Morihachi Yakiniku (Closed)

前幾日我同朋友4個人去呢間食飯，埋單嗰時每人290幾蚊。我哋就諗住AA制叫個店員將找翻嘅錢平均分4份，點知個店員唔知有心定無意見我哋一班年輕就找少我地＄100左右。好彩我哋都算醒目數番啲找錢，個店員唔知係咪發現穿煲就會暗地裏塞番＄100，然後再正式俾返＄100我哋。即係故意陷害我哋攞多咗＄100，事後佢哋打電話俾我哋要挾要報警有閉路電視作證，事實上根本就係不誠實嘅奸商。本人強烈建議大家唔好光顧呢間不良食肆😡仲有呢間野明明寫都有兩個鐘嘅放題，但未過90分鐘就叫人last order，根本就唔夠時間食，感覺上好似俾人昆多鑊咁👎…Read More

今日與同事們工作至太夜的關係，為了滿足大家的肚子，就好自然的上網尋找燒肉放題的食店吧。 今次揀選尖沙咀的盛八是因為方便大家回家的路程，在未有特別研究食評之下就去光顧了﹗ 盛八於21:45 - 23:45設有宵夜燒肉放題，價錢有分$228 (連澳洲和牛1份)或$298 (連日本和牛1份)，+10%下都不算太貴。我們點選了澳洲和牛下，等了不久就送至枱上了。澳洲和牛的雪花都不錯，而稍為煎香後再入口一刻都覺得頗嫩 (當然，與日本和牛的感覺應該你得比吧)。之後，不論我們點選了肉類也好，海鮮也好，店員都會跟足Order十足的準備好相關的食材，這點絕對需要在此讚賞的﹗而每款肉的部位都有不同的醬汁配搭，令我們可以慢慢試齊每款的味道﹗搏殺了大約1.5小時後都已經差不多飽了﹗而由於雪糕都是任食的關係，大家就好滿足的享受完甜品就埋單吧﹗…Read More

一班朋友聚會 六月之星生日會本來想食打邊爐 但因為越來越少人得番四個人如是臨時轉場 中午兩點打咗十幾間終於可以book到位即晚七點半早咗十分鐘到 一邊明明又係都要坐喺門口等咁我哋都係到咗三個仲有一個味道咁就一齊喺門口等下啦一到七點半即刻個個衝入去原來呢度係任食但係限時兩個鐘梗係有abc餐嘅通常限時得兩個鐘我都唔會食啲好貴嘅餐因為就算揀a餐, 其實我哋都係食唔曬所有嘢嘅由於係飲食 咁我哋就四個人 於是每樣都叫咗兩份試下先整體嚟講啲嘢質素都好高我最喜歡食嘅就係牛胸腹加咗幾次同埋佢有一個和牛四人就比4大片都係唔錯嘅具體有咩食大家可以睇相呢個價錢呢個質數我就覺得係物超所值…Read More

今晚約了男朋友食晚餐, 想搵間餐廳食好少少, 最後訂了食盛八燒肉放題以前曾經團購買來食過一次, 平好多, 大約HKD220左右, 但是我找不到它最近有做團購, 所以食正價啦, 星期一至四, 我們又可以6點開始食, 加埋一都係HKD240,  OK啦~一開始當然把所以"疑似"好食的肉都點一份 >< 滿足下食肉獸個肚先, 上來一大盤, 牛肉已經有N款, 唔好問我, 我食了幾次都唔係好分到有咩肉, second order當然交比男朋友, 食肉獸對肉有要求雞肉都幾好食, 豚肉我一向普通, 所以主攻牛肉為主平時外面餐廳點一份都要百幾二百蚊, 今次點了好幾轉雞翼叫"手羽" , 豬肉叫"豚肉" , 好似去了日本咁, 高級晒~食了幾輪後就開始覺得好膩, 是時候點其他野食, 我一定唔會點烏冬同炒飯塞飽自己燒栗米燒到好乾 = =" 可能是因為我唔識燒……燒南瓜都OK…不過又OK飽肚下….."手羽"好細隻燒蜆幾好食! 有海水的咸味, 不用再落調味料, 我們食了20-30隻~ 應該回本了吧?最後, 當然是我最愛的雪糕, 盛八淇冰=豆腐雪糕, 每人一口氣點了各6球豆腐雪糕, 好食, 但食完真係反晒肚燒肉放題都係半年食一次好了, 食得太多肉, 我又肥了一圈............…Read More

6月30日食生日飯。放題兩小時。7:30pm準時入座。7:45pm入第一次紙。野食10分鐘送到。8:00pm入第二次紙 （只叫飲品）。野飲10分鐘送到。8:30pm入第三次紙。（直到9:30野食都未黎。）8:45pm last order ，仲要吹比錢埋單。已通知人追單但不了了知。所謂放題，只比叫一次野食。食燒肉但無冷氣，無抽風。當日好多人投訴，個個滴晒汗，野食只出一次。坐左1個鐘頭15分鐘追人埋單。根本係厄錢。己準備寫信投訴哩間搵笨店，如當日有份受害，歡迎留言，我會去信有關部門投訴。…Read More

食物質素差， 同以前散叫無得比！8點入座， 8點半叫你埋單先！9點就話last order! 除左第一round既order係正確之外， 其餘全錯！ 求其比野你食咁！最後甜品落左單無黎到， 要同3個唔同既職員再重覆講3似要咩甜品先黎！兩大一細埋單要$1060, 咁既食物質素同服務， 真係完全唔值。唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去 唔會再去…Read More

星期日夜晚同老公出下省城😅😅，去左呢度食新野😎😎我地冇book枱，所以早啲到，驚冇位上到去，問佢walkin有冇位，好彩佢話有😥😥入到去個侍應就介紹兩個餐，一個平啲，一個貴啲，當然揀貴啲果個啦，可以食多啲野，然後佢就送一客龍蝦尾同一客鹿兒島和牛，每人加$50.-就可以無限添飲酒精飲品打開餐牌，有驚喜👏👏竟然有松葉蟹身，仲有其他都好吸引，蜆，扇貝，有牛，牛舌，豚肉等等……過程唔講了，燒肉大致上都差不多，唯一要讚的是：松葉蟹身好甜，酒精飲品好靚，肉類好彈牙多汁😎😎😎最後每人食左碗豆腐雪糕就走了另外要讚的是洗手間好乾淨光猛，不錯的一間燒肉放題店😍😍😍…Read More

最近睇緊兩套日劇都有食燒肉嘅情節，見入面啲人食得咁過癮，於是同朋友提議不如去食日式燒肉啦。朋友本身suggest話牛角，但睇完餐牌之後見到盛八個日本和牛放題好吸引，所以最後就去咗盛八。🍴全長兩個鐘嘅放題有三款揀，我地兩個都揀咗B日本和牛🤤要留意返嘅係如果兩個人去，無得一個揀A另一個揀B或者C。因為A係75樣嘢任食，B同C係90樣任食。第一樣嘢上嘅就係大大塊嘅和牛，佢會畀把較剪你自己剪開佢。但問題係，塊和牛上嗰陣完全係一個啱啱係冰箱拎出嚟未解凍嘅狀態，好難剪。建議自己夾住塊牛係火上面解一解凍先開始剪。或者叫其他嘢一路食住先一路等塊牛溶雪😹另外叫咗啲海鮮：帆立貝、蜆、虎蝦同松葉蟹身，每樣都幾新鮮。但比起海鮮，我更鐘意佢個燒汁牛肋骨，好惹味。可以叫埋大葱同生菜，燒一燒d大葱之後，用生菜包住d大葱同牛肋骨食仲正！其實除咗啲要自己燒嘅嘢之外，餐單仲有好多整好咗嘅嘢食可以嗌。我地嗌咗碗溫泉蛋紫菜飯嚟送和牛，啲珍珠米軟熟程度啱啱好，送肉食一流，不過一碗已經幾飽，所以最好有幾個人share。個天婦羅蝦同蠔都幾好食，唔厚粉又脆又鮮味，比出面唔少日式餐廳處理得更多。值得一提嘅係個溫室青瓜，非常清爽，再加埋佢個秘製醬(個味似味噌)真係幾開胃，食到滯咗嘅時候可以叫返碟試吓。其他要燒嘅蔬菜就正正常常無咩特別。我地亦有每人加五十蚊任飲酒精飲品，因為食燒肉配酒真係正好多。仲要尋日喺happy Friday真係好難唔叫酒，當出去求其飲杯嘢，都過五十蚊啦。雖然價錢唔算平，但食到和牛，其他肉又好食，仲有海鮮同其他咁多幾好味嘅熟食揀，服務又唔錯，個人嚟講覺得幾抵，食得好滿意！…Read More

晚餐時段，揀最便宜的A餐，牛肉的選擇唔多，成晚基本上食雞肉/雞翼多。一開始送的一盤牛肉還可以 。服務滿意，只系食物唔吸引，人均消費$295。飲品不過不失，唔用鋁罐飲料，都算環保:)…Read More

第一次寫食評就係因為呢間咁嘅燒肉放題優惠時間9:55入座 $228+1揀左A餐 ''特選澳洲和牛''？嗌完野食，一上餐就已經知道中伏⋯我知一定啲牛肉唔會好似圖片咁靚架啦，但估唔到啲質素差到好似凍肉鋪啲雪藏牛扒咁囉！好失望野菜部分嗌左牛油大蘑菇⋯燒到牛油溶曬的確幾香幾吸引一放入口就出事啦⋯⋯咸到呢⋯⋯⋯⋯唉⋯已經冇乜胃口食落去所以清清地嗌左個讚岐冷烏冬唉⋯⋯味道係點我都唔識形容總之我食左兩啖就停左炸魷魚鬚真係真係真係乾到冇朋友！！！好食我諗都係得牛油粟米同杯⋯⋯雜果汁今次真係俾啲好評呃左…Read More

.澳洲和牛套餐 $208 (2小時任食).大夥兒一齊食飯，時間已經難相約，阿a又話唔想食雞煲，阿b又話唔想食cheap嘢，阿c又話「事旦啦」，再要諗食咩嘅話諗到出年都未諗掂；所以，好多時候都事不過三：「雞煲」、「放題」、「燒肉」。.想食返有少少質素又唔想太貴，可以叫普通嘅澳洲和牛餐，包一份澳洲和牛，其他肉類同配菜任君選擇，包括有<牛舌>，<特上牛五花>，<牛仔骨>，<牛胸腹>，<牛肋骨肉>，<黑豚>，<豚腩肉>，<豚拖羅>，<手羽先-雞翼>等等多達三十多款式，另有前菜和小食可以選擇👻。.如果價錢唔係問題，可以加$50嘗試升級日本鹿兒島和牛，更可以加$100享用升級特選，嘗試<厚切燒牛舌>，<鹽燒大蝦>，<頂級和牛小排>，<極上阿古黑豚>等等，絕對係另一種味道嘅享受😇。.提提大家，因為店鋪比較忙，飲品會容易漏單，最好一次過叫多幾杯，咁就唔怕口渴🤐。.時段，收費.任何日子：17:30-19:30 $228🤓21:30-00:30 $208 最抵食時段，加錢升級都唔肉赤👍🏻.星期一至星期四：19:30-21:30 $268😯星期五至日：19:30-21:30 $298🤑*另收取加一服務費.盛八日式燒肉放題店尖沙咀亞士厘道23-25號雅士利中心3樓旺角山東街38號38廣場3樓銅鑼灣怡和街2-6號英光大廈3樓#explosion日式#explosion尖沙咀#explosion旺角#explosion銅鑼灣#explosion九龍區#explosion香港區#燒烤 #盛八…Read More

韓燒就食得多，今次終於轉下，試下食日式燒肉先呢個係放題黎既，一開始每人會一份澳洲和牛加$50係可以轉做日本鹿兒島和牛，但係我地就無轉不過對於我呢講，食燒肉既話有一樣係必點既，一定係牛舌所以我地係瘋狂點牛舌個牛舌都ok呀，不過就唔可以燒太耐，如果唔係就會好似食香口膠咁，所以燒到岩岩好就可以食，d肉汁都仲有當然除左牛舌我地仲食左好多野啦，有牛五花，一口牛，豚肉D肉既質素真係唔差佢d小食都唔差，吉列炸蝦同天婦羅都好…Read More

BOOK左5點30個個時段 一去到已經入得唔洗等咁我地就要左日本和牛 $298+10% 1位咩都叫左D黎試 寫左1人份但真係小左D 之後都改反寫2人份D野好入味 唔洗點佢地既汁已經好食中意食芝士既一定要試下佢地芝士既兩款肉(已經唔記得名)D海鮮都唔錯 追加左2次上菜都好快服務還好 冇網上睇到話咁差 有野冇上到都會好快補反 但有多D笑容會好D呢餐好飽好滿足 會再黎食過 …Read More

食物質素真係唔掂食呢間不如去食其他放題啦呢間真係服務態度又差黎嘢食的時間又慢我地黎果陣明明好少人，只有一台客，都要我地坐近廚房位，問 D 侍應係十問九唔知，不知所謂…Read More

盛八系列2小時任食放題火煱 燒肉同樣出色 今次食燒肉，好滿足生肉, 熟食&飲品的選擇也很多 豚肉 牛肉 雞肉也很新鮮兩小時默默燒 默默吃真令人回味呢！團購 $198絕對值回票價…Read More