益食家粉麵茶餐廳小廚 (Closed)

如果大家最近常常去朋友家拜年, 當你走進這家食肆, 必定有「又去拜年」的感覺。---類似老闆娘(不敢用「物體」形容了, 因為她是人嚟嘅), 有份令無線保持慣性收視的功臣, 專注認真地看劇集, 並跟她亭亭肉立的女兒大聲傾偈。而女兒的祖母(還是外祖母呢?)一言不發, 突然搭枱食飯, 然後在店內公然抽煙, 令作為食客的我, 覺得, 是去了她們家「打搞晒」。---深圳雞煲味道可以, 但麻辣底是絕對不辣的, 半隻雞也不像有半隻雞。---春菜燘豬腩肉, 如果師傅肯去區內名店如南記、順記偷師, 便知道他下大量蒜頭去煮春菜, 破壞了春菜本身的味道, 是一件頗為暴殄天物的事。至於豬腩肉, 不想多講, 味道口感令人覺得唔開胃。上述兩樣東西加一罐可樂, 已經二百元。老實說, 去南記食半隻鹹雞加春菜、白飯差不多。真的想吃深圳雞煲, 還是返深圳吧。 …Read More

這家餐廳確實了不起!因為我的朋友推薦這個給我,我和我的家人去了那裡吃飯我們嘗試了胡椒豬肚雞鍋 百花釀大腸 蘿蔔清湯牛腩 四川辣子雞 鹵水鵝片 紅腸拼墨魚 凍蟹和深圳雞煲.這八個菜都很不錯!!!!不過美中不足的是這家餐廳不大 比較擠迫 大家要忍耐一下!還有呀 深圳雞煲的麻辣不是每個人都受得來 不能吃辣的叫「走辣」吧!大家不妨試試這家餐廳 ;)…Read More

再次黎到九龍城, 又唔知食咩好? 行下行下, 忽然見到呢間食店, 見到嘅原因係因為價錢幾平幾吸引, 加上門口有個伙計講玉幾句, 所以決定入去試一試!入到去地方唔算大, 環境一般, 感覺上談不上乾淨; 既然入左黎就照樣睇下有咩好食啦, 粉麵飯樣樣有, 最後師傅揀左黑椒雞扒飯加凍檸茶, 而友人就揀左西炒飯!等左一陣就有得食, 即叫即整熱辣辣, 先講下黑椒雞扒飯, 黑椒汁唔夠香唔夠辣, 所以味道一般, 而雞扒本身亦算滑, 可惜煎得唔夠香, 談不上好味, 雞肋; 西炒飯反而炒得乾身, 料亦好足, 味道開胃加上幾大碟, 都算抵食; 而凍檸茶味道普通, 勉強合格啦!總括黎講食物質素一般, 環境就普通, 服務可以, 價錢唔算貴, 不過幾多錢師傅都唔記得左喇; 晚飯其間師傅不停睇住牆上嘅介紹, 係咁讚呢間食店嘅魚蛋, 講到咁正, 攪到師傅都想整番一碗; 坦白講呢間食店最得都係個店名, 益食家喎, 食完咪真係知係咪益食家囉! 笑臉今次就比唔到, 不過一定會再黎睇試下佢d魚蛋係咪咁出色!…Read More