Fortune House (Closed)

馬鞍山俗稱美食沙漠，平時都唔知去邊度開飯好，慶幸新港城中心2樓有一間中菜-盈福小館，可以收咗工之後去開飯。餐廳環境空間好大，我哋兩人就被店員安排坐四人座位。茶位都只係$12一位，一邊飲茶、一邊睇吓餐牌揀嘢食。突然好想飲湯，隨即叫咗半煲豐料老火靚湯，賣相非常特別，用一個茶壺裝住湯，自己倒落碗飲，好有特色。湯料非常多，可見呢煲湯非常足料，而且味道很鮮甜，每人可以飲到四至五碗。除咗散叫食物之外，仲有晚市超值海鮮組合，仲要價錢低至半價。老壇酸菜魚用了非常嫩滑嘅石斑做，魚塊份量都幾多，飲一啖湯酸酸辣辣好開胃，配以魚肉非常滑溜嘅質感，簡直一流。還有上湯焗龍蝦配伊麵底，廚師非常體貼預先把龍蝦切件，唔需要整污糟隻手，就咁用個口食龍蝦。龍蝦肉質爽口彈牙，味道非常新鮮。伊麵更非常入味，有好濃郁龍蝦味道。除此之外，還有醬汁蒸魚塊同埋生炸乳鴿。餐廳為每一枱客人提供一盒手套，帶着食乳鴿，唔會怕整污糟。最後埋單都只係$460左右，二人食到飽肚嘅份量，可見價錢非常合理超值。另外憑收據可以下次食嘅時候免費換領小食或者餸菜，下次會約多啲人一齊再食過。…Read More

前名盈福28，現名盈福小館，菜式沒多大變動。最近開設早茶，又有半價優惠，於是和太太一試。約九時半到達隨即入座，只開放三分一位置。叫了幾款點心：陳皮牛肉腸粉 - 內裡除了牛肉外，還有馬蹄、芫荽。粉皮夠滑，略嫌餡料太少和吃不出有陳皮味。雪山叉燒包 - 上枱時熱辣辣及包夠軟，但醬汁太多而叉燒則太少。晨早孖寶B:香煎蝦米腸 - 煎得夠香又夠熱，如果甜醬、麻醬另上就更加好；黑松露燒賣 - 沒有太多肥肉有咬口，不錯。總括而言尚算不錯，因有特價優惠就更加抵食。…Read More

第一次見到盈福小館個名，初時如為是茶餐廳。 在商場跟店號找到時，才發現是一間中菜點心菜館。 從外望入餐廳見到在蒸點心counter，好似幾正咁。 看見門外餐牌有多款午餐，2:30後又有下午茶。 入到去站在門口等帶位，但等了一陣也冇人理。 最後行前些走近員工，才有人帶位。 滷水豬耳(滷得入味，但略欠炆時間不足，有點硬)瓜粒海鮮湯飯(味道一般，沒有海鮮湯底應有鮮甜味)感覺個餐廳氣氛好怪，對顧客好似愛理不理咁。 坐位也舒適的，但味道及服務真的需要改善呢！…Read More

第1次來急福小館食飯，因為食中秋節飯就揀咗『賞月宴』馬鞍山可以 容納到12個人又坐得軟為舒服嘅飯館真係唔好，今次就揀咗盈福小館做中秋節做節飯。地點方便阿爸阿媽，員工招呼算係咁，感覺到唔係咁夠員工，所以出菜就比較慢。個餐就有以下10碟，每樣食物味道唔錯，不過個翅都幾鹹。份量的確幾足夠。希望今後能夠改善，我哋係會再次來的冷艷四芳（幾好味）*月亮鮮蝦餅（幾好味）*松露花姿蚌*（幾好味））竹笙海皇翅（太鹹）*高湯焗龍蝦（幾好味）*清蒸大海斑（過火）*金沙脆皮雞（好味）*山珍鮮竹浸翡翠（唔得）*白雪公主炒飯（幾好）*甜品～紫米露（好味）…Read More

新港城裝修後還是第一次過來，發現商場多了很多新餐廳，希望有助馬鞍山可以快點擺脫美食沙漠既稱呼走了一圈，我們選擇了試一下這間看上去寬敞舒適、乾淨衛生既盈褔小館！選擇幾多元化，估唔到中菜也有兒童餐！前菜$15我們點了一個孖寶套餐，龍蝦加伊麵底配客家鹹雞（$298），每款份量都夠大，絕對夠兩個人吃飽！鹹雞肉質結實，口感嫩滑啖啖肉；味道鹹香入骨​​，夠入味但不會過鹹，同時保留到雞既鮮味 上湯焗波士頓龍蝦伊麵，龍蝦味道鮮美，龍蝦肉質彈牙，伊麵夾起不會碎，還滲透著上湯及龍蝦既鮮味!啖啖肉…Read More

作為新界人，嚟馬鞍山食飯又有乜好怕喎😁自從新港城大翻新之後，食肆嘅選擇多咗，今日想推介嘅係主打精緻粵菜嘅盈福小館💁🏻‍♀️。揭揭Menu，菜式嘅選擇好多元化，包括：頭盤小食、海鮮、珍饈百味、燉品湯羹、家禽肉類、南北鄉味、青蔬豆腐，以及各式主食等😲。但我就被「晚市超值三寶」吸引左🤩以特惠價錢就食到3️⃣款海鮮👏🏻（星期一至四$298 / 星期五六日$338）。🐲上湯焗波士頓龍蝦1隻加伊麵底另加$30，估唔到咁大碟🍽龍蝦鮮美，肉質彈牙，食得出係新鮮貨色👍🏻成碟都Yummy yummy 😋 。🐟山珍碎蒸海斑海斑配菇菌類，魚肉嫩滑，不過比較多骨，要好小心食💕。🐚蒜蓉粉絲蒸元貝4隻呢碟又係大推薦😍帶子肥美新鮮，蒜蓉同粉絲嘅份量都極多，好夠味又多汁😋絕對係我食過最重量級嘅蒜蓉蒸帶子，絕無欺場💯。今日麻煩友處於極度飢餓狀態，所以佢多點左一碟「咸魚茸蒸肉餅」，結果我地食完都飽到唔識郁，可想而知每碟嘅份量都唔細，真係好抵食👍🏻…Read More

上星期打風不成，可是雨卻是下個不停，所以就近近地在屋企附近的新港城吃晚餐，今次就來到盈福小館吃中式小菜晚飯。雖然是中菜館，不過內裡裝修注入時尚氣息，毫不老氣，而且環境廣闊，坐得寬敞舒適。晚市以中式小菜為主，選擇繁多。茶芥收 $13一位，前菜收費為$15一碟。椒鹽鮮魷 $58我每次在餐牌上見到椒鹽鮮魷都會必點，如此脆卜卜的香口炸物真是令我無法抗拒啊！調味方面比較輕手，蒜末和椒鹽粉都下得不多，所以吃完也不會感到特別口渴。外皮炸至鬆脆酥香，內裡的鮮魷肉質彈牙爽口不過韌，而且炸得夠乾身，不會過份油膩。菠蘿咕嚕肉 $78向來愛酸甜味道的我，每次吃小菜客飯，當然不會遺漏咕嚕肉 XD 酸中帶甜的醬汁，令人胃口大開。咕嚕肉表層炸到酥脆，外面粉漿不過厚，內裡肉質鬆化，豬肉亦不會有太多肥膏。而且以新鮮的菠蘿果肉入饌，不是罐頭貨色，多汁而又充滿天然酸甜的果香。西檸煎軟雞 (半隻) $88要數開胃小菜，除了咕嚕肉之外，西檸雞一定榜上有名吧！酸酸又清幽的檸檬果香，絕對能將沉睡中的味蕾喚醒過來。檸檬芡汁質感略為濃稠，煮至清新帶甜芳香，而不會過份酸澀。雞件已經去骨，每口都是啖啖肉，肉質細嫩富彈性，外層炸漿雖然較厚，但點上檸檬醬汁就可減少油膩感又份外醒胃。溫公齋煲 $72連續吃了幾道重口味的小菜，所以就選了這道清淡一點的齋煲 ，想不到原來份量頗多。裡面也有很多不同款式的蔬菜，包括白菜、茄子、菇菌、雲耳、腐竹、豆卜等，配料十分豐富，一點也不單調。拌上口感QQ的粉絲，盡吸濃郁的南乳鹹香，富有懷舊風味之餘，吃得極之飽足。…Read More

母親大人一向喜歡吃中菜，於是見新港城有間不錯的中菜小館，就帶她去試一試啦！裝修別緻，空間感十足，不會有太擠逼的感覺呢！放工已經好肚餓啦，要立刻點菜去！晚市還有抵食孖寶優惠呢！上湯焗波士頓龍蝦配伊麵底🦐我一向都是龍蝦愛好者，龍蝦肉質彈牙、肉厚、鮮甜，而且已經切件方便食客食用，十分抵讚！伊麵伴著龍蝦上湯汁一同吃，真的是一等的享受呀！紅炆斑頭腩🐟內有枝竹、冬菇、斑腩、燒肉及大白菜！斑腩肉嫩滑，其他材料也炆得十分入味，底層的大白菜更加吸收了魚肉及菇的精華！正呀！菜莆肉碎煎蛋🍳新鮮煎起，煎得金黃香口，很乾身！配上菜莆更有口感同咸香味，送飯一流！鐵鑊京蔥生煎包如果鍾意食香口野的必然之選！外層煎得香脆，內裡鬆軟，充滿肉汁，有著上海菜館的高質呢！陳皮白玉凍其實是桂花糕加入了陳皮在內，甜度適中！入口有淡淡的花香味伴著陳皮的果香味，很新鮮的感覺呀！花心糖不甩上枱時還是暖烘烘的！外層有不少的花生椰絲碎，糯米團很軟棉Q彈，內裡還有麻蓉，大滿足呀！媽媽表示相當滿足今晚的中菜，我的任務又成功啦！下次要試試他們的點心呢！…Read More

朋友住馬鞍山，邀請我們到新港城中心的「盈福小館」吃晚飯。先叫一個「孖寶優惠」套餐當中包括「上湯焗波士頓龍蝦」的波士頓龍蝦，鮮甜、爽口，另加的「伊麵底」經上湯燴煮過後，入口軟硬適中，與龍蝦鮮同吃，味道很配-至於「紅炆斑頭腩」則炆得入味，斑頭腩輕炸，粉漿比較薄身，熱辣辣，香脆脆，魚味出，枝竹比例適當，口感豐富。-再來一碟「豉椒炒蟶子」；蟶子醃得入味而不會過鹹，經豉椒炒起，肉質彈牙及有嚼勁，醇濃不黏喉-白飯放上桌面，「菜甫肉碎煎蛋」即到；四塊三角型，蛋外皮煎得脆卜卜，肉碎做得嫩滑，菜甫令人食慾大增。-「撈起生菜」清爽，能調和以上食物的濃味。-「鐵鑊京蒽生煎包」煎得不燶，包身軟暖，內夾肉球，配京蒽，加上濃郁的汁，好惹味！-正餐後，我們試了三種甜品；「芒果布甸」，芒果肉腍，布甸滑-「花心糖不甩」外暖內熱，外皮軟糯，一咬下去便有花生碎爆出-「陳皮白玉凍」陳皮味濃，白玉爽口、冰涼；試上後叫我們感到盡興而回。-「盈福小館」位於馬鞍山新港城中心二樓，鄰近地鐵站，交通方便，食物水準不錯，飯前和吃完又可以逛商場，不妨光顧。…Read More

有自家製的數款點心，味道、賣相和點心的創作名字，都別具心思和誠意。例如：『猛虎咬豬』、『紫薯喵星人』、『脆皮啤梨』等等。連個經典的鮮竹卷都做得幾好味。中午有午餐選擇，其中一份是龍蝦伊麵，有半隻龍蝦自己拆肉，很鮮味，而伊麵索晒啲龍蝦汁，值得叫。個自製豆腐嘅鹹味啱啱好，脆得嚟又唔係炸得太犀利。我最鍾意依個。餐廳座位寬敞，坐得舒服，又冇酒樓咁嘈。要留意這餐廳是收茶錢的，每位$13。我們3個人叫了5客點心，一客麵食，埋單唔駛$300，都算合理。…Read More

今日去左馬鞍山食晚飯，地點係一間中菜館，朋友推介依間餐廳味道幾好，於是就帶屋企人食個晚飯啦！我地叫左套餐，先來一碟清蒸海上鮮，原條鮮魚大大條，魚肉蒸得好滑溜，肉質入口非常軟腍，蒸魚豉油比屋企人用黎撈飯食！之後叫左一個上海特色小食，水晶餚肉，小朋友最鐘意食啫喱，岩哂水晶餚肉入口冰凍，豬肉果凍非常咸香得宜，好適合夏天食呀！主菜叫左小朋友最鐘意既鳳城煎藕餅，香脆年藕片夾上豬肉餅，煎得香脆香口完全唔會覺得油膩，豬肉鬆化多汁，小朋友最岩食啦！之後再叫個蔬菜煲健康下，同南乳素菜煲味道差唔多，加入茄子好特別，南乳味香濃滋味，出街食飯叫個菜感覺健康又唔會太清淡，味道好岩小朋友食架！之後叫左涼瓜炆排骨，排骨炆得鬆軟吸收哂醬汁香味，肉質彈牙香口，涼瓜又唔會太苦，的確是一個味道好好的家常小菜。…Read More

中餐是家人最愛，今日屋企人放假決定揸車去遠啲食飯，今晚就入左馬鞍山。中菜餐廳盈福，晚上時間人客都好多，我地六人行決定叫左個六人dinner set。先來一碟清蒸海上鮮，大大隻鮮魚，魚味清甜，蒸得剛好，魚肉非常滑溜，我好鐘意蒸魚魚汁撈飯啦！之後叫左一個水晶餚肉，好鐘意食肉凍啫喱，入口咸香鬆軟，層層分明的豬肉非常考功夫。主菜叫左鳳城煎藕餅，一個家鄉菜，藕餅煎得香脆唔會油膩，藕片清香加上豬肉煎得咸香，小朋友最鐘意食啦！素菜煲有別於一般的南乳素菜煲，加入茄子，南乳香濃唔膩，蔬菜吸收哂醬汁濃香完全唔會太清淡，感覺好健康呀！之後再點個涼瓜炆排骨，排骨炆得好鬆化好軟腍，豉汁煮得剛好唔會太咸，涼瓜唔會太苦澀，好清甜。我地六人行再加白飯食得好飽肚！…Read More

上星期見到有水煮魚已經好想試,奈何經細問之下,水煮魚只能堂食,所以晚上7點前已到達,由於時間尚早,不用等候便即可入座.由於我哋只得3個人,只係ORDERED 3樣東西,如下:-四川水煮魚-菠蘿咕嚕肉-乳鴿 x2-麻辣: meun mention 辣 x3, 未有想像中辣及麻, 整體香味足夠-魚: 魚肉嫩滑, 薄身, 骨不太多, 但份量略嫌不足-粉皮: 粉皮滑口, 但不算太入味, 份量亦偏少 -配菜: 芽菜, 豆卜, 芫西, 青瓜, 枝竹(+20 可以+ 1種配菜)******唔食芽菜或者芫西嘅記得記得要走, 因為份量較多******-咕嚕肉: 酸甜味道剛好, not greasy, not oily, not dry-配菜: 菠蘿係用新鮮菠蘿 instead of canned pineapple, 青椒, 紅椒 乳鴿: 皮脆肉嫩, 香脆可口, 配啤酒1流*值得1讚是餐廳會主動提供手套給與食乳鴿的客人整體質素不錯, 員工服務態度正面及高效率, 下次會試試點心!!…Read More

今日中午幫襯發現佢啲食品同以前唔同左，買嘅係較為傳統嘅粵菜啊，食咗佢個滷水鴨，一蟹二魚，亂炒豆芽，老廣州縐紋腸（第一次食），小籠包，茶居素千層叫左皮旦酥同白糖糕，味道都幾好，尤其是嗰個一蟹二魚，(原來係椒鹽白飯魚，軟殼蟹及魚柳）都好得意，炒豆牙意想不到嘅好味，素千層，縐紋腸又好味又特色，小籠包女好多湯，皮旦酥有d子薑又幾清新，白糖羔就比較中規中舉，傳統中又算新派，另外原來發現佢晏晝都好多食品都好優惠，真係真係比以前進步左好多呀。…Read More

只此一次下次唔會試！食物一般，服務態度超差！第一次嚟唔知有咩食想問攞本menu睇，冇唔緊要，好似我哋唔啱咁左問右問，黑口黑面！點心送嚟嗰時就咁‘劈’係度！叫人嚟淨係答等陣先，轉個頭唔記得。其他客叫開茶，都係識講等陣先！埋單都衰過人…Read More