皇冠美食

只係經過諗住買魚蛋燒賣，其實我已經講左三次「要勁辣魚蛋加燒賣」。可能我講得細聲佢聽唔到啦，到最後八達通比錢嗰時淨係見到收咗魚蛋嘅錢。已經即時再講「唔該我要埋燒賣」，女店員即時黑晒面好惡咁同我講「啱啱問你咁耐你唔講？」可能佢講得細聲我又聽唔到佢問我嘢啦🙂其實只係再落張單啫，後面又冇人排隊，佢又冇嘢做緊，個人仲企喺個收銀機前面，有冇必要咁樣嘅語氣同態度同人講嘢諗住開開心心買個小食食都要受氣其實行兩步街市入邊都有魚蛋燒賣，下次點都唔會再幫襯，費事又有啲咁唔愉快嘅體驗啦🙂…Read More

這裏的店員服務態度親切！！！！叔叔們好nice的！成日路過都會買燒賣魚蛋食！燒賣煙靭！煎釀三寶魚肉大！！！！好食如果你長發食燒賣一定食呢間！！！呢啲港式小食，真係食幾多次都唔會厭！…Read More

經常漏單買4串豬4串雞軟骨，買了20塊三寶，然後買了四串炸大腸，然後漏了三串雞軟骨，2串大腸，女店員服務態度極差，而且不是一次兩次，每次買多一點東西就會漏單，或者讓我們等15分鍾，去其他地方的時候。我們沒檢查的時候就漏單了…Read More

🤴🏻話長發食腸粉呢間必推薦，又抵又好食😋😋～～～腸粉～～～$10就有5條腸粉，真係好抵！溝落嘅醬都係甜醬、辣醬、麻醬，一般香港人都會落嘅醬！‘皇冠美食’呢間啲醬會濃味少少🤏🏻，腸粉食落好有腸粉味，同埋都幾厚，實的的，唔會好易散😍😍～～～燒賣～～～$10有8粒，價錢都已經好平，出面某D見過$10得5粒😶😶燒賣係魚🐟肉燒賣，魚🐟味都幾香，肉質就麻麻地，正正常常啦😊😊但係同腸粉醬溝埋一齊就會被蓋過魚味，有D可惜😚😚…Read More

今次係第二次食呢間 態度真係奇差一行到門口，見到佢寫「如需要購買請呼叫店員」見到兩位職員都做緊嘢，但收銀同拎嘢食嘅位置都有段距離，驚佢見唔我，所以行咗過整嘢食果邊，細聲禮貌地同職員講咗聲：「唔該」😊😊點知其中一位職員大聲喝罵：「等等啦好唔好啊小姐！」(西曬面) 唔係普通嘅大聲，係直頭喝罵，全條街都聽到果隻其實我都只係話聲俾職員知，呢邊有人等，等佢知道，從來無催佢或鬧嘅態度，但換黎……唔想貼錢買難受所以最後無買到第一次食果陣都無咁差，果次食炸大腸，因為得佢一間係呢個位有雖然得佢一間有，但呢個態度真係冇第二次…Read More

其實都食開呢間 ，我覺得比起街市既好味，對我黎講就足夠了，只要買食開果d... 基本上，佢開業時d員工好好，好有禮貌，令人買得開心。。。。但由佢開業到今日，我覺得佢地個態度差左好多。好掛住以前果位好好既大叔呀！話說，尋日買左三寶x2 加炸大腸x2.做晚餐.. 一共44元，佢炸既時候，都唔知點解又問我買左乜，我明明買左飛，跟飛出咪得lor... 點解仲要問呢？不過都唔係第一次，所以都照答左，冇理佢，雖然今次特別在於佢未問之前淨係俾左炸大腸我。。要我remind佢先有番三寶。。。買完都冇特別檢查，點知番到去。。少左一串炸大腸，我即刻影番相，今日一放工就去同尋日個姐姐講番，點知佢一副拒絕既態度，而且話我有乜可能記得。。。咁緊係唔記得啦，先唔講佢多客，根本由頭到尾就冇知覺我買左乜，又俾左乜我。。。仲要完全好似係我無理取鬧，唔想理我。。這是正確態度嗎？於是我講番係佢同另一個staff 幫我處理的，而且張單我個要求係乜，佢都冇理我，過左一陣，我就問佢係咪覺得我會為左果12蚊講左話？ 其實佢如果好態度少少同我處理，我都未係好嬲，又未必真係要番串食物，但佢個態度擺明係覺得自己冇可能做錯野。。仲要句句有骨。。當我講完果句，佢隔離唔關事既員工就話俾串食物我。。。真心，我真係仲好嬲，感覺上佢地依然唔覺得自己有錯。。。真心恭喜佢。。少左我呢個咁麻煩既客。。我相信佢地既態度問題唔係淨係發生在我身上，因為我之前就見識過。。。旁人的事。。在此，奉勸各位，如果買了果到既食物，緊記點都check下佢pack左乜俾自己！而我就決定放棄呢間店了。。。祝大家 好運！…Read More

本人放工回家，路經此店買了一碗魚肉湯做宵夜，返到家打開發現得半碗！用湯匙攪拌一下，啲魚肉係湯入面極大空間可自由𣈱泳個種。有無攪錯呀！此份量衰過比幾歲的小朋友食，而且咸得誇張！！！22元買此食品完全感到被欺騙好心你地啦！一開張個時係威係勢，個時仲幾好食，份量唔叫多，但都正常囉。依家質數越來越差，啲燒賣又唔熱，咖哩角又炸到乾曬。如果咁落去，不如你地 （皇冠難食）比返個位岀黎，比其他有心人做好過啦。我都想有好嘢食㗎，唔該曬！！…Read More

一碗生菜魚肉足以令一位顧客以後不會再光顧。價錢：這食店位於地面車站美食廣場，可能因為位置便利，所以價錢比地下美食廣場貴。生菜魚肉些此食店賣$22，而地下美食廣場食肆則買$20。 我覺得貴一兩蚊，如果係好食既，真心不介意俾多，但重點係食物質素太差，份量少得過份。質素方面：職員係魚肉湯個煲到，不斷用個筲箕搵魚肉，但睇住佢撈了起碼七八次，都撈不到啲乜，幾次只有幾小片魚肉碎（如圖）。回到家一食，肉質係又「林」又「梅」。份量方面：職員撈了好耐都撈五到啲咩，連半盒都五夠，就索性直接用湯浸滿個盒。回家我把湯分開，結果係足足有大碗湯（如圖），魚肉加生菜只佔發泡膠碗既1/3（如圖），而且魚肉當中佔了一半係手指甲大小的魚肉碎。 真心係覺得點解一間食肆可以咁無誠意咁差。或者有人問點解我不當場同職員開聲理論，換過一碗？我的確係抱住一個旁觀既心態，我就想睇下如果顧客五出聲，你地這間食肆可以差到一個什麼地步。我覺得一間正常既食肆係五需要顧客開聲，就可以提供一個正常既品質服務。…Read More