皇廷工房點心專門店 (Closed)

味道清淡，適合早晨吃。蛋，麵，火腿火候剛剛好。蛋外觀好靚，夠熟冇腥味。火腿很彈，入味，廚師很用心。麵彈牙。這是我見過的第一家在沒有托盤且咖啡加這麼滿的情況下還能保證沒有一滴咖啡跌落出來掛在杯壁外的餐廳。對於一個強迫症患者來講，我都要感動哭了(´•̥  ̯ •̥`)。餐廳服務非常棒，姐姐很貼心，我口渴想要杯水，她給我送來一壺水，令我可以在週六的早晨在餐廳窗旁望天飲水，順便寫下openrice。如果我開店，一定挖這位姐姐走。今天是近日里難得的陽天，悠閒的週六，難得的好心情。

係觀塘做野既lastday行過見到個名好似好勁咁，應該好似係新開既，就同同事試下佢啦，順便慶祝無野做。等左陣就入得去，食中菜坐bar枱我都係第一次試。咁就嗌左個流沙包，蝦蛟，雞翼米線。流沙包一般，無乜值得講蝦蛟呢就望個賣相就知道亂咁黎有乜可以咁樣比個客人。味道正常個米線好似浸左好耐咁，用筷子係勁難夾，同淋到一個點既。不過湯底同個雞翼還可以啦。其實仲有嗌到叉燒腸粉，不過忘記影相，不過都無乜所謂，都無乜特別總括，一般啦。不過唔會想再去試多次

有個朋友响官塘返工, 佢話有間新開既點心餐廳幾好食, 好食過添好運, 叫我去試吓 我本身每個星期六都會同家人去九龍灣既大榮華飲茶, 今次朋友話哩間咁好食, 所以同家人去試吓啦~跟朋友既指示, 坐地鐡去到官塘站, 官塘廣場果邊出口直行, 見到間大麥當勞轉左, 直行到尾就到, 真係幾易搵過~ 距離地鐡站雖然唔近, 但係好食過添好運喎, 行遠少少都值得啦去到個格局都幾潮吓, 以黑色格調為主,  應該係工業區既原因, 星期六中午無乜人, yeah! 唔洗等位就坐低左啦~ 見佢個餐牌都幾抵食, 仲有二人套餐添 大食積既我, 梗係叫左個套餐再另加點心啦個套餐包左一個飯同米線再自選兩款點心, 都只係$108, 真係抵到無朋友另外加左6個點心, 佢啲餐絕對唔渣流灘, 都好大碗! 啲點心都係即叫即整即蒸即炸, 兩個人食哂.....飽到爆炸 今日食咁多野都係$2xx咋, 平過大榮華啊去洗手間期間, 見到佢廚房好乾淨, 見到裡面啲師傅都好企理, 好似有個幾靚仔添 今次個朋友無介紹錯 以後飲茶又多個選擇啦~ yeah!

去完outlet，無乜時間淨，事旦搵間食，誤打誤撞嚟左呢間食點心。都算係多嘢食，而且好平下，如果外賣兩個飯都係40元，月尾之選！環境算係企理，新開無耐，乾淨，幅畫都幾特別。我地四個叫咗一個套餐，再散叫小食。煎蛋牛肉飯，牛肉係牛肉球嘅牛肉，蒸得好淋，蛋汁落埋去都正！佢本身個飯已經有豉油，可以先食一啖先決定再落唔落鼓油。拍青瓜，好爽口，唔係淋左好耐個種青瓜，解辣係幾好。燒賣大大粒，而且涵都足料，上枱個陣我地太大意，其實係好熱！流沙包，係真係流沙，又係好熱，好好味！叉燒腸，唔錯，唔算厚皮，都唔錯。雞翼米線隻雞翼就差小小，油左小小，米線份量都多嘅，我地每人都起碼分到一碗。紅油抄手夠麻辣，連食得辣嘅同事表示幾辣下。咸水角都幾好，唔錯，幾好味。整體服務都不錯，嘢食同茶都ok。

行過見新開，就lunch行入去試。唔係附近嘅人會覺得少少難搵，因為被間第二幢大廈遮住。入去環境幾好，企理。可能我太晏先入去，只有兩枱人。服務都好，算幾闊落。侍應都幾有禮貌，落單爽手。上的茶係玄米茶，ok清清地幾健康。個小雲吞麵線幾好味。奶黃包都ok嘅。鳳瓜排骨飯都ok.個$11x餐有兩飯兩點心，幾抵。三位女仕食共$200仲有找。聽到佢地幾個員工係度傾點樣做好d食物質素,應該幾有heart想做得好食。