Mori Hachi Shabu Shabu (Closed)

日式火鍋放題我一向食開 “牛涮鍋”，原來出面有更多更好選擇我而家先知！話說睇完戲行完街無晒gas超肚餓，起初諗住响尖沙咀求其食，但又想食濕濕地既蔬菜，老公話咁即係打邊爐啦，即刻Openrice攞料，MK盛八好似平靚正，難得我想吞隻牛，由尖沙咀飛MTR去旺角，假期七點幾仲有大把位，心諗唔知會唔會中伏，但見價錢唔貴就試試佢啦！一入門口見到有部夾海鮮機，即時Ｏ咗咀，個膠杯圓碌碌真係無乜機會夾到囉。。。二人安排坐卡位，卡位超正，起碼唔駛好似搭枱咁，但唯一唔好處係出入唔方便。揀咗$198牛肩肉，肉質6碟都差唔多，大大塊唔太肥唔太瘦，豬肉叫咗1碟好有豬味，呢度肉既水準都唔錯。除咗肉之外，所有海鮮／蔬菜／丸類／刺身／飲品／甜品等等都係自助形式，最估唔到呢個價錢都有海鮮任食，蝦同蜆我哋encore咗好多次，雖然唔係最新鮮，但起碼唔腥，刺身就真係唔多掂，連最基本既三文魚都唔新鮮，真係唔好試呀！其他菜丸麵都係一般放題貨式，其中最特別係有一款三文魚炸物係超好味，不過出咗一次就無再出。至於甜品我只係試咗Tiramisu，唔ok呀所以都無再試其他，最後就食咗一杯超好味乳酪做總結收隊。溫馨提示：食得晒唔好嘥，有95折即時減，不過要醒目提店員呀！二人共消費：$414…Read More

好耐無行旺角通菜街，殊不知呢度開得越來越多食店，甚至吸引盛八系呢度開設距地ge火鍋專門店！！今日就同朋友黎試下~之前是盛八ge燒肉都覺得幾高質，唔知火鍋又點呢？？好好彩係第二次嘅時候朋友終於夾到，呢部機都幾易夾到唔似出邊嘅公仔嘅機好難先夾到一樣野。夾之前我哋睇到好多其他顧客既試驗，大約一兩台就會有一台夾到。上到去已經比距2部夾海鮮機吸引！夾公仔就夾得多啦~夾龍蝦/鮑魚真係第一次，原來凡系黎食火鍋都會每位客人拎到1個遊戲代幣去玩呢2部海鮮機！好新奇，不妨一試！坐底之後，我地就叫咗[日本和牛海鮮放題],距仲有好多不同種類ge湯底選擇,例如柚子,昆布湯底等等,甚至可以鴛鴦湯底都得!但我地就叫咗距呢度個招牌壽喜燒湯底!距呢度仲會提供麥茶比大家,唔好以為個麥茶系飲架,距系for倒落個湯底度架,會令到個湯底更加鮮甜,特別牛肉涮完之後都會鮮甜d!日本和牛果然系最好味,可以睇到每塊牛ge雪花分佈均勻,擺入湯度涮幾下就食得,肉質鮮嫩多汁,配合湯底真係鮮甜d,仲重要系放題可以無限追加!啱曬一眾食肉獸啊!打邊爐嘅嘢食超多花款，有好多款菜同埋丸，佢嘅芝士丸真係超級好食。而且仲有刺身等等，味道都OK 。而且呢度個自助area都好多食物選擇,有各種蔬菜同丸類啦,甚至各式精緻ge甜點,甚至可以自製yogurt添啊,種類都幾豐富,仲有刺身熟食等等。因為跟餐所以仲送咗個海鮮拼盤！有得夾海鮮另外都有海鮮拼盤真係好抵食。120分鐘ge放題時間,足夠大家慢慢食~如果同朋友或者屋企人食飯呢度確系唔錯ge選擇!:)…Read More

想約大班朋友開懷暢食，旺角自是不二之選。位於通菜街的「盛八日式火鍋放題店」，放題時間長達兩小時，而且食物超多，如果你是「夾公仔」高手，來到這裡更會有意外驚喜！ 盛八是樓上餐廳，以旺角來說，這裡可謂超大超舒適，約大班朋友來吃都沒問題；而且餐廳裝修美觀又企理，吃時就更加安心了。 甫坐下，店員就會按人頭送上代幣，大家可以走到近門口的夾公仔機一試運氣，裡面有一杯杯的龍蝦尾和鮑魚，如果你是箇中高手，那麼今晚就可以加餸了。 走到餐廳盡頭，有一個自助美食區，這裡有各式的日式丸、蔬菜、麵食、飲品等等，還有自助乳酪和雲呢拿雪糕機，想吃多少悉隨尊便，最搞笑是有一塊「蠱惑的芝士蛋糕」，表面是用噴墨技術打印的「牛肉」，用刀一切，卻發現中間是滑溜的芝士蛋糕，雖然造型有點嚇人，不過味道還是不賴！ 就連豉油區也不馬虎，無論你想加芫茜做成中式醬汁，抑或加芝麻醬做成日式醬汁，這裡都可以滿足到你。 火鍋選擇有很多，我們揀了「日本和牛海鮮放題」(早割，每位$338)，除了剛才的自助美食區可以任食外，日本和牛、澳洲和牛、美國牛肩、美國牛肉、海鮮、豚肉、雞肉等都是任點任食。 柚子胡椒湯底 湯底方面一樣選擇多樣，如黑蒜豚骨濃湯、辛口韓風泡菜湯、麥茶壽喜燒、韓式蜂蜜牛油豆乳湯等等，全部都相當有特色。 我們這晚揀選了柚子胡椒湯底，相當入味，看到粒粒胡椒在湯裡舞動，也會偶然吃到柚子粒粒，證明不是開粉沖出來，而是真材實料的。 日本極上和牛 美國特選牛肩 澳洲貴族和牛 精選海鮮七款 朋友是食肉獸，這晚可開心了，各款和牛都是薄切，無論是日本的或是澳洲的，油份都非常充足，脂肪入鍋即溶，軟腍美味；雞件也是推介，滑溜又入味；海鮮方面，鮮蝦和蜆都好吃，尤其是蜆，每隻都十分生猛，食材新鮮，自然美味！…Read More

星期六夜晚小倆口食呢間餐廳嘅蜂蜜牛乳鍋，原本我以為湯底會有啲膩，不過味道都尚算可以。食物種類比一般嘅日式放題多，有刺身、炸物同多款甜品，而火鍋配料包括部分海鮮都係任食，計落都算抵食嘅。呢間餐廳嘅另一賣點係每位客人都有一次機會去「夾海鮮」，即係用夾公仔機去將海鮮配料夾出嚟，個概念都幾新鮮。不足嘅地方有兩點：第一係菜嘅種類太少(只得三種)，對於菜控嘅我嚟講係完全唔夠嘅；第二係啲侍應有少少唔尊重客人，佢哋會大聲討論或取笑部分客人嘅言語舉動，我覺得有少少反感。…Read More

盛八日式火鍋專門店😎佢呢間都幾好架～有early bird special 17:30-1930 同21:30-1230 都會享有優惠架😚入座係125分鐘任食～湯底都有好多選擇～小編就要左柚子胡椒湯😍比起個名一啲都唔怪，有柚子既清新食落好match好特別👍🏿👍🏿～另外佢啲牛有分幾種💁🏽最貴個隻係日本極上和牛 Hkd 378 👀係有小小略貴但又真係好值得！啲牛係勁新鮮你睇啲紋都睇得出😍而且煮幾耐都唔會老！仲要入口即溶咁濟💯好嫩滑，貴啲都抵架！其次就係澳洲貴族和牛 hkd268 👀 一定會有啲對比，但其實都好食架喎～因爲啲肉全部都好新鮮👍🏿仲有個就係美國特選牛肩 hkd168 口感薄身啲爽啲，幾正架😉 佢啲配料有好多，丸類唔係普通出面食到個啲～又有沙冰，紙包飲品👍🏿甜品區有蛋糕，布丁，乳酪😍應有盡有，特別要食佢熟食區入面既盛八燒肉❤️真係好好好食！送飯一流👌🏾🔥性價比好高😚值得一試呀！…Read More

好想食壽喜燒，所以搵左呢間見佢有咩麥茶壽喜燒湯底，但係真係超超超超普通，甜醬油加茶囉，出面又冇洋蔥，大蔥俾客人加，咁張sample 做咩畫到咁講究叫人加左呢啲等佢哋出甜味先試到壽喜燒既味道。另外第一輪仲俾錯牛肉。首先有4款牛，要左198個款個質素係咁的：好明顯呢隻係最平果款，點解知，因為之後俾既係另一種質素。對於一個小鳥胃既人，呢種 mistake 真係接受唔到，但又唔可以浪費唯有焗住食啦，焗到個胃都縮。雞肉醃得過左，調味料味道太大。腥腥的蝦，尤魚 OK 。食完好大味，啲煙吹晒面。…Read More

第二次黎,上次同老公黎撐枱腳叫左個飛驒牛,真系好正好正今晚同阿仔接老公放工即興黎食個日式火鍋放題先,今次揀左[美國特選牛肩],松露豆乳湯好香松露味,下次都會再嗌哩個湯底...星期日7:30去到其實都唔需要等位,人唔多都有吉枱,服務員帶位後話有3個金幣比我地一陣出去部平時夾公仔果d機度夾海鮮,哩個餐本身都有海鮮(蝦/青口/蜆/墨魚滑/鯪魚滑..)同刺身,海鮮第一round可叫服務員上埋或自己出去拎都得,其實日式放題主要都系食豬牛雞,所以配料方面都系丸/餐肉/芝士腸/芋絲/蘿蔔/南瓜/菜/拉麵/烏冬....仲有一款麵就系用玻璃樽裝住乾身一條條既柚子麵,配料其實都算多選擇,仲有少量熟食(串燒雞串/薯條/雞[但系食落去系三文魚,唔知系咪未換牌]/飯/類似系湯既物體),講返豬就普普通通,牛就都唔錯,不過同上次(飛驒牛)一定冇得比啦,雞就好滑應該用胡椒粉奄左辣辣地!!食到甘上下阿仔最期待就系同爸爸出去夾海鮮,過左一陣阿仔好開心左手一杯(鮑魚2隻)右手一杯(龍蝦一隻已切開一半)甘行返黎,哈哈,有得加料,味道都唔錯咖渦飲品有芒果沙冰/橙沙冰/汽水機有3款飲品冇留意系咩/紙包(綠茶/巨峰/荔枝)/罐裝樂天,大約系甘上下,最後就當然有甜品,雖然好多款式,但我們這一家就主攻乳酪見出面好似仲有cake/泡芙/朱古力雪糕.....下次去食要留肚試下d刺身同甜品先!!!…Read More

今次係食午市邊爐放題，比起夜市少人好多，2個人排排坐面對牆，出入唔係咁方便，如果可以坐返面對面會舒服啲。 揀左 松露鮮菌豆乳湯底，原本係諗住試伏既，事實係好好味。（溫馨提示：湯底可以揀2款，不過要加錢）黑松露味好勁，湯底好濃，烚完既野食唔點豉油麻醬都好夠味，撈撈下仲會撈到粒粒既黑松露btw 有黑芝麻醬都幾特別，好香。肉方面淨係揀左最平個款牛加豬，味道ok,睇落都吸引既飲品和火鍋配料同晚市一樣多，有啲幾好食同埋未食過午市無刺身食，熟食少甜品選擇少，好彩都仲有朱古力噴泉同乳酪雪糕完…Read More

上菜慢 唔準 。order 8件黎6件（特級西冷）唔係一次喎 。入場又唔講食兩個鐘但1個鐘15分鐘last order 會唔會早咗d 唔多合理 。冇叫腸仔又黎想填飽個肚就算 。4個人食$1619 咁嘅价錢 唔多值…Read More

我呢個港島人都好耐未嚟過女人街，呢條街都好多外國遊客，今日天氣都乍暖還寒，行得都算舒服，但肚更要醫㗎，咁同埋表姐傾緊去邊度食，食啲咩呢？❛Deli2❜座落喺呢度都幾特別，姑且上去睇下，有一間盛八唔係港島嘅燒肉，而係火鍋放題，望入去都好寬敞優雅喎，都適合表姐呢類上等人啦！首先睇下食物嘅擺設都唔錯，睇得出花過心思，盛載食物嘅器皿都幾獨特，我覺得呢樣都幾重要㗎，可能我一向係有要求嘅人。見到火鍋嘅丸類都有十多款，蔬菜同菇類更覺新鮮巧究，有時火鍋食呢類嘢，真係覺得好似垃圾咁嘅。另外都食左啲韓式小食同串燒等，都覺整得幾有誠意。我就無牛不歡嘅，湯底重成十款我地㨂，我地㨂左辛口韓風泡菜同埋綠茶兩款做湯底，一辛辣一平和，夠極端呢！澳洲貴族和牛，肉質分佈平均，好似媽媽成日話嘅雪花肥牛咁，但我就較鐘意日本極上和牛啦！望落係好似肥啲，肥瘦分佈得無咁平均，但當一放入口，已經感受到和牛嘅嫩滑可口，柔軟彈牙呢！另外有一碟豚肉，覺得不過不失呢!最後想試下甜品，見到擺設得好精緻同吸引唔何係唔係已經好飽同埋想食番啲凍嘢，只係㨂左乳酪，甜度都適中唔錯。結賬後出到門口，重有準備左啲木牌，比客人寫上願望同掛上嘅位置，認真細心獨特呢！最後問下我嗰位超有要求號表姐嘅意見，佢笑笑口比左個 like..…Read More

今日口痕想打邊爐,男友想食牛,所以黎試下盛牛。我地叫左$268一位既澳洲貴族和牛,今日可能平日關係比我想像中少人,一坐低店員yu比左兩個銀我地話可以去夾海鮮@@原來係一部夾公仔機比你夾杯裝既鮑魚或者龍蝦,個夾好實好容易夾,我同男友一人夾到一杯。野食款式好都算齊全同好多丸比你選擇,好鍾意佢既蟹柳,唔同平時個時,佢呢隻好彈牙,又有飲品,沙冰,茶,甜品,比我想像中好。D和牛都好靚,但係黎錯左一次差既牛,問個店員佢都係話係我地個隻268和牛,但一睇d紋就知唔係同一種,不過之後再黎既都係靚牛,咁就由佢啦。都會考慮再黎食,但係有樣野唔好既就係你兩個人黎食唔係面對面坐而係兩個一齊面牆,呢個設計有點兒奇怪,仲要係卡位,所以入面個位出去拎野食野飲好唔方便。其他都不過不失,尚可。…Read More

講堅, 本人第一次寫食評, 絕非打手~~由於朋友生日, 3 支公想去打邊爐吹下水, 又想坐得舒服D, 所以上網睇OPEN RICE 搵下旺角打邊爐有咩好推介, 睇下一輪決定試下「盛八」!我地選左「美國特選牛肩肉」果個餐( 因為OPEN RICE 有COUPON, 其實只係平左$10 咁大把~.~)廢話唔講, 先講日式火煱放題種類, 完全無驚喜(預左唔多), 不外乎 X丸, X 腸, 無咩選擇, 甜品更加普普通通........到主菜牛肩肉, 論上枱CONDITION, 無結冰, 收貨論牛肉脂肪肥度, 唔多肥膏, 收貨論牛肉厚度, 算幾薄, 收貨論口感, 易入口, 唔騒, 收貨最後講下REFILL 個FREQUENCY 都幾好幾快, 可能因為果晚無咩客人~~HAHA-------OVERALL--------地方舒服, 好過酒樓, 食物種類少要主攻牛肉,唔建議高談闊論, 我果枱係全場數一數二大聲( 同環境有關, 哈哈)…Read More

天氣熱左無耐又凍返，同朋友食飯不約而同話要打邊爐。睇雜誌介紹過“盛八”響旺角開左火煱放題店，之前食過既盛八燒肉都有信心，就一於試下啦！ 旺角好多唔同既食店都逼逼夾夾咁。呢間完全無呢個感覺，空間感大之餘，裝修仲好靚添，有啲和風。我地問職員邊隻牛瘦啲，佢介紹左日本和牛加澳洲和牛。 我地都想試下日本和牛打邊爐，所以就order左各一碟！ 每碟原來份量都幾大嫁喎！ 澳洲嗰隻就少啲肥膏，日本嗰隻係肥啲，但肥位都幾平均。 澳洲和牛食落重牛味一啲,唔喜歡食瘦的朋友仔會覺得鞋身啲。 喜歡滑啲，重油味啲，入口似即溶啲既就食日本和牛啦。 湯底方面就選左特別啲嘅綠茶湯底同羅宋湯湯底，綠茶的好正！好濃既綠茶香，就算係淥日本和牛都唔覺好肥而嗰種香味又唔會好假。 除左和牛，出面都有好多食物選擇，有好多特别既丸，油炸鬼，好多唔同類型既麵，南瓜年糕等，不過牛太好味，所以都無乜機會食其他野。連個包既刺身都只係食左一轉咋。 食曬啲咸食，仲有少許位置放甜品！係有好多類甜品，我就食左兩杯乳酪同雪糕，冰點好高，唔太酸，又夠奶味！食完成身暖曬，食左靚牛又行滿足，坐得又舒服，計又傾得開心，有時要知足常樂，珍惜當下。 …Read More

本身膽粗粗，諗唔到食乜好，點知行到去旺角，見到間價錢好似好正咁，上到去環境ok,人又多氣氛又唔錯，但係食落啲肉唔新鮮，諗住試下啲sushi.啦～點知得五樣揀，重點係。係sushi bar 個服務員係廚房吹水，叫極都無反應。要搵另一個服務員去叫個師傅。總之唔會再有下次。食完一次就算啦，唔好再伏下一次，真心唔掂呀。…Read More

盛八應該好多人都聽過😃見到有團購就去飛驒牛淨係聽個名都覺得吸引！飛驒牛肉質嫩滑 脂肪分佈平均見到佢啲紋就知真系極上😍松露野菌湯浸啲肉實在太正忍吾住飲多幾啖！不過有心理準備飲到最尾會覺得好漏仲有丸類都系任拎架！個set包埋豬肉同雞肉豬肉質素不錯雞肉真系硬硬地😅食左一碟就冇再食 不值一試熟食就略欠質素 魚柳同串燒都凍凍地😕螺肉都還可以既食到最尾就係出面擠個yogurt食 加埋啲小配料 吾系間間放題都有架 見到有幾大都試啦😝服務就一般般 叫極都冇侍應應咁有待改善…Read More