Royal Banquet Hall

3月9日星期六入迪士尼，買左佢嘅午晚套餐連小食，Hk$270一位。入樂園時大概12點幾，即刻去醫肚，就揀左近近地嘅皇室宴會廳，都要排隊15分鐘先入到餐廳，但入度去仲要找位，找到位先買野食，等位又等左15分鐘，跟住去買野食，又排隊差唔多20分鐘，即刻攪左差唔多150分鐘先有野食。我地叫人蔘燉雞套餐+鮑魚海鮮雞肉炒飯套餐，最後2個餐加埋都要補返Hk$50。人蔘燉雞套餐 泡菜可以辣d,果日天氣涼，飲啖佢嘅湯就好暖胃好舒服，味道就不過不失，但跟主題樂園黎講算唔錯。鮑魚海鮮雞肉炒飯套餐，真係有2粒好細粒鮑魚，果飯炒得都ok,d汁都好味。整體黎講ok,係等位買野食體驗差d…查看更多

都好多年無入過嚟迪士尼，一來我唔喺迪士尼控，二來樂園入場費都確喺幾貴。老實講，今次喺作為義工身份入嚟，可以講話喺做啲扶老攜幼，帶吓路，幫大家影吓相、拍吓短片。差唔多到午飯時間，就揀咗響旋轉木馬對面嘅「皇室宴會廳」食晏，諗住價位相宜少少。咪睇個名好似好勁，乜乜宴會廳，其實定位喺個美食廣場。用餐區分室外同室內，不過，唔知點解今日超多人（非假期嘅閒日），就連入餐廳都要排隊，不過，排隊唔喺安排入座，佢只喺控制人流，入到去都要自己搵位，無人招呼。周圍都喺人，最後就搵到戶外一角落嘅枱，靜侷少少。正如上述所講，呢度喺以美食廣場形式營運，不過，就喺先去各分區攞咗食物後，再到收銀櫃枱俾錢。一入到各食物分區你會見到喺分開幾條隊，視乎你想食邊一大類嘅食物。好似我哋咁，一個食薄餅，一個食炒飯，因為喺兩個唔同嘅大類，所以喺要分開兩條隊攞。如果你人多可以分兩邊排，如果得你一個負責買嘢，就要排兩次，好唔方便。晌一排收銀枱附近，擺放咗好多個凍櫃，放置好多飲品，又喺隨意揀，到時一次過俾錢。而食物嘅選擇真係喺唔算多，喺門口排隊時候見到個餐牌，一眼睇曬，不過，入到食物區，又多咗一區和食。入得嚟食嘢都知貴，就算只喺個碟頭餐百零蚊都走唔甩。意式肉腸薄餅套餐 $140個薄餅有直徑八吋大，一個人嚟講好夠份量，所謂套餐就即喺加多杯汽水，原先對呢類美食廣場式嘅食物都唔抱太大期望，不過，成品又真喺有少少驚喜喎，首先就賣相似模似樣，其次，非常多餡料。由於夠客源，所以，喺人等食物，個批算喺新鮮出爐，入口熱焫焫，批身幾軟熟，有麵粉嘅香氣，加上鹹香嘅餡料，濃郁嘅芝士，食得滋味。汽水喺「百事」可樂唔喺問題，不過，似擺咗好耐，走晒汽就喺問題。鮑魚海鮮雞肉炒飯套餐 $165老婆就揀咗個炒飯，不過，出嚟嘅製成品同我哋心目中預期嘅有啲出入，唔喺揚州炒飯嘅一類，而喺類似鴛鴦炒飯嗰種，炒飯底跟住上面淋上好多芡汁嘅餸料。其實味道上喺唔錯嘅，個炒飯都夠乾身，仲堅有兩隻鮑魚仔，不過有相你睇，現實真喺太多芡汁，正正我老婆就唔鍾意多芡汁嘅碟頭飯。本來都想坐晌室內，因為天氣都有啲凍，但今日實在好多人，結果就坐咗外邊，似乎人手不足，唔喺好夠人收拾，整體服務一般般！…查看更多

今日又嚟迪士尼樂園玩農曆新年嘢🎋午餐嚟皇室宴會廳原本係想食佢個新春菜式嘅，不過見盆菜賣相一般般，個人本身又唔多鍾意食盆菜，就改咗去旁邊和風部食壽司盛盒🍣🍱和風部有三款成人餐，兩款拉麵一款壽司。我今次就試咗米奇壽司及雜錦壽司套餐。套餐有綠茶冷麵🍜、壽司🍣、飯團🍙，西瓜🍉同一支支裝飲品🥤壽司🍣好好味🤤，三文魚刺身質素喜出望外👍🏻飛魚籽飯團🍙入面有啲吞拿魚，味道都唔錯👍🏻個綠茶冷麵就麻麻啦，麵太軟又雪得太耐，味道加咗冷麵汁都唔好👎🏻西瓜🍉就都唔錯，都甜嘅😋用餐位置今次我就去咗收銀處後面嘅室外用餐區。我都係今日先知有呢個位，原本以為室外用餐區係得正門嗰度。呢個位置好唔錯👍🏻寧靜啲，景觀都唔差價錢方面，呢個套餐就$140，我有迪士尼金卡有82折後$115。呢個套餐份量唔算太多，但整體味道唔錯，所以性價比都算高嘅😁…查看更多

香港最有聖誕氣氛嘅地方一定係迪士尼樂園🎄✨為咗玩盡一日當然一早入園🥳不過樂園嘅餐廳收費都唔平 每個餐平均$150 所以大家最好食咗早餐先入去💗不過喺KKday或Klook經常會有餐飲套票 入園前記得買定😜通常會包餐廳+小食 非常化算！玩到大概八點喺城堡後面嘅皇室宴會廳食晚餐 等睇9點嘅煙花 比較特別嘅係一個米奇做嘅Pizza🐭$140另外叫咗一個焗豬扒飯$155 用紙兜焗嘅豬扒飯真係第一次食😂😂啲飯比較乾身 豬扒份量亦都唔多🥹玩完成日的話食完都唔夠飽雜扒餐配薯條$195 雜扒餐嘅份量都夠兩個女仔食 不過呢個價錢得一條腸一片煙肉一嚿牛扒仔一條炸蝦同薯條🥲總括嚟講啲餐真係好唔抵食，不過喺迪士尼樂園冇其他選擇啦！8點食到8:45 時間啱啱好去睇煙花！夠晒近…查看更多

Disneyland食物出名貴又唔好食～有日式、韓式、西式自助排隊落單攞餐～肚餓都要求其食 叫咗烤雞半隻套餐($165)、2份兒童餐香煎雞扒飯配蘑菇汁($105)～自助快餐食完可以繼續去玩 烤雞半隻套餐配汽水～成個餐得薯條係熱～3粒車厘茄～長豆少許～有汁點下都好烤雞冇咩味～烤雞凍、乾、硬～冇咩肉仲要咁嘅價錢2份兒童餐香煎雞扒飯配蘑菇汁～兒童餐有：粟米、兒童小食2塊米奇老鼠牛油餅乾、細細嚿低脂士多啤梨芝士蛋糕、飛雪礦物質水～細細塊香煎雞扒～味道都OK～粟米正常味道～士多啤梨芝士蛋糕幾好食～可惜好細嚿～可愛米奇老鼠做型白飯～配蘑菇汁撈飯:)食物本身唔夠熱～仲要排隊俾錢～坐低咩都凍曬…查看更多

喂喂喂，我今日真係食到寶啦！去咗間餐廳，玩味正，環境又得，咬落去份份夠晒曬喉。🍽️👀首先，個豉油王炒麵，啱啱好嘅鹹香，麵身Q彈得嚟唔會太乾，真心話話咁濃嘅豉油味，啲豬扒片又厚身，搞到我隻筷子停不了口！🤤跟住，黎嘅蛋撻，唔係輕描淡寫嘅好味，係個「柔滑得來撻皮酥脆」掂到無朋友嘅那種！我話你知，啖啖蛋香，我一啖接一啖，忍不住啦。嚟到肥牛石爐粥，啲粥滑溜溜，一啖牛一啖粥，熱辣辣嘅，舒服到暖笠笠，食完個人都精神晒。肥牛又軟又嫩，噏，真係有種「瞓身」嘅幸福感。🍲喺呢度，我完全唔使扮文青講嘢，坐低嘆好野，輕鬆又稔實嘅好滋味，港式食堂就係有呢股親切感，掂爆！要食平民華麗，就係要嚟呢度，飽住肚，滿足咗心靈。真係美味得嚟又唔洗扮乜嘢！🎉🍜🥢…查看更多

去迪士尼玩，餐廳有幾間選擇皇室宴會廳就係旋轉木馬隔離，幾容易搵，而且座位多，好快就搵到位。睇啱想食咩，就可以去排隊買嘢食，原來每一間都有得買兒童套餐，今次就買咗人蔘雞套餐同埋兒童餐。仲有唔同小食可以選擇。兒童餐有雞扒配白飯、粟米、曲奇餅、芝士蛋糕同埋一支水，小朋友見到米奇形狀嘅飯同曲奇餅都好開心，份量正常餐盤可愛，幾啱小朋友食。人生燉雞套餐除咗有人蔘雞湯之外，仲有泡菜、白飯同埋年糕，配一杯飲品。人蔘雞湯味道幾好，中間仲有糯米，雞已經炆得好腍，就咁就可以撕開嚟食。成個餐份量都幾多，好飽。總括黎講，皇室宴會廳地理位置方便，選擇雖然唔算多，但係都幾啱食，除咗得主食之外，仲有小食選擇，揀完嘢食之後埋單記得出示會員證或者餐券。係迪士尼嚟講已經算係一間性價比幾高嘅餐廳，玩到攰可以食吓嘢休息一下也不錯👍🏻。…查看更多

皇室宴會廳有分幾個區買餐，今次就去咗和風區試吓。和風區除咗兒童餐，主食基本上就係兩款拉麵餐同一款壽司餐主食外都有啲小食可加配。因為係和風區，食物都係日式嘅。套餐包汽水或檸檬茶，如果唔想飲可以加錢轉其他飲品。雞翼同蝦係炸好咗放定係取餐櫃檯等人要就夾。拉麵我見廚師喺入面煮緊，可能係即叫即整嘅。不過皇室宴會廳人流比較多，啲嘢去得好快，係唔係即叫即做效果可能都差唔多。我今次就叫咗日式吉列炸蝦 豬骨湯拉麵套餐。一如既往，皇室宴會廳啲主食取餐嗰陣時係會有個蓋。可能係保溫亦都可能係有‘宴會’ feel啲。開蓋後嘅賣相都唔錯💕原本因為擔心啲麵會煮得過軟，嚟樂園都唔太敢叫湯麵，怕佢預早太多做浸到太軟。但呢度完全冇呢個問題，啲麵軟硬適中，個湯底又唔會過咸過淡，喺樂園可以食到咁嘅質素真係喜出望外😄吉列蝦雖然唔係即做但都仲好脆，炸粉當然唔夠日式炸物專門店做得咁好，但至少唔會太厚👍🏻呢個套餐正價係$150。我有迪士尼金卡所以有82折，折後$123。都算幾抵食👍🏻至於皇室宴會廳個環境更加係冇得輸嘅。室內用餐區用走廊分兩邊，兩邊中央都有一個公主同王子跳舞嘅白色雕像，一邊係美女與野獸、一邊係灰姑娘同王子。我今次就坐咗貝兒公主嗰邊。公主像周圍都有仿蠟燭燈臺，好有feel😍而左右牆上面都有唔同迪士尼公主嘅圖畫。顯示唔同公主故事嘅唔同場景。而對住室外嘅牆身更有彩繪玻璃窗。皇室宴會廳喺迪士尼嚟講都算比較受歡迎。我11點幾去到，食完12點過啲出嚟門口已經開始人流管制，等入去條隊都幾長吓，仲不斷有人加入排隊。如果大家想去食午餐，唔想浪費時間排入餐廳嘅話，建議11點幾或之前嚟到。…查看更多

喺網上見到迪士尼推出咗餐飲券套餐，套餐加小食，只售169，我哋計落好似平過我哋平時就咁食套餐，於是我哋每人買咗一張餐飲套餐券我哋就選擇去咗皇室宴會廳，我點咗一個價值$140嘅Pizza，我覺得係味道可以同埋好食嘅，我朋友叫咗一份價值$200嘅尊貴雜扒餐，佢計過咁樣已經賺咗啦，但係佢話個牛扒比較硬身，亦都唔太多汁，有另一個朋友，叫咗一份鮑魚海鮮炒飯套餐價值$165，佢哋咁樣計落去呢已經過咗套餐嘅價錢，但係佢話啲海鮮唔太新鮮，啲蝦生感覺肉質好林但係其實都預咗樂園入邊嘅食物，最主要都係打吓卡，我哋都係呢個餐廳度逗留咗好耐打卡，影相好靚，最估唔到係依家呢度已經有啤酒飲，忍唔住都點咗兩杯小酌一下，晚上我哋將套餐嗰份小食，一人點咗一支雪條，平時呢度雪條都要40幾蚊，即係我哋又賺咗一支雪條😀😀呢度打卡環境真係好靚呀…查看更多

感恩節嚟到迪士尼樂園玩，應吓節去咗有提供烤雞套餐嘅皇室宴會廳食烤雞。皇室宴會廳有分幾個部門，每個部門各一條隊排唔同類型嘅食物，攞好哂想要嘅食物後，先一次過去收銀處俾錢。餐廳有手推車提供，要去唔同部門揀餐或者一次要攞幾個餐都好放便👍🏻今次就去咗燒烤部🔥烤雞套餐唔係感恩節特別套餐，平時都會有提供嘅。去到燒烤部排隊時，會有職員問你食咩餐，然後寫好喺張紙仔度俾你。到你排到櫃檯時，直接俾張紙仔執餐嘅職員就ok。喺人流多嘅樂園餐廳，極有效率。喺櫃檯攞食物時職員係會喺食物上加蓋以防整污糟同凍哂。服務細心👍🏻唔知佢係燒烤部嘅特色定全個皇室宴會廳都係咁。烤雞套餐(半隻) 有半隻烤雞、兩粒車厘茄、四季豆、薯條、菇燒汁及一包茄汁。烤雞肉質較一般，亦冇乜味道。雖然樂園預咗食物唔會好好味，但見佢賣相唔錯又估唔到食落會咁。好彩有個燒汁點吓冇咁dry。之於伴碟嘅車厘茄、四季豆同薯條則正常發揮。套餐飲品可以配汽水或者加錢轉果汁。果汁就喺櫃檯攞埋，汽水就喺收銀處附近先攞。今次想飲果汁，就+$18轉咗做樽裝蘋果汁。果汁係迪士尼自家出品，樽上亦有唐老鴨圖案，可愛❤️之於個朱古力蛋糕就唔係套餐嘅一部分嚟嘅。佢係願望成真基金慈善籌款義賣，幫助病童實現願望。就放喺收銀處附近個雪櫃度，要嘅可以自己攞埋俾錢。咁有意義今日又係感恩節，點可以唔買💕蛋糕基本上係黑森林蛋糕，雪花係朱古力、個星星同前面個‘Make A Wish’ 牌就係糖。整體來講比較甜，但我鍾意食甜嘢所以又ok喎。我喺晚飯時段七點左右嚟嘅，超多人喺呢個時段食飯。如果想係呢啲高峰時間嚟嘅，建議與同行親友一啲人買嘢食、一啲人去搵位先。千祈唔好諗住大家一齊排好食物先去搵位。因為就算排完兩個部門去買嘢食嗰個買完返嚟，搵位嗰個都未必搵到位😥餐廳環境實在相當唔錯👍🏻分室內同室外兩個用餐區。室內有公主雕像同畫，佈置亦好有迪士尼宮廷風格👍🏻而室外則向住旋轉木馬，夜晚相當漂亮🤩而職員收拾速度亦好快。餐廳都好乾淨衛生👍🏻美中不足嘅係攞餐個盆係普通淨色膠盆。如果可以改做有花紋設計相信會更符合餐廳風格。我有迪士尼金卡喺皇室宴會廳買主食套餐有82折。所以個烤雞套餐折後$135，而餐飲轉果汁同加蛋糕則沒有折頭，分別正價$18及$78。…查看更多

去迪士尼度玩😂跟住就同屋企人嚟呢度食嘢見到個個都叫人蔘雞湯飯，好似好好食甘。我哋都叫左一份，蔘味還好，雞嘅質地唔錯。入面仲有糯米Tim 😂不過如果湯再熱啲就會再好啲😂…查看更多

今日食評✍🏻皇室宴會廳@hk Disneyland 試食指數⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·大街西餐排長龍Plaza inn貴又唔好食Burger快餐比較單一食burger 薯條🍟大冒險家只提供semi buffet 皇室宴會廳叫做有唔同類型食物選擇我哋點咗pizza 、鮑魚炒飯、燒賣pizza ，造型可愛，但味道一般鮑魚炒飯，鮑魚吸引我，但炒飯太乾太硬燒賣大粒，夠熱，但唔係幾好味·食物質素已經冇疫情高峰時期咁好價錢又貴如果天氣冇咁熱我情願食園內小食·無論大鋪小店我哋都會盡試盡講Follow我哋bw.foodie…查看更多

今日食評✍🏻皇室宴會廳@hk Disney試食指數⭐⭐⭐⭐店舖衛生⭐⭐侍應態度⭐⭐⭐⭐((每項5⭐️為滿分)) ·想食人蔘雞湯飯好耐有年糕：泡菜做配角人蔘雞內有糯米再加一碗白飯絕對夠兩個人食我目前🤰🏻一個人可以ko 成個餐😂·無論大鋪小店我哋都會盡試盡講Follow我哋bw.foodie…查看更多

之前買左Disney Annual Pass 入園玩，不過成日都覺得入面d野唔抵食，不過仔細望，其他都okay。今次三個女仔一齊去，叫左兩個餐，竟然又岩岩好wor。人參燉雞湯套餐 ($180)呢個餐其實我已經第二次食，因為我覺得有熱湯，份量又足，燉雞超滑，入面仲有d糯米。尊貴雜扒套餐 ($195)呢個餐有好多肉，所以幾飽，有牛、雞、煙肉、香腸同炸蝦，味道正常。兩個餐都有汽水包，所以都夠晒喇。…查看更多

疫情嘅關係，去足迪士尼三年由於每次去嘅時候，咩時間依度嘅人都非常之多，所以總結左有以下攻略：以下係一家三/四口的安排，可以快啲食到飯嘅攻略，因為小朋友真係唔餓得第一，我一定揀入邊坐，舒服好多第二，同老公分開兩隊，一個照顧一個小朋友。一組去揾位。第三，另一組，首先去收銀位，跟住一位比錢嘅客人，等佢部餐車，跟住就飛去counter度買嘢食俾錢，多數就會啱啱好搵到位場內最適合小朋友食嘅係焗豬扒飯，肉丸意粉，同埋福建炒飯，平均140至$150 ，用埋金卡會員折扣優惠82折不過由於唔同counter，所以我都係主要叫焗豬扒飯同意粉。如果講好食，人蔘雞飯都幾好食。希望日式個counter快啲開返，同埋咁多年都好似冇乜轉個餐牌，希望俾多啲新意，啲長期會員。…查看更多