真姐港台美食

Open Now

Now Closed

觀塘shopping 一輪完，又有啲餓啦。咁決定掃街買啲野返屋企食，經過~真姐港台美食~見到咁多人買，一定幾好食。店細細，但好多種類小食都有，我地對台灣小食特別有興趣。我地買咗幾款小食做下午茶，鹽酥雞、滿福蔥油餅、椒鹽魷魚鬚同冬瓜茶。小食都係即叫即整，香噴噴，熱辣辣，份量都幾多架。鹽酥雞，好香口，幾juicy。滿福蔥油餅，有啲似手抓餅，饀料好豐富，火腿、粟米、雞蛋，餅皮煎得好脆😋。椒鹽魷魚鬚，魷魚爽口彈牙，食唔停口。冬瓜茶，消暑解渴一流，甜度適中，抵飲。

星期六去完駱駝漆大廈買野，同個FRIEND有少少肚餓，係正樓下就有間港台美食外賣店，岩哂！！一於叫幾款小食醫肚～有齊各式港式、台式街頭小食，款式種類都好多！揀咗一輪先揀到～爆漿芝士蛋餅蛋餅份量夠扎實，食落餅皮好酥脆，加入半溶拉絲芝士同其他配料，口感好豐富，熱辣辣夠哂煙韌～鹽酥雞即叫即炸，酥脆多汁，啖啖肉真係好正！蘿蔔糕原來係閩南小食菜粿！第一次試，個口感好特別，咬落好柔軟偏濕潤，食到蘿蔔既清甜味～甘梅地瓜地瓜味香濃，外酥內定嫩，加上甘梅粉，提升味道層次。冬瓜檸檬、冬瓜仙草凍夏日炎炎飲返杯台式冬瓜茶夠哂消暑解渴！ 

位於觀塘的港台美食外賣店，正正在駱駝漆大廈下面，主理各式各樣港式街頭小食、牛雜，另外亦有一系列的台式食物，而且粉麵飯皆有，種類眾多。香港小食：燒賣街頭小食代表作，少不了魚肉燒賣，剛從蒸爐裡夾出來的，蘸上店家的辣椒醬，更加惹味。撈麵套餐：撈麵 + 炸物（炸雞塊）份量多，材料豐富，大大盒撈麵跟其他配料一起炒，有洋蔥、椰菜、雞蛋、粟米等等。炸物點心：沙茶炒腸粉以沙茶醬代替一般的醬汁，味道蠻意想不到。腸粉加入沙茶醬一起均勻，翻炒至啡黃色。正宗台灣小吃：滿福蔥油餅蔥油餅大片，煙煙韌韌，包裹著雞蛋、粟米及火腿，材料飽滿。正宗台灣小吃：迷你雞扒雞扒新鮮即炸，炸得黃金、香脆。台灣冬瓜茶：冬瓜撞奶冬瓜磚加入鮮奶，不過冬瓜糖偏甜，奶味不重，炎夏蠻解渴。

行完駱駝漆試試門口嘅小食檔。有台式又有港式小食，選擇好多！✨炸魷魚鬚 $45魷魚鬚酥脆彈牙，仲有好重五香粉同椒鹽香味。冇諗過呢個價錢有咁大盒😍。✨蘿蔔糕 $40估唔到竟然係閩南小食菜粿😻，好少喺北角以外地方搵到。金黃微焦，外脆內嫩，有淡淡米漿同白蘿蔔嘅香味。✨潮州粉粿 $20/3大隻飽滿，外皮唔算厚。餡料以瘦肉為主，仲有少量花生。✨冬瓜茶 $20/杯消暑清熱，有濃厚嘅黑糖味道。📍真姐港台美食 (觀塘)觀塘開源道60號駱駝漆大廈3座地下1A號舖

觀塘駱駝漆大厦地下一向人流多，見有間叫真姐港台美食嘅小食外賣店就走去試下，原來依度食品種類繁多，又有香港小食又有台式美食。最後揀左陳皮魚蛋、魚肉燒賣、生菜魚肉、糯米雞、肉鬆粢飯同埋滿福蔥油餅。陳皮魚蛋超彈牙兼加上港式辣椒油醬，食到停吾到口。魚肉燒賣魚肉超鮮，加埋甜豉油食感覺更正。生菜魚肉d魚肉勁多勁抵食，生菜又好大片，落埋胡椒粉同蔴油食好好味。糯米雞好香荷葉味，一打開見內裏餡料極豐富，我勁鍾意食。肉鬆粢飯就煙煙嘞嘞，口感好好而且肉鬆味香濃滿福蔥油餅值得一提因為好少機會食，煎過嘅薄餅極可口，加上花生、芝士、蛋花、蔥粒等等材料在內，層次感好精緻。

放lunch諗住是但買啲嘢食，於是嚟咗呢間新開小店。呢間小店人情味十足，老闆娘態度親切。店內亦有好多唔同種類嘅港式、台式小食可以選擇，種類繁多，多到眼花撩亂，唔知揀咩嚟食好😂於是我地問咗老闆娘有咩好介紹，佢就介紹咗呢個甘梅地瓜俾我哋試吓，加咗甘梅粉的確好特別，鍾意食地瓜條嘅我表示，下次再嚟一定會再叫！另外，我哋亦都叫咗個芝士蛋餅，滷肉飯，台灣刈包同埋冬瓜檸檬🍋

駱駝漆大廈真係又多嘢睇又多嘢買，行得耐咗就想買啲小食，就幫襯吓呢間真姐港台美食。早餐時段有套餐供應，今時今日嘅物價算係幾抵食。港式小食當然唔少得煎釀三寶，$20/5件，$30/8件，我每款要咗一件，食物新鮮，魚肉都彈牙。 行到鋪外已經聞到香噴噴嘅惹味牛雜，都好多人幫襯。陳皮魚蛋有辣有唔辣，熱辣辣又夠大粒。炸魷魚鬚同一般食開嘅做法有啲唔同，而佢嘅魷魚鬚特別大條，所以勁爽口。生菜魚肉嘅魚肉相對就比較腍身，勝在湯底夠鮮味。魚肉同生菜嘅份量都唔少。呢度仲有台式小食，爆漿芝士蛋餅入面有滿滿嘅芝士，真係會爆曬出嚟。肉鬆粢飯就買嚟第二日做早餐，入面都係爆曬餡。呢度位置夠晒方便，行開觀塘都可以幫襯吓。

今日係駱駝漆買嘢，樓下就有呢間真姐港台美食，聞到味道好香，聞到好肚餓。而且好耐冇食牛雜、小食同腸粉喇，決定要外賣啲返屋企食！😋😋餐牌好多選擇全部都係我鍾意食嘅嘢都好想食😍，第一時間就嗌咗炸雞翼八隻，$40 8隻真係好抵，炸雞翼係用蜜糖汁，食落甜甜地，唔錯呀！仲嗌咗份$40嘅牛雜，雖然係細份嘅牛雜但係份量都幾多，牛雜味道不錯，相當入味。腸粉加燒賣加飲品$25呢個套餐好抵食，最鍾意食撈左甜醬嘅腸粉，懷念！好食😋肚餓梗係要食返個主食喇，主食選擇左滷肉飯，大大份，滷肉入味而且好香。

-🔸炸雞翼 $40🔸蒜香骨 $45🔸牛雜飯 $45🔸滷肉米粉 $35-Lunch去咗駱駝漆地鋪買外賣返公司食，第一次試依間小食店，原來係有粉麵飯揀，仲有唔同小食好多選擇。我食滷肉米粉，滷肉半肥瘦，米粉用滷肉汁，少少鹹香。牛雜飯份量都幾多，仲配有涼拌酸青瓜同生菜。炸雞翼同蒜香骨都係即叫即整，拎到返去都仲熱辣辣出緊煙。炸雞翼大大隻，唔會炸乾晒，仲有泰式甜酸醬淋喺面。蒜香骨都係半肥瘦，仲炸得好香口卜卜脆。

今日收工夜左，差唔多11點先返到觀塘🥲🥲勁肚餓…呢d鐘數搵野食真係有d難😓不過記得之前有friend講過，工業區附近有d開到好夜，於是就去撞下彩，如果冇就返屋企食個杯麵算😅個天真係眷顧我🥹🥹🥹呢間真姐港台美食仲未閂門👏👏由於早兩日先食完香港小食，燒賣魚蛋、生菜魚肉嗰啲等….今日一於試吓d台式野我揀左台灣肉澡蛋飯、鹽酥雞、芝士蛋餅🥞同滿福蔥油餅🤤🤤🤤台灣肉燥飯 $35飯量勁多，雖然肉燥望落去好似唔多，但加埋隻蛋，好夠食😄除咗配飯，佢哋仲可以揀配麵，多個選擇👍鹽酥雞 $40呢個份量多到我都少少🤏嚇親食極都未完🤣佢哋既鹽酥雞細細粒容易食，而且我外賣返到屋企都仲好香脆👍👍😋😋勁推介芝士蛋餅 $30蛋餅原來係層係糯米皮，中間加入雞蛋芝士，然後煎香外層皮面，加上調味😋口感煙靭香脆，仲充滿芝士拉絲…🥰滿福蔥油餅 $45呢個又係香口小食🤤🤤佢入面加入粟米芝士火腿，外層仲灑上勁多香脆嘅花生粒，食落甜甜鹹香，口感層次超豐富👍👍呢間店嘅食物選擇非常多，而且營業時間到較夜🥰🥰以後都唔怕冇嘢食🤭🤭📌真姐港台美食 (觀塘)觀塘開源道60號駱駝漆大廈3座地下1A號舖#港台美食 #真姐港台美食 #美食推介 #觀塘美食

地點好方便～店舖雖小，但有好多食物選擇😆多到有d花多眼亂。老闆原來係福建人（係同台灣比較近），好少地方有台灣刈包賣，難怪佢地會賣啦🥳咁就要試試啦台灣刈包🌮入面有好大舊既豬肉🐷，配菜有生菜🥬，花生碎粒🥜～落單時同老闆講左想要瘦d既肉，果然真係做到比我，因為我好怕食到肥膏！刈包入面既汁都好香，同豬肉都夾💯反而d花生碎粒令我最深刻，甜甜地好特別～同個包完全冇遺和感👍🏼十分飽肚 性價比高生菜魚肉🥬胡椒粉同麻油既比例都好好，魚肉份量都好大舊～係香港人既小食恩物🤗真姐港台美食 (觀塘)觀塘開源道60號駱駝漆大廈3座地下1A號舖

去完駱駝漆shopping，餓底即時上身，經過這間真姐小食店，見到有很多台灣小食及飯，原來店主新抱是台灣人，在台灣都是開小食及飯店，所以可以做到多款地道小食。爆料炒麵其中一款台灣夜市粉麵，炒麵有粟米、菇、蛋等配料，麵質炒至Q彈不糊口。唐揚雞炸雞醃得入味，即叫即炸，金黃香脆，雞肉保持嫩滑juicy。爆漿芝士蛋餅蛋餅超爆多芝士，新鮮出爐入口爆芝，煙煙韌韌，超香蛋味。煎釀三寶除了台灣小食，當然唔少得經典的港式煎釀三寶，每件都很足料好味。滷肉飯阿媽仲意食滷肉飯，正宗台灣味道，半肥瘦的豬肉滷得入味，肥而不膩。