Imperial Restaurant (Closed)

最近食了兩次皇庭匯，都有驚喜。前兩天別午茶，兩壺茶會有特別的茶貼，顯示是特別品牌的茶葉，沖滾水多次仍有茶香，茶好喝。今晚食晚飯，點了優惠龍蝦$58一隻+$28上湯伊麵，龍蝦殼已敲碎，易拆肉，龍蝦肉爽滑，成隻龍蝦鉗肉可以拆出。龍蝦身也是很容易取出及爽滑，上湯麵都好味。話梅豬手好多件，豬手比較有肉及爽，酸甜不膩，墊底還有炸薯仔件及酸薑，香口美味，阿女吃不停。估不到這裡的食物及茶也會有驚喜，他們有一燒味5小菜餐$298另茶及加一，都算抵食，會再來。…Read More

星期六明白多人等位，門口知客同經理口黑面黑，我等5-8人位號碼等了差不多一個鐘先有位，已經有點火，佢仲要係咁飛枱安排8人位先比枱，因為我地係6人，所以個知客一路話無枱，今次真係火大，前後飛左我個號碼6張枱有多，有冇搞錯呀！到我屋企人到哂話同佢地講咁安排好有問題，咁永遠6人枱都唔洗入啦！之後想走諗住食其他野之際，個經理佢先開始叫之前飛走個6張枱號，差不多一齊入，入到去根本有好幾張枱係冇人坐，我覺得真係好離譜，咁樣安排唔會再幫襯！…Read More

放假諗住同老人家去飲茶，因為要就番老人家所以就求其係附近搵一間，點知食到一肚氣。11點叫左10個點心，11點半都未有任何野食，舉手問d waiter，淨係同我講已經入左單，咁走去cashier問啦，坐係度果個姨姨print張單比我，話已經有單嫁啦，叫我坐低再等。等到11點40分仲未有野食，再去cashier問多次，個姨姨又再print張單比我，真係嬲嬲地，我話”我想問下 張單食得嫁咩？” 然後cashier個姨姨竟然唔睬我。幾分鐘後，終於有一碟鹹水角到啦，不過係凍既，今次真係成家人都燥左，等左45鐘先有野食，仲要比碟凍既鹹水角我！真係佛都有火！過多5分鐘，依然無野食送到，決定起身埋單走人，落去樓下食茶記算。total差不多坐左成粒鐘，只係得一碟凍既鹹水角，呢間野以後唔會再去，永久blacklist!!!!!…Read More

去到reception 完全冇人、之後有個西住面既女仕應出黎、叫我入去有位就坐啦、點知我揾到張枱剛剛有人走、叫d員工執下位、佢竟然叫我再搵個乾淨既枱坐、我彩佢都傻、最後等左10分鐘、有個黑面阿姐幫我執位！晚飯時間佢得幾個員工、完全冇人理、所以員工態度極差、全部黑口黑面、服務衰過大陸酒樓、大家千萬不要去！…Read More

食左三次。分別係中午,晚飯,中午。第一次去又平又好食，蝦餃新鮮又粒，炒小菜夠鑊氣，流沙包皮唔厚，流心香夾濃。第二次晚市，做節菜已經唔係平，雞鴨都返蒸到柴皮冇肉汁，條魚可以自己揀，但冇魚味又唔抵食，其實不過不失。可惜上次好食既甜酸黑毛豬(唔記得菜名)唔夠鑊氣，好似差d先熟。前兩次都冇照呼，第三次去到直情叫檯阿姐媽差個客。佢冇媽差我，但叫我大檯入去張檯已經有幾客坐低左，有阿姐執緊檯。個客話自己半個鐘前冇人叫號碼，自己入黎等依張檯，頭先坐得低又有人叫佢攞號碼，佢先出去攞(所以佢張飛後我兩個號碼)我同佢嘈左幾句，執檯既兩個阿姐又嘈埋一份，🤬差d就開片，其間係一個部長都冇行過黎。如果唔係同行既小朋友到，今餐就大家都唔駛食。之後我被安排十四個人坐一張八人檯，點坐啊?!😡最尾d 小朋友要自己抱足一餐飯。 蝦餃依然好食，但炒飯極硬，雞柴皮，各種漏單，係平，但情願俾多少少唔駛受氣。…Read More

今天去午飯，去了幾次幫襯，已知這酒樓招呼出名差，但附近幾條邨圍埋就只有佢一間酒樓，所以到而家都未執笠！但今日忍唔住都要寫衰佢。點心叫左十樣，叉燒包足料好食，酥炸魷魚比老遠青衣城聯邦同翠怡稻香都好味，酥皮脆，魷魚新鮮，但叉燒腸有一條有漂白水味，小女一吃便嘔了出來。鳳爪是罐頭貨，肉淋但無醬汁，紅豆沙算好飲，有陳皮，不是開粉的。饅頭跟煉奶，點心阿姐忘了取，要轉頭才補上，但一個饅頭便用光了，問路過的點心阿姐再取，個個話無便走了，再截停一個叫她去取，竟叫你自己找回先前送饅頭給你的阿姐問吧！火起了，於是找部長，那位肥肥的女部長說點心不關地事，你找點心阿姐吧！！那酒樓的部長是管什麽的！！這事情在青衣的聯邦和稻香是不可能發生的！！十様點心只來了九様，不等，走。點心卡盍了九個様但照計入單時的十樣，我們查單時發覺，告訴收銀阿姐，問她：妳們不檢查賑單的嗎？不怕計錯數嗎？她竟說她們是不會為顧客核對單的！!説到尾，總之不是她的責任，顧客自理，計多了你沒發現算你不好彩。那計少了呢？妳會追回顧客嗎？…Read More

事源今日成家人去飲茶，平日都知d野黎得慢，咁飲得茶都預左慢慢食。後來追加左個牛腩面同叉燒包，個包都食完大半個鐘都唔見有上牛腩面，催左幾次都未有。因為餐茶都飲左2個幾3個鐘，小朋友都唔耐煩，打算埋單唔要個牛腩面，同左個櫃臺姐姐話cut，個姐姐話等等。好喇咁等丫等，等左5分鐘又有少少急就打算去個洗手間返黎再俾錢。出返黎俾錢，個經理走埋黎話個牛腩面已經送左上枱，我行返去枱見到個面先啱啱落枱，但成枱人走得7788。真心無言，出去問態度超差，明明話會幫我cut單，但竟然係要拖住我等到個牛腩面上？其實真係整左，可以同我講聲，我都唔介意打包走，但一邊話幫我cut，一邊拖我成10分鐘再去上個面扮無事發生？完全理解唔到雖然最後我都係俾錢打包走，但表示以後都唔會再去。…Read More

大廳好焗好多人好嘈，冷氣又唔夠，呼吸都困難，好多食客不停撥扇。人手嚴重不足，大約一個樓面對20張枱，同樓面講親野得到嘅回覆都係"等下啦"，轉個頭又繼續忙 冇左回事。叫天不應，叫地不聞。交左點心紙，等左半個鐘都未黎點心，等到變化石。等待期間有其他食客鼓燥，原來都係相同情況。等左40min，終於黎兩籠菜餃，一夾起就知放左好耐，唔係新鮮出。不過足料嘅。食完呢兩籠，再等30min先有第二樣點心黎。我地每人一碟蝦腸，每節都有一粒彈牙嘅蝦，腸粉夠滑，$10.8一碟，呢個抵食。之後再等左35分鐘仲未有野黎，同伴嬲爆埋單走人。收銀呀姐態度都好極品，西口西面催我同伴俾錢俾快d，"快d啦"。其實揾散銀都只係揾左幾秒，咁都要受氣？俾錢就催我地快啲，出食物又唔見佢地快坐左兩個鐘都冇飽過冇下次！晒時間等，又冇服務，又要受氣。…Read More

話說今天下午行過就入去試下 下午茶多人到要排隊 但只要搭枱 一倆人仲好容易好快入去 但呢刻已經開始考你耐性 沒人帶位 要自己慢慢找個枱 坐低五分鐘 附近找個人落單都沒 是大約15張枱的範圍內都沒人招乎 過了十分鐘終於落左單同要茶 又過了十分鐘 水同茶都沒上 但個排骨飯己上 筷子都沒洗 都唔知究竟吃定唔吃 同枱的食客上菜仲慢 明明早我五分鐘落單 但我在來了三樣菜 佢地都沒上一樣野 我中途要找人上茶都是一個人都沒 九成九全部去了另外一邊少人客的範圍所謂的忙囉 之後好難得更見到個部長行過 先有壺茶飲 而食物質素就一般般 如果你為了方便就自行決定…Read More

K先生同我都好鐘意飲茶，今日去咗皇庭匯飲茶，去到剛剛二點鐘，門口有好多人等位，原來星期期六有下午茶優惠，好抵食。我地兩個人，叫咗七碟點心，百二蚊有找，而且味道幾好。不過呢度人手不足，服務一般，但真的很抵食。粟米花枝片味道一般炸沙律卷，外層怍得很香脆，裏面有海鮮沙律，熱辣辣，很香脆可口。蝦餃燒賣，很抵食，味道不錯，11蚊有找，性價比很高腐皮卷煎得很香脆，好味糯米卷味道不錯，簡單得來又美味蝦腸味道ok鮮竹卷很好味，新鮮熱辣，而且份量很大。整體食物質素很好，但服務有很大改善空間，下次團年飲會提議到這裡食…Read More

好賤囉，海富苑皇庭匯酒樓做特價長腳蟹$188/斤 ，明明係新鮮蟹，但點解食落梅梅地。仲以為佢養得耐肉質乾爭爭。點知出魚缸睇，明明話今晚得2隻，點解蒸左1隻仲有2隻。問樓面，話係死蟹，佢話唔會嘅。之後又即刻收埋1隻蟹，超賤。大家要小心，下次秤蟹時，我一定會拆斷佢手腳做記認囉😡😡好賤，大家要小心留意賤 賤 賤 賤 賤 賤 賤 賤 不可信的酒樓…Read More

今日我們喺青衣附近做完嘢之後去咗我們已經有一段時間無嚟嘅「皇庭匯」青衣店食晚飯！喺點菜嗰陣店員同我們推介他們今期嘅優惠晚飯孖寶：東江鹽焗鷄拼果皮蒸大連鮑魚「6隻」，鹽焗鷄嘅肉質好鬆軟嫩滑，味道唔會過鹹！鮑魚蒸嘅時間火候控制得啱啱好，唔會蒸過火而令到肉質變韌！海龍躉兩味：翡翠泡龍躉球嘅龍躉球份量超多，平日食通常都會係西蘭花比較多，但呢度竟然係龍躉球比較多，而且相當大件厚身，肉質非常結實彈牙！瑞蒸龍躉頭腩嘅肉質好鮮味嫩滑，魚皮嘅質感好煙韌彈牙！另外再加個足料燉湯：海底椰南北杏燉乳鴿燉得火候十足，而且湯料超級足料，所以湯底嘅味道極之鮮甜濃郁！總括：鷄同鮑魚孖寶係$128一份，海龍躉兩味嘅價錢係$148一份，而且份量非常足料大份，真係超抵食呀！而店員嘅服務態度就好親切有禮，:)喺落單嗰陣會耐心咁同我們推介邊款孖寶套餐比較抵食，唔會祇係推介或強迫人客食名貴食材，真係值得一讚！…Read More

一直想黎試吓呢間屋邨中既酒樓，今日終於黎到早上约9:00成間酒樓都已經坐滿，等咗幾分鐘好彩揾到位（呢度係自己揾位的）之後開茶揀點心，其實酒樓點心間間酒樓都大同小異架啦，都係揀番蝦餃、燒賣、腸粉、叉燒包、排骨飯……等咗一陣點心送到，屋邨酒樓其實有心理準備會係一般般但食落又有D驚喜喎，水準好平均幾款點心都唔錯喎食飽埋單走人，價錢合理算平，走既時候見到門口有個全包宴，價錢如無睇錯係星期一至五1598元一席咁平於是立即揾部長訂位下星期一家人試下，待試完下次再補報告…Read More

提早兩星期吃團年飯，免得爭崩頭。青衣邨自領展進佔以來，商場進行了大翻新，皇庭匯漸漸成為邨內最受歡迎的人氣酒樓。無它，價錢平食物又有質素自然客似雲來，星期六晚全場滿座仲有人排隊等位添點了個抵食六人餐，另加燒鵝例牌同白飯。點抵法？就係人頭二百蚊唔洗有鮮榨橙汁，有翅湯，有海斑，有燒雞，仲有蝦球伊麵！個燒鵝雖然唔即燒，但味道唔錯好多汁，例牌嚟講算好大份。:)翅湯好有誠意咁將啲翅分上，真係足料，碗碗都分到有翅食架！海斑蒸得剛好，唔太老，魚肉嫩滑！特別欣賞個蝦球伊麵，蝦球炸過再淋上伊麵汁，咬落口個炸漿仲脆，雖然係雪藏蝦但係都彈牙甜品有桂花糕同椰汁糕，兩樣都唔太甜，啱我口味除咗價錢抵，全部食物嘅味道都啱啱好，新裝修光猛開揚，坐得唔迫夾，服務員話頭醒尾，呢間屋邨酒樓確實冇得輸，希望佢可以一路保持住咁嘅質素啦！…Read More

係公司做到好夜，都已經係11點後。約左班SISTER出來食野，咁岩公司附近有一間火鍋店，11點後都係$118 仲免加一，就同佢地過去試下。今次簡左烤魚煲，成個盤一上來就有2條魚加配菜，超足料，湯底味道亦很足～～好好味～～我地攞左D豉油都無機會用就因為足料，我們姐妹們都冇點樣出去加火鍋料，就因為要用第二個胃食甜品！甜品方面有糖水、jelly、涼粉，埋單時仲有一杯雀巢雪糕。個櫃差不多比我地掃哂咁制～～另外仲有蕃薯糖水，好似係低糖，岩哂我地！總體來說唔錯，因為交通ok方便，基本上一出葵涌廣場行2分鐘就到，座位闊落!坐得都好舒服。…Read More