Morihachi Kitchen Tamago (Closed)

第一次嚟食,因有團購COUPON, 我們點左一個肉眼扒餐,一個照燒雞扒蛋包飯,青蘋果蟹肉沙律,黑松露長通粉.扒餐有湯及飲品,湯係雜菜湯,熱辣辣足料,好味呀,唔會好咸,味道啱啱好,入面有些紅蘿白,菜等,GOOD. 蛋包飯有兩種汁,忌廉及燒汁,蛋皮好薄的,入面的飯係蕃茄味道. 幾好味呀,唔會好濕,剛好,蛋上面有幾件雞扒,一些白蘿白溶,雞件都OK,幾香口的,整體份量算少,汁好多.蘋果沙律,蟹肉真的十分之少,青蘋果十分酸,加埋D沙律菜一齊,好開胃呀. 黑松露長通粉好香呀,上面有些芝士的,長通粉都幾入味,呢個好味呀. 塊扒都幾好味,用鐵板上,夠晒熱,都好淋好多汁,還有一些薯菜,好味.…Read More

進店內，暖色系設計，枱與枱之間唔會迫迫的，幾岩想搵個地方食野加埋傾計既朋友仔丫！第一次黎到，雖然知呢到蛋包飯比較出名，話需如此，打動不到我喎 ：p睇睇menu 先～*同媽咪兩個人共進晚餐^^ 我地叫左「黑松露野菌地雞焗長通粉 $76」，加$15 有餐湯&雪糕～是日餐湯，雜菜湯，味道普普通通啦，雜菜很少，值得一讚係湯夠熱咋！睇上去好似平平無奇，份量不大。估唔到，入邊咁多芝士多到可以每一下拉出芝士絲喔～ 芝味蠻香濃，調味不錯。略厭材料太少了，一口一口長通粉只掛著汁但係無咩材料... 「皇室香草地雞意大利烤包 $59」（menu註明：店長推介），店員傳上菜時，差一點以為比錯左我, 似素菜包多d咁wo , d雞肉呢 @，@ 哇，塊雞薄過蕃茄青瓜，oh my god! 烤包外脆內鬆軟，醬汁蛋黃醬同樣不錯，但... 我真係唔滿意塊雞薄到食唔到咁，唉... 加埋一成$60幾元個包，真係差左d wo!有d失望，唯有寄望甜品啦。餐入面，我要左芒果味雪糕。第一口，已經知道是牛x 公司貨色，味道當然大家都明白，意想不到係整個雪糕入面有好多碎冰夾雜住，影左相，希望你地睇到。另外，點一客「特濃黑白 Tiramisu究整新地 $39」，100分為滿分；賣相80分，味道得10分。第一、杯入面一層啡色一層杏色完全唔滑之外，仲要個質地好實, 到底雪得太耐定材料問題？第二，Tiramisu味在那裡，只係食到朱古力味道。甜品相當令人失望。如果今次唔係買左團購$58 當$100 coupon, 評級一定給你一個(哭）。價格定位略高不算最重要，可惜，食物質素如此... 希望店方加以改善！…Read More

第一次見盛八有團購，買左2張(面值200)同屋企人去食。 任何食加$10or $15 or $20 可選加湯沙律雪糕，但並沒有冷熱飲，感覺麻麻。幸好食物滿意，特別係我既長通粉，面頭好多芝士，仲要焗到「趣」！好有heart....…Read More

妹妹生日飯❤️一行四人於六點前入座，因尚未到晚市，只有一檯客，故可安排近窗的四人座位。先點了三份下午茶，後點了幾款小食。魷魚圈（小食）和薯角（下午茶餐）最為出色，炸物夠熱夠脆，配蜜糖芥苿汁一流👍兩款蛋包飯比以前跟朋友吃的較為遜色。蛋夠滑唔會太老，不錯。牛肉蛋包飯的汁濃味而忌廉汁味較淡和偏稀，以下午茶餐價錢算不錯。芝士西蘭花不過不失，不過蛋不是糖心？大阪燒多士材料非常足，配沙律不錯。朱古力雪糕夾餅，個人非常喜歡。朱古力雪糕有濃厚牛乳味👍因為套餐只包咖啡奶茶等，故點了一杯特濃3.6牛乳熱朱古力。（只需半價）外型非常漂亮，一入口朱古力味非常濃，甚至蓋過牛乳味？喜歡朱古力的可以一試。總括而言，盛八食堂算是一個可以和朋友休閒聊天吃飯的不錯選擇。唯用餐時，身旁侍應們聊天的聲音較大。…Read More

難得入屯門, 9時了, 快要餓暈, 友人介紹之下, 就入左呢間盛八試試.可能都交啦, 不用等位, 直接入座, 服務也算OK, 因為都不忙, 所以好快手下單, 上菜.由於太餓, 所以多回2個小食. 而且平日ORDER 主菜, 可半價叫DRINK. 剛好見ROSE MILK TEA, 就又試試.3款腸仔 : 味道普遍, 腸仔是脆皮, 咬口不錯. 幸好有個蜜糖介末醬.3款炸物 (雞肉, 洋蔥, 薯角) : 雞肉不鞋不嫩, 味道尚可.  洋蔥太油太淋身, 不回也不脆, 而且沒味道. 薯角是最正常, 飽肚而有味道, 配茄汁一流.牛肉蛋包飯 : 友人覺得味道不錯, 可以一試. 滑蛋幾好.白汁野菌黑豚肉漢堡蛋包飯 : 黑豚肉漢堡超級硬, 切都已經好難切, 進食時覺得好乾好硬, 而且冇咩肉味. 蛋包飯是茄汁底的飯味道不錯, 只是蛋皮好薄好乾. 加上個燒汁超級難食, 好怪的味道. 難以接受.ROSE MILK TEA : ROSE味都重, 但杯奶茶唔夠熱, 同埋茶味清淡.Tiramisu 朱古力凍咖啡 : 友人ORDER的, 味道應該OK.…Read More

已經有近兩年時間無來過，入座後才發覺有八折，飲品又半價；店員安排入座時又問我地有無會員卡/團購，感覺好有好有好有中伏 feel =o= 眼看四周，入座率低得很，真心覺得伏已中，不過既來之則安之，蛋包飯難食極有個譜掛魚子媽吃的是香草地雞蛋包飯，有齊燒汁與蘑菇白汁鴛鴦配，雞肉除了煎炸過火外，整體感覺還不錯的，而且蛋皮包飯的技巧也很到家，裡面是飽滿的飯粒，而蛋皮好鬆軟爸爸選的是 Hayashi 牛肉蛋包飯，與前者不同的是用上炒滑蛋來蓋飯，加上大量Hayashi燒汁和燉牛肉粒，味道相當濃厚，如果奄列飯的蛋是鬆軟，這個又做得相當幼滑細密，頓時心感安慰未有中伏見人人都加飲品，我地要來一杯巨峰提特飲，味道偏甜但吃起濃味的主菜也需要一杯凍飲魚子醬的兒童餐花了好長時間預備，不過出來的效果好精緻啊~! 奄列飯也加了哈哈笑，而包裹著的是茄味飯；炸香腸就過火了，還是大人吃好了，薯角就炸得非常通透脆身，點上冰凍的茄汁一流~! 魚子醬最愛吃的粟米也有一小杯，而小甜品ge部份就是碎粒的Jelly，都幾彈牙ga~~魚子醬一直吃一直吃，差不多吃了九成蛋與飯，超級叻叻，但其實背後兒童餐狂熱的是媽媽，這裡的印象分都幾高~~不過如此的特價招數與人流~希望不會突然死亡啦~~ …Read More

同屋企人去左屯門,媽咪話之前同朋友食過呢間,就介紹左比我地去試.:)環境幾靚,好有cafe既feel,而且食物選擇亦相當多,揀左好耐先決定好.黑松露味麵算係幾出,唔錯呢個係沙津,左邊果舊係薯蓉,右邊係南瓜蓉南瓜蓉好甜好好味牛肉蛋包飯,汁夠多,亦都好夠味,唯一就係牛肉有d "un"鵝肝漢堡扒,好正煎得恰到好處到甜品啦~~窩夫好脆!!有兩粒小丸子,點埋d薰衣草汁,味道好特別薰衣草雪糕球用紅薯蓉墊住,紅薯好甜另外加$15叫左杯牛奶朱古力,味道有d偏苦…Read More

中午時過去可能剛開門沒多久，只有兩檯在用餐雖然有套餐供選擇，但難得有 cash coupon 當然點更好的陸續有客人光顧，店員也由一個變三至四個點菜後，第一道小食先上：吉列松葉蟹餅一上檯，得兩小半件，好似普通薯餅咁，入面係有蟹絲但唔切來睇下，就咁食唔覺囉。。第二道就係：吉列松葉蟹餅蛋包飯賣相好吸引，茄汁飯配白汁蟹籽秋葵伴碟茄汁飯配白汁剛好中和茄汁的酸度第三道就係：唔記得咩名，menu 就係松葉蟹飯隔離都係茄汁飯。。配香草汁加上四隻幾肥幾彈牙既蝦香草汁配茄汁飯又另一味覺，不輸給白汁最後一道：腐皮溏心蛋其實係乾爭爭既腐皮裝住半生熟蛋腐皮太乾身，需飲幾口水吞落肚；只覺唔值這價錢幸好有 cash coupon 才會吃正價間唔中吃盛八也是不錯的選擇…Read More

咁岩果日去天水圍，唔想系區內食野嘅通常去元朗大馬路，不過唔想去大馬路，就系OPENRICE揾到呢間，去完先發現呢間野系銅鑼灣燒肉專門店嘅分店，雖然幾貴，不過呢間賣新派蛋包飯的確幾吸引！第一樣到嘅系飲品：巨峰提子乳酸/蜜瓜乳酸/芒果乳酸/牛乳凍朱古力($30@)蛋形的鹽和胡椒粉罌吉列三盛（炸雞+洋蔥圈+連皮薯角，有茄汁+蜜糖芥末）洋蔥圈的確幾爽口，不過其他普普通通地雞蛋包飯傳統嘅蛋包飯只有茄汁，不過呢個系芝士汁+蘑菇汁，蘿蔔蓉可以減少雞肉油膩感，不過香草飯幾特別唔記得正確名，不過呢個系咖哩雞肉煎餃子，點嘅醬汁系辣油旁邊嘅配菜嘅沙律醬有Wasabi，感覺清新煙燻豚水煮蛋多士 - 好似溫泉蛋豚肉系煙熏火腿，多士選用英式鬆餅（即係M記豬柳蛋包個包啊！），切開/咬落去好多蛋汁流出，呢個系幾好嘅！不過搞到個包林曬！如果英式鬆餅 火局 儂D就好啦！因為當蛋汁流落英式鬆餅，就會無咁水，同埋吸到多D汁[鎮店之寶] 吉列松葉蟹餅滑蛋包飯都係芝士汁，有蟹子裝飾。松葉蟹餅其實系蟹肉薯餅，不過比出面好嘅地方系有絲絲蟹肉 …Read More

之前係呢度見到好都人都話好食，都想黎試下，不過未有機會！今年的生日終於黎左！同一生最愛的女朋友第一次來！可能係平日同過左食飯時間所以唔係好多人，一入去就有位！都幾大幾寬敞！坐低見到兩樽蛋形的調味器好得意！打開menu 都好多選擇！我地左睇右睇先諗到食咩！我就揀左個咩香蔥雞扒蛋包飯！女朋友就揀左吉列雞扒咖哩蛋包飯！其實個名唔係好記得，不過係咁上下！女朋友個飯有兩個汁，一邊係咖哩汁，一邊係忌廉汁！蛋入面D飯都係咖哩飯，都幾好食，唔會話好辣，少少已經好適合！原本我都想食，不過因為仲有D咳，所以唔敢！我個飯都係有兩個汁，一邊係燒汁，一邊係忌廉蘑菇汁！可能我本身唔係咁鍾意甜啦，個燒汁就甜D，加埋忌廉汁整體食落有D漏，會唔食得多！如果個燒汁唔係帶甜，應該會好食D！不過人人唔同口味，要親身試過先知鍾唔鍾意！除非係真係好難食，味道好差個D啦！他們D甜品同咖啡都吸引！但因為太飽了，所以決定下次再黎食！…Read More

上次晚市食話好多位,今日收回前言,原來午市多人好多,點解呢?原來lunch set 抵食過晚市好多!mini size蛋包飯(晚市2/3)+炸薯角+牛油餐包+沙律+冷熱飲品,加埋一都係$69不過魚柳好細舊:(蛋包飯大細岩岩好,食哂飽肚,男士食埋餐包配菜都差不多啦蛋滑飯香,薯角同魚柳香脆,沙律麻麻~今次飲奶茶,覺得咖啡好飲D~咖哩汁配咖哩飯底,有心思~…Read More

原味凍啡,自己加奶和糖水,我第一個反應係:一定唔係即溶啦XDDD幾好飲,唔會到發酸既苦味呢款口味比較清淡,見到用蛋白包都知啦~右邊係白汁,有加蟹籽,正左邊係香草汁,還可以~個人覺得炸蟹餅一般,無咩蟹味,似普通既吉列炸薯餅,下次唔會再試呢款:(蛋包飯好食蛋唔會太老,飯又燴過,加上兩款汁兩種口味,唔錯!盛八VIP都送幾多野喎~盛八官網不時有promote,我今次用coupon食平過正價$30,所以都OK~…Read More

今日放假,約左個FD一齊食野,兩個人都諗唔到食咩好,出面又落緊雨,我突然間又諗起上次自己食果間蛋包飯,經過商場就可以去倒,又唔洗淋雨,都係一個幾好既選擇....於是我地就去左果間蛋包飯度食野,可能係落雨關係,餐廳入面唔係太多人,唔洗等位就可以入啦.今次我就叫左個咖哩牛肉蛋包飯,因為上次食個焗飯,而餐牌上既相睇落都幾吸引下,所以今次就想試下D蛋包飯...個飯黎啦,中間個蛋包住左個飯,則邊就有咖哩汁`牛肉`薯仔同埋有幾粒星星型既野,睇落都幾靚.試下個飯先...咖哩得少少辣,仲帶有少少甜甜地....開頭我以為會好似出面食果D咖哩咁既辣度,我就問D侍應點解D咖哩都唔係辣既?佢就話因為呢隻咖哩,唔會太辣,只有輕微辣同有少少甜味....哦...原來係咁,到食D飯啦,個飯都係用左咖哩黎整,所以成個飯既味都好夾....而個FD就因為有太多選擇,自己都唔知食咩好....於事佢就問個侍應有咩好介紹,個侍應就同佢講不如試下呢度既招牌蛋包飯,叫做HAYASHI牛肉蛋包飯啦...聽完佢咁講,個FD就決定叫黎試下啦...個飯黎到既時候,我睇落去個汁同D燒汁都無咩分別,我就試左兩啖,個汁既味道真係好特別,唔似D燒汁既味道,有少少甜甜地,又有D甘甘地既味道,好特別,我都唔識點講....而呢個飯就用左D茄汁去整,個味道都幾好,食落都幾開胃,唔會話好似食白飯咁既感覺.....[IMG:2]由於我地兩個都未食野,見到餐牌上有D三文治都幾吸引,就叫有個3.6厚蛋三文治(好似係呢個名),因為出面食既三文治果個蛋都唔會咁厚,所以見佢個蛋好似好豐富咁就叫黎試下(我都比較鍾意食蛋)....果然,份三文治出到黎同餐牌上既係一樣,個面包仲烘左底,有少少脆脆地,而個蛋食落都幾滑,有D外脆內軟既感覺...真係好好味.....今日又試多左3樣野...但都仲有好多未試...我諗下次都要叫多D人一齊去食,可以試多D唔同既蛋包飯....…Read More

同男朋友去食蛋包飯慶祝生日:3每人叫左一個飯,一個好似叫咖哩牛肉飯,另一個好似系雞扒蛋包飯因為set dinner既關係所以可以以半價叫埋杯飲品,我地都叫左杯泡沫朱古力咖啡:):)咖哩牛肉飯個賣相吾系咁好:(無咖哩味又少牛肉粒:(份量對一個男生應該還可以... 雞扒蛋包飯有兩個汁(忌廉磨菇同燒汁)跟飯上. 因為本身我吾系好鐘意磨菇,而且佢既味道較淡,配上味覺好濃烈既燒汁才得以中和. 塊雞扒燒得幾好味又厚肉又juicy話明食蛋包飯又點可以吾講佢d蛋呢咖哩牛肉蛋飯d蛋系炒到好稀既炒蛋,之後成塊放上去味道一般.雞扒蛋包飯塊蛋好吾同!好結實包住個飯食都仲食到少少蛋味:)還可以呀順帶一提,兩個飯都系炒飯!相當不錯!最後杯飲品(泡沫朱古力咖啡)好好味呀!濃郁既咖啡加上少少既朱古力,仲有少少cream 味道真系一流!食完個飯再嘆埋杯飲品真系更上一層樓既感覺呀!環境又舒服,都算系一個傾計既好地方…Read More

是夜只得我和老媽開飯, 見母親大人對門外MENU甚感興趣, 便決定今餐吃蛋包飯等了約十分鐘, 便被安排坐在可以容納四人的卡位, 十分寬敞內部裝潢以木為主, 牆身有關於蛋包飯的漫畫, 整體感覺悠閒雖然餐廳滿座, 周圍亦未至於太過嘈吵, 可以和坐對面坐的老媽輕鬆聊天由於老媽很少吃日式西餐, 於是拿著MENU左睇右睇十分鐘MENU內每款菜式都有相片, 清楚易明, 而且非常吸引眼球這裡主打蛋包飯, 有不同醬汁如芝士忌廉, 燒汁, 咖哩汁, 香草汁和茄汁等選擇再加上多款配菜, 需要時間慢慢挑選蛋包飯以外, 主食亦有焗飯和焗意粉, 再加上三文治, 小食, 沙律和甜品, 實在是豐富的菜單選好了溫泉蛋煙肉蘑菇焗長通粉和吉列雞粒咖哩蛋包飯, 便叫侍者落單侍者態度有點散漫, 問他燒汁是甜或咸, 他都答不上口長通粉很快上枱, 賣相比MENU遜色一點, 焗盤中間放有溫泉蛋一隻吃下覺得芝士汁太少, 而且屬淡味 (看先前幾個食評都是偏咸, 為何這次淡而無味? 看來是水準不穩)部份長通粉沾不上醬汁, 幸好有溫泉蛋的蛋黃補救, 未至於太乾不過最大的問題是煙肉太肥, 雖然已切成粗條狀, 但還是有部分煙肉整條都是肥肉, 好滯煙肉以外, 還有蘑菇片和大量洋蔥條, 不吃洋蔥的我把它們全都揀走了就在吃長通粉的時候侍者端上一容蟹餅蛋包飯, 如前面所講, 我們點的是吉列雞粒咖哩蛋包飯因為老媽不吃白汁, 當然要求更換, 向侍者反應後, 亦立即拿走那碟來錯的蛋包飯怎料再拿來的蛋白飯, 竟然又是錯的! 這次是吉列豬柳咖哩白汁雙拼蛋包飯見有咖哩汁, 免得麻煩下就沒有再要求更換了至於蛋包飯的食味, 聽老媽說就是一般般, 說是蛋和飯都偏淡服務生心不在焉的態度實是一大扣分點, 同區中算中價位置的盛八, 應有更好的服務不然這個加一服務費, 是白收的…Read More