Morihachi Yakiniku (Closed)

7位美女約埋一齊食燒肉放題，呢間一路都想食，約埋放工後大食一番~book 左位唔使等，一埋位就叫：呢個豆腐推介，清甜得黎又有蟹籽又有沙律 燒肉一盤盤上，簡直係誇張~燒肉真係好食，平時食個lunch 得幾塊，今次真係可以狂食，仲每人送左一塊和牛，和牛係好味啲，食落唔會有渣~係咁燒係咁燒，兩個小時真係唔多夠~仲有啲熟食， 如吉烈炸蝦，款式不過不失啦！最後黎返個豆腐雪糕漏單情況係有既，所以建議佢一遲少少無黎，就好叫waiter 幫你跟跟單喇~…查看更多

盛八一向都有水準，之前成日同朋友嚟食lunch set，感覺抵啲，同埋佢唔會令你失望今次同埋朋友大解放，決定食宵夜放題，由於一早book咗位，所以唔洗等好耐，嚟到就有得食大家睇番openrice入面提供嘅餐牌，其實好多款食都有，上至前菜，沙律、重點嘅燒豚肉、牛肉同雞肉就當然有，仲有飯，烏冬，又有飲品同雪糕任叫添最重要就係，我哋叫咗好多轉，佢都無漏單，大多數都足份量送到你面前，去到後段簡單就係感覺食極都食唔完咁，所以大家都係叫嘢食放面唔好太浪費咁多樣食物中最推介大家食燒蜆，個蜆可以慢慢燒，佢自己熟咗次後會開蓋，入口時都有啲水份而又爽，又熱，感覺一流……果然佢啲燒肉都好保持水準，有肉同鮮味不過朋友就話烏冬差少少，個湯唔夠熱，但個麵質好「林」，相比下和牛炒飯比較吸引! …查看更多

聖誕夜，與朋友前往音樂會後，也只是十時多，太早又未想回家，於是決定找宵夜吃，突然想起很久沒吃過日式燒肉，於是找上了盛八。到達餐廳後發現，原來不少人想法相近，於是我們會看到聖誕夜的宵夜時段是全場滿座，幸好等了一會便有枱。我最喜愛的食物是芝士豬肉和牛肋條，前者經過爐火洗禮後，芝士蓋在豬肉上，配搭出來的味道豐滿﹔而後者則受惠於自身和其他食物被燒出來的油份，再加上本身肉質，令其軟硬度適中，配上一點燒汁更突出牛味。其他一些可任點的菜也不錯，例如蜆和番茄都值得encore。外加50元可任點飲品，大約是兩杯的價錢，相信比逐杯order抵，除非你怕飲太多會影響食量。不過個人而言，一般吃燒肉都會想多喝點飲品，因此我和朋友都要了這個50元任飲的選項。飲品種類算ok，不過也不要抱太大期望，始終主打是燒肉，飲品方面，可以解渴就好。(註：酒精飲品不包括在任飲選擇中)…查看更多

食物質素真係唔掂食呢間不如去食其他放題啦呢間真係服務態度又差黎嘢食的時間又慢我地黎果陣明明好少人，只有三四台客但係咁都漏單而且d炸物係凍嫁，係凍嫁，我地食咖喱雞軟骨同吉列炸蝦！d牛真係好唔掂做佐會員都覺得唔抵，千其唔好做會員！坑你成千蚊後，入面話就話有六百蚊，但係每次只可以用100蚊！我就覺得唔抵啦，你地自己諗啦！而且！只可以選擇單一優惠！…查看更多

燒肉放題真係我至愛。。呢間好標準唔好食咩又唔係。。好好味咩又唔覺相對有得Book位。。個場唔多人環境都Ok既。。係熱左D。。Openrice Coupon送既海鮮一份(如圖)1帶子，2蝦，1舊蟹殼。。3個人去會唔會小家左D。。唔緊要送既唔洗錢冇所謂澳洲和牛。。張相誇啦啦。。實物吹📯呢個有比錢啦掛。得2大片。燒埋一人一啖都冇。。唉嬲嬲🐷啦。。張相唔好咁大呀嘛。人地會失望嫁。。不過又真係好有牛味唔緊要我地一心都係食牛助骨肉同牛胸腹呢兩樣真係屈機。。保持到唔係放題時既水準。。芝士豬腩肉。香草汁雞腿肉。豆腐雪糕。都幾特別。幾好味。其他店難搵D。。不過佢D前菜，主食，小食。全部都偏低。。炸物凍既。。烏冬Feel到整左好耐。。汽水冇汽。。服務就真係不得了。。成班都MK人士。。大家明嫁啦。。語氣。態度。眼神。都係衰。好似欠左佢咁。不過我無不滿既。係我要求高姐。有禮服務稱唔上。打份工姐😂不過呢個價錢。。計番既野以前要500-600一個人。。宜家300。。我覺得Ok既環境:整體靚既有燒肉店風格，係熱左D食物:肉類係Ok既，其他就。。。。總括:整體無論價錢食物地點都唔錯。。不過相對其他幾家燒肉放題。我覺得其他感覺良好D…查看更多

今次係我第一次去盛八食晚餐，之前聽過佢個名都仲未係燒肉放題，不過見今次有團購就一於試下。準時五點半上到去，誤以為去廁所條隊係等入座個條，因為兩個地方距離好近，即係廁所係門口旁邊。我地一行四人坐卡位，都唔錯，算叫做隔開其他人可以同朋友傾到計。抽油煙力度都好足，唔會話成間舖都好大油煙味，餐具都唔會油膩。實在係好怕入到去會好似迷霧森林咁…好彩…野食質素都唔要求咁高啦，畢竟係放題，唔算難食放到入口就可以啦。不過上菜同收碟速度好慢，而且又成日比唔足份量(除左熟食係因為用碟計所以上足之外)，冇一樣係寫幾多黎幾多。寫份量4同1係完全冇分別，好彩遇到個侍應落錯人地個碟ge咪可以食多d囉。佢一開始有問加唔加多五十將送個碟澳牛轉和牛，食完之後我地都好慶幸冇加到，因為澳牛其實已經夠食，質素都唔錯，如果冇特別嘴勺人士係唔需要加都可以接受。至於飲品就差少少，都算叫細杯，因為係普通茶餐廳個d闊身矮杯，成日飲就太快要續杯。而且佢個三款自家調製飲品都唔算好突出，基本上就算唔係一齊放入口都分唔到三款，不過都算解渴同令燒肉冇咁油。其實叫到第二輪已經覺得冇咩好再食，不過蜆同大啡菇都係狂叫名單首選，只可惜每次叫番黎份量參差，忽多比少，真係難估過六合彩…雖然上菜速度慢，兩個鐘只夠我地四個人食四輪，唔算太飽，如果正價食就要三思。…查看更多

星期三夜晚放工同同事過黎食野飲酒，唔洗排隊。點左個二日套餐又加點左牛舌同小食。飲左梅酒同青蘋果啤酒。野食quality都算高，好新鮮。 牛舌好好味！泡菜餅都好好味但係就好細份！ 服務方面就需要改進啦！想點多杯啤酒都等左足足半粒鐘 叫左3次！…查看更多

本人在旺角區上班，今天中午時便去這間餐廳吃午餐。星期一至五的午市定食十分便宜，當中最抵吃的便是燒雞肉定食，$45，另加一。定食包括生雞肉一碟，白飯，飲品和麵豉湯。雞肉方面，雞肉都算肥美，有5-6件，而且都十分鮮嫩多汁，又很入味，味道不錯。由於趕時間，我們3個人將全部雞肉一次過燒，十分壯觀！麵豉湯方面，普通的吉野家質素，味道一般。飲品凍熱同價，我叫了熱檸茶，味道都不錯。白飯都幾大碗，好像是日本珍珠米，但又好像不是，不過白飯太乾了。價錢方面，燒雞肉定食$45另加一，即是$50，都算便宜。總結來說，這間餐廳的午市雞肉定食十分美味，喜歡吃雞肉的朋友可以一試。…查看更多

想貼錢買難受就幫襯佢啦！幫襯了呢間「盛八燒肉店」起碼幾年，終於忍不住呢間店職員的服務態度，當顧客是出氣袋，比錢吃飯還要受氣，全部經理，職員對顧客承諾的的都可以不一致，態度又如趕客，昨晚終於食到忍無可忍，將所有買來的現金禮券退回，永不幫襯！…查看更多

宵夜時段男員工服務態度好差 過幾日下午再去食有一名收銀女員工態度都很差 但午市兩名服務員態度都很好。宵夜食物質數差很多 而且很大油煙 冷氣不足很焗 相比早一兩年差了很多 已經不想再續會員 用完coupon都不想再來了…查看更多

Friend子有天突然看到某FB post介紹某任食燒烤店後，便萌生相約去吃任食韓燒。但我們近日的荷包狀況較為緊拙，便選擇9點半開始的平價宵夜時段。可是當我們正想打電話book時，被告知9點半只是等位時段，正式入座是10點，所以立即決定由韓燒轉場到9點半可以入座的「盛八日式烤肉」。盛八有多間分店，當時友人打電話訂枱時告知我們尖沙咀分店的booking已滿，但旺角分店是不能訂枱。（網頁上寫有電話訂枱服務提供，有點摸不著頭腦）我們便9點10分到達，9點半時便有效率地立即安排好座位環境比較暗，但裝潢充滿日式風味，有的是卡位，有的是包箱，有的是開放式普通長枱。一坐下，侍應已經很快拿出menu, 解釋在宵夜時段大大本menu book內的全都享有7析，而特別餐牌上的有5折優惠。事前我們先看過餐廳的基本資料，我們便以為這裡是日式燒烤放題，但發現是沒有供應的。（O.S.可能只限尖沙咀分店有放題供應）貴族極黑和牛肩胛（上）由於入座時是宵夜時段，特別餐牌上的和牛肩胛能由$158勁減至$79，特別是看到「和牛」二字，再看看價錢，完全陷入「如果不叫，就會對不起自己」的心態，馬上order了一份。由於牛肉易熟，烤得太耐會韌，所以我們小心翼翼地烤一烤，又番一番。烤完想吃時，但又要顧著烤爐上其他牛肉片，再要不停番番牛肉兩面，讓它最佳狀態品嘗。（好忙🙈🙈）我們烤到兩邊變色，還有少少粉嫩時便停，所以口感鮮嫩柔軟，加上蘸上紅卜卜又小小甜的辣醬，更為美味！抵食！所以再encore~~~燒汁牛肋骨肉（下）價錢雖貴點點，要$128一碟，但真心物超所值！口感再較腍軟，脂香豐腴，牛香味較上面的牛肩胛重本人更喜歡牛肋骨肉推介海鮮拼盤大大隻帆立貝、脹卜卜大蝦、粒粒均圓的蜆、紅卜卜魷魚和長長蟹腳全都放得好精緻美觀，而且更加是「睇得又食得」！剛烤完的帆立貝，它上面的牛油和點點香草完全溶入貝內，食落香香的，而且口感爽口！大蝦更是體貼地處理過，已經事先開了邊，燒完後也很輕易原殻取出，食落更是鮮甜彈牙！蜆仔十分新鮮，讚賞蜆肉一點沙也沒有魷魚烤完後十分入味，有點點甜甜辣辣，我再點本來醬油碟中的辣醬加強辣味，真的辣得過癮！蟹腳都十分鮮甜，而且又是事先處理好，用筷子一通，蟹肉便出來了～～岩鹽豚肉豚肉的脂肪比例不太平衡，脂肪較多，油脂多而燒得更為順暢，不會容易痴網。鹽味不太重，口感是爆脂的，兩片已經令我過不了自己的心理關口😂😂肥肥～～但豐富的油脂感是滿足了我口舌之腹的😚辛口胡椒味噌士手羽先其實是已經醃好的雞翼仔，食落香口入味，啖啖肉～最後每人都只是$235落樓，跟平時放題價錢差不多。但如果這個價錢，可以吃到這個質素，我寧願選擇今次散點的烤肉。可能是因為人越大，胃容量越少（工作坐得多，想懶健康，越吃越少），更為追求質素大於「抵食任食」的心態。…查看更多

係香港食日式燒肉一直都貴+唔飽...估唔到有餐廳肯用平民價黎做放題!個人非常喜歡放題lunch... 因為有大半日時間比你慢慢消化~~掛住食食食... 所以唔得閒影相...一開始佢default會比個海鮮拼盆你...唔知可唔可以reject... 不過見份量唔多就照食...海鮮質素麻麻，有蝦、扇貝、蟹腳、蠔所以唔會encore出食物速度ok.. 不過量一定比你所寫的少...所以密密寫...牛舌、牛腹肉、一口牛肉、豬頸肉、雞翼全部都咁好正！汁都唔洗沾，原汁原味最好味飲品來的速度有點慢... 臨埋單叫左個和牛炒飯... 好味! 但非常大碟...4個人份量就差不多... 幸好男友食得落... lol唔係就浪費食物了..…查看更多

在旺角放學後，約左舊同事覓食。呢個舊同事蒲開旺角，一問之下就揀左盛八日式燒肉店!根據同事所言，在這餐廳吃過兩次中午放題，口碑十分好，所以極力推薦我一齊享用。其實，盛八推出左午餐90分鐘無限任食買一送一優惠! 價錢少，享受多，就是呢次的特色!睇到有4 種套餐，我地就揀左中等位$138那個!始終係午餐，食少少就好啦!唔好搵命博!大驚喜! 估唔到湯底有咁多款可以選擇!太有選擇障礙症啦!最後，揀左頭:黑蒜豚骨湯底!唉! 呢個湯底實在太重口味，煮沸後，收左水仲咸! 搞到我無限加水混淡點!望向隔離台係韓式蜂蜜牛油豆乳湯，嘩，好似惹味D!朋友也話上次試過，很好味的!叫完湯底後，就到外面既範圍自助式拎火鍋材料!各式各樣既丸類、菜類、麵類，午市也會有提供不同種類既食物! 沒有收起，出少D架!說到底，都係牛肉火鍋，所以我都只係揀左幾款丸類，有芝士丸、蝦籽丸!飲品類也自助形式!講真禁機我都信唔過，始終怕溝左水或合成飲品!梗係揀左雪櫃既道地牌子!夠曬正氣、健康D啦!整個放題既重點：牛肩肉非常優質既牛肉!因為食落係彈牙!試左所謂美國進口牛肉，係的確缺乏左彈性!相信牛肩肉位置，牛有做到運動所致!另，豚肉就另一種質感，不過不上牛肩肉既肉感!所以，貴多30蚊也有道理!因為之後只叫左十幾碟牛肩肉呀!完美的點綴: 乳酪雪糕自己親手拉一杯雪糕再加上其他配料，非常可口! 建議大家可試試加軟糖，因為溝埋雪糕係非常有咬口架!…查看更多

最近見團購有燒肉放題任食燒汁牛肋骨、芝士燒黑豚、鐵板香草牛油海螺燒等過百款美食週六及假日2小時放題就訂枱試下牛肉牛肉質量是好的.牛肉切成小塊又軟又嫩.牛舌較薄容易煮.豬肉切薄片較薄容易煮.蛤蜊和蝦是新鮮.飲料是杯裝,每個人只限在同一時間有一杯, 喝完可以再下單.我們一行2人，下單4件,來的食物就只有2件,一人一件, 提交4張紙只來了2張單食物, 嚴重漏單!  服務員在入座一小時便Last Order (最後下單), 還要等45分鐘沒有食物或飲料, 甚至吹促才來第二次，未試過食放題食成咁囉........最後夠鐘未飽亦要走人.這叫放題? 實在離譜！說些公道話,食物質量不錯! 整體食物量就像午市套餐一樣! 好心咁寒酸就唔好做放題啦！想去食呢間放題的朋友，就自己諗過先！…查看更多

來到旺角逛街的時候，走在路上總會被一陣陣香噴噴的燒肉味所吸引。今天特意找來了盛八，原來是有提供下午茶的任食燒肉，真是一餐就可以全日不用再食野呢。裝潢很日式，燒肉也可以坐Bar枱？當然，下午茶人數不多，我也可以坐到卡位。日式鐵網燒爐，太概就是用來分日燒和韓燒的最好方法。但燒上來的時候才發覺爐的火力不太平均，可惜已為時已晚，不能轉爐了。每枱都送上一碟海鮮，只此一隻，不能再點。也要細心品嘗才可以。帶子值得一讚，肉質軟淋，大大隻加上大量牛油，十分的香，而且早已起肉，方便反面。主菜當然是肉類併盤，牛和豬都分別有不同的款式和味道，很多選擇。特別的喜歡牛肋肉，牛味十分的出眾，而且肉與軟淋不怕太結實。還有其他不同的小菜，這碟泡菜餃子，外皮烤得脆脆，又是另一番風味。…查看更多