Video
Opening Hours
Mon - Sun
06:00 - 00:00
Above information is for reference only. Please check details with the restaurant.
因為住朗屏,所以試過去打邊爐..一到酒樓就覺得張地氈好臭,耐吾耐就有陣Up味從檯底飄上來,肯定好耐無洗地氈....不過美食亭既熱野食麵算幾多款式,不過d白菜仔成日都黃黃地...推薦:小食幾多選擇,,碗仔翅最正~(食10碗都回本啦~哈哈~) 又有飲品同雪糕任食,幾正~不過唔好旨意佢d壽包,次次食都係硬"掘掘"....但係呢個價錢真係有呢個質素都算係咁上下..仲有如果係擺酒既話,呢度算平靚正既選擇...因為d貴賓廳係乾淨過大堂好多~d菜又幾好食...
continue reading
一行三人九點後去皇城任飲任食打邊爐, 連加一都係$85 鴛鴦湯底, 有色冇味, 二個都係清水 肥牛@好肥, 多根, 不過都可以接受鮮蝦@落單二次都冇比, 同經理講, 佢入去廚房攞比我地, 蝦好新鮮鱔片, 芝士腸, 金菰, 生菜, 油墨茶, 墨魚丸, 四寶丸, 鮮雞片, 鮮蝦雲吞, 山根.....汽水有細支裝可樂同忌廉, 又有菊花茶, 酸梅湯任飲仲有超甜蕃薯糖水, 冇味紅豆沙, 雪糕以 $85 有咁多食物選擇, Yo Yo 都話抵食~
continue reading
高通脹之下為了維持營業額,酒樓常以不同噱頭舉辦聯歡晚宴作招徠,各職級員工每隔一段時間可能須包銷一定數目酒席。金融海嘯全世界的身家縮水 , 東亞擠提、毒奶事件、爛攤子一堆 。世事無常 , 還是順其自然享受每一天 , 否則經濟未漰潰 , 自己的身體已爆煲 ; 來個 聯歡舞宴扭轉局面啦 ! ... 既有吃的亦可跳舞娛樂,何樂而不為 ? 不會跳舞亦可當個看舞帝是晚皇城酒樓慶祝分店開業五週年,有 live band助慶,我們一共18人出席。每圍除汽水,啤酒,還有支紅酒,氣氛不錯,很多賓客都跳舞,迫至水洩不通!* 五福喜臨門---即乳豬皮﹑乂燒﹑海蜇﹑燻蹄﹑燒鵝拼盤。(乳豬皮不夠鬆脆,乂燒和燒鵝都好好味)*祝壽嘻哈笑---即白灼蝦(夠新鮮甜)*翡翠顯花姿---西芹炒花姿,(花姿炒得靱了些)*金磚耀華庭--- 即海鮮卷(蘸上沙拉醬吃,不油膩 ,好香口,有水準)*乾隆大展翅---魚翅(普通的)*金錢鮑有餘---冬菇﹑生菜﹑鮑片(冬菇好香,很好味,鮑片普通)*鯉躍海龍門---清蒸魚(火候掌握得剛好,沒柴皮,不錯。)其餘的都飽得吃不下了
continue reading
好耐都無寫過食評,星期日父親節,入左元朗食飯,屋企人話想打邊爐,於是決定朗屏皇城酒樓任食火窩,但我以後吾會再去.入到去見到個場好大,但檯與檯就好逼,張地氈好臭,耐吾耐就有陣Up味從檯底飄上來,肯定好耐無洗地氈,去汽水機果邊針汽水都有UP味, Ｄ白菜仔有Ｄ黑色一點點,摸落去聞下是臭的,可能係某些昆蟲的冀便,好核突∼湯底等左二十鐘先有,叫了香茜皮旦,但好似清湯香茜碎,無皮旦……我地七點半入座,一行九人,佢話係任食,咁多人一開始梗係叫多Ｄ肥牛,你地都會啦,我地TICK左三碟肥牛,點知佢黎了一碟,得三塊,我地再入單, TICK三碟,又係黎一碟,之後不斷入單,成晚都只黎得三碟肥牛,九個人,除開一人得一塊∼ 你地試過未？ 由我七點半入座開始入紙總數入左十幾張,以下最基本的打邊爐食品一直都無出現：四寶丸,雲吞,魚皮餃,墨魚丸,生魚片,龍蝦丸. 肥牛鱔片八點後沽清, 食左半粒鐘,食極來來去去都係果幾款：豬皮豬紅勝瓜娃娃菜豆腐水魷車仔餸,問侍應佢話無出Ｄ食物一係就賣晒一係就叫我地再入紙,但紙越入多食品就越出越少,邊有任食場咁CHEAP,仲要一百蚊一位,完全吾值囉！諗住食熟食,得番古嚕肉一款,碗仔翅無晒,其他都吾知係乜,因為係吉既,又吾REFILL, 都吾知食乜好最好食係雪糕,咁就慘啦,我地來打邊爐嘛,吾係來食雪糕喎！！！以為我吾會再幫襯呢間酒樓！！！！！
continue reading
皇城是間好近的酒樓，我一直都未光顧過。由於媽咪近期多番熱烈推介這裡的海鮮伊麵扎，終於臨去江西之前去了與她飲茶，同行還有龍。一般的酒樓一般的服務，點心及食物點評如下： 酥炸海鮮卷-返炸的卷，看到其實不太想吃，俾面媽咪都夾了一舊，又發現味道不差，起碼皮有韌度，餡中又有不少生果中和油膩感。 節瓜札-由於是新點心，媽咪點的；全名忘記，總之有件我頗討厭的節瓜，味道是一致公認的不討好。 海鮮伊麵扎x2-都說是強烈推介，媽咪堅持點了兩籠三個人吃。其實這本是普通的海鮮扎，最大的特點是加入了伊麵；因為伊麵頗索味，所以吃來味道不俗。當然，若你好像龍一樣不喜歡吃伊麵，你會認為這比一般海鮮札還不如，尤其當中的魷魚其實幾韌。 沙薑雞．上湯生麵-其實的點心價錢我不清楚，但這味我知道只售$38，因為媽咪一直在讚好抵好抵。的確，很大的一兜麵，味道不俗，加上半隻沙薑雞，足夠餵飽四個人。不想浪費，是日我們三個人好努力才清掉雞件，生麵就真的不好意思，剩了一半有多... 蓮蓉包-包與蓮蓉都是水準以下，不建議試。 味道不如預期中好，不過埋單$126，是幾平幾抵食的一間酒樓。好了，起行出發去江西囉!
continue reading