4
5
3
10-min walk from Exit A4, Tsuen Wan MTR Station continue reading
Payment Methods
Cash
Review (13)
Level3 2020-02-04
106 views
今次評分有點難,因為出品確實冇問題。粥煮得好綿,肉碎的份量也足夠,炒麵亦不會太濕,若果只看這兩點的話,我會給滿分。但是眾所周知,一般人吃炒麵都會加上甜醬和辣醬,問題就出現於這兩款醬料上面,給我的感覺好像加了水稀釋一樣,感覺為了節省成本而這樣做,而且甜醬和辣醬的味道怪怪的,尤其是辣椒醬好像變壞了一樣,在消費者的立場上面,我寧願他賣貴$2也不要這樣做。由於我的評分標準是味道大於一切,所以最後決定打3分。只要你們不吃辣醬和甜醬就一定沒有問題。 continue reading
(The above review is the personal opinion of a user which does not represent OpenRice's point of view.)
Level3 2018-09-11
494 views
今日無咩心情,周圍行去到粥鋪門前,望下餐牌睇下食咩好?腦海浮現腸粉,好啦!點個蝦米腸先。印象中呢度啲野食全部大大碟,應該一碟夠我食。入去同收銀講左要乜,比左錢行返出門口等,等左幾分鐘有個阿姐問我等乜,話比佢聽蝦米腸,原來無叫廚房整,又要等多幾分鐘,由於腸粉佢係即拉既,所以真係要等幾耐。見到人地大大碟腸粉熱辣辣,個肚不停打鼓外賣返公司,路程10分鐘,返到去仲係暖既,好足料又滑,仲要有一層多既份量,$17真係物有所值,下次食多啲其他野先 continue reading
(The above review is the personal opinion of a user which does not represent OpenRice's point of view.)
Level1 2017-11-12
678 views
【♡為了人情味街坊小店第一次寫食評♡】一直在荃灣返工,荃灣區出名美食多價錢親民,只恨胃口不大未能嘗盡區內美食~最近天氣轉涼,加上感冒作怪,今日返工午餐一心想食粥,公司附近最近的粥品,還好找到這間不起眼的傳統粥店。一走入店,熱情阿姨:阿妹坐呀,睇下想食咩?本人茹素,一看餐牌永遠第一時間找尋可以揀的素食款式,餐牌上有生菜粟米粥正呀,點餐前一刻見到牆上有紅色牌寫著生菜南瓜粥馬上轉軚!腸粉選了蔥花雞蛋腸~因為去的時間差不多2點,點腸粉時原本已熄爐了,但阿姨一句:靚女要食,即刻開爐整比你,聽到心頭一暖腸粉厚度適中,偏軟需要用匙羹幫忙,雞蛋和蔥花是夾在裡頭,端來時已淋上豉油,但不會過咸,另外桌面有醬料芝麻任加,想濃味加辣悉隨尊便端來粥的一刻,阿姨:好靚南瓜粥!只見粥已煮成南瓜橙色,好想大啖開動不過因為是生滾,太燙了,只好慢慢品嘗,粥充滿南瓜的香甜,雖然大部份南瓜已煮成蓉,間中還是有一粒粒的南瓜肉,生菜是快煮好才落的,所以不會過淋,仍帶有清爽感,整碗粥好夠味但不會過咸和冇味精,因之後冇口渴感覺。 食飽起身準備埋單,阿姨:好冇食呀?好食下次再來~這就是人情味2nd:因太想念南瓜粥,幾天內已帶朋友再來,今次因南瓜沽清便轉戰生菜粟米粥🌽,雖然沒南瓜濃郁的甜美,較南瓜粥淡味一些,但仍有粒粒粟米的口感,不錯🌽🌽🌽🌽🌽今次有同伴分享可試其他的,叫了炸兩,皮薄饀靚油炸鬼沒有硬崩崩,雖然不是香脆可口,反而是香軟的,有時好怕食炸兩會好硬,但這個雖然軟身但不是韌韌的,配上薄薄的腸粉皮一啖過,爽本想食炒米,但阿姨:兩溝好冇呀?我估計是只剩餘份量不多,所以將兩者合成一碟賣,我又冇所謂。米和麵會有點偏硬,炒米有充足的椰菜絲,炒麵有少量韮菜,沒有我最怕的火腿絲,不錯~去的時候已2點幾,全場大部分每張枱只坐著一個男士,不用等阿姨們走近,大家都自然的提高聲線自動落單,不消一刻,大家就能品嘗到一碗人情味冬天將近,返工時間可以多來幫襯享受到暖笠笠 continue reading
(The above review is the personal opinion of a user which does not represent OpenRice's point of view.)
Level4 2017-09-12
444 views
原來也幾乾淨,不是好舊式的感覺。豬紅艇仔粥,豬紅爽口,艇仔足料,有豬皮,魷魚,肉碎,葱花,好味蘿蔔糕煎到金黃香脆,好味,多蘿蔔絲的,油多左d。豬紅碎牛粥,清甜好味,豬紅爽口叉燒腸厚身左d,叉燒較碎及散身,蝦米腸幾好味,也有多蝦米的!牛脷酥大件,好味,夠香不夠脆,也不會多油炒麵比較多油呀,也是有椰菜絲的!炸両可以,油炸鬼不夠香脆,份量適中,腸粉也滑身的。小本式經營,有人情味的地方,價格十分抵食的呀! continue reading
(The above review is the personal opinion of a user which does not represent OpenRice's point of view.)
Level4 2017-06-17
362 views
落雨天....又係去到荃灣探客人嘅時候.....早上11點左右..... 食飯又好似早得滯......但又唔想食面.....心血來潮不如去食碗粥啦.....去到海壩街都冇乜特別嘢食.....行到附近見到有間粥店....不過裏便冇乜人....都照是但入去啦....餐牌就黎黎去去都係果幾樣.....不過就帶我最鍾意食嘅肉丸粥....鹹肉糭....蝦米腸....最簡單嘅嘢先至能夠見證真功夫....一碗肉丸粥$25.....有五粒大大粒嘅肉丸都尚算唔錯....而且肉丸都幾彈牙....鹹肉糭就略嫌細咗少少.....不過$13.隻是但啦蝦米腸份量好大跌....都係$13....不過就麻麻哋好食....因為太過林.....但係以粥舖來講佢哋都尚算乾淨其利.....我食咗三樣嘢總共51元...... continue reading
(The above review is the personal opinion of a user which does not represent OpenRice's point of view.)