Buono Nuobo (Closed)

有日經過呢間係APM已久既百瀧諗起係喎又未食過本身已經食左正餐諗住去食下甜品，點知冇咩啱心水最尾又食左個set lunch……:^000000000000三文魚沙律三文魚只有一片，不過感覺還balance因為整杯沙律真係一口size，太多反會膩三文魚偏乾身，油膩感不重蔬菜部分清新爽脆，解膩及打底之選，可惜真係份量太過少:^(白汁豬頸肉燉飯豬頸肉份量都多，肉味濃郁，感覺彈牙有嚼勁白汁香氣味道剛好，不會過濃以致油膩，裹到飯粒但唔會浸哂咁加上有不少蔬菜粒，食既時候唔會覺得太膩太黏，不時有點清新感飯粒未至稔爛，仲係有粉既感覺，同埋微硬有質感:^)整體份量幾多，食完真係會有點飽感綠茶香蕉奶昔綠茶味甘香幾重，又唔會有苦澀味道香蕉好香甜，清新不膩，配上綠茶幾搭配飲品份量都偏多既，飲完都完飽了xdddd（當然我第二餐就另作別論…Read More

觀塘的百瀧，係AEON 超巿隔離。環境，是不錯的，算靜吧！中午有好多Set 可以揀。一般來說，就有齊日式Set 如壽司套餐、烏冬麵食等等。西式Set 方面，就有扒類、意粉等等！這天，Staice 就叫了個西式的套餐！叫了個套餐，餐湯很有趣！是「南瓜 cuppacinno」。套餐附有餐包，而這個餐湯，相信是因為表層有泡，就叫作cuppacinno。等我還以為真的有咖啡在內！湯不算十分濃，但也是有南瓜味的。細細的一杯，不會太大杯，細食的女孩子就幾啱。主食方面，叫了個豬仔脾龍脷意粉。起初，以為是燒得脆脆的豬仔脾。上菜時，有點失望！><而豬仔脾整到個樣好似羊架咁，我還以為上錯了菜！汁，無什麼驚喜，偏凍了一點。而豬仔脾嘛，有點兒氈味，我是麻麻地的。基本上，食了一隻就無再食了！反而，龍脷柳還不錯。不會很乾、不會鞋。而且，還軟軟滑滑的！意粉，不要以為乾乾硬硬的。其實只要個汁好，這個意粉也會變得十分美味。喜歡這裡的意粉，在控制軟硬度方面做得不錯。不會過淋、也不會過硬。是爽口彈牙的意粉。 …Read More

喺APM睇戲，睇完都係6點鬆D，都係早點搵野食，費時要同人迫呀唔想食得太飽，就去地庫食PIZZA啦兩個人叫唔到太多野 炸釀蘑菇~~~菇菇好多汁好味，而且又唔太油 香辣雞肉材扁意粉~~~味道都唔錯喎，意粉的軟硬都好適中 黑松露菇菇PIZZA~~~個餅底做得不錯，夠薄又夠脆，餡料味道好好，而且好多芝士GOOD…Read More

又來到電影星期五既時間，今次唔係打邊爐，而係到百佳咖啡同集團既百瀧日式西餐廳晚飯。揀喺呢度開餐，一來係臨急臨忙唔係咁易訂位，二來喺公司嗰邊食開覺得OK，三來係因為小妹有會員卡，85折感覺好抵呀。所以就決定睇戲前喺呢樹醫肚！ 翻開餐牌，嘩！見倒個芝士凍肉拼盤鬼咁豐富，即刻流哂口水，繼而見倒好多甜品好想食呀！(冇錯，我一翻就由第一頁翻到最後既甜品…)本來想找我一心嚟呢度食既四色芝士薄餅，但前後揭左N次都揾唔倒。問店員時佢話冇左了，有點失望。退而求其次點了巴馬火腿薄餅，另外再點凱撒沙律﹑肉醬焗薯角﹑意大利雲吞配黑松露汁，重點想叫既芝士凍肉拼盤… 又售罄…咁唯有食另一個小食拼盤啦！睇甜品時見倒以macaroon伴吃既朱古力熱飲，抵不住macaroon既誘惑，點了一杯抹茶朱古力。由於其中一位朋友未到，我地點住咁多先，食住等！先嚟既係沙律同我既熱飲。沙律菜尚算新鮮，但汁好像唔夠，味道可以啦！至於我杯熱飲，其實只係喺朱古力面上加抹茶粉，同我諗既唔同，我以為好似 Maccha Latte咁變左融為一體既 Maccha Chocolate，反而macaroon做得唔錯，食唔出係 raspberry定草莓味，但酸酸的可中和杏仁蛋白餅既甜及朱古力既膩，唔錯。跟住巴馬火腿薄餅﹑意大利雲吞配黑松露汁及小食拼盤都來了。巴馬火腿薄餅味道中規中舉。意大利雲吞調味唔錯，略嫌黑松露汁太稀，假如佢煮番濃稠如卡邦尼汁嗰種相信食味會更佳。至於小食拼盤，一睇就知廚房hea住做… 個薯角同炸釀豬肉蘑菇炸到over哂，猶幸炸一口芝士及Nacho還可以。差點忘了肉醬焗薯角，肉醬汁調得好味，同薯角(其實都似粗薯條)好夾。食到咁上下朋友終於嚟了！於是我地再加點香草辣腸雞肉扁意粉同蒜蓉薄餅伴肉醬。發現其實百瀧好鬼鐘意肉醬，無論肉醬焗薯條﹑小食拼盤內點Nacho既肉醬，加點既蒜蓉薄餅，even意大利雲吞面頭都有肉醬點精，一係廚師係肉醬控，一係佢創意有限，腦袋只有肉醬。不過佢既肉醬又真係幾好味既。未幾後加既食物都嚟了，蒜蓉薄餅充滿蒜香，淨食或點肉醬都好味。香草辣肉腸雞肉扁意粉都嚟了，扁意粉好幼，差一點以為來錯了天使麵。香草加橄欖油炒既意粉好香，意粉質感剛剛好，這個好味！去到 Last Order了，當然要點甜品作結啦！我地4人共點了3客雪糕新地，分別係沖繩黑糖﹑焦糖甘薯同(冧酒)提子香蕉。三杯賣相都唔錯，不過可能太飽，已冇所謂好味唔好味了！要我揀既話，我覺得甘薯那款最好吃。下次如果有機會，我會留肚試其他甜品呢！其實百瀧價錢確實比百佳貴一點，不過有會員卡，埋單每人約HK$150，食物質素OK，服務都唔錯(其中一位妹妹笑容可掬)！所以喺aPM諗唔倒食乜或訂唔倒枱，都值得嚟呢度開餐既！…Read More

觀塘apm 有很多食肆， 很多都是連鎖店。 如想要找一間菜式種類豐富， 味道清淡些，價格合理，百瀧是一個不錯的選擇。 打開餐牌， 你會感到很開心，圖文並茂， 而且有很多選擇。 喜歡吃沙律， 意粉的一定會很開心。點了兩個迷你的沙律， 份量是在太小， 最後還是叫了一個傳統的沙律才感到滿足。 意粉是值得一讚的， 色香味俱全， 而且份量也不少。 這次點了一個創意肉醬意粉， 原來肉醬意粉可以煮得這麼好吃。簡單的食物， 加上用心和創意，寧舍不同。 除了西式的意粉，薄餅， 還有很多壽司可以選擇， 叫了味道比較清新的加州卷， 味道調得不錯， 夏天吃特別開胃。 餐廳提供食物很豐富， 選擇特別多。 只是座位比較窄，人與人的距離也比較近， 一次不能叫很多。 總體來說， 百瀧算是一間物美價廉的餐廳。…Read More