真味海鮮菜館

Open Now

Now Closed

帶7個台灣朋友來遊長洲～在網路一找找到這家～點了4人套餐跟乾沙牛河、沙爹肥牛粉絲鍋、炒豆腐～全部都超好吃！！！！！！他們都超滿意！阿姨也很親切熱情，教我們怎樣吃瀨尿蝦～～～大推！

2個人叫左個$288 4餸餐同其他舖頭比，餸既選擇都比較少，不過起碼唔多中伏，服務又唔錯，6:00左右，2個人入到去都唔會安排我地坐垃圾位，一開始去左另一間好多好評既餐廳，一入到去見我地得2個人就叫我地坐後巷，態度又差，我地立即走，就走左黎呢間啦！椒鹽炸鮮魷，魷魚爽口彈牙，炸皮又冇甩哂出黎，數量又多，好食過上次藍色枱布個間粉絲扇貝，唔推薦，肉質硬避風塘炒蟹，蟹好細隻，但係炒得好香，不過試完就算，唔會下次再叫豉椒蟶子，呢個好好食，肉質鮮美彈牙，份量都算多，炒得又好味，下次都會再叫番呢個

有時兩個人，想去大排檔食下飯，或者去食下海鮮都好難，因為兩個人食量好有限，黎長洲呢間就岩晒啦！長洲有好多間都有套餐，海鮮小菜任你配搭，好岩我地兩個人而食量又唔係好大的人，可能因為lunch關係，加上係平日所以冇咩客，間間都好熱情招待我們，最後揀左呢間原因係佢送兩個白飯比我，哈哈！我們今日叫左3個餸的套餐，$168，加多支可樂，埋單$180。首先睇下邊三個送啦！京都骨，評分：10/10呢個菜加左好多主觀分數上去（唔客觀）因為我同我的最愛都好鐘意食京都骨，酸酸甜甜送飯食係好一流，其實一上木台我第一感覺係好細碟，不過由於兩個人食，而且我們食量唔大，所以都好夠食，如果多人食，或大食的人，就會覺得超級細碟。椒鹽鮮尤，評分：10/10比好高分原因係炸到個皮好香脆，但一d都唔厚粉，好多時去大排檔，係厚粉都個皮跌晒出黎，仲要係成碟油，勁樣衰，但呢一碟完全沒有呢個問題，炸得薄粉又香脆，亦唔會好鹹，我食野其實偏淡口味，太濃太鹽都唔鐘意，呢碟係完全滿足到我要求。最後係粉絲蒜蓉蒸扇貝，評分：8/10呢碟賣相扣分，白雪雪以為會冇咩味，但食落口，有蒜蓉味搭救，所以都好食，粉絲吸左蒜蓉味，簡直係全碟精華，至於扇貝質

昨日入長洲渡假，入得離島自然搵海鮮食喇，見到門口有百寶鴨，就想食，因為唔多地方有呢味菜，點知可能星期五無咁旺場，賣曬,老闆娘話想食最好預訂，無計喇，唯有食海鮮，點左一斤海蝦（彈牙，蝦殼硬，夠鮮甜），兩條班仔（火喉控制得好，夠滑），原本想食大海班，因為無曬貨，焗住食班仔，椒鹽鮮魷（好好食，夠脆鮮魷又唔乾），豉椒炒聖子王（夠火喉，聖子彈牙又夠味），蛋白蒸花蟹（蛋白好嫩滑，花蟹鮮味融入蛋白中，好好食），腐乳抄通菜，中牌都好大碟，好食。

今日諗住難得閒日放假，去食個海鮮餐啲姐姐不停話好平好平 唔新鮮可以換，咁我就入左去未叫餸都好好服務架一直到叫左3個餸之後啲嘢食又上得慢都算啦咁叫佢不如比個湯飲下先啦叫第1,2,3,次都無人理 個個都好好好之後就無左影叫到我想發脾氣，第4個姐姐先話好好好入去拎出黎到上菜啦，蒜蓉開邊蝦，辣酒煮花螺，清蒸倉魚無一樣係新鮮既份量又少，好失望，已經失望到唔想叫佢換，因為唔想好好好之後又無人理諗住去比錢走就算結果比錢都係叫左3次先有人理平係平，但係...咁既服務態度，咁既食物質素你要入去食我諗你真係要諗清楚

其實如果唔係話追求食好大隻，外國進口既海鮮，只係過下口癮又想新鮮d，有d feel，我非常喜歡到長洲食！來個大半日遊可以到處行下，日頭掃街，夜晚食個海鮮餐！呢度有唔少餐廳選擇，最少都有兩餸選擇，唔驚得兩個人食得唔多無得食！價錢其實同我地係市區食小菜差不多！媽咪教落，食嘢當然都要格下價先得，最後揀左呢間！四餸餐：有好多選擇，最後我揀左：📌油鹽水瀨尿蝦：size細細隻，不過算鮮甜，稍為massage下就順利開殻，有一隻仲有糕添，lucky！大約都有十幾隻，而且浸左湯既粉絲都幾好食！👍🏻👍🏻📌蒜蓉粉絲蒸扇貝：扇貝size都屬於袖珍版😂，唔會有厚肉，不過算新鮮也有口感，同粉絲蒜蓉一齊無得輸啦！😋😋📌清蒸黃立倉：火候剛好，肉質滑，不錯！📌豉椒炒蟶子：最失望，d肉係無味，仲有少少沙😞😞平日無咩客人，店員送左個📌炒菜仲有大大煲📌例湯😍😍，湯出奇地好飲，唔太覺得有味精，係佛手瓜紅蘿蔔豬肉湯，雖然食到好飽，但d豬肉又幾好味，煲到好稔又無雪藏味，正！叫左一罐zero，一隻可樂，一碗飯買單HK$278，抵啊！👍🏻👍🏻

今日去咗長洲閑遊半日每次入去都一定要食下海鮮😋😋因為真係又平又新鮮其實海旁附近多數海鮮餐廳我都幫襯過不過我覺得"真味"比較好，姐姐服務態度亦唔錯👍🏼行到攰攰地，入去叫咗三個海鮮食下$168餐牌上面任揀三款 豉椒炒聖子分量算多，聖子新鮮又爽口而且亦都加左好多青椒，入晒味😍😋😋油鹽水煮花蜆個湯雖然比較淡味，不過都吸引我飲咗好多蜆嘅份量都多，冇沙而且新鮮😋粉絲蒸扇貝雖然扇貝只有手指公咁大，不過又幾鮮甜爽口👍🏼👍🏼

這是我第一次寫劣評。一來，我自己真的很怕貓咪。當我吃到七成的時候，竟發現店裏有一隻貓咪走來走去，真的嚇到我立即衝出店外。作為一間食肆我覺得不應該養動物，不論是貓還是其他動物。因為動物的毛髮可能會飛到食物的上面。第二個原因給劣評是因爲這裏沒有服務可言。由於天氣熱，所以我們選擇室內。除了我們一台客之外，就是另一台街坊麻雀。細小的舖裏打麻雀已經好嘈吵了，服務員更要只顧觀賞麻雀大賽，完全忽略我們叫他們下單，沒有反應。另外一提，這裏的食物比同一條街的其他餐廳偏貴。這裏的二人餐收費＄268，有三個餸加一個菜和一個湯。而其他餐廳只收$168。但公平說一句，這裏的菜色算不過不失， 除了條魚蒸得過熟，令肉身比較梅！

繼續長洲傲遊的下集, 在一個不長不短的漫步之後, 我們緩緩走到西灣路遠眺石鼓洲一直等待至日落時份看着咸蛋黃慢慢地往西邊下沉, 整片天空映出鮮黃再轉為紫紅煞是漂亮, 煞那間很羨慕住在這島上的島民, 因為他們想看的話哪一天都可以, 不似我等城裡閒人, 一望無際的除了天和海之外中間多了不少長方/ 隋圓柱體!講回是晚晚餐, 我們是先到街市買海鮮再到上址給店家加工的,我們買去加工的計有:海蝦兩斤: 全部很大隻,灼得緊緊熟,蝦頭的羔還很流質,而我們看見隔離枱叫店方提供的只是細碼, 真的差別很大啊.蒜泥蒸迷你象拔蚌: 一人一隻, 蒜泥雖然不多但已經很煞食, 新鮮貨好難煮得唔好食炒蟶子: 一隻一大揪蟶子肉, 童叟無欺, 很容易就可以計到有多少隻,薑蔥炒花蟹: 又是完整数得番出來, 個汁嘅味道拿獵得很準確,如果多一點青蔥更好,在真味點嘅菜式如下:雞半隻: 肉質唔會太淡白已經好好了, 皮下脂肪亦不多,椒鹽鮮魷: 一炸起即拿上來, 鮮魷味道夠新鮮, 炸漿不厚炒菜兩碟: 全部水準之上,!芋頭扣肉煲: 份量夠且夠味濃, 重口味必選, 扣肉肥瘦相間, 好此道者必食揚州炒飯: 夠镬氣, 料頭也不少呢**食物沒有彈的

昨日一早同家人到長洲玩, 一心打算食D出名好餐廳, 因時間太早(11點半).... 它地都未準備好, 呢間D阿姐開始的時候又特別熱情, 結果上當了.....D野食一D都唔新鮮, 不過價錢平, $218 食四個海鮮, 唔可以有高要求~ 不過其他菜館好食好多囉~最唔滿意是它自稱服務宗旨"真誠真意", 但只因有客經過, 而我地三個人又坐海邊位, 結果食唔夠一個鐘就叫我地埋單趕我地走, 實際上當時仲有好多空台的兩個字, "失敗"..... 希望呢D唔會在長洲再出現啦~

我從來都無諗過寫食評，但呢間野真係不知所謂。難得有幾日假期，同男友來個長洲一日遊。夜晚行到攰攰打算搵個地方食野，決定在海邊旁的餐廳食海鮮，之後就選佐呢間。我地到佐門口問個阿姐係咪要羅飛，佢大大聲話係，問我地幾多位，跟住我地話2位，佢係張白紙度寫佐2 個，跟住就叫我地係門口排隊，都低能嘅，既然要羅飛，點解仲要排隊，算，反正度度都咁多人。我地等佐半個鐘終於有位，坐低後見佢個2人餐幾抵食，我地就叫佐呢個餐，有抄蟹，瀨尿蝦，蒸倉魚，抄時菜+個例湯，都係$198好啦，等佐20分鐘，終於上佐蒸魚同抄蟹，諗住其他都好快上啦，點知到我地食完曬果兩碟，仲等佐10分鐘都未上，催佐3~4次，D人好似聽唔到咁。我地隔離台遲過我地半個鐘來D野都上齊啦，不過佢地十幾個人，我見廚房全部都係出多人的菜先。咁係咪我地少人就唔洗上菜先？我地都有俾錢架。到最後我地嬲嬲地話埋單，叫佢地扣返果幾碟嘅錢，佢地先話整緊跟住好快上佐來。最後我地一肚氣食埋就走，個抄菜仲有好多沙，個例湯到最後都無上到，不過算，我地唔想再等，俾錢走人。呢間野真係衰到無人有， D野又唔新鮮，又唔係好食，以後都唔會再食，俾錢買難受。

星期日同屋企人一齊入長洲玩下, 一心諗住食海鮮, 點知卻換尼一肚氣!呢間餐廳既服務係我見過最差既去到門口, 問D伙計係自己搵位定排隊, 佢話:" 你自己等啦! 見到有位就可以坐"之後我地用左半個鐘終於等到有位喇!諗住搵個伙計執執枱, 點知呢個時候有個阿姐大喝一聲:"唔賣枱喇!"我地問佢咩意思, 佢話:" 我話唔賣枱啊! 我依家無枱啊!"跟住佢即刻衝過尼摺埋我地等左半個鐘果張枱!!!!!!!!!!!!!!!!!我地同個阿姐講:" 係你啲伙計叫我地等到有枱就可以坐低架" 阿姐: "我依家無枱啊! 你要罵就罵啦! 我都係無枱架! 唔關我事! 你搵番個人出尼罵啦!"我未試過遇到啲咁不知所謂既服務態度!其實去得的咁既地方食野都唔期望有咩服務可言, 不過就無諗過會畀人罵番轉頭!如果佢係一開始就話無枱都算, 但係佢係喺我等到張枱既時候先出聲! 仲要罵番個客轉頭!大家都係食餐飯啫, 食到好似我咁一肚氣就無謂!

我跟朋友到長洲玩,已預先打電話去BOOK枱食飯,時間六點半,當我地係預定的時間到達(係18:28!),那個女店員(不知是否老板娘?)竟然對我地講:之後就冇再理會我地,繼續招呼其他食客入座!我地係BOOK六點半,有遲到嗎!?憑咩話等左我地好耐!?而俾左張枱人地?同埋係有位GE,唔係應該我地優先嗎!?否則我BOOK來幹嘛!!一係由一開始就同我講沒有BOOK位,點解有BOOK位但冇位,仲要比你話係我地問題!!!WHY!!之後仲直接無視我地GE存在!!我覺得一間餐廳無論D食物幾好食都好,如果D店員都係咁GE質素,唔駛妄想我會行入呢D餐廳一步!!

偷得浮生.往長洲作半日遊,行完北帝廟,經過此店.阿姐大力推介這裡的海鮮套餐,四人套餐$298,內容包括有魚,蝦,蟹,貝,肉,菜等六個小菜.便姑且一試,依次上為:生炒骨 - 大大碟,肉多又新鮮,味道適中,好!椒鹽蝦 - 大大隻海中蝦有十多隻,蝦新鮮,又治味,連殼都吮埋!薑蔥重皮蟹 - 三隻重皮蟹,有膏,幾好食!蒜茸蒸扇貝 - 扇貝八隻,稍細,蒜茸與粉絲不多,味道O.K.清蒸海鮮 - 約十兩重的細鱗,新鮮,火候亦剛好.好味道!清炒小白菜 - 菜細細棵,炒起大大碟,清清地做中和.不錯!另加一個粟米魚肚羮 - 魚肚夠多.濃稠適中,又夠熱.掂!再加兩枝啤酒,兩枝汽水,兩碗白飯埋單$397,價錢O.K.

When it comes to Hong Kong style seafood in Cheung Chau, I should have believed fellow 'Openricers' rather than a magazine for Japanese tourists.Ordered scallops: alarm bells should be ringing when supposedly 'fresh' seafood dishes are at a fixed price (as opposed to by weight).It's the size of a HK$10 dollar coin. Six in one dish.Veggies are normal.Salad roll: eight large fried dough with shreds of scallops, scrimps and thousand island sause. It's ok.Didn't order any fish because I overheard pe