盛記粥麵

與家人外出用餐，由於天氣突然變得清涼，所以想吃粥麵，暖暖胃。在佐敦路過一家粥麵店，看到門外有個「粥/麵/飯/腸粉優選套餐」的餐牌，滿足到我們的要求，亦見到店裡挺多人在吃，覺得可以嘗試一下。巧制手打肉丸粥：生滾粥，趁熱吃，滑滑的。手打肉丸，第一眼看似豬肉，咬開發現豬肉當中混著蝦肉。柱候牛筋腩撈麵 （粗麵）：柱候味道濃，牛筋和牛腩很軟，入味。粗麵沒有皂水味，簿身彈牙。湯雲吞：簿滑雲吞皮，包著大蝦，蝦肉爽口。香脆炸兩腸粉：腸粉滑，炸兩脆，口感很好，外面嫩滑，內裡鬆脆，再加上甜醬和鼓油，會更好吃。招牌薏米水（熱）+ 熱豆漿：整個杯子裝滿薏米，足料。有薑味，有陳皮。喝完一口熱薏米水，有溫暖在心頭的感覺。熱豆漿質感很好，像鮮奶，厚滑，豆味濃。…Read More

盛記粥麵 呢排天氣轉冷，搞到自己都有少少感冒。今日佐敦收工，經過呢間粥舖入面都幾多人食就走入去試試，順便請清下腸胃～ 特級花菇雞粥$55粥底稠身，花菇好大隻，雞件份量多且嫩滑。皮薄無脂肪，所以望落碗粥無油。 招牌雲吞麵$41一上菜望到有4粒雲吞，每粒都好足料飽滿。鮮蝦味重，口感彈牙。麵質爽口多黃，硬度適中；無咩鹼水味。配上鮮味甘香既麻油湯底，整體上唔差。 蜜味叉燒腸（加配價$30）叉燒蜜味好夠，肉粒足料＆肥瘦均勻。外皮透薄同滑身，唔會好似出面有啲糊口質感。 炸鯪魚球（加配價$34）非常爽脆彈牙，鯪魚同胡椒香味十足驚會腥味既朋友仔可沾上蜆蚧醬，帶點陳皮咸香＆提鮮作用。熱豆漿（加配價$12）豆香味濃郁，唔會太甜唔錯 📍 佐敦白加士街11號地舖…Read More

盛記沒被 RicX san 响 uTube 介紹之前，响佐敦區雖然定價高，但出品尚做到高質。但自從被 RicX san 介一介紹，排長龍不特止，仲可以開埋旺角分店，講真我都希望食肆們做得住，不過經過今日個外賣之後，我諗我今次真係死心了。今日見凍凍地叫咗個及第粥 + 叉燒腸，打去叫外賣時已經叫佢走蔥, 煮果個當然無理照落蔥，如果我係對蔥過敏可能成碗粥要倒，anyway，唯有自己攆走佢，之前食外賣有响個叉燒腸裡面食到有透明膠帶，所以我今次食嘅時候自己已經特別小心，不過今次個腸粉係正常嘅，不過碗及第粥嘅豬雜就是壓倒我嘅最後一根稻草 - 圖中所見果揪豬潤唔單止無切開咁簡單，佢連果舊豬潤塊薄膜都未清干淨，舊粉腸一食到有苦味已經即刻吐返出嚟, 然後舊豬肚一咬發現有餿味已經即刻吐返出嚟, 咁就無咗$88其實盛記不嬲都係偏貴嘅, 不過佢之前都係好食嘅 (未變網紅之前) , 咁我覺得好食, 仲keep 到個質素都算, 我之前連响個外賣腸粉度發現條膠帶, 都可以執開佢繼續食埋個腸粉, 但呢獲真係忍無可忍, 睇過 RicX sen 介紹, 你哋都係繼續去排隊啦, 雖然佐敦真係無乜 lunch 選擇可以揀, 不過經過今次....唯有堅放棄佢…Read More

在佐敦與老友經過這間粥麵店被吸引住，雖然已經飲過早茶，但2點多都可以來個下午茶的！來到佐敦白加士街怎可錯過這間粥店！ 二人點了雲吞麵 41元 / 碗雲吞有四粒，先嚐湯有鮮味雲吞滑而有肉香蝦又爽，麵条煙韌有彈性。魚腩粥 46元粥底綿滑稠度恰到好處，魚片也很嫩滑鮮甜，真是碗好粥！炸兩 3O元腸粉爽滑中間的炸麵稍嫌不夠脆口，但粉夠滑一樣的滋味！炸鯪魚球 34元 / 4粒鯪魚球炸得金黃色富彈性，點上蜆芥醬特別惹味，魚味鲜濃。熱意米水 6元甜度適中，好潤喉。凍奶茶 10元港式口味，茶味香濃。這粥麵店很不錯！真的行過勿錯過！…Read More

雲吞足料，加埋辣椒油更上一層樓！牛腩河啲腩好咪，薑葱牛肉麵啲牛肉過左下熱水好嫰滑！加埋杯好足料既薏米水就真係perfect！最緊要真係快靚正，由餐廳運作，入座安排去到樓面都好有香港既味道。…Read More

今日同老公去佐敦護協買嘢，經過盛記粥麵，記得盛記嘅粥麵真材實料，食過一定返尋味。而家天氣凍一於入去食碗粥暖下肚。優選套餐比較抵食。雲吞麵：雲吞好足料，餡料內鮮蝦好爽口，湯底用大地魚熬製，味道香濃郁又香甜，湯內放有韭黃，能提升湯的鮮味，味道香濃，麵的軟硬程度亦適中。炸鯪魚球即叫即炸，味道甘香爽滑，醮蜆芥的味道特別惹味！盛記艇仔粥：粥底濃稠適中，有很濃的米香味，配料豐富，有鮮嫩嘅魚片，爽口嘅豬皮同魷魚，加埋花生同蔥花，食落鮮香度十足。脆炸兩：香滑腸粉包住脆卜卜油條，再加上豉油、麻醬和甜醬調味，無論口感和味道都好豐富。熱豆漿：豆味香濃，甜度適中。熱奶茶：入口幼滑如𢇁，香濃可口。油菜：有多種蔬菜選擇，揀咗菜心，菜心翠綠爽嫩，加添蠔油增加鮮味。…Read More

今天同朋友週圍行下，大家覺得有點肚餓，原來已下午2時，就找附近餐廳，行下見到這間粥麵店，大家想吃輕食些，就入了去吃，店舖細細，座位寬倘，看了一會餐牌優選套餐-任何一款 (粥/麵/飯/腸粉)  第一份選了雲吞麵，麵好爽滑身，雲吞彈口嫩爽，濃鮮蝦香味同鮮肉香味優選套餐-加配任何一款 (一份)  選鮮蝦腸粉，比較粗條，好嫩滑，蝦身爽脆口，鮮蝦香味濃郁優選套餐-任何一款 (粥/麵/飯/腸粉)  第二份選配水餃河，幼滑粉底，大粒餃身， 入口軟霖彈牙，特别鮮香肉味同鮮菜香味優選套餐-加配任何一款 (一份)  選了炸鯪魚球，有4粒，每粒炸得好圓圓脆皮，鮮濃魚肉香味，彈脆嫩口優選套餐-再加配任何一款 (一份)  2份選了招牌薏米水 (熱)飲一啖好清新香薏米味仲有點薑味，另一種搭配味道感，杯入面滿滿薏米豆，甜度剛好…Read More

又同咗Daddy嚟呢度食粥麵！呢間係我哋暫時食過最好食嘅！所以每次想食啲港式地道美食, 都會諗起呢度！識叫一定係嗌優選套餐！🥢黃沙豬潤撈麵有好幾塊厚切嘅黃沙豬潤, 熟度剛剛好, 一啲都唔乾唔嚡口, 爽口嫩滑, 完全冇腥味！配埋爽彈嘅撈麵好正啊！另外必點招牌薏米水！加入薏米、薑🫚、其他配料, 啲料都佔咗三份二杯, 份量十足！🥢招牌狀元及第粥 有豬腰、豬膶、粉腸、豬肚、豬肉丸, 粥底口感綿密, 裏面仲加入葱花、薑絲、生菜絲等等, 全部用料新鮮, 非常暖胃！🥢蒜香南乳炸雞翼 好香口, 肉質嫩滑, 有蒜香！🥢蠔油生菜生菜新鮮爽脆, 配埋蠔油唔錯！…Read More

今晚在佐敦做完野放工，買埋個外賣返屋企食唔使煮。去左佐敦白加士街盛記粥麵叫外賣，今晚叫左優選套餐：招牌雲吞撈麵，炸雞翼拼炸鯪魚球，凍薏米水。另外再加馳名鳳城水餃麵，蔥花蝦米炸兩，熱豆漿。招牌雲吞撈麵：雲吞都算大粒，入面料都好足。大大隻蝦混入新鮮豬肉更加好味道。撈麵個麵底軟硬得宜，撈起個味道都好好。炸雞翼拼炸鯪魚球：雞翼入味好味道，炸得脆口，而鯪魚球同樣炸得表層香口，而入面好香鯪魚味道。仲有個蜆芥汁可以點埋更加鮮味。凍薏米水：好多薏米又唔會太甜。有益的飲品利尿去水腫。馳名鳳城水餃麵：鳳城水餃大大隻鮮味可口，麵都係軟硬適中。蔥花蝦米炸兩：米香十足，蝦米香口而炸兩同樣出色。熱豆漿：唔會太甜，好香黃豆的味道。…Read More

【魚腩粥】近日，我品嚐了一碗魚膠魚腩粥，滋味頗為可口。粥底滑潤，魚腩鮮嫩，為整碗粥增添了不少風味。然則，食畢之後，感覺口渴，或許是粥中蘊含了味精或其他調味成分，然此尚待考證，因我難以辨別其間的差異。此外，蝦米腸之份量相當可觀，搭配甜醬與麻醬，口感極佳。若能再添些許芝麻，定能更添風味，增其芳香。總體而言，這碗魚膠魚腩粥乃是一個頗為不錯的選擇，適合喜愛清淡而又富有滋味之友朋，然則飲水之道，尚需留意。…Read More

聽人講話呢間雲吞麵好食， 今次我喺專登過嚟試吓有幾好。 餐牌上食物選擇都幾多， 叫咗雲吞麵， 豬肉丸粥各一碗試試。話咁快雲吞麵送到面前，已聞到好香嘅.湯底味道。夾起麵條時會聞到少許鹼水味， 但食到入口又出奇唔覺有鹼水味， 麵質幼細爽脆。 湯底夠清，非常鮮甜，飲晒成碗湯， 完全唔會口乾。至於雲吞餡料味道濃郁， 有大地魚濃香味， 蝦肉量多爽口， 雲吞嘅大細適中。 呢碗雲吞麵有功架， 真材實料， 色香味都出色。至於碗豬肉丸粥， 呢度嘅粥底較杰身，粥底煲得唔太綿滑。 肉丸食得出是手握， 味道質感是可以。個人認為呢度嘅粥對比起雲吞麵來講會較為失色。…Read More

今日去到佐敦既盛記粥麵，去到要等位，餐廳非常爆滿👍🏻我地叫左個2個優選套餐，首先選擇粥/麵/飯/腸粉一款，另外可以配油菜/腸粉/小食等等，仲有飲品，好抵食我被佢個黃沙豬膶吸引左，一於叫黎試！🥢盛記招牌雲吞麵雲吞大小適中，蝦多肉少，亦唔會好重麻油味，麵質爽口，唔會好重鹼水味，之後我加埋辣油，勁香👍🏻🥢黃沙豬膶腸粉真係要用出色去形容，豬膶可以做到外脆內軟，咬落去一啲都唔柴，一條腸粉入面有5-6塊豬膶😍🥢炸両腸粉炸両好脆而且咬落厚實，唔係空心，加埋麻醬，甜豉油，無得輸個餐我仲配左凍豆漿，食完野飲杯凍野，爽哂😆…Read More

狀元及底粥雖然要價$55 ，但係份量超級大！而且裏面嘅料都好多，粉腸，豬腰，豬潤，豬腸，豬肉丸全部各有兩大件。而且仲好爽好彈牙好新鮮，粥底都好出色，超級綿，仲有薑絲好鬼正，如果細食啲嘅人可以叫一碗粥再配吓小食咁樣蔥花蝦米炸两呢個等得比較耐，因為廚房要即刻整，腸粉皮超級滑配埋香蝦米同蔥花，比起普通嘅炸兩提升好多，而入面嘅油炸鬼都超級脆，最後油炸鬼都仍然保持脆嘅質感，而且一啲都唔會有有益味，佢哋旁邊配嘅呢一個豉油係佢哋製食落去甜甜地有啲似煲仔飯嘅豉油店舖招牌薏米水呢個真係有驚喜，果然係對得起招牌呢兩隻字，一般嘅薏米水同佢哋做法完全唔同，佢哋嘅薏米水係會加入薑，所以飲落味道好豐富，而且少甜，入面真係有大量嘅生熟薏米超級好飲！…Read More

到佐敦接太座，想快快用餐回家，天氣轉涼粥麵絕對是comfort food，於是再訪盛記。士别不久已成人氣名店，點了兩個套餐分享。蔥花蝦米炸両油條香脆，腸粉皮薄惹味，加上混醬味道豐富。細蓉麵條煙韌彈牙，雲吞皮薄饀靚，加上鹹香大地魚湯，質素不輸給麥字頭名店。蝦球艇仔粥底軟綿，蝦球結實雞絲鹹香十足，還有豬皮魷魚等，粥底綿滑。腩汁菜心爽脆清甜，火候剛好。檸檬薏米水微甜足料，十分解渴。還有甜品桑寄山蛋茶，滋潤一下，大滿足。…Read More

近日流感肆虐，我都感冒了😷…今日唔煮飯，叫家人放工返買粥比我食。家人喺九龍返工，所以嚟到盛家買外賣。揀左2個優惠套餐，叫主食就可以用優惠價加購小食、飲品。我覺得佢哋嘅食物幾有驚喜🩷🩵我哋揀咗：黃沙豬膶粥、口水雞飯，配蒜香南乳炸雞雞翼、炸鯪魚、黃沙豬膶腸粉，仲有熱奶茶2杯。好驚喜嘅係豬膶拎到返屋企都唔會變鞋！又厚又好食😋，粥底又綿又滑，調味剛剛好，食完都唔會口渴🩷腸粉即叫即整，好滑、好多餡。口水雞做得出色，估唔到佢估雞好滑！個醬汁辣得嚟好惹味！值得再食👍🏻👍🏻炸物小食都好得！尤其係鯪魚球，炸到好香、好陣牙，唔會好粉❇️炸雞翼就香脆入味。連杯奶茶都沖得夠濃，岩哂我！…Read More