真好味燒臘

Open Now

Now Closed

柴灣區自從多了戲院,放假唔洗再屈係屋企,可以輕鬆換件衫落樓去睇戲睇完戲行過附近街市,有間專賣外賣既燒味鋪食左好多年,我個最喜歡佢既滷水斬料同叉燒例牌買飯返屋企食,一盒雙拼飯才$30份量多,斬料又多叉燒油雞飯叉燒大約有10件,厚切油雞好彩有脾位,真幸運叉燒半肥瘦,食落甜香有蜜味,鬆軟而多汁,這個價位,超水準演出油雞皮薄肉嫩夠入味,再來一匙薑蔥簡直係滿分仲會搭多2條菜,起碼唔會淨係食肉咁單調斬料快靚正,另外燒鴨都係幾好既選擇

附近返工，諗住方便買燒味飯食，$30雙拼，返到公司一打開，中伏，燒肉有一半都係肥膏， 甩皮甩骨，油雞得d骨，得2舊肉係食得，唔會有下次 食個飯姐，比得咁肉酸不如唔好比。

已前柴灣燒味不錯的選擇，但近年越做越咸，失敗，燒味啊唔係老味，得個咸字重要極咸.失敗，燒味，好食有水準，人地真係食得出架，買燒鴨，我真係已為你左盐水浸鴨我，咸到透心

二月下旬‧晴已不常來這一區了，難得重來，立即來這裡買條叉燒。這裡的叉燒好吃之餘。還可以自選。那懂選的在下，當然吃得到好貨色了。再說一次，叉燒要選圓碌碌的，不用帶肥，也鬆化好吃。因為是脢頭肉，就這樣簡單。25元一條，便宜抵吃。

每次去開配藥~我都會黎呢間野買"叉燒燒肉飯半肥痠叉燒多薑蓉多色"~真係食得好唔健康~但係I'm LOVIN IT!!!我個人覺得呢間野既叉燒先係最好食~尤其係叉頭~佢唔似其他店既叉燒咁~一係肥到食毫~一係就瘦到d肉死實死實~對我黎講~o岩o岩好~我又好偏好佢地既燒肉~雖然冇燒腩骨咁好食~但係跟飯既燒肉有咁既水準~唔錯啦~以前間野好似好檸貴ga~依家20蚊個雙拼~仲有野飲~滿足飽肚~就是如斯~

琴日睇完跌打,夜晚要踢波.諗住買個叉鴨飯食.去到呢檔野.叫左叉鴨飯多汁($20雙拼送野飲)鴨燒得脆,叉燒夠香,同埋幾淋.買嘅途中,個師傅望左我隻腳一下.之後佢話:靚仔,隻腳整親睇跌打就唔好食咁多汁啦.之後俾左少少汁落個飯度.做街坊生意係有人情味d.未食都加分.

廿蚊6隻啖啖肉足料夠甜唔乾身絕對下次會再食可惜遠左D~!師傅斬料速度超快!

佢一向係柴灣出名多人幫襯ge燒味店呢度d叉燒半肥瘦, 好好味今晚係食返琴晚食剩ge叉燒水準都keep 到(雖然比平時咸左d)但係肥瘦比例都係咁正~~p.s. 好似加左價, 買左hkd22.00 好似仲少過平時hk20.00

lunch去買雙拼飯盒$18仲有紙包涼茶送,超值啦~份量十足,女仔真係一盒可分兩餐食!!阿姐又好呢:要肥.要瘦.要淋.加菜盡管出聲有求必應.平靚正!