，我唔係要芝士咩，我話唔係，我係要蟹籽，佢另外個同事話幫你整個，我話好，咁我就企係佢舖門前，之後突然聽到同事與同事之間用普通話喺度講話我冇落錯係佢講錯，嗰刻我就知道佢係話緊我，我就同佢講我冇講錯，係你自己落錯，跟住佢哋講笑㗎咋。第一我從來都唔覺得好笑，第二你係講人壞話嘅你都等個客走咗先啦。到我拎嘢嘅時候，佢仲同我講話下次你落咗單之後可以望一望張單，首先唔理我有冇望張單啦。我同佢講我已經同你講兩次係蟹籽。如果你話係講一次之後落錯我都算喇，但我講2次。。。仲要態度係屈個客講錯，仲要係個客面前講，真係好搞笑！平時經過口痕都會買下 sorry今次之後唔會再幫襯！！

已多次光顧這間店，味道不錯。雖然size 縮水…本人仍可接受，繼續幫襯。但今次下單後，遠看發現他們剛製作好的章魚燒十分焦燶，不太合適食用。已即時向男職員提示不要太焦燶的章魚燒。但回家後打開盒，發現真的不行了。醬汁遮蓋了本身燒燶的章魚燒，顧客即使即時打開，亦難以即時發現。雖然不是最燒燶的章魚燒，但較以往質素差，不太適合食用。這顯然職員沒有以顧客為先，燒焦了/焦燶的章魚燒，其實本應棄掉。。為何仍然售賣給顧客？*相片中的章魚燒已是較為不焦燶的….其他章魚燒出現燶味…致癌….建議職員注意食物品質，確保有質素才給顧客。

經過新北江，發現地下開咗章魚無雙，唔使突登去葵廣又唔使排好耐隊，真係好正 。🔺明太子必點！超多木魚，明太子醬都好多，外脆內軟，粒粒都好足料，又熱辣辣 ！好開胃，好好味！🔺蜜糖芥末呢個配搭醬料都好好味，甜甜地少少辣，上面超多木魚同紫菜粉，蜜糖芥末沙律醬都滿滿舖喺面，每啖都好滿足，好惹味！好岩我呢啲食醬怪😂

天水圍呢間章魚燒舖頭都開咗一段時間，但係有好幾次都夾唔到時間食唔到，今次咁啱見到佢開咗門就去買吓啦。之前幫襯過佢其他分店都唔錯，所以今次都繼續食佢嘅明太子章魚燒。佢哋嘅章魚燒係即整嘅，所以都等咗差唔多10分鐘先有。佢哋嘅明太子醬都留得幾足，每一啖都食到明太子醬嘅味道，加上章魚燒係即整嘅，所以食落去個皮好脆同埋個心好熱。佢嘅章魚燒唔會好粉狀，而且每粒都有兩三粒章魚粒，感覺都幾足了！其實呢一區都冇乜章魚燒嘅選擇，所以只要keep住水準都應該繼續有Market

叫咗蜜糖芥末同黑松露味。超級推介蜜糖芥末，好開胃。醬料同木魚都俾得好多，入面嘅章魚都幾大粒添。黑松露味其實幾濃欲，入口有啲震驚，如果本身好愛黑松露嘅人應該會好愛！

之前想食無雙小丸子都要出葵芳，現在終於在家附近就食到！ 這是我一直以來食過最有誠意的小丸子，希望開愈來愈多分店🥳🥳畢竟之前在我家附近開了十幾年的舊式小丸子鋪賣嘅都係冇章魚的小丸子，但只有生菜的小丸子，其實都唔平。既然價錢一樣貴，當然要簡「對得起價錢」的無雙😍講到上次食嘅兩款小丸子叫明太子和櫻花蝦（辣），除咗櫻花蝦的辣味在我的意料之外，味道、醬料以及食料都一流！我好記得當時食到原隻章魚仔嘅激動心情！推推推🥹🥹繼續加油！只要我一日食得起就會繼續支持你哋🤣🤣

新開左2個半月的章魚燒專門店，上次星期五到訪原來休息，今日終於試到啦，章魚燒即叫即整，餡料好足，真材實料，食完好滿足🥰。等大約5-10分鐘就有得拎🫶🏽。餡料選擇好多元化，有14款口味，全部都好惹味同吸引🤩。仲可以揀雙拼（+$2），一次食齊兩款口味，可以揀小份6粒，或大份8粒。除左章魚燒仲有冷烏冬供應。今次試左雙拼8粒章魚燒（$42），分別係蟹子同明太子口味🤤。每粒章魚燒入面有2粒大大的章魚肉，粉漿唔會厚同實👍🏽。🐙蟹子章魚燒面頭鋪左滿滿的蟹子，有橙有綠色，好新鮮脆口，份量都好多，食落口感多個層次😋。🐙明太子章魚燒面頭吱滿厚厚的明太子醬，再加上木魚碎，微微辣香，口感豐富滿足🤤。